كنافة على طريئتي

[sweet-lolo]

كنافة بالموووز



امبارح عملتلكن كنافة شي بشهي يعني عملنا 3 صواني وكلن خلصوو
الشي الطيب عنا ما بيبئا لتاني يوم

وعملت الشكل رومانس كمان جخواا

المقادير :

عجينة كنافة
وموز
زبدة
صفار الزعفران للتلوين

قطر (طبعا مافي حدا مابيعرف كيف يعمل قطر)

الطريقة :

في طريقتين

الطريقة الاولى:

مندهن الصينية بالزبدة (يفضل صينية بايريكس)
أو بشوية زيت ومنرش رشة بسيطة من صفار الزعفران للتلوين
بس لاتكترو منه لان اله طعم مالح
ومنمد عجينة الكنافة بأسفل الصينيية ومنحط فوقها حلقات الموز
ومنرجع منغطي الموز بعجينة الكنافة ومنحط الزبدة فوقها

مندخلها الفرن لمدة نص ساعة أو حسب فرن البيت عندكم
يعني لبين ما يشقر سفل الكنافة شقار خفيف جدا

ويا اما منحط القطر بارد على كنافة سخنة
او العكس منحط قطر ساخن على الكنافة بعد ماتبرد

الطريقة التانية

منجيب عجينة الكنافة طبعا العجينة يلي شئفة وحدة
مو المفروطة ومنلفها على الموزة
طبعا بدون تلوين هاي الباقي متل الكنافة السابقة

وصحتين وهنا

ان شاءالله تعجبكن


​

 

["أيهم"]

الله يا لولو شو هالمنظر يللي بيشهي ، الله يسلم هالإيدين ويعطيكي العافية

الظاهر رح نواجه منافسة شديدة بقسم الطبخ لأنو أنا كمان بعجبك بهالشي



وعلى فكرة الكنافة من الحلويات المفضلة عندي


في انتظار المزيد من التألق إن شاء الله

تقبلي مني كل التحية
أخوكِ أيهم
​

 

[sweet-lolo]

يعافي ألووبك أيهوووم
أن يلا ورجينا شي من عمايل دياتك

و قصدك شاطر بالاكل بس

نورت صحن الكنافة وزتده حلاوة بوجودك
​

 

[أمورة سوريا]

منظرها بجنننننن

ريحتها وصلت لعندي

يسلم هالايدين يا ئلبي

​

 

[عكــ البيلسان ــيد]

يااااااااااااالطيف ان عنجد هاد اختراع
والاختراع الاحلى الشموع وطريقة التقديم
ااايه ريتو يسلمووون يامون
وصحة وهنا للي اكل وماطعمانا

 

[sweet-lolo]

أن الله يسلمك حبيبتي تفضلوااا أمانة
زورونا وبطعميكن من شغل دياتي

صحة وهنا على الوبك عبودة
بس أن يعني ازا عم تشتهو
على الفاضي بطلت حط شي
ان زعلت عليكن انا هاا

ان بس عم حطلكن طريئة سهلة
مشان الشباب والصبايا يئدرو يعملوها

تفضل عبد لضيفك
بس قلي كلمة عشت
​

 

[اميرةالنجمات]

يسلملي الرومانسي بالتقديم

شو هاد بتشهي ربي يسلمون

 

[sweet-lolo]

ان تسلمولي يا حبيباتي
خجلتوني
​

 

[ČốηťĕṨṩก]

يا عيني عليكي لوليتي


المنظر لحالو شغلللللللة


يسلملي الرومانسي اللي بيعرف يتفنن

صحة و هنا يا رب​

 

[sweet-lolo]

على البوك خوخايتي اللزيزة
تسلميلي شو زووء

 

[عماد الساهر]

شو مشان صبيلي شوي


مافي مجال بدي افتح مطعم و شاركك

 

[جمال الروحـ]

لك شوو هااد لك للوووشة
انوو صحتين ع قلبك وقلب يلي اكل ~
بس اشتهيت منظر بشهي لكن طعموو كيف

 

[sweet-lolo]

صحتين على قلبك
تسلم جمال الروح كلك زوء

 

[ḾǑŏǑŏǓĐỸ]

ولي عقلبي باين عليها شي زاكي

 

[► Mr.Rami ◄]

يمي يمي

شو مشان ست بيت ميرسي كأني أكلت

 

[sweet-lolo]

اي صحتين وهنا على قلوبك
تفضل لندوأك رامي امانة هاا
​

 

[الورد الجوري]

يممممممممممممممممممممممممممممممممممممممممم شطت ريالتي يا حلوة
يسلمو والله شكلهن بيجنن واكيد الكعمة بتجنن

 

[sweet-lolo]

اي الله يلمك حياتي
نورتي الكنافة يا كنافة