ماذا لو تقدم إليك شاب أصغر منك

[دموع الورد]

ماذا لو تقدم إليك شاب مثال :

عمره 22 وأنت 30 ماهو شعورك

وما هو نسبة قبولك وكيف ستكوني حينها

هل حائره أم ستوافقين أو ستستمعي لكلام الناس الذين لا يرون بهذا الزواج

رغم أن الرسول قد تزوج بالسيده خديجه وكانت أكبر منه بكثير

أحببت أن أنظر للحوار في هذا الموضوع ​

 

[ღRosa Blancaღ]

اممم ما بعرف جاوب على هيك سؤال ولا فيني عمم بهالخصوص المشكلة مو بالعمر المشكلة بالفكرة

بس اللي فيني ئولو انو مستحيل انا شخصيا ائدر ارتبط بشخص اصغر مني لانو القوامة على طول للرجال ومارح حس بهيك شي معو لو اخدتو اصغر مني

( الحمدلله ارتبطتت وخلصت من هالهم )
​

 

[{*B*A*T*M*A*N*}]

في إنتظار البنات الباقين .. أخت دموع الورد أنا برأيي ترسلي الرابط لكل البنات مشان يعطونا رأيهم ويحركوا الموضوع شوي
​

 

[Chantal]

عجبني الموضوع بس أرتب أفكاري وأطرح رأيي بالموضوع ..
سلفاً أنا مو موافقه على هيك زواجه .. فاشله بغض النظرعن أي إعتبارأوأي ظرف​

 

[ταℓα syяɪα]

آكيد مآ بئبل

بآلنهآية كل وحدة بحآجة رجل آوعى منهآ

وآكبر منهآ يحسسهآ بآلآمآن

يتحمل مسؤوليتهآ ومسؤولية عيلة لبعدين

وليكون في تفآهم لآزم يكون في فرء بآلعمر

يسلمن

 

[ندى القلب]

هو طبعاا في كتيير اعتبارات غير العمر وطبعا مستوى الوعي بيختلف من شخص للتاني


لكن بشكل عام لو كان الفرق مو كبيير يعني 2 او 3 سنين ممكن



لكن مثل ماورد بالموضوع فرق 10 سنين او هيك صعب بيكووون


بس بالاخر كل شي ممكن

 

[دموع الورد]

يعني بالاخير كل وحدة بكون الها ظروفها ومبادئها وتفكيرها
شكرا لمروركن صبايا
​

 

[ČốηťĕṨṩก]

مممم انا برأيي انو هاد الشي بيرجع حسب الشخص
يعني احيانا كتير بتلائي شب بالعشرينات واعي وبيفهم و عئلو بيوزن بلد

و بالمقبال ممكن نلائي واحد بالتلانيات اصغر من عئلو و تفكيره المحدود مافي




يمكن نحن بمجتمعنا العربي ما منلائي كتير هيك حالات انو وحدة تتزوج واحد اصغر منها مع انو هلشي منتشر بالبلدان الغربية كتير ( ما بهمن فارق العمر طالما الشخصين متفئين )

هاد رأيي
​

 

[RoOoR]

ممممممم بصراحة

أنا عادي يكون أصغر مني

بس مو كل هالأد

يعني ماكسيمم

سنتين او تلاته

بس هيك سته

ما بظن رح نتفق كتير

وجهة نظر ​

 

[اميرةالنجمات]

موضوع قوي ولازم الكل يحكي رأيو

انا الي افكار بخصوصه وراجعة باذن الله

يسلمون

 

[اميرةالنجمات]

شو الئصة ماعد حدا حابب يرد او يعلق

 

[اميرةالنجمات]

مابننكر انو ضروري يكون في تكافؤ وتقارب بين الزوجين في نواحي مختلفة ...

الاجتماعية والثقافية مشان مايكون الفارق الشاسع سبب للانشقاق والعزلة بينهما

بعدين لاننسى انه سيد الخلق اتزوج من السيدة خديجة بنت خويلد رضي الله عنها

وهي بعمر الأربعين وكان عمره صلى الله عليه وسلم لا يتجاوز 25 ورغم انه فرق كبير في العمر بيناتهن

إلا أنهم كانو أفضل واحسن زوجين عرفتهم البشرية على الأرض

اكيد الفكرة مرفوضة لغالبية العالم لكن يمكن يكون زواج الوحدة من شخص ازغر منها احسن شي بصير لتنيناتهن

خاصة ان كانو متفاهمين وفي محبة متبادلة وبالنهاية الشغلة بيد رب العالمين

 

[Dreamy g!rl]

بالنسبة لألي مستحيل اقبل بواحد ازغر مني .. لازم يكون أكبر مني بكتيير في فرق كبير بالعمر بيناتنا ( بحب ضلني زغيرة قدامو )بس لو فرضنا مثلا صحبتي أو أي وحده بدها تاخد رأيي ماراح أمنعها طالما هي بتحبو ومقتنعة فيه فالله يوفق بيناتهم ويسعدهم ... موضوع جدا جميل ويستحق التوقف عنده ... تحياتي الك