ما الذى يدفع البنات لقول يا ليتني ولــــد؟

[لورين]

اااه ضربت عالوتر الحساس
لو كنا عايشين برا المجتمع كانت هانت الامور و ما كنا طلبنا نكون شب
1- لان كل شي عالبنت ممنوع و عيب و ئلة ادب حتى لو قالت ليش مثلا ما عم يجيني عريس بتصير بنت مش منيحة
2- بتلاقي النسوان يلي اعدين عالبلكون خصوصي ليراقبوا فلانة وين راحت وفلانة من وين اجت و اي ساعة و مع مين هدول النسوان ما بيطلعوا على الشب وين راح و ووين اجا و شو عم يخبص
3- البنت ماشية لحالا بالشارع بتلاقي فجئة واحد ابن *حلال* يا بلطشا من هون يا بيلمسا من هون
و ازا ردت بتكون فاجرة و ازا ما ردت بتكون مبسوطة بالحكي و ما بتعرف شو لازم تعمل بهيك مواقف
و احسن حل انو البنت تمشي بسرعة لتوصل عبيتا و تفوت معصبة و طالع خلئا من هالشعب التافه يلي ما بيتصلح
4- بدي اشتغل مثلا : بتلاقي العيلة و الجيران و الدنية و يلي بحبوني و ما بحبوني بصيروا بخافوا عسمعتي لشو الشغل عدي انئبري بالبيت لئن رايحة اشتغل بديسكو انا
5- ليش البنت بتحب ولشو ؟ الشب محلل عليه يطلع مع مين ما بدو و يحب بس البنت يا عيب الشوم عليا بس
6- ان صار معي مشكلة و بكيت مثلا بينطوا الاهل شو شايفة حالك ممثلة ولا كتير حساسة لشو البكة اخرسي و ليه منخرس لان نحنا بنات عيب نبكي بس لو كنا شب كنا رحنا فضينا يلي جواتنا بشي تاني يا مع رفقاتنا يا بسيكارة او بشي شغلة
كفي؟
لا بلاها رح اسكت حاجة
بئا بتئلي ليش يا ريتنا شباب
اي يا ريتنا شباب
لان كيف ما كانت حياتن احسن من حياتنا
تحيتي لك