لماذا ؟ هو نعم وهي لا ؟؟؟؟؟؟؟

[The Hero]

أغلب الشباب والواقع العربي
لما يحب ...

هو : مافي روحة ومافي تعملي وخلص ممنوع أنا شو قلت
هي : أمرك

هو : يعني ماكان فيكي تستني شوي يعني بدك تعملي يلي براسك تاني مرة لاتعملي هيك
هي : أمرك

هو : شو وين أنت ؟؟ هي : مع رفقاتي . هو : مين سمحلك تطلعي من البيت من دون ماتخبريني $@!$#@!$#@!$#%$!
هي : أمرك






وين الغلط ... ؟؟؟

​

 

[Faby]

وانت منهن ولا لاء
مشان ما يروحو الاحترامات عالفاضي

 

[ḾǑŏǑŏǓĐỸ]

عنجد هالشي 100% بصير يا اخي بينخاف عليها

والله بقتلها اذا طلعت مع رفقاتها من دون ما تقلي
​

 

[مختار]

شوبدك تحكي ياحبيب
هيك مجتمعنا بدو

 

[Faby]

بتعرفو ...بالاساس الغلط من البنت و"جوزك على ما عودتيه"
يعني لما تقلو لاء اول مرة وتاني مرة بيصير بيتعود صحيح رح يعلقو كتير مع بعض بس بالنهاية مو بالضرورة "الدكر" والمجتمع التافه الذكوري هنن يلي يفرضو رأيهن بحرة المرأة

 

[- ]Safee[ -]

مــافي شي غلط ازا كانت اللاء بمحلا....انا هيك رأيي



​

 

[احلى دنيا]

عنجد هالشي 100% بصير يا اخي بينخاف عليها

والله بقتلها اذا طلعت مع رفقاتها من دون ما تقلي
​

بتقتلها ؟؟

 

[ḾǑŏǑŏǓĐỸ]

بتقتلها ؟؟

بفكر بالموضوع شو اقتلها بقتل حالي وراها

بس المشكلة مافي طلعة إلا بالأذن
​

 

[The Hero]

متل ماقلت صافي بيك
إذا كانت الاء بمحلا شو عليه مو غلط

بس في بنات بتقلك ليش يعني أنا لأ على شغلة معينة وأنت اي

طبعا البنت بعيدة تمام عن شو عم بيفكر الشب وأهتمام الأول أنو ليش أنا لأ وأنت اي

والشب مابيقول لأ بظن لبنت مابيحبا أو بيتمنالا الخير وشايف الأوضاع برا

​

 

[The Hero]

فابي المجتمع مو تافه لما حبيبك بيغار عليكي وشايف 80 % من العالم شو عم بيساوو وشلون عم يفكرو ولما يمنعك من شي هوة كتير طبيعي عندك
رح يكون حبيبك تافه
​

 

[ḾǑŏǑŏǓĐỸ]

كلام لا غبار عليه هيروووووووو
​

 

[STELLA]

أنا برأي الشخصي لما هو بيخاف عليها وبيحبها لهالدرجة

لما يقلا لا يوضحلها ليش هالأ تقالت

يقلها عن الشي الي هو شايفو يخبرها عن المخاطر الي ممكن توقع فيها

لما يقول "لا" يبدي رأي , مو بس لا ونقطة انتهى

الحياة بين تنين حياة مشتركة , يعني هي مانها عسكري ياخد الاوامر وينفذ بس بدون ما يعرف ليش

من حقها الطبيعي تعرف طبيعة مخاوفو متل مو من حقو يخاف عليها وتسمع كلامو اذا كان صحيح


شكرا هيرو ع الموضوع المثير للجدل

 

[إلهام]

في شغلات بالمجتمع بتخليك غصب تحكي لا للبنت
وكمان لمن الاب والام يحكو للابن لا كمان لانهن شايفين شغلات
بالمجتمع غصب بتخليهن يحكو لا
انابرئي مافي امان لاللشب ولا للبنت
ولازم نحكي لا في وقت معين
بيحكيلك مو ربيت البنت اوشب تربية صالحة لي
الخوف صحيح ......
بس مو انا ربيت الي برا بيتي
ومابعرف شو هني
للبنت لا للحرية الزيادة ولا للقمع والتشديد ونعم للمراقبة بحدود واصول​

وشكرا للموضوع

والله رجعت لانو انتو مخصصين لزوج والزوجة اي الزوج
لمن بيغار عزوجتو الو حق ومتل ماسبق لازم يناقش
والله الرجل الحمش مافي منو ​

 

[Pure Feelings]

اصلن لما هو بدو يقلا لا ع شغلة لازم يكون مايعملا لهل الشغلة الا بعلما

يعني مثلن لما يقلا لا تفتحي فيس بوك

بتقلو هي متل مابدك بشرطي انا انو ما تفوت فيس

بيقلا هو اي ليش لا متل مابدك

وتاني يوم بتلاقي ما شالله بالفيس

هون البنت شو بدا تعمل ؟

لازم تقلو اي متل مابدك

انا شوي تانية رح حس البنت بس ناقصا قرون وتاكل حشيش وتمشي

 

[The Hero]

أنا برأي الشخصي لما هو بيخاف عليها وبيحبها لهالدرجة

لما يقلا لا يوضحلها ليش هالأ تقالت

يقلها عن الشي الي هو شايفو يخبرها عن المخاطر الي ممكن توقع فيها

لما يقول "لا" يبدي رأي , مو بس لا ونقطة انتهى

الحياة بين تنين حياة مشتركة , يعني هي مانها عسكري ياخد الاوامر وينفذ بس بدون ما يعرف ليش

من حقها الطبيعي تعرف طبيعة مخاوفو متل مو من حقو يخاف عليها وتسمع كلامو اذا كان صحيح


شكرا هيرو ع الموضوع المثير للجدل

حكيك درر ستيلا بس نحنا أختلافنا أنو هي اللأ يلي عم يقلا ياها عندو اي
يعني مثلا
أنت مافي تحملي موبايل
أنا لازم أحمل موبايل

 

[The Hero]

في شغلات بالمجتمع بتخليك غصب تحكي لا للبنت
وكمان لمن الاب والام يحكو للابن لا كمان لانهن شايفين شغلات
بالمجتمع غصب بتخليهن يحكو لا
انابرئي مافي امان لاللشب ولا للبنت
ولازم نحكي لا في وقت معين
بيحكيلك مو ربيت البنت اوشب تربية صالحة لي
الخوف صحيح ......
بس مو انا ربيت الي برا بيتي
ومابعرف شو هني
للبنت لا للحرية الزيادة ولا للقمع والتشديد ونعم للمراقبة بحدود واصول​

وشكرا للموضوع

والله رجعت لانو انتو مخصصين لزوج والزوجة اي الزوج
لمن بيغار عزوجتو الو حق ومتل ماسبق لازم يناقش
والله الرجل الحمش مافي منو ​

يسلملي يلي بيفهم بالحلول والأصول حكيك لاباس عليه عجبني

 

[The Hero]

اصلن لما هو بدو يقلا لا ع شغلة لازم يكون مايعملا لهل الشغلة الا بعلما

يعني مثلن لما يقلا لا تفتحي فيس بوك

بتقلو هي متل مابدك بشرطي انا انو ما تفوت فيس

بيقلا هو اي ليش لا متل مابدك

وتاني يوم بتلاقي ما شالله بالفيس

هون البنت شو بدا تعمل ؟

لازم تقلو اي متل مابدك

انا شوي تانية رح حس البنت بس ناقصا قرون وتاكل حشيش وتمشي

مادخلتينا بالموضوع يعني هي شي أسمو وعود
أنا بدي ليش أنت لاتفوتي الفيس بوك
وليش هوة يفوت فيس بوك

هل لأنو هوة بيخاف عليكي
ولا خلص مشان تسمعي كلمتو وأنو هوة رجال

 

[STELLA]

حكيك درر ستيلا بس نحنا أختلافنا أنو هي اللأ يلي عم يقلا ياها عندو اي
يعني مثلا
أنت مافي تحملي موبايل
أنا لازم أحمل موبايل

هلئ انا ما رح قلك انو مجتمعنا مانو عنصري , وخاصة بخصوص الشب والبنت

بس في شغلات ال لا بتكون بمحلا

مثلا انتا فيك تطلع بعد ال 12 بالليل لحالك انا مافيني

اما الامور التافة والثانوية والي اساسا مافيها ضرر لو انعملت ما لازم ينقال عليا لا

الرجال الحقيقي الي بيعرف وين يحط كلماتو ويميز بين كل كلمة والتانية وامتى لازم تنحكى هالكلمات

اما الي بيعمل هيك وبيتدخل بأمور تافهه مع احترامي هاد مو رجل حقيقي

متل ما بيقولوا الرجال للمهمات الكبيرة مو لحتى يشغل حالو بحملة موبايل او دخلة نت

 

[دموع الورد]

انا برأيي انو احيانا ً الـ لأ الها فائدة كتيرة وضرورية خصوصي بحياة البنت

القصة مو قصة ليش لأ للبنت و نعم للشب القصة انو الشي احيانا يكون في اشياء بضر البنت

وما بضر الشب او بكون ضررها عالشب اخف فهون بنكون مضطرين نقول للبنت لأ

بس كمان الخنقة مو منيحة يعني مو كل شي لأ لأ لأ يعني متل الموبايل ما فيها شي لو حملته البنت والنت مو غلط اذا استخدمته البنت

لانو متل ما الو سلبيات الو اجابيات وكل واحد وحسب استخداماته بس لازم يكون هالشي تحت مراقبة وديرة بال

يعني صحيح كتير اوقات بينقال النا لأ وبنزعل بس لو بنرجع نفكر فيها منيح رح نلاقي انو لمصلحتنا

ولو كنا محل اهلنا كنا رح نعمل مع بناتنا نفس الشي

بس كمان الطرف التاني اللي هو الشب لازم ندير بالنا عليه مشان نطلع منه جيل غير فاسد جيل بعتمد عليه

مو لانو شب يعني نخليه على حل شعرو وكمان مو دايما بقول للبنت لأ بس مشان نبين رجولتنا لازم يكون في سبب لحتى نقول لأ

ثانكس هيرو
​

 

[احلى دنيا]

هلا مبارح كنت بالجامعه وعزمت رفيقتي عالغدا
قالتلي بس استني اتصل بحبيبي واخد ازنو اجي او لا
طبعا حكالها روحي
بس يعني ما بعرف ليش لتاخد ازنو ؟
يعني لو مرتو بقول اوك طبيعي
حلو كتير انها تخبرو انها بدها تجي لعندي
بس انها تربط جيتها لعندي بكلمة منو
انا هالشي قهرني صراحة