مقلوبة احلى دنيا

[احلى دنيا]

مرحبا يا حلوين ... زمان ما نزلتلكون شي

يعني شو اعمل الدراسه ماخده وقتي ( هي احلى كزبه بكزب فيها على نفسي )

المهم ...

عملتلكون اليوم يا جماعة الخير مقلوبه ... لاول مره بعلها

بس جد جد برافو علوش ... يعني طعم بشهي

اول شي رح اتركن مع الصور

رح بلش بالمكونات
جاج او لحمه ع حسب عدد الافراد والرغبه
رز كمان ع حسب عدد الاشخاص والرغبه
باتنجان .. انا حطيت باتنجان و زهره وجزر
والبهارات ( هيل .. قرفه .. ورق غار .. ملح .. فلفل اسود )
وبصل

الطريقه ..
اول شي بنسلق الجاج
وبنحط البهارات .. قرفه وهيل وورق غار وبصل وفلفل اسود
لتجهز مرقة الجاج بنكون احنا نقعنا الرز شي نص ساعه
وبنقلي الباتنجان .. انا قبل ما اقليه ملحتو .. ما طلع مالح عادي
بس نخلص من سلق الجاج
بنشيل هالجاج وبنحطو بقاع الطنجره
وبعدين طبقة الباتنجان والزهره
وبعدين الرز
بعد هيك بناخد مرقة الجاج وبنغمر الرز فيها
بس مو كتير
وبس هيك .. شفتو شو سهله ​

 

[دموع الورد]

براااااااافو علووش

يسلمو ايديك ِ
​

 

[سِدْرَة المُنتَهَى]

تسلمي طباختنا الموهوبة
​

 

[ربيــــــع]

أنو يعني شو مشان ...

أنا المقلوبة الأكلة رقم واحد عندي و إزا في أكتر من واحد بعطيها .....

يعني ما رح احكي شي لأن وئت بشوف المقلوبة بيوقف فكري تماما و ما بحسن فكر بشي تاني

 

[جمانة]

وليش ما كتبتي انو انا يلي علمتك تعمليها اه

بس طالعة بتشهي طالبة مجدة تئبشيني
​

 

[STELLA]

كانو هي اسما مخبوصة مو مقلوبة

بس جد ريحتها طيبة واصلة الريحه لعندي

يسلم دياتك يارب علووووش الشيفة

 

[احلى دنيا]

براااااااافو علووش ​

يسلمو ايديك ِ ​

الله يسلمك عسولتي

 

[احلى دنيا]

تسلمي طباختنا الموهوبة ​

الله يسلمك امونتي
انا لسه عم بستنى شوف شي منك

 

[عهد القمر]

كتير شكلا طيبة

يسلمو

البنتجان هو اللي بحليها

​

 

[Pure Feelings]

لاول مرة بحس انو الك فوائد ياعلوشتي

بارك الله فيكي

ممتازة

والى الامام بالطيخ

احلى شيف

 

[سِدْرَة المُنتَهَى]

الله يسلمك امونتي
انا لسه عم بستنى شوف شي منك

ع النار الطبخة انتظريني ​

 

[الريشه السوداء]

شكلا لزييييزه

يسلمووووو ايديكي

 

[mahmoud salih]

أنقلبت رأساً على عقب

من بعد هذا المنظر

علوش وبس والباقي مقلوبة حياتو

 

[احلى دنيا]

أنو يعني شو مشان ...

أنا المقلوبة الأكلة رقم واحد عندي و إزا في أكتر من واحد بعطيها .....

يعني ما رح احكي شي لأن وئت بشوف المقلوبة بيوقف فكري تماما و ما بحسن فكر بشي تاني

والله والله معك حق لاني انا هلا عم شوفا جعت
شغله هالمقلوبه

 

[احلى دنيا]

وليش ما كتبتي انو انا يلي علمتك تعمليها اه ​

بس طالعة بتشهي طالبة مجدة تئبشيني ​

يقبرني يلي بكزب الكزبه وبصدقها شو دب

 

[احلى دنيا]

كانو هي اسما مخبوصة مو مقلوبة

بس جد ريحتها طيبة واصلة الريحه لعندي

يسلم دياتك يارب علووووش الشيفة

والله انا هيك بحبا للمقلوبه
تكون مخبوصه
الله يسلمك تقبشي قلبي

 

[Black Hawk]

يا عيني يا عيني

شكلها زاكي جداااا

بس مو متل الي عملتها انا من يومين

شكرا شيف علا ​

 

[سعد قيس]

يا الهي
منال العالم
بتشهي والله