مخرجون سوريين.

[الوتر الحساس]

بسم الله الرحمن الرحيم
السلام عليكم ورحمة الله وبركاته


لاحظت ظاهرة المخرجين السوريين يلي عمّ ينتقلوا
لدول خليجية ويخرجوا ..
وبنفس الوقت ما بتطلع بكفاءة :80:المسلسلات السورية اللي اخرجوها بزمانتهم...
شي بيحير ..
يعني اذا مشان الانتاج والمصاري..
أنا بدفع لانو عنجد شي بيرفع الضغط الدراما الخليجية عندخا مخرجين ,, يعني القصد ...
عمّ يروحوا مخرجين للدول الخليجية ذوي كفاءات ..
متل مأمون البني وهشام شربتجي..
اهـ شي بيزعل .. وكمان الجمهور الخليجي
ماعمّ يمدح منهم كل هالقد ..:10:
يعني جايه عبالي أعمل مظاهرة ويرجعوا لبلدهم
ولاصلهم وما تفرق بينهم مبالغ ماديهـ

أنتوا شو رأيكم شو السبب أختيارهم الدراما الخليجية ؟؟
أنا بانتظار ارائكم

 

[روح الشام]

مالي علاقة انا

بعدين اكيد الخليجين عم يدفعولهم اكتر

 

[موجوع]

اكيد عم يندفعلن اكتر​

 

[لورين]

ه عجبني رد روح الشام ما دخلني انا ه

يا عمي مو بس مخرجين كمان ممثلين
ما بعرف شو وضعن بس انا برأيي
الدراما السورية عم تبلش تطلع روحا شوي
بقا يرجعوا لهون و يحسنوا الوضع احسنلن

 

[mahmoud salih]

ليش مانكن دريانين أنو مبنى الأذاعة والتلفزيون السوري أنتقل الى مقره الجديد الكائن في دبي
​

 

[جمانة]

كل واحد بدور مصلحتو
ما عنا مخرجين سوريين بالخليج
بس والله الواحد بيشوف وين بيندفعلو اكتر و بيروح
شي طبيعي
حتى انتي لو لقيتي فرصة عمل برات بلدك
رح تطلعي
​

 

[الوتر الحساس]

لورين معها حق
تاني شي انا لو كانت مكانهم ماكان رجت <<الوردة الفارسية
انا بعرف بلدي وممثليها وكتّابها وبعرف اقتصاد الدولة ..وبعرف انو صار في شي اسمو ثورة الاعمال السورية .. صارت مسلسلاتها عمّ تعمل ضجة وتاخد جوائز عالمية .. شي بيرفع الراس
بالنهاية هالمخرج لمّا يلاقي مين يدفعلوا أكتر
ونص سهل وسخيف يروح ... <<مع الخيل يا شقرا
بعدين شوفي المخرج سيف شيخ نجيب
ساوى ممرات ضيقة ووجه العداله ,,
بزمتي احلى من هالمسلسلين ما شفت مخرج ناجح بيروح
بيخرجلي شر النفوس تبع السحر والعلاك
انا حاسه انو مودي متلي معصب على هالشغلة
بتشكر عالردود لورين
وروح الشام
موموج ومودي
ووردة فارسية
نوّرتوا

 

[F°¹A°²R°³ES¹²³]

تقبلــ تحياتيــ ...

اخي الكريم اولا بهنيك على موضوعك الي حارق قلوب كتير عالم بسوريا وبهنيك من كل قلبي ...

تانياً اخي الكريم يا ريت كل انسان ببلدنا يفكر انو يعمل غزو ضد هل ظاهرة هي بس بالنهاية الانسان لو فكر شوي بيلاقي اي انسان بطبعو طماع واي مخرج او ممثل او مفكر او اي مبدع عنا بسوريا لما يطلع لبرا بيكون طمعان بكم ليره زيادة ياخدها برا لانو طبعا بالنسبة للامور المادية صارت الافضلية للبلاد الي برا الي ما عم تخلي فرصة الا وما بتحتضن هل عقول هي وهاد الشي الاساسي والسبب الرئيسي لانو نحنا عم نشوف كل البلاد الي حولينا عم يصير عندها تطور فظيع وبسرعة كبيره الا نحنا ممكن انو نكون عم نطور بس بشكل بطيئ وبنفس الوقت الانسان بيقول لحالو لو هل عقول هي وهل ابداعات هي كانت مصلحة بلدها فوق مصلحتها بشوي صغيره كانت بلدنا بالف خير بس اي موضوع الانسان بيحي فيه بالنهاية بتلاقي مشكلتو الناحية المادية وهاد شي مؤسف ...


اسف للاطالة تقبل فائق احترامي وتقديري ....​

 

[الوتر الحساس]

أول شي أنا بنت!!<<يعني أختك..
تاني شي معك حق نحن عنّا التغيير ببطىء بس بيكووون كبير
غير باقي الدول
عكل نوّرت

 

[Cosette]

مالي علاقة انا

بعدين اكيد الخليجين عم يدفعولهم اكتر

انا معها
لانو الدول الخليجية عندا امكانيات مادية اكبر بكتير من الامكانات الموجودة بسوريا
بس طبعا مافي مواهب متل المواهب السورية
مع الاحترام للجميع