ما هو شعورك عندما لم يتم الرد على موضوعك

[الدمشقي]

لاشك أن أحدنا عندما يطرح موضوعاً ويجد مشاركة الأعضاء

وتجاوبهم معه بالرد عليه فإن ذلك يسعده ويدفعه إلى المزيد

ويجتهد حتى يضع مواضيع أجمل من السابق

وتجده كل يوم وهو موجود في المنتدى ويرد على مواضيع الغير وهو متأكد بأن

أخوانه وأخواته سوف يردون على مواضيعه

ولكن إذا لم يتم الرد على موضوعك وأنت بذلت جهد كي تضعه في المنتدى

فبماذا تشعر؟؟؟؟؟؟؟؟؟؟؟؟؟؟؟؟؟؟؟؟؟؟؟...........

 

[الوتر الحساس]

والله بفوت بالحيط وبزعل
بس انا مو هيك آبدا
أنا برد على مواضيع الكل شو ماكانت
خاصة الاعضاء الجدد
حتى ما أزعلهم
يسلمووو والله هالموضوع لازم يكون من زمان
يعطيك الف عافية

 

[ஃ MAGNUM ஃ]

والله اذا كان موضوع من جهدي وتعبي طبعا بنطعج
اما اذا كان موضوع قص ولصق
فا اكيد مارح اسئل
بكل الاحوال انا شخصيا ما كتير بهمني هل الموضوع
لان هدفي من تنزيل الموضوع اكتساب المعلومه
مش الشكر والمديح


​

 

[*ياسمين الشام*]

والله انا اذا ماحده رد على موضوعي بجن وبيجي عبالي أئلب المنتدى فوئاني تحتاني

 

[روح الشام]

عادي ردو ولا ماردو

انا المهم عملت اللي عليي ونزلت شي مفيد

واذا بدن يستفادو اهلا وسهلا مابدن براحتن

ثانكس

 

[F°¹A°²R°³ES¹²³]

اكيد نحنا لازم نقدر انو العضو ما فينو يرد على كل المواضيع الي بتنزل بالمنتدى ممكن لكذا سبب من هل اسباب ضيق الوقت لانو ما شالله عنا المنتدى عباره عن ارض كبيره وعالم كبير وحلو كتير والي فيه من الاعضاء كل عضو متالق اكتر من التاني منشان هيك ممكن انو ما يكون مر على موضوعي سهواً منو او لديق الوقت على كل حال انا من جهتي بتشكر كل الاعضاء الي مر ورد والي ما مر وما رد بس بكلا الاحوال انا برايي لما ما ينرد على موضوع مبذول بجهد خاص بيحس حالو الواحد متل الشارع الي من دون اشاره .....


تقبلو فائق احترامي وتقديري ....:10:​

 

[الدمشقي]

شكرا على الردود المفيدة

نورتونا يا حبايب

 

[حلبي]

أيه سيرة و انفتحت
أنا بعتباري جديد في المنتدى ألا أن لي بعض الملاحظات على الأخوى في الردود
طبعاً أنا أتكلم عن نفسي و لكل شخص رأي و احترم أراء الأخوى جميعاً
و لكن للتذكير
1 - الرسوم المتحركة التي تعبر عن رأي المشارك في الموضوع بدل عن الكتابة بالكلمات التي خصنا الله بها نحن البشر و أعتقد حتى أن الصم و البكم يستطيعون أن يشاركو في التعبير بواسطة الكتابة بدل هذه السمايلات
2 - هناك الكثير من الموضيع تدل على أن هناك من يريد أن يحاور بها فيأتي التعليق عليها
ب أيه والله يسلمو و كم سمايلي
3 - أذا كان هدفك من أن يصل الموضوع الى الناس فلا تنتظر التعليق بل أنظر الى كم عدد الناس الذين قرأو الموضوع
و أشكر الأخ الدمشقي على طرح الموضوع
و لايحضرني الأن بعض الملاحظات لأن الذاكرة خانتني في هذه اللحظة
مرة أخرى شكراً لك أخي الكريم ​

 

[Queen]

والله شي بيحطم ازا بنزل موضوع وما حدا بيرد علي لانو عم اجتهد لحتى نزل شي حلو ومفيد واخر شي ما حدا يرد علي اكيد بحس بظلم وتقليل من شأني ................


يسلمو عالموضوع الحلو....

 

[الدمشقي]

أيه سيرة و انفتحت
أنا بعتباري جديد في المنتدى ألا أن لي بعض الملاحظات على الأخوى في الردود
طبعاً أنا أتكلم عن نفسي و لكل شخص رأي و احترم أراء الأخوى جميعاً
و لكن للتذكير
1 - الرسوم المتحركة التي تعبر عن رأي المشارك في الموضوع بدل عن الكتابة بالكلمات التي خصنا الله بها نحن البشر و أعتقد حتى أن الصم و البكم يستطيعون أن يشاركو في التعبير بواسطة الكتابة بدل هذه السمايلات
2 - هناك الكثير من الموضيع تدل على أن هناك من يريد أن يحاور بها فيأتي التعليق عليها
ب أيه والله يسلمو و كم سمايلي
3 - أذا كان هدفك من أن يصل الموضوع الى الناس فلا تنتظر التعليق بل أنظر الى كم عدد الناس الذين قرأو الموضوع
و أشكر الأخ الدمشقي على طرح الموضوع
و لايحضرني الأن بعض الملاحظات لأن الذاكرة خانتني في هذه اللحظة
مرة أخرى شكراً لك أخي الكريم ​

والله كلامك مدوزن

نورت

 

[الدمشقي]

والله شي بيحطم ازا بنزل موضوع وما حدا بيرد علي لانو عم اجتهد لحتى نزل شي حلو ومفيد واخر شي ما حدا يرد علي اكيد بحس بظلم وتقليل من شأني ................


يسلمو عالموضوع الحلو....

الله يسلمك منورة