مستشفى البيلسان للتعرف على حالتكم الصحية

[✿منى قلبي✿]

س1/هل سبق ان اجريت عمليه؟ اذكرها ؟

ممممممم لاء والحمد لله

س2 /تحب تروح للمستشفى أول مآ تتعب ولا تتحمل ..؟!

اي انا كتير بخاف على حالي وبروح مشفى اول ما حس بشي

س3/ متى آخر مره رشحت .؟؟!!
السنة الماضية هي السنة الحمد لله نو ما رشحت



س4 / متى آخر مره رحت للمستشفى ؟ كنت مريض ولا مرافق ؟
كنت مريضة لوزي نازلين واع من شهر تقريبا




س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

عادي بس لما بمرض واع فورا مشفى للمعالجة


س 6 / شي تكرهه في المستشفى ؟
وبتحب الابره ولا لأ ؟

الابرة بكرها وما بحبها وبخاف منها

س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير
كل شي ظريف الا دكتور الاسنان بغط على قلبي لمجرد سماع اسمو

بس مضطرة للزيارة واع


س8/ هل تمنيت يوم أن تصبح دكتور ..؟!
لاء ما بحب هل مهنة مسئولية


س9/ كلمه لكل مريض .!

الله يعافي كل مريض ويبعد المرض عنا


وشكرا للدعوة المشاركة بلموضوع

 

[دموع الورد]

سلامتك يا حلوة
​

 

[دموع الورد]

وهلأ رح يكون معنا

كماتشو
​

 

[shaly]

يعني القصة بــ دور ؟؟؟

 

[دموع الورد]

يعني القصة بــ دور ؟؟؟

اي يا حلوة بالدور وكل واحد رح يجيه دوره
​

 

[دموع الورد]

يلا اتفضلي معنا دورك هلأ يا

shaly
​

 

[دموع الورد]

وهلأ رح يكون معنا

سكون الليل
​

 

[سكون الليل]

شكراً للدعوة الكريمة ..... سندريلا ...
وإليك الأجوبة ...
س1/هل سبق ان اجريت عمليه؟ اذكرها ؟

ولله الحمد لم أجر أي عملية جراحية أو غيرها ...
س2 /تحب تروح للمستشفى أول مآ تتعب ولا تتحمل ..؟!

أكره المستشفيات بشدة ... أحاول ألا أذهب إلا مضطراً ..


س3/ متى آخر مره رشحت .؟؟!!


ولله الحمد ... الزكام صديق دائم ... زياراته متكررة .. صيفاً وشتاءً ... حريص جداً على وصالي !!

س4 / متى آخر مره رحت للمستشفى ؟ كنت مريض ولا مرافق ؟


آخر زيارة كانت بالأمس ... وكانت من باب عيادة مريض ..

س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

لست بالحرص الشديد الذي يصل حد الوسواس ... كما أنني لست مهملاً .. بين هذا وذاك ..



س 6 / شي تكرهه في المستشفى ؟

وبتحب الابره ولا لأ ؟

بسبب تجربة سابقة مريرة .. من خلال مواكبة المرضى ... أكره مجرد مروري أمام باب المشفى ..!
أما بالنسبة للإبرة فليست بالهم العظيم ..!!

س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير

علاقتي به طيبة ، إذ أنه صديقي .. واهتمامي بصحة أسناني معقولة ..

س8/ هل تمنيت يوم أن تصبح دكتور ..؟!

أبداً .. ولن أتمناها في يوم من الأيام ..

س9/ كلمه لكل مريض .!

سنسأل جميعاً في يوم من الأيام عن أبداننا .. وفيم أبليناها .. أفي طاعة الله .. أم في سخطه ...
وهل اعتنينا بهذا الوعاء الذي يحتضن أرواحنا .. كما ينبغي ..
شكراً مجدداً .. سندريلا ..

 

[sad souls king]

موضوع حلو كتير
وعبال عندي
​

 

[دموع الورد]

اي يلا شرفنا اذا جااي عبالك تزور المستشفى

sad souls king
​

 

[عماد الساهر]

امممممممممممممممممممممم
موضوع نايس و الله
الله حيو الشباب و الصبايا

 

[sad souls king]

س1/هل سبق ان اجريت عمليه؟ اذكرها ؟

لا
س2 /تحب تروح للمستشفى أول مآ تتعب ولا تتحمل ..؟!
لا بتحمل بكره المشافي

س3/ متى آخر مره رشحت .؟؟!!

من شي جمعتين

س4 / متى آخر مره رحت للمستشفى ؟ كنت مريض ولا مرافق ؟


مرافق

س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!


لا عادي ما بحب تئل لبس

س 6 / شي تكرهه في المستشفى ؟
وبتحب الابره ولا لأ ؟

بكره ريحة المشافي
ولابرة يمو علله ما بطيقا

س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير

ولا مو كتير

س8/ هل تمنيت يوم أن تصبح دكتور ..؟!

لا ابدا اطلاقا بتاتا نهائيا

س9/ كلمه لكل مريض .!

عليك العافية

 

[دموع الورد]

وهلأ رح يكون معنا

عماد الساهر
​

 

[عماد الساهر]

أنا !!!!
merci

..................................................................................................................................

س1/هل سبق ان اجريت عمليه؟ اذكرها ؟
لأ, الحمد لله على تمام الصحة


س2 /تحب تروح للمستشفى أول مآ تتعب ولا تتحمل ..؟!
لأ, بكره المشفى جدا جدا,, لا زيارة و لا إذا كنت مريض,, و مستعد أتحمل لأبعد الحدود,,بس مجرد ما امرض بحكي مع الدكتور بيجي لعندي و بيكتبلي دواء و بس .


س3/ متى آخر مره رشحت .؟؟!!
من 8 شهور



س4 / متى آخر مره رحت للمستشفى ؟ كنت مريض ولا مرافق ؟
(أكيد مرافق الحمد لله) ما بعرف صرلي سنتين ما رحت,, آخر مره رحت فيها ع المشفى وقت عمل خالو عمليه (الله يرحمو)



س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!
اي كتير بحافظ على صحتي, ما بحب الآيس كريم بكل أنواعها,, و لا المكييف بس مرات أكيد ما بقدر بدونو بس مع ذلك ما بقعد بشكل مباشر قدام الهوا البارد,, بس من ناحية اللبس ما عندي ملابس شتوية كلو صيفي و خريفي ,, لأن ما ببرد أبدا,حتى وقت انزل ع الجامعة بكون لبسي كتير عادي بس بلبس جاكيت سميك (هيك طبيعتي سبحان الله)



س 6 / شي تكرهه في المستشفى ؟
وبتحب الابره ولا لأ ؟
بكره براد الأموات لأن شفتو مره بقيت الصورة بعقلي سنة كاملة ,, و غرفة التشريح كمان ,, بس أكتر شي بكرهو غرفة العمليات,, و خصوصي اللمبة فوق تخت المريض
أما من ناحية الأبرة ما باخدها إلا وقت الطوارئ , ما بحبها كتير , بفضل اتحمل الألم و آخد حبة أو شراب

س7/ كيف علاقتك مع دكتور الاسنآن ؟
وبتحافظ وبتهتم بأسنانك ولا مو كتير

علاقتي بالدكتور جدا ممتازة ,, و عندي زيارة متواترة كرمال افحص أسناني, واهتمامي الأول أسناني بعتبرها متل واجهة البلور للمحل لازم دايما عم تلمع , سناني متل صف اللولو الصلاة ع النبي العربي (( صلوا ع النبي))

س8/ هل تمنيت يوم أن تصبح دكتور ..؟!

لأ أبدا مع أنو كنت بقدر أدخل طب بشري بالإمارات ,, بس ع العموم مافي مشكلة لأن كمان عم أدرس طب بيطري

س9/ كلمه لكل مريض .!

إن الله أنزل البلاء ليختبر به عبادة المؤمنين,, و الأجر على قدر المشقة,,فاصبر عسى الله أن يكفر لك بمرضك خطاياك فتخرج من ذنوبك كيوم ولدتك أمك

و بيني و بينك يعني ,, أمرض بالدنيا و بلا تنشوى بنار جهنم يوم القيامة ((اللهم أجرنا منها))

و الله يشفي كل مريض و يصبرو ع الوجع​

 

[دموع الورد]

وهلأ رح تكون معنا

روزا
​

 

[روزا]

اسفة عالتاخير لكن النت هالكني

 

[دموع الورد]

ما زلنا بأنتظارك يا حلووة
​

 

[روزا]

س1/هل سبق ان اجريت عمليه؟ اذكرها ؟

لاالحمد للة

س2 /تحب تروح للمستشفى أول مآ تتعب ولا تتحمل ..؟!
لا بتحمل

س3/ متى آخر مره رشحت .؟؟!!
من شي 5شهور



س4 / متى آخر مره رحت للمستشفى ؟ كنت مريض ولا مرافق ؟
من شي شهرين زيارة مريض



س5/ انت من النوع اللي يحب يسكر المكيف وما يآكل ايس كريم ومايخاطر ويلبس نص خزانته بالشتاء ولا عادي
يعني حريص على صحتك ولا لا ؟!

ليكي انا بحب اشغل المكيف احيانا مو كل الاوقات وبحب الايس كريم وبلبس ملابس كتيرة بالبيت بالشتاء اما خارج البيت عادي لباسي وانا مو حريصة ع صحتي بس الحمدللة قليل ما اني امرض


س 6 / شي تكرهه في المستشفى ؟
وبتحب الابره ولا لأ ؟
جو المشفى بيوترني والابرة ما بحبها


س7/ كيف علاقتك مع دكتور الاسنآن ؟

وبتحافظ وبتهتم بأسنانك ولا مو كتير
عادية علاقتي معو لاني شكيت مرة واحدة من اسناني وتعالجت ومشي الحال اي بهتم بتنظيف اسناني كتير


س8/ هل تمنيت يوم أن تصبح دكتور ..؟!
لا


س9/ كلمه لكل مريض .!

/مرض وشفاء ياما حلاه /بتمنالهم باذن ربي الشفاء العاجل

 

[دموع الورد]

وهلأ رح نستضيف معنا الامورة

همسة
​

 

[دموع الورد]

هلأ رح تكون معنا

dreamy girl
​