لماذا ؟ هو نعم وهي لا ؟؟؟؟؟؟؟

[Faby]

لا هيرو ما بيكون حبيبي تافه لما يخاف عليي من اللي برا
بس لما يتترجم خوفو بهالاسلوب العسكري هاد هون الغلط
والمشكلة انو غالب الذكور بتتعامل بهي الطريقة ممتل المثال الزغير يلي قالتو سناء
بالنهاية الاسلوب اللطيف والطريقة الدبلوماسية بتطالع الحية من وكرها
اما الاسلوب العسكري اكيد رح يأدي لمشاكل بين التنين وبالنهاية بيسبب نفور بينهن
بس التفاهة لما يمنعها من شي هو بيعملو والسبب لانو انتي بنت وانا شب يعني ازا ما عندك اسباب ليش لتمنعها من هالشي يلي انت بتعملو طببعا انا عم احكي عن الاشيا الطبيعية ويلي بحدود الطبيعة ..

 

[دموع الورد]

هلا مبارح كنت بالجامعه وعزمت رفيقتي عالغدا
قالتلي بس استني اتصل بحبيبي واخد ازنو اجي او لا
طبعا حكالها روحي
بس يعني ما بعرف ليش لتاخد ازنو ؟
يعني لو مرتو بقول اوك طبيعي
حلو كتير انها تخبرو انها بدها تجي لعندي
بس انها تربط جيتها لعندي بكلمة منو
انا هالشي قهرني صراحة

حبيبها
​

 

[زهرة العشاق]

انا بعتقد انو الثقه هيي اساس كل العلاقات

والثقه مو مجرد كلمه والسلام بين التنين

لازم الشب بيكون واثق بعقل البت ولازم بيكون واثق بصدقا ولازم يكون واثق من اهم شي وهوي اخلاقا

وبهيك مابعتقد انو يكون في مجال ليقول للبنت لا علي اي شغله

نحنا المجتمع اصدر احكامو على البنات سلفا انون مابيعرفو يتصرفو

ولا يتحملو المسؤليه

مهما وصلت البنت بالثقافه والتعليم

وشوفو النتيجه هلئ فعلا اغلب البنات صارو بيخافو كتير من تحمل المسؤليه لحالا

بدون مايكون معا رجااال وحتى مابتقدر تتخذ قرارتها المصيريه او حتى الشخصيه بدون استأذن من الرجل

وانا ما عممت حكيي هاد لاني انا واكيد فيه كتير بنات تانين قادرين على تحمل المسؤليه

بتصرفاتهن لكن للاسف ماحصلنا المجال ولا الدعم مشان نحقق هاد الشي ميه بالميه



شكرا هيرووو على هالموضوع رووعه
​

 

[Pure Feelings]

هلا مبارح كنت بالجامعه وعزمت رفيقتي عالغدا
قالتلي بس استني اتصل بحبيبي واخد ازنو اجي او لا
طبعا حكالها روحي
بس يعني ما بعرف ليش لتاخد ازنو ؟
يعني لو مرتو بقول اوك طبيعي
حلو كتير انها تخبرو انها بدها تجي لعندي
بس انها تربط جيتها لعندي بكلمة منو
انا هالشي قهرني صراحة

حياتي مو بس رفيئتك

كل البنات هيك
يعني مثلن مافي طلعة من السكن لقول انا اي او لا
مافي روحة ع رحلة لقول انا اي او لا

وهكذا

يعني لا تعتبي عليها

 

[احلى دنيا]

حياتي مو بس رفيئتك

كل البنات هيك
يعني مثلن مافي طلعة من السكن لقول انا اي او لا
مافي روحة ع رحلة لقول انا اي او لا

وهكذا

يعني لا تعتبي عليها

هلا ليكي
في شغلات طبيعي انك تاخدي ازن فيها
يعني شغل الرحلات اي طبيعي
طلعات ما الها داعي طبيعي
بس يعني جية عند رفيقتي .. لا

 

[Pure Feelings]

انا برأيي اذا الشب عاطي البنت الثقة تماما مية بالمية

يخليا تتصرف ع راحتا لانو هو عرفان بالاخر انو حبيبتو مافي حدا غيرو بقلبا

وعرفان انو حبيبتو حاطة حبيبا بين عيونا

يعني روحة ع بيت عما او بيت جدا يقلا لا ليش ؟

تعد بالكافتيريا تبع الجامعة مع رفقاتا لا كمان ليش ؟

تطلع وتفوت مع رفقاتا لا كمان ليش ؟

مع الايام والسنين رح تعرف انو هالشي اللي بدا تعملو لو رح يدايق حبيبا مارح تعملو

واذا بيبسطو رح تعملو يا

لو بدا تبصبص رح تبصبص وهيي معو

ولو بدا تعمل شو ما كان مارح تقصر ومارح تستنى الاذن منو بالمرة

احيانا بحس الغيرة الزايدة حبس للبنت عن كلشي

 

[The Hero]

هلئ انا ما رح قلك انو مجتمعنا مانو عنصري , وخاصة بخصوص الشب والبنت

بس في شغلات ال لا بتكون بمحلا

مثلا انتا فيك تطلع بعد ال 12 بالليل لحالك انا مافيني

اما الامور التافة والثانوية والي اساسا مافيها ضرر لو انعملت ما لازم ينقال عليا لا

الرجال الحقيقي الي بيعرف وين يحط كلماتو ويميز بين كل كلمة والتانية وامتى لازم تنحكى هالكلمات

اما الي بيعمل هيك وبيتدخل بأمور تافهه مع احترامي هاد مو رجل حقيقي

متل ما بيقولوا الرجال للمهمات الكبيرة مو لحتى يشغل حالو بحملة موبايل او دخلة نت

المشكلة يا انا ماعم بعرف عبر يا مابعرف
بغض النظر الشغلة متعلقة بالنت ولا بالطلعة والأمور التافهمة أنا عطيت أمر تافه مثال بس

أنا بدي

أنو لما حبيبك يقلك لاااااااااااااااااا على شي مابيحبو ألك بس هوة إحتمال يعملو وبس

يعني بتعارضي زوجك ولا حبيبك

 

[The Hero]

انا برأيي انو احيانا ً الـ لأ الها فائدة كتيرة وضرورية خصوصي بحياة البنت

القصة مو قصة ليش لأ للبنت و نعم للشب القصة انو الشي احيانا يكون في اشياء بضر البنت

وما بضر الشب او بكون ضررها عالشب اخف فهون بنكون مضطرين نقول للبنت لأ

بس كمان الخنقة مو منيحة يعني مو كل شي لأ لأ لأ يعني متل الموبايل ما فيها شي لو حملته البنت والنت مو غلط اذا استخدمته البنت

لانو متل ما الو سلبيات الو اجابيات وكل واحد وحسب استخداماته بس لازم يكون هالشي تحت مراقبة وديرة بال

يعني صحيح كتير اوقات بينقال النا لأ وبنزعل بس لو بنرجع نفكر فيها منيح رح نلاقي انو لمصلحتنا

ولو كنا محل اهلنا كنا رح نعمل مع بناتنا نفس الشي

بس كمان الطرف التاني اللي هو الشب لازم ندير بالنا عليه مشان نطلع منه جيل غير فاسد جيل بعتمد عليه

مو لانو شب يعني نخليه على حل شعرو وكمان مو دايما بقول للبنت لأ بس مشان نبين رجولتنا لازم يكون في سبب لحتى نقول لأ

ثانكس هيرو
​

في مين أستوعب شوي ميرسي وكتير عجبتني الجملة

 

[The Hero]

هلا مبارح كنت بالجامعه وعزمت رفيقتي عالغدا
قالتلي بس استني اتصل بحبيبي واخد ازنو اجي او لا
طبعا حكالها روحي
بس يعني ما بعرف ليش لتاخد ازنو ؟
يعني لو مرتو بقول اوك طبيعي
حلو كتير انها تخبرو انها بدها تجي لعندي
بس انها تربط جيتها لعندي بكلمة منو
انا هالشي قهرني صراحة

ماحبيتك

يعني لما تتصل في وتاخد أذنو بالعكس كتير أحترمتو وبالتالي أكيد هنة التنين ماعم يفكرو تفكير أنو بس حبيبي وحبيبتك وحبيبني لحبك بظن
بهيك موقف عم يفكرو لقدام أنو هية مرتو عرفيني على رفيقتك حلوة

 

[The Hero]

حياتي مو بس رفيئتك

كل البنات هيك
يعني مثلن مافي طلعة من السكن لقول انا اي او لا
مافي روحة ع رحلة لقول انا اي او لا

وهكذا

يعني لا تعتبي عليها

يعني أنت بتعملي هيك شي

 

[The Hero]

لا هيرو ما بيكون حبيبي تافه لما يخاف عليي من اللي برا
بس لما يتترجم خوفو بهالاسلوب العسكري هاد هون الغلط
والمشكلة انو غالب الذكور بتتعامل بهي الطريقة ممتل المثال الزغير يلي قالتو سناء
بالنهاية الاسلوب اللطيف والطريقة الدبلوماسية بتطالع الحية من وكرها
اما الاسلوب العسكري اكيد رح يأدي لمشاكل بين التنين وبالنهاية بيسبب نفور بينهن
بس التفاهة لما يمنعها من شي هو بيعملو والسبب لانو انتي بنت وانا شب يعني ازا ما عندك اسباب ليش لتمنعها من هالشي يلي انت بتعملو طببعا انا عم احكي عن الاشيا الطبيعية ويلي بحدود الطبيعة ..

حكيت جملة سندريلا كتير حبيتا

انو الشي احيانا يكون في اشياء بضر البنت

وما بضر الشب او بكون ضررها عالشب اخف فهون بنكون مضطرين نقول للبنت لأ

وأكيد مو أسلوب تهديدي ولا لأ ومابعرف شو
على مثال أحلى دنيا لو رفيقتا دقتلي ( رقمي معك أحلى دنيا يعني مابدك توصاية )
وقالتلي أنا رايحة أتغدى عند رفيقي وقلت أنا لا ومافي مجال نتناقش أكتر
طيب أنت لو محل هالبنت وقلك لأ شو بتعملي

 

[The Hero]

انا برأيي اذا الشب عاطي البنت الثقة تماما مية بالمية

يخليا تتصرف ع راحتا لانو هو عرفان بالاخر انو حبيبتو مافي حدا غيرو بقلبا

وعرفان انو حبيبتو حاطة حبيبا بين عيونا

يعني روحة ع بيت عما او بيت جدا يقلا لا ليش ؟

24 ساعة عند بيت عمك وجدك يا هنة عندك

تعد بالكافتيريا تبع الجامعة مع رفقاتا لا كمان ليش ؟

24 ساعة بالكافيتريا

تطلع وتفوت مع رفقاتا لا كمان ليش ؟

كليوم بتطلعي على المطعم وبتتغدي أنت ورفقاتك

مع الايام والسنين رح تعرف انو هالشي اللي بدا تعملو لو رح يدايق حبيبا مارح تعملو نكتة

واذا بيبسطو رح تعملو يا

لو بدا تبصبص رح تبصبص وهيي معو هادا شي مفروغ منو أنت دخلتي الثقة بالموضوع بس الشغلة مو شغلة ثقة

ولو بدا تعمل شو ما كان مارح تقصر ومارح تستنى الاذن منو بالمرة

احيانا بحس الغيرة الزايدة حبس للبنت عن كلشي

حاسك عم تفشي خلقك

 

[ḾǑŏǑŏǓĐỸ]

يعني يا هيروووو

الأ دائماً الها مكانتها يعني انا برآيي انو الشب لما بقول لأ للبنت بكون شي لمصلحتها

ولازم يبينلها السبب

بس مو دائماً السبب

ودائماً متل ما بنعرف انو البنت بدق لحبيبها بتقلو

انو حبيبي انا طالعة مع رفقاتي على باب توما

هون الشب بخاف حدا يلطشلون وبتعرفو انتو كيف الشباب بباب توما لهيك بقلها لأ خوفاً عليها

اما انو والله تقلو رايحة عند رفيقتي اتغدا عندها عازمتني قلها لأ هاد شي مو طبيعي

اكيد لأن ما في شي بينخاف عليه اتجاه الحبيبة

اما انو تقلو رايحة وانا ورفقاتي عالمطعم او الكفي بسئلها انو منهم

بتقلي مطعم او كفي كذا اكيد رح اعرف شو اصلو وفصلو

بركي مو محترم

المطعم او الكفي

هون الشب خوف عليها بقلها لأ روحي على غيير مطعم انا بقلها عليه

والشب اكيد بفوت على اي مطعم بدو ياه لأن ما في مين يلطشلو او يقلل احترام معو



برآيي النهائي انو الخوف مسيطر على الشب اتجاه حبيبتو



ثانكس ابو الهرهيررررررر
​

 

[Pure Feelings]

ماحبيتك

يعني لما تتصل في وتاخد أذنو بالعكس كتير أحترمتو وبالتالي أكيد هنة التنين ماعم يفكرو تفكير أنو بس حبيبي وحبيبتك وحبيبني لحبك بظن
بهيك موقف عم يفكرو لقدام أنو هية مرتو عرفيني على رفيقتك حلوة

انت بنظرك يعني الاحترام بين الحبيبن مابيكون غير هيك

شو هالمنطق هاد ؟

 

[Pure Feelings]

حاسك عم تفشي خلقك

اي لانو انتو الشباب كلكن هيك

مفكرين انو انتو الوحيدين اللي مابيتقلل احترامكن وانتو بتعملو دااااااااااااااايمن الصح

وتفكيركن بكلشي هو الصح والسليم والمافي منو

وانتو بتشوفو الشغلات ع حقيقتا واكتر منا وبتعرفو تميزو الصح من الغلط

والبنات ياعليي مساكين مابيعرفو يكونو قد حالن وممكن يغلطو

طيب مازالك عم تحكي انو الشغلة مو شغلة ثقة

لكن شو شغلة شك ؟ او فسرلي ياها من منظورك الخاص من بعد اذنك

 

[دموع الورد]

في مين أستوعب شوي ميرسي وكتير عجبتني الجملة

قلك سر بيني وبينك الكل مستوعب وفاهم بس ما في حدا بدو يعترف او يقول اي مزبوط

لك يا اخي نحنا بزمن الحرية الكل بدو يكون مسؤول عن حالو وبدو شو ما يعمل

ما حد يسألو ليش وكيف ووين
​

 

[احلى دنيا]

حكيت جملة سندريلا كتير حبيتا

وأكيد مو أسلوب تهديدي ولا لأ ومابعرف شو
على مثال أحلى دنيا لو رفيقتا دقتلي ( رقمي معك أحلى دنيا يعني مابدك توصاية )
وقالتلي أنا رايحة أتغدى عند رفيقي وقلت أنا لا ومافي مجال نتناقش أكتر
طيب أنت لو محل هالبنت وقلك لأ شو بتعملي

هلا انا ماني شايفه في داعي اخد ازنو روح عند رفيقتي

 

[STELLA]

المشكلة يا انا ماعم بعرف عبر يا مابعرف
بغض النظر الشغلة متعلقة بالنت ولا بالطلعة والأمور التافهمة أنا عطيت أمر تافه مثال بس

أنا بدي

أنو لما حبيبك يقلك لاااااااااااااااااا على شي مابيحبو ألك بس هوة إحتمال يعملو وبس

يعني بتعارضي زوجك ولا حبيبك

هلئ تقريبا فهمت شو بتقصد

يمكن لما عطيت مثال تافه فكرت قصدك على هيك أمور

ع كل رح رد على تساؤلك لما يكون هو ما بحبني اعمل شي اول شغلة لازم يقلي ليش هو ما بحبني اعمل هالشي اذا انا ما كنت مقتنعه فيه و يحاول يقنعني اذا شايف هيك مصلحتي

وطبعا انا بهيك حالة ما رح ارفض لأنو بيخاف عليي وبدو مصلحتي وبقلو على عيني وراسي

بس انو لا بدون سبب انا هي ما بحبها لأن لازم يكون في سبب لكل شي

حتى لو كان هو بيعمل هالشي يمكن هالشي ما بيكون بيأثر عليه سلبا متل ما يأثر عليي

ومتل ما سبق وقلت الحياة بين تنين حياة مشتركة ولازم يكون في اخد وعطا ونقاش , هي مانها حياة عسكرية يلقها انا هيك بدي ونقطة انتهي

سوري ع الاطالة

 

[ĻàĎỷ iЙ ŖẼD]

ئريت ردودكون وكتير عجبتني ردود رامي

هلئ بالنسبه لانو بستأذن من حبيبي لروح لعند رفيئتي او لاعمل شغله انا بدياها ومالا غلط واهلي راضيين فيا
مستحيل بعملها

مثلا مرة انا طلب مني اني ما بشتغل والا بتركك

ما سمعت كلمتو وشتغلت

وهي تركنا بعض يعني لو سمعانه كلمتو ما كنت هلئ وصلت للي وصلتلو من تعب شغلي وعرئ جبيني

مو دائما حكي الرجال صح وبينسمع ولا دائما حكي البنت صح وبينسمع

في شغلات صحيح بتصير للشب وللبنت ما بتصير

او انو الشب بيعملا والبنت ئليل لتعملا

بس هالشي بالاخر لمصلحة البنت

نحنا بمجتمع بيفرئ كتير بين البنت والشب

مثلا انت شب روح تعا ايمت ما بدك تجي تجي وووين ما بدك تسهر اسهر
ولا بيسالوك مين رفيئك ولا لوين رايح


اما نحنا البنات لنطلع مشوار على رفيئه بدنا ناخد ازن بابا وازن ماما وازن اخواتي الشباب

اي انا ما بخلص اني اخدت ازن اهلي لروح عند حبيبي وباخد ازنو

اي لو كان خطيبي ما بسمع كلمتو بهالحال الا ازا كان مكتوب كتابنا

وطبعا ما رح عودو عكلمه امرك ابن عمي

لانو الرجال بس تعود عشغله ما بئا يتركا طول عمرو بتصير عاده تمشي بدمو


وانا معك انو الاهل بيخافو علينا نحنا كبنات لانو بطبيعة الامر البنت بتختلف عن الشب وبينخاف عليها من غدر الزمان

لانو ازا نغدرت من قبل شب راح وضاع كل عمرها

وحشاك رامي وحشا كل مين بيئرا ولاد الحرام كترو متل ما بنات كتير حرام كترو

ومعون حئ بيخافو علينا بس كمان كلشي ممنوع مرغوب

ونحنا البنات ازا حطينا شغلة براسنا سدئني بنعملا ولو محاصرين بسبع اسوار من حديد

شكرا رامي موضوع كتير حلو


​