ماذا لــــو ؟ ( للصبايا )

[دموع الورد]

لو كنتي بتحبي شخص ومتفقين عالزواج وكل شي وبينكم احلى قصة حب

واجا ابن عمك وطلب ايديك وابوك ِ اعطاهم كلمة وموافق انو يزوجك لأبن عمك

انتي طبعا ً رحتي حكيتي لحبيبك القصة وهو انصدم وما خلا كلمة سيئة ومسبة ما حكاها

ولما روحتو تعملو فحص الدم طلعتو ما بتناسبو بعض انتي وابن عمك

بهالحالة شو رح تعملي وشو رح يكون موقفك :

رح تنسي انو حبيبك شتمك وتقولي مهو كان مصدوم ؟؟؟

ولا كرامتك ما رح تسمحلك ترجعيله ؟؟؟



​

 

[احلى دنيا]

هلا ما بعرف قصة محيرة
يعني ع حسب شو المسبات يلي سبها
وعحسب ازا اعتزر او لا ؟؟

 

[إلهام]

مو هو ليقبل بلاول يرجع لاني تركتو بسرعة
بنسبة الي مو المشكلة المسبيات المشكلة انو مايكون هو اخد موقف
انو سب لازم احسب انو الموقف صعب كتير كان علي ​

 

[Pure Feelings]

انا مو من النوع اللي بتحمل حدا يسبني

يعني مابظن اني ارجعلو لو شو ما كان

مابيصير يسبني

لانو الحب شيء والكرامة اشياء

 

[maroosh]

هو بالنسبة لالو انا تركتو عند اول اختبار لحبنا وكان فيني ساوي كتير شغلات ( من وجهة نظرو )
اما عن موضوع انو سب وشتم ومدري شو .. مابعرف مابشوفا شي مهم انا
عصب وشي حلو انو سب قدامي وحسسني بانو تاثر بهالموضوع ماعملي هاد المسلسل تبع اي حبيبي هي مصلحتك وانا مافيني وقف نصيبك

هيك رأيي انا

 

[زهرة العشاق]

رح تنسي انو حبيبك شتمك وتقولي مهو كان مصدوم ؟؟؟

بعتقد انو موهيك راح تكون ردة فعلو يعني مهما الواحد ادايئ من اللي حبو مابيشتمو ولا راح يسبو
لكن لو عملا انا مابظن سامحو او انسى انو حكي هيك عليي
شو يعني كل مابدو ينصدم يقوم يسبني والله مابسكتلو

ولا كرامتك ما رح تسمحلك ترجعيله ؟؟؟

اكييييييييد الكرامه فوق كل الاعتبارات لانو لو كان هوي محلي وانا يلي سبيتو
كيف ياترى بتكون ردة فعلو
بيسامحني ويقول كانت مصدومه
فعلى حسب الاجابه على هالسؤال
بشوف اذا بسامحو ولا لا




بشكرك حبيبتي على مواضيعك المميزه دايماااا

 

[mr_ops]

بعرف انه الموضوع للصبايا بس حبيت اتدخل وقول كلمة وحدة ..

الي بحب التاني ما بيأذيه ولو بكلمة تجرح مشاعره لا من طرف الشب ولا من طرف البنت .. يعني لا الشب لو كان بحب البنت بسبها وبـ هينها وبقلل من قيمتها ولا البنت بتعمل هيك ..

الشب ( الي بحب من قلبه ) ما بـ سب البنت وبقلل من قيمتها ..

واسمحولي على هالتدخل الصغير​

 

[zena_zon]

هية لو بالاساس بتحب الشخص الاول ما رح تفكر تقبل بابن عمها لانو القصة مو مين بيسبق والبنت بس مهم تتزوج
والموقف بيكون غلط بحئ لشب لما تقبل بأبن عمها وبعدين ترجع عند قرارها لانو طلع مو مناسب الها بعد فحص الدم وترجع للشب الاولاني
بصراحة برأيي يلي بتعمل هيك ما بتستاهل واحد يحبها بصدق ازا كانت ممكن عند اول مطب تتركو وتمشي
يعني بهيك موضوع الغلط بدي من عند البنت مو من الشب ف هية ما بتستاهل يرجعلا مو انو تتنازل وترجعلو بعد ما سبها
مشكورة سندريلا على الفكرة والطرح ..

 

[mr_ops]

هية لو بالاساس بتحب الشخص الاول ما رح تفكر تقبل بابن عمها لانو القصة مو مين بيسبق والبنت بس مهم تتزوج
والموقف بيكون غلط بحئ لشب لما تقبل بأبن عمها وبعدين ترجع عند قرارها لانو طلع مو مناسب الها بعد فحص الدم وترجع للشب الاولاني
بصراحة برأيي يلي بتعمل هيك ما بتستاهل واحد يحبها بصدق ازا كانت ممكن عند اول مطب تتركو وتمشي
يعني بهيك موضوع الغلط بدي من عند البنت مو من الشب ف هية ما بتستاهل يرجعلا مو انو تتنازل وترجعلو بعد ما سبها
مشكورة سندريلا على الفكرة والطرح ..

ردك غير عن اي رد .. واقوى رد وفعلا الي بحب التاني ما بيتركه لو شو ما صار يصير بس احيانا الاهل بيجبروا البنت انه تاخد حدا معين ...

بشكرك كل الشكر على هالرد الرائع
​

 

[مريم...مصر]

كل القصة دى لايمكن تحصل معايا
لان بابا متوفى اصلا
​

 

[Queen]

بعرف انه الموضوع للصبايا بس حبيت اتدخل وقول كلمة وحدة ..

الي بحب التاني ما بيأذيه ولو بكلمة تجرح مشاعره لا من طرف الشب ولا من طرف البنت .. يعني لا الشب لو كان بحب البنت بسبها وبـ هينها وبقلل من قيمتها ولا البنت بتعمل هيك ..

الشب ( الي بحب من قلبه ) ما بـ سب البنت وبقلل من قيمتها ..

​

فعلا هاد يلي كنت رح قولو انو لو شو ماصار بينك وبين حبيبك
مستحيل يعمل هيك لو انو بيحبك عن جد لانو مابيئدر والمانع هو الحب​

 

[أيلول]

دائمــاً أنا على قناعة تامة بأن الحب الحقيقي هو بناء شاهق جداً أساساته الاحترام الثقة الصدق والاخلاص
وفي هذه الحالة لا يعتبر هذان الشخصان حبيبان أبداً
لأن الحب هو تضحي لأجل من تحب لا أن تتركه عند ظهور أول مشكلة ولا عند ظهور شخص آخر
لذلك الأفضل لها أن تتابع حياتها من دون شخص لا يحترمها
فقد كان موضوعها فرصة مناسبة جدا لاختبار مدى حبه لها

هذه وجهة نظري ببساطة​

 

[ĻàĎỷ iЙ ŖẼD]

كل القصة دى لايمكن تحصل معايا
لان بابا متوفى اصلا
​

يحرئ ديبك

بالنسبه ئلي برجعلو لاني بحبو وبحبني
ولحظة غضب ولو ما بحبني ما كان هيك عصب وغار عليي
​

 

[cute.4ever]

انا مع زينة بكل كلمة ...........بس بختلف معها انو حتى التضحية إلها حدود يعني ماتوصل لدرجة انو أهلها يغضبو عليها ...كل شي إلا غضب الأهل هي خط احمممممر......حتى لو هي شايفة انو الانسان يلي بتحبو حتعيش معو احلى عيشة ...ازا هلها غضبو عليها حتخسرو لانو الله غضب عليها وماحيباركلن بشي
هي من ناحية انو هي تركتو من عند اول مطب ....من الناحية التانية انو هوي سبها....
على حسب المسبات وعلى حسب ئديش انفعل هوي ...بيجوز هوي من النوع يلي ازا انفعل مابيعود بيعرف شو عم يحكي ...بظن انو لازم تعزرو
شكرا عالموضوع الحلو