معاناه الرجال مع المرأه النئائه

[ملامح قمر]

السلام عليكم ورحمه الله​

كيف أيامكم​

ئال بئولو أصعب شي بحياه الرجال وئت يغلط غلطه عمروو
ويتجوووز وحده نئااائه

يعني عالفايته وعالطالعه تركا ع نئ وزن و مجاكره
و على خدني وجيبني
وئلي لئلك
وهييييييك

لحتى تصير تكره عيشتك وتكره الساعه يلي
تجوزت فيا هالمخلوئه

​

وما غلطو أهل المتل يلي ئالو " تجوزنا لننستر اسئى الله ايام الفضيحه"​

ما عليكم وبلا طول سيره وبلا كتره النئ خخخخ
وخلينا نفوت بالموضوع:​

اليوم بتجي وحده رفيئتي لتشكيلي عن جوزا
وطبعاً معصبه وعم تفور وتغلي
وتئلي شايفه هالمنظوم شو ساوا فيني
ئلتلا خير انشالله
ئعدت تحكيلي سمعو شو حكت:​

" كنا طالعين بالسيارة أنا وياه وهو عم يسوق وانا عم احكي معو شي ئلو روح دخول بهالدخله و شي فوت بهالشارع أو لف عاليمين وانتبه من هالسياره وعميل هيك وساوي هيك
آخر شي طلع فيي وئلي طيب انتي بعمرك سئتي سياره ولا ئعدتي ورا دركسيون
ئلتلو لااا
ئلي لكن ضبي لسانك بحئلك وبلا نئ وكبر معلاء
طبعا أنا ضليتني هالمنوال ما بئدر ما فيي الا ما احكي كيف بدي ضل ساكته طول الطريئ
بعد شوي بوئف السياره وبئلي هففف كأنو انضرب الدولاب
نزلي يا حرمه خلينا نشوف شو الئصه
بئوم انا بنزل من السياره
وهالمنظوم بدور المحرك وبيسحب بالسياره وبيتركني وائفه متل الهبله بنص الشارع
عجبك ع هالعمله شو ساوي فيه شو اعمل معو حدا بيعمل هيك بمرتو"​

طبعا انا شو نصحتا : ئلتلا احسن شي تزاعليه كم يوم وما تحكي معو بالمره
" طبعاً هو مرح يكون زعلان بيرتحلو من نئا يومين "​

هالسيره زكرتني بحكايه من الاساطير كنا نحكيا بصغرنا:​

{هاد بئولو انو كان في رجال عندو مره كتيير نئائه لدرجه كانو يسموها "القرعه"
من كتر ما تنئ ئلا انا رايح كب حالي بالبير ئالتو لا اذا بتعملا انا بكب حالي
تاني يوم عنفس السيره ئلا خلص انا مابئا اتحمل نئك رح روح كب حالي بالبير وارتاح منك
ئالتلو لا انا بكب حالي
ئلا روحي كبي حالك
فعلا ما كزبت خبر
يومين بيمر من جنب البير بيسمع صوت استغاثه بيطلع بيشوف حيه كبيره كتير
وشكلا بشع عم تزحف بالبير بتئلو الله يخليك خلصني من نئ مرتك بعطيك يلي بدك ياه
بيطالعا من البير بتئلو طلوب يلي بدك ياه
بغنيك لولد ولدك اذا بدك بس ما بتطلب طلب تاني والا بموتك
بئلا بعدين
بعد هالحادثه بكم يوم بيسمع الرجال انو في حيه لافه ع رئبه الملك ويلي بيئدر يشيلا
من دون ما ينأزى الملك بنعطيه يلي بدو ياه
بروح هالرجال عند الملك وبشوف الحيه نفسا بيئرب بيهمسلا
بتئوم فورا بتترك الملك وبتروح
طبعا وبياخد نصيبو
بعد كم يوم بيسمع انو نفس الحيه لفت ع رئبه ابن الوزير
شو بدو يعمل هاد ما فيو يطلب طلب تاني والا بتموتو
بروح وبئلا بدي احكيلك شي
"مرتي طلعت من البير" ه

طبعا الحيه بتترك ابن الوزير وبتروح بوشا عالبير
خخخخخ​

بئا شو رأيكم بالرجال: شكلو دايئ كتير من مرتو القرعه خخخ
لحتى طلع معو هيك ​

بدي ردودكم شباب ورأيكم اذا عندكون تجارب مع هالموضوع
وبدي الصبايا كمان يفوتو يحكولي
صحيحه هالخبريه واااع

ولا الرجال ظالمينا ​

بس ما كون نئيت كتيييير هه

​

تحياتي
​

 

[ندى القلب]

والله معهم حق الي عندو مره متل هيك بيحقلوو يطفش من البلاد ويهاااجر​

 

[ملامح قمر]

اكيد حسيتي بئهرو مو
فعلا شي بيعصب ويرفع ضغط
انا لو مكانو بليحا شي كفين بجيب اجلا
شكرا على مرورك تحيتي لك

 

[عكــ البيلسان ــيد]

لك والله ما بعرف ليش بيكرهو المراة النئائة
انا مني وعليي روح ئلبي النئائات
والدليل اني استمتعت بقراءة موضوعك وما مليت من نئك
​

 

[دموع الورد]

هو انا بنت متلي متلها ونقهرت وطلعت روحي من نئها شلون هو بئى

لك لو محلو بخنقها وبرتاح من نئها
​

 

[ḾǑŏǑŏǓĐỸ]

انا لو محلو بقلها نزلي دفشي السيارة وبرجع لورا أنريه يعني وبفعسها
​

 

[Faby]

اي بدها العين تطرقها
والله الزوء حلو وقلة الزوء ما في ابشع منها شايفتو مزعوج بتضل عم تلعي منيح ما سفئها بأفا ايدو ه

​

 

[ĻàĎỷ iЙ ŖẼD]

تركا بنص الشارع يا باطل على هيك رجال
لو شو ما بتعمل ما بيصير



هي مرتو اما ولادو مظطر يتحملا ايوا
​

 

[mr_ops]

هلء مشان رفيقتك .. الي تركها زوجها بنص الشارع ومشي ما حبيت هالحركة مو حلوة يعني .. انا لو مكانه يا اما بقلها انزلي سوقي عني يا اما بخليها تنخرس وتضب لسانها احسن ما اسفئها شي كفين تنخرس فيهم .. ما بحب اي حدا يقلي ساوي هيك واعمل هيك وانتبه في سيارة واطلع من هون وامشي لهون ..

ومشان المرأة النئائة بقلها انا ارجعي على بيت اهلك بدي آخد اجازة منك ومن نئك .. مشان تتعلم تبطل نئ لانه اكره شي النئ .. هي متل قصة بكرا النئ ..

الله يبعد النئ عنا يا رب .. ​