كرشك تحت المجهر

[STELLA]

يا عيني يلا ناطرين أحلا أميرة

 

[mr_ops]

يلا يا اميرة النجمات .. كلللللللللنا عم نستناااااااااااكي


اميييييييييييييييرة النجمااااااااااااااااااااااااااات

 

[اميرةالنجمات]

واااااااو يلا يلا عم نستنى كرش اميره النجمااات

شو مشان
وليه سوسو انا بفرجيكِ

 

[mr_ops]

شو مشان
وليه سوسو انا بفرجيكِ

شبها سوسو

عم تشجعك وتشجع كرووووشك اميرة النجمات

 

[اميرةالنجمات]

(1) كم وجبه بتآكل بـ اليوم ؟

تلاتة وأغلب الأوئات تنتين

(2) شو وجبتك المفضله يلي مابتقدر تستغني عنها ؟
كلو نعمة الله يديمها بس بعشق الجبنة بكل أنواعها

(3) أنت من النـاس يلي بيتكدرون وبينتزع مرائهن إذا جاعوا ؟الله يستر وبيطلع خلئك
اتكدر انا كتير حبابة
وبصير كتير بريئة متل الزغار اذا جوعانة


(4) أول مآ بتدخل سوبر مآركت انو قسـم تشوف بطنك بيوديك لعندو بدون شعور ؟
العصيروالشكولاتات

(5) هلاء هالمقولة بسمع مرة عمي كتير بتئولا \
ياترى صح ولا هئة
[ الطريق الى قلب الرجل معدته ] !
ممممممم بجوز
هو الازواج عموما بحبو التنويع بالاكل
بس مو انو سبب للمحبة
في شغلات تانية بتجلب المحبة



(6) شو رأيك في الحكي

[ إذا بدك زوجة ترضى عليك وديهآ ع المطعم ] !
مو صحيحة ....

(7) إذآ فتتت ع البيت و أنت جوعااااان شي مره ومالقيت اكل جاهز شو ردة فعلك ؟

والله ياعمري بلف سندويشة او بحضر شي اكلة
او باكل ئطعة فاكهة او شكولاتاية

(8) شو الأفضل عندك تاكل بالبيت أو تاكل بشي مطعم ؟!
البيت بس اوئات بحب التغيير

(9) بتحب تاكل لـ حالك أو تاكل مع جماعه وليش ؟؟

بحب آكل مع جماعة

لكن لما بحب آكل بهدوء باكل لحالي

(10) إذآ كنت من النآس يلي بيحبون كبسه أي نوع من الكبسه بتحب ؟!
المندي

(11) لو كنت معزوم /ة شو بتحب/ي
تكون العزيمه نوع واحد او اتنين والا بوفيه يعني كذا صنف وعدة انواع ؟
مابتفرق المهم العالم يلي رح آكل معهن

(12) أنت من الناس يلي بتحب تاكل بين الوجبات ؟! إذا كانت إجابتك نعم شو بتحب/ي تاكل/ي؟؟؟

[ شوكلاتات وَ الا شيبسات والا فواكه ...........
الشكولاتات

(13) إذا كانت شهيتك مسدوده عن الأكل مين بتختار من الأعضآء ياكل معك كرمال تجيك الئابلية و تنفتح شهيتك !!


مارح ئول مين








كلكن خير وبركة


بس
بظن عكيد البيلسان وانت مستر اوبس بحسن انو بتخلو الواحد تنفتح ئابليتو ع الاكل

(14) شو الطبخه يلي بتبخطها و وعبالك تعزمنا عليها ؟؟!!


يلي بدكن عدا الئشة ومشتقاتها مابعرف


(15) بتعتبر حالك سنفور/ة اكول/ة
والله لما بكون جوعانة كتير ممكن اتحول لسنفورة اكولة
لكن غالبا ماكتير برغب الأكل لانو اذا مجرد شم الاكل بسمن
وبتنبئ كوساية من هون وبيتنجاناية من هون

مارح ارشح لــــــ شوف عجبتكــم فكــرتو ولاهئة

الموضوع كتير حلو
شكرا الك ئلبي سوسن و شكرا الك همام

وهي حطينا كروشنا دور كروش

 

[mr_ops]

(13) إذا كانت شهيتك مسدوده عن الأكل مين بتختار من الأعضآء ياكل معك كرمال تجيك الئابلية و تنفتح شهيتك !!

مارح ئول مين

كلكن خير وبركة
بس
بظن عكيد البيلسان وانت مستر اوبس بحسن انو بتخلو الواحد تنفتح ئابليتو ع الاكل

انه

معناتها خلص معزومة على احلى غدا انتي وسوسو والي بدك ياه اميرة النجمات

 

[mr_ops]

وهلء بعد ما شفنا كرش اميرة النجمات .. قصدي رد اميرة النجمات ..

بنتشكرها كتييييييير على ردها الحلو ويلي بتخلي الواحد يشتهي الاكل من على الصبح ​

 

[mr_ops]

والآن .. سـ نستضيف ستييييييييلا

تفضلي يا ستيييلا .. حطيلنا كرشك تحت المجهر ​

 

[soso moon]

ييييي اموره مرسي ع مرورك واحلا كروش
يعطيك العافيه مستر ابس

يلا عم نستنى ستيلا

 

[ĻàĎỷ iЙ ŖẼD]

ناطرين ستولتي وانا ايمت بدي انحط تحت المجهر
​

 

[soso moon]

بعدها ولا يهمك نيروو

 

[ḾǑŏǑŏǓĐỸ]

اول مرة بشوف هالموضوع نهفة كرشي معبة هلئ
​

 

[STELLA]

(1) كم وجبه بتآكل بـ اليوم ؟
مشكل على حسب ايام ولا وجبة و ايام وحدة وايام تنين


(2) شو وجبتك المفضله يلي مابتقدر تستغني عنها ؟
اي وجبة طيبة ولزيزة بحب الشاورما كتير

(3) أنت من النـاس يلي بيتكدرون وبينتزع مرائهن إذا جاعوا ؟الله يستر وبيطلع خلئك
لا ما بتكدر بس جوع بقوم بعمل اكل خاصة اذا كنت رايقة ببلش بالاختراعات الطبخية

(4) أول مآ بتدخل سوبر مآركت انو قسـم تشوف بطنك بيوديك لعندو بدون شعور ؟
قسم الشيبسات و الشوكولا

(5) هلاء هالمقولة بسمع مرة عمي كتير بتئولا \
ياترى صح ولا هئة
[ الطريق الى قلب الرجل معدته ] !
والله الطريق لقلب أي إنسان مو بس الرجل ما في حدا ما بينبسط باللقمة الطيبة

(6) شو رأيك في الحكي

[ إذا بدك زوجة ترضى عليك وديهآ ع المطعم ] !
حكي و ع فكرة أنا أول مرة بسمع فيها

(7) إذآ فتتت ع البيت و أنت جوعااااان شي مره ومالقيت اكل جاهز شو ردة فعلك ؟

بعمل اكل و باكل مافي غير هالحل

(8) شو الأفضل عندك تاكل بالبيت أو تاكل بشي مطعم ؟!
التنين بحب اكل البيت و بحب اكل المطاعم

(9) بتحب تاكل لـ حالك أو تاكل مع جماعه وليش ؟؟

بحب الجمعه و قليل حتى اكل لحالي
بس ايام بحب الهدوء

(10) إذآ كنت من النآس يلي بيحبون كبسه أي نوع من الكبسه بتحب ؟!
اممم الكبسة تبع اختي عم امزح كل انواع الكبسة بشكل عام باكلها

(11) لو كنت معزوم /ة شو بتحب/ي
تكون العزيمه نوع واحد او اتنين والا بوفيه يعني كذا صنف وعدة انواع ؟
المهم الأشخاص الي معاهم وكون مبسوطة لو انعزمت على حجر باكلو

(12) أنت من الناس يلي بتحب تاكل بين الوجبات ؟! إذا كانت إجابتك نعم شو بتحب/ي تاكل/ي؟؟؟
نعم و بقوة كتير بحب النقرشة
باكل شيبس اكتر شي و احيانا شوكولا و نادرا فواكة



[ شوكلاتات وَ الا شيبسات والا فواكه ...........

(13) إذا كانت شهيتك مسدوده عن الأكل مين بتختار من الأعضآء ياكل معك كرمال تجيك الئابلية و تنفتح شهيتك !!
دموع الورد و فاربيلا وجمانة و فطوم و الكل والله خير و بركة

(14) شو الطبخه يلي بتبخطها و وعبالك تعزمنا عليها ؟؟!!
كل الطبخات الي بعرف اعملون

(15) بتعتبر حالك سنفور/ة اكول/ة
وقت الجوع اكولة ونص بس بدون جوع نص اكولة


شكرا همام ع الاستضافة اللطيفة

 

[mr_ops]

يا هلا ستيلا ..

نورتينا بكرشك ​

 

[mr_ops]

وهلء ...

بنستضيييييييييييييييييييييييييف كرش نيرمين ​

 

[ĻàĎỷ iЙ ŖẼD]

وهلء ...

بنستضيييييييييييييييييييييييييف كرش نيرمين ​

كرشي خخارج التغطيه حاليا​

 

[ĻàĎỷ iЙ ŖẼD]

وهلء ...

بنستضيييييييييييييييييييييييييف كرش نيرمين ​

كرشي خخارج التغطيه حاليا​

 

[ĻàĎỷ iЙ ŖẼD]

نبــــدأ بالاسئلـــه

الله يسترا ئولو الله يا رجال

(1) كم وجبه بتآكل بـ اليوم ؟

وجبه وحده بس باكل بين الوجبات بما اني اشتغل وبحرئ

(2) شو وجبتك المفضله يلي مابتقدر تستغني عنها ؟

الوجبات السريعه خصوصا دجاج سنتافيه الحار من مكدونالدز
والشاورما

(3) أنت من النـاس يلي بيتكدرون وبينتزع مرائهن إذا جاعوا ؟الله يستر

وبيطلع خلئك

اي كتير بروح نام مشان ما اتخانئ مع حدا لانوع عنجد بنئهر وئت بكون عم بشتغل من الصبح
وبرجع عالبيت بعد تمن ساعات ما بلائي لئمه هيك متل ييلي صار فيني مبارح

(4) أول مآ بتدخل سوبر مآركت انو قسـم تشوف بطنك بيوديك لعندو بدون شعور ؟

الجلاتين والشغلات الحامضه والحامض حلو

(5) هلاء هالمقولة بسمع مرة عمي كتير بتئولا \
ياترى صح ولا هئة

[ الطريق الى قلب الرجل معدته ] !

100% انا بشهد على هالشي

(6) شو رأيك في الحكي

[ إذا بدك زوجة ترضى عليك وديهآ ع المطعم ]

!

فيا وجهة نظر

(7) إذآ فتتت ع البيت و أنت جوعااااان شي مره ومالقيت اكل جاهز شو ردة فعلك ؟

بعصب وبنزعج على اهلي وبروح بنام

(8) شو الأفضل عندك تاكل بالبيت أو تاكل بشي مطعم ؟!

بحب هاد وبحب هاد يعني كل واحد حسب ما مشتهيه معدتي

(9) بتحب تاكل لـ حالك أو تاكل مع جماعه وليش ؟؟

ما بحب اكل لحالي بحس اللئمه بغص فيا كل دئيئه


(10) إذآ كنت من النآس يلي بيحبون كبسه أي نوع من الكبسه بتحب ؟!

كبسه رز شعبي الابيض مع دجاج عالفحم مظبي

وما في اطيب من كبسه مطعم الرومانسيه لا مجال للمقاومه

(11) لو كنت معزوم /ة شو بتحب/ي
تكون العزيمه نوع واحد او اتنين والا بوفيه يعني كذا صنف وعدة انواع ؟

بوفيه لانو اوقات وئت بيعزمك الشخص على شي محدد بتكون ما بتحبو وبتنحرج منو وتظطر تاكل
اما البوفيه بتلائي فيه لي بتحبو ولي ما بتحبوه لانو مشكل

(12) أنت من الناس يلي بتحب تاكل بين الوجبات ؟! إذا كانت إجابتك نعم شو بتحب/ي تاكل/ي؟؟؟

[ شوكلاتات وَ الا شيبسات والا فواكه .....

......

شوكلاتات وشيبسات وفواكه الكل ما بيسلم شي من تمي

(13) إذا كانت شهيتك مسدوده عن الأكل مين بتختار من الأعضآء ياكل معك كرمال تجيك الئابلية و تنفتح شهيتك !!

بالمرصاد

(14) شو الطبخه يلي بتبخطها و وعبالك تعزمنا عليها ؟؟!!

شاكريه وكبه باللبن

(15) بتعتبر حالك سنفور/ة اكول/ة

هيك شي



واخيرا طلعت كرشتي من تحت المجهر شفت شو بين معك

​

 

[mr_ops]

واخيرا طلعت كرشتي من تحت المجهر شفت شو بين معك​

شفنا كرشك تحت المجهر وتبين انك سنفورة اكولة

بسم الله وما شاء الله .. اللهم زيد وبارك

شكرا كتير نيرمين على تلبيتك الدعوة ..

 

[mr_ops]

وهلء بنستضيف محمود معنا مشان نشوف كرشه قديش حجمه