رح قلك ليش الغرب احسن ... بغض النظر عن شو ناقصنا لانو متل ماحكيو ناقصنا كتير
الغرب عندون وقت الجد جد ووقت المزح مزح وهالشي كتير من شبابنا ماعم يقدروا .. الغرب وقت بدو شي شب يعمل مشروع مابيقلو ابوه لا انا بدي اياك معي بالمحل ... لانو بيؤمن بالاستقلال ...الغرب وقت بدو يتعلم بيجيب مدرسين قادرين انهن يكونو قد الحمل ويحطو قواعد خرج يمشي عليها الطالب وهوي مبسوط ومو حاسس انو في شي ناقص .. الغرب وقت بدو يتجوز او يتطلع يعمل هالشي حسب اصول واتفاقات نحنا هون ماشالله عاساس مشان مانفضح بعض بالمحاكم بنعمل شي ستمية الف مشكلة ... الغرب ازا بدو يناقش ويحاور بيجيب ناس الها اهتمام بهالموضوع وفهمانة فيه وبتعرف تقنع الي عم يسمع ... الغرب ازا بدو يغير شي بيغيروا قولا وفعلا .. نحنا شاطرين نحكي نحكي نحكي .. وبس تطلع شمس النهار التاني نرد نحكي ونحنا مطنشين ونسيانين حكي مبارح ...وغير شي الغرب ازا بدو يحط خطة بيحطا مع النظر لتاثيرها على باقي المجالات ..نحنا نحط الخطة وان خربت عمرت ماحدا سائل
هي بالنسبة ليش الغرب احسن ... بجي هلئ لوجهة نظري للموضوع او لفكرة الموضوع ... الغرب مو احسن منا بشي بتعرف ليش؟؟ لانو هني عم يطورو اقتصاد تجارة .. نفسيا تلت ارباع الشعب الغربي بيميل للانتحار ... يمكن نحنا ماعنا هالتطور الكبير بس عايشين حياتنا وعايشنها ونحنا مبسوطين ..رضيانين بيلي الله قسمو علينا وازا طلع بايدنا نطور بنطور ..هنيك عم يناضلو مشان حقوق الانسان بدهن علم بدهن تكنلوجيا ونسيو اهم حق من حقوق الانسان وهوي الراحة النفسية ... صحي انو المواطن العربي ماكتير حالتو النفسية بيرفكت بس احسن بكتير من هنيك صدقني وهالحكي مو من عندي من ناس عايشين هنيك
بيضل الموضوع موضوع وجهة نظر ... يسلمو عالموضوع الحلو ..وسوري للاطالة .. واهلا وسهلا فيك نورت المنتدى
