ليش الفلسطيني وين ما يروح ماكل ؟؟
من وين نبدا ؟
خلينا نبدا من الضفة :
إذا جندي عصب (زعل) عالمحسوم ؛ إما بسكرو يومين زمان أو بطخلو كم فلسطيني ! " عادي بدو يفش خلقو الزلمة! "
وبالضفة گمان :
إذا مستوطن زعل من أهلو ؛ بروح بدهسلو گم فلسطيني ! " بلاش يكتم بقلبو وتصير عندو عقدة! "
نروح لغزة :
إذا نتانياهو إختلف بالرأي مع باراك أو ليفني بيروح يقصف غزة ! " يعني يزعل الجماعة؟ !"
بنبقى بغزة :
الدعاية الإنتخابية ما بتنفع عند هالكلاب إلا بقصف غزة ! " والا ؟ كيف بدو يقنع المجتمع؟ "
نروح لمصر :
إذا صارت مشكلة بسيناء أو بالعريش أو حتى بالقاهرة ؛ المهزومين بيحكولك : من الغزاوية ! " ماهو معبر رفح منفذ مصر الوحيد للعالم كلو
والغزاوية صارلهم 5سنين مسكرينو !"
ونروح لسوريا :
إذا تزاعل بشار مع أنيسة أو أسماء بيروح عمخيم اليرموك -في فلسطينيين هناك - بيروح بيرميلو گم قذيفة عليهم ! " كلو إلا زعل أسماء وأنيسة "
نلف ع لبنان :
نهر البارد بيسلم عليكوا...!
نروح ع العراق :
بيتناسوا كل الخلافات الطائفية ولا زالوا مصرين إنو الفلسطينيين هم الي بفخخوا سيارات ! " ما هم مشهورين بالمشاطيب و المسروقات ! "
ع وين نروح ؟ نروح عالأردن ؟ والا ع الخليج والا ع وين ؟؟
مع العلم إنو الشعب الفلسطيني من أغنى الشعوب العربية : الرواتب كل أسبوع زمان
والكهرباء طووول الوقت جاية
والأسعار ... ييييي ولا تسأل :جرة الغاز بعشرة شيكل والبنزين نص شيكل اللتر والخبز ببلاش لدرجة إنو الشعب زعل من فياض ليش نزل راتب سنة گاملة لكل موظف گمكافأة! وين بدو يروح بكل هالمصاري ؟ البنوك (فايضة) !!
أخيرا:
عزيزتي (مدرسة الدول العربية) أتقدم إليكم بطلب نقل الطالبة اليتيمة فلسطين إلى القطب الشمالي أو الجنوبي لإنو جوار البطاريق أفضل مليون مرة من هالجوار!
وشكرا
قطعتلي قلبي والله
.gif "أتركوووني :Albilsan (119):")
.gif "مو أنــــا :Albilsan (155):")
