ما هو السر بين النساء والاركيلة؟؟؟؟؟؟

[strawberry]

صار للارجيلة طقوس عديدة، يتباهى الصغار والكبار بامتشاقها في أي زمان ومكان .....وهي بالحقيقة ليست ابنة البارحة فهي قديمة جدا وتعود لمئات السنيين لكن (المعسل) القادم من البلاد البعيدة بالسفن المحملة بهذا السم القاتل المخدر هو الذي جدد شباب هذه الشيشة لتعود اليها قيمتها وسمعتها العريقة وتعود لواجهة البيت والمحل والقهوة..... لكن ماذا عن اراكيل النساء؟؟؟ ماذا عن هذا الوله والصداقة الغريبة التي تجمعهن مع الاراكيل ؟؟؟
يلا الكل شباب وبنات يقلولي شو وجهة نظرهن بها الموضوع (ماعدا ابو المر لانو رايو معروف بهالموضوع):19::19::19:
احكو رايكون بصراحة انا والله بصراحة بمووووووووووووووووووووت على شي اسمو اركيلة

 

[sweetheart]

تقليد للرجولة وهون في بعض النساء الي يفتقدو الانوثة يعني روحون روح رجال بيتصرفو هيك تصرفات
اما البنات يعني الشابات الصراحة ماني عرفان شو اللذة عندون بالموضوع ويسلمو للموضوع الرائع والواقعي

 

[§ أبو المر §]

أنا بعتبر الارجيلة شغلة عادية
بس أنا فيني اتحكم بهل شغلة
يعني فيني بطل الأرجيلة بس أنا
معتبرا تسلاية بعدين بنبسط فيا كتير
ومنشان المرأة انا بكرا يلي بدي أرتبط فيا
بدي علما الارجيلة يعني أنا بشوف مافيا شي
يعني مو متل الدخان الواحد بيعلقو ومابعود في يتركو
وما بفكر انو الارجيلة ممكن ضرني لأني ما بفكر بهشي
أبدا بفكر أني ضل مبسوط والصحة من الله
ويعطيكي ألف عافية

 

[lavander]

عزيزي سويت هارت الاركيلة ماالها علاقة بالرجولة وطبعا هاد رايي الشخصي


عزيزتي stra wberry ماعندي تبرير علمي للتعلق بالاركيلة بس بقلك اني من المغرمين


المتعلقين فيها​

 

[§ أبو المر §]

أكيد مالا علاقة بل رجولة
بس الشغلة كلا بتريح الأعصاب
هية غلط
ومتل ما بقولو كل ممنوع مرغوب

 

[strawberry]

نورتو الصفحة يا حلوين وانا بعتقد انو كتير قلال اللي بيفكرو يشوفوها وما يشفطولون شي شفطة صححححححححح
(وانا التانية ماكنت اتربى كل ما بأركل بدوخ):19::19:

 

[§ أبو المر §]

يشفطو :19::19:

 

[glossyrose]

ايه لأ مو كل حدن بشوفا بصير بدو يجربا
لإني ما بعمري فكرت جربا
وأنا ضد الأرجيلة والدخان نهائيا
وبكره شوف بنت عم اتأرجل لإني بحسا عم تقلد الشباب وبتنسى أنوثتة
أما بالنسبة للرجال فما في مانع يدخنو ويأرجلو
مع اني بفضل الشب يلي ما بأرجل

بس ما حدن من البنات تزعل
لإنو هاد رأيي وأنا بعرف كتير بنات بأرجلو​

​

 

[ليليان]

كتير بنات يأرجلوا لأانو ولدوا
او عاشوا في بيت الكل في بأرجل
فهي اكيد رح تمشي على هدا الطريق
والبعض الرفئات لما يشوفوا رفئاتون
يأرجلوا بحبو التقليد وانتو لا تنسو انو البنت
بطبعها غيورة وكمان في حب الفضول
يعني بنات جربوها وبعد ما جربوها أدمنوا
عليها وما بيعرفوا كيف يقدروا يتركوها
وانا بصراحة ما بحبها لأنو انا ما
برضى دخل شي على جسمي بيضر بصحتي
اما بالنسبة للشباب عادي الارجيلة
لأانو صارت عادة وين ما بتروحي تشوفي
الشباب ماسكين الاركيلة
بس الدخان انا ما بحب كتير شوف شباب يدخنوا
لأنو بحسون عم يقتلوا حالون عالبطيء
وهدا يعتبر انتحار
يسلموا ايديكي حبيبتي عالموضوع
تقبلي مروري
ليليان​

 

[PliiiJl JljJj]

يعني انا ما بحب الأركيله وماني متولع فيها بس يعني إذا الشباب بدها تأركل باركل مافي مشكله
بس النسوان إذا تعلئو بشغله يا لطيف
الله يستر