معلومات واستشارات في طب الفم والأسنان مع الدكتور عماد

[ČốηťĕṨṩก]

زعلتوني عليكون ... والله معكون حق شي صعب مو سهل .. هي اجباري بدها روحة لعند الطبيب وأنا بفضل تروحوا بأسرع وقت ممكن ليحدد الطبيب شو بدو يعمل وبنصح بالسرعة لأنو بينخاف ما يعمل تراكم بالأسنان الأمامية

كنت خايفة هلا طمنتني
شو مشان انك خوفتني بزيادة و شو هاد تراكم ما تراكم ولييييي
خلص خلص جايي لعندك​

يسلمووووووووووون عماد


​

 

[المستشـــار]

ضرس العقل ايمتى بيطلع هادا باي سن يعني
يا ريت تحكي شوي عنو دكتور عماد​

تكرم عينك ...

ضرس العقل بيطلع بين سن ال18 و25 بالأحوال الطبيعية ... وهو مشان هيك اسمو ضرس العقل لأنو بيطلع بمرحلة النضج العقلي اذا صح التعبير

أهم مشاكلو هو ظهوره بشكل مائل أو بشكل عرضي ..
من المشاكل الأخرى
- الآلم بين الحين والآخر نتيجة لضغط ضرس العقل على عصب الفك السفلي
- الإلتهابات الناجة عنه

وأنا بنصح أنو من بداية ظهور ضرس العقل اذا كان مائل يجب قلعه جراحيا لكي لا يحدث ضرر للأسنان الأخرى ..

 

[المستشـــار]

كنت خايفة هلا طمنتني

شو مشان انك خوفتني بزيادة و شو هاد تراكم ما تراكم ولييييي
خلص خلص جايي لعندك

يسلمووووووووووون عماد ​

لأ لا تخافي ولا على بالك

الله يسلمك وديري بالك منيح لا تتأخري

 

[ღRosa Blancaღ]

احلى حكيم الله يعطيك الف عافية

انا ببئى بستشيرك بس لارجع شوفك مسيو عماد ​

 

[المستشـــار]

شبيكي لوبيكي ليكني بين ايديكي .. أمري شو بدك تفضلي ليكني هه واستشارة مجانية كمان تكرم عينك

 

[ღRosa Blancaღ]

منيح بينت والله الحمدلله عالسلامة ​

 

[المستشـــار]

الله يسلمك الهي

 

[ღRosa Blancaღ]

عندي استشارة سنية ايمتى بتكون فاضي دكتور ​

 

[المستشـــار]

امتا ما بدك لو كنت مشغول بفضالك شو كم رمروم عنا نحن

 

[ღRosa Blancaღ]

تسلملي يارب

اي دكتور منجي للجد من فترة دكتوري الاسنان الشرير ركبلي تلبيسة على ضرسي تقول صارت معركة لنزلت هالتلبيسة محلها

المهم صارلي تقريبا شي شهر ونص حاطتتها

بس كل فترة وفترة بتوجعني عالضغط بتضل يوم او يومين ؟؟ بدي اعرف السبب علما انو هيي كتير ناجحة

وميرسي لالك سلفا ​

 

[المستشـــار]

هو سجبلك عصب هاللسن شي ؟ .. وبوجعك عالأكل يعني وقت بتعضي على ضرسك .. احتمال يكون جاي عاللثة وممكن تكون هيي سبب الألم وحكيلي شو طبيعة الألم عالعض أو الطرق ألم شديد ودائما كل عضة؟ ولا شو .. يعني حكيلي شوي أكتر

 

[ღRosa Blancaღ]

هو سجبلك عصب هاللسن شي ؟ .. وبوجعك عالأكل يعني وقت بتعضي على ضرسك .. احتمال يكون جاي عاللثة وممكن تكون هيي سبب الألم وحكيلي شو طبيعة الألم عالعض أو الطرق ألم شديد ودائما كل عضة؟ ولا شو .. يعني حكيلي شوي أكتر

هلئ هاد الضرس مسحوب عصبو من قبل مرة وتركبت التلبيسة بعدين انا عانيت كتير فيها لهالتلبيسة لدرجة انو ضليت عالمسكنات التقيلة 3 ايام متواصلة دفشتلي سناني الحلوين لانو

تانيا الالم عم يصير وقت العض مو عالطرق يعني عالطرق عم صير الم بس مو متل وئت عض

وعم يكون الالم بنص الضرس مو بالاطراف وهيك فجأة بيصير عندي هالالم وفجأة بيختفي ليش ما بعرف

بكفي لهون ​

 

[المستشـــار]

طمنيني شو صار معك أن فتت بعدين وما عاد شفت رد فما عاد فتت .. المهم طمنينا عنك