STELLA
المحاربين القدماء
- إنضم
- Oct 24, 2008
- المشاركات
- 9,614
- مستوى التفاعل
- 155
- المطرح
- على ضفاف أحلامي الضائعه
أعضاء البيلسان الغالين .. بدي حط بين أيدين أول رواية بتكون من تأليفي .. وأول مرة بجرب أكتب باللهجه العامية .. يعني ولا مرة سبق وكتبت بالعامي .. حابة تشاركوني بتجربتي هي وتعطوني رأيكم بكل صراحه .. لح نزل الرواية على أجزاء .. لأنها طويلة .. وأكيد بدي دعمكم المعنوي لألي .. لأنو بيعنيلي كتير .....
بحب أشكر شخصيين شجعوني بكتابة هالرواية .. واحد منون مهند ( ذا لورد ) والتاني شخص من برى المنتدى .. شكر كبير بوجهوا الكم
مكالمة مجهول غيرت حياتي
بحب أشكر شخصيين شجعوني بكتابة هالرواية .. واحد منون مهند ( ذا لورد ) والتاني شخص من برى المنتدى .. شكر كبير بوجهوا الكم
مكالمة مجهول غيرت حياتي
أنا لحبيبي وحبيبي الي .. في عصفورة بيضا لبئى تسألي ........ كانت زينة سرحانه باخر الليل وئاعدة ع الضو الخافت ... والا برن موبايلا بصوت فيروز الشجن .. بتئوم بتنئز منو .. بتمسك الموبايل ولا بتلائي رقم غريب مو مسجل عندا .. بتتردد رد ع الرقم ولا ما رد وصوت فيروز عم يعلى شوي شوي ... قررت بالأخر انو ترد .. ردت الو .... بيطلعلا صوت شب بئول
_ مرحبا
_ اهلين
_ كيفك ؟؟
اتلبكت بالبداية فجاوبت
_ منيحه ... بس ممكن اعرف مين معي ؟
_ أي بتعرفي ليش لا ... بس انو شبك هيك مستعجله
هون حست زينة انو واحد عم يلف ويدور وحابب يتبايخ عليها .. بتئوم بتئلو بنبرة حاده
_ غلطان يا أخي .. وبتسكر السماعه بوشو .. ما بتنطر انو يرد عليها او يحكي أي كلمة ..
ما بتلحئ تسكر الا بيتصل ... بترجع بتفصل بوشو .. كمان بيتصل .. بالنهاية ملت منو وعملت الموبايل صامت
صحيت الصبح .. كان يوم خميس .. مسكت الموبايل بدا تتصل على رفيقتها تسألها إذا في شي محاضرة تئوم تروح ع الجامعه ولا تكمل نوم .. بتنصدم بعدد الأتصالات الشب الي اتصل مبارح ضل طول الليل عم يتصل لقت 76 مكالمة خلال خمس ساعات بس يعني خلال الفترة الي نامتها كان هو نازل اتصالات .. وهي عم تدور على رقم رفيقتها بين الارقام .. ولا بيجيها مسج من نفس الرقم ... مكتوب فيه
لا تهربي من قدرك ... لح اطلعلك بكل مكان ... انا قدر مكتوب انك تشوفيه ولح تشوفيه كمان وكتير فلا تهربي ... انتبهي على حالك يا حلوة ولا تهربي مني اذا طلعتلك (*_^)
زينة ما ستوعبت الموضوع بالبداية ... رجعت قرت الرسالة مرة وتنين وتلاته .. تفاجأت بالبداية بعدين صارت تضحك وئالت اكيد هاد واحد خالص مانو عرفان شو عم يحكي
اتصلت على رفيقتها سمر ... ودار الحديث
_ سمور كيفك ؟؟
_ اهلين زوزو أنا منيحه .. انتي كيفك ؟
_ منيحه .. وينك بدي اسألك عنا اليوم شي محاضرة مهمه ولا مافي شي ؟؟
_ لا مافي محاضرات .. أي صح عنا محاضرة لهاد الدكتور السئيل
_ أي مابدي احضر .. لح حط راسي وكمل نوم
_ لا شو تنامي ... ئومي تعي نروح نفطر نحنا والشباب .. اليوم ماحدا بدو يروح يحضر
_ جد ؟؟ مين الشباب؟؟
_ لك شلتنا كلا ولو .. شبك صحصحي شوي .. شباب وصبايا
_ أي أي طولي بالك عليي والله صايرة معي شغلة بتخوت
_ اوف خير شو صاير ؟؟
_ هلئ بس ننزل ببئى بحكيلك ع الطريق
_ طيب يلا تعي ع كفتيريا الجامعه ومن هونيك منطلع
_ ماشي .. نص ساعه وبكون هونيك
_ طيب يلا .. باي
_ باي
ئامت زينة غسلت وشها وغيرت اواعيها .. حطيت ميك اب خفيف .. وحملت شنطتها والموبايل ونزلت ..وقفت تكسي .. وراحت ع الجامعه ..دخلت ع الكافتيريا .. كل الشلة بصوت واحد لك تأخرتي يا زوووووووز .. نصدمت هي .. بعدين ئالتلون .. يلا مشوا ....
والله راحو الكل على مطعم ظريف .. وطلبوا اكل بكفي قبيلة .. ع مزح وضحك وتنكيت راح الوقت وما حسو عليه .. بتنط سمر لعند زينة وبتئلا ولك تعي لهون ما خبرتيني شو صاير معك ؟
_ لك مافي شي مهم هلئ خلينا مبسوطين
_ ايوة .. هلئ هيك بدنا نشتغل ... بدي اعرف شو صاير
_ لك والله لح خبرك بس هلئ تركينا من الحكي وخلينا مروئين ...
_ طيب ... ئالتها سمر كأنو وحدة مغلوب على امرها انو لشوف اخرتا معك
بنط من بين كل الموجودين شب من الشلة اسمو مجد وبوقف على حيلو .. وبئول يا شباب ويا صبايا شو رأيكم كل اسبوع نطلعلنا هيك طلعه
ئامت واحدة اسما جميلة ئالتلو ... لك ئعود ولتط الي بسمعك بئول ئاعد ع بنك ... وانت دائما اذا بدنا نطلع شي طلعه بتضل اخر واحد لتدفع
_ له له هلئ هيك طلع معك يا جميلة
_ لك مو هيك ... بس الي بيسمع حماسك بئول هاد اول واحد بيدفع .. وانت بتعرف البير وغطاه
يعني مصروفنا يا الله عم يزبط معنا لاخر الشهر
_ طيب كل شهر .. شو رأيكم ؟؟ والله عم نمل من الجامعه
بالنهاية اتفقوا كل بداية شهر .. يطلعوا شي رحلة او هيك شي فطور او غدا او عشا على حسب الجو
طلعوا من المطعم كلون سوا .. بتلزئ سمر بزينة .. وبتمسكها من ايديها .. وبيلتفتوا ع الشلة وبلوحو بايدون يلا سلام
_ يلا احكيلي ..هاتي لشوف بئي البحصه
_ لك انتي ما لح تبطلي هالعادة .. بتضل بصلتك محروئة
_ محروئة مسلوئة نيه المهم بدي اعرف
_ هاد يا ستي مبارح بالليل اتصل عليي واحد ..
قاطعتها سمر
_ مين ؟؟؟
_ لك شو بعرفني خليني كملك شو صار
_ أي أي كملي تؤبشيني
_ أي اتصل وسكرت بوشو وضل يتصل لوش الصبح ... لما صحيت بدي اتصل اسألك ع المحاضرات بتوصلني رساله منو ..
بتطالع الموبايل من شنطتها وبتفتح ع الرسالة
_ مسكي شوفيها
_ ولي ... شو هالحكي هاد ... ما خفتي لك مجنونة ؟
_ ليش بدي خاف ... بكون شي واحد محشش وحابب يلعب بالأعصاب
_ لا يكون شي واحد من الشلة ؟
_ ما بظن بعرف اصوات كل الي بالشلة وارقامون عندي
_ زينة خلي عيونك مفتحين ها .. وديري بالك .. بلكي كان عم يحكي جد
_ لك حاجتك ولو ال جد ال
_ انتي عملي متل ما عم ئلك بس
_ طيب حاضر .. امرك معلمتي
وهنن ماشين .. بتئلا سمر تعي نشرب فنجان قهوة بالكافتيريا الي هون .. بروحو ع الكافتيريا وبيئعدوا ع طاولة حد البلور الي ع الشارع ... بيطلبوا تنين قهوة وهنن ئاعدين
_ زينة .. يا زينة .. .. سمر عم تحكي وعيونا مشنكلة لبرى عم تتفرج من البلور
_ شو في سمر ؟؟
_ لك اتطلعي
_ مرحبا
_ اهلين
_ كيفك ؟؟
اتلبكت بالبداية فجاوبت
_ منيحه ... بس ممكن اعرف مين معي ؟
_ أي بتعرفي ليش لا ... بس انو شبك هيك مستعجله
هون حست زينة انو واحد عم يلف ويدور وحابب يتبايخ عليها .. بتئوم بتئلو بنبرة حاده
_ غلطان يا أخي .. وبتسكر السماعه بوشو .. ما بتنطر انو يرد عليها او يحكي أي كلمة ..
ما بتلحئ تسكر الا بيتصل ... بترجع بتفصل بوشو .. كمان بيتصل .. بالنهاية ملت منو وعملت الموبايل صامت
صحيت الصبح .. كان يوم خميس .. مسكت الموبايل بدا تتصل على رفيقتها تسألها إذا في شي محاضرة تئوم تروح ع الجامعه ولا تكمل نوم .. بتنصدم بعدد الأتصالات الشب الي اتصل مبارح ضل طول الليل عم يتصل لقت 76 مكالمة خلال خمس ساعات بس يعني خلال الفترة الي نامتها كان هو نازل اتصالات .. وهي عم تدور على رقم رفيقتها بين الارقام .. ولا بيجيها مسج من نفس الرقم ... مكتوب فيه
لا تهربي من قدرك ... لح اطلعلك بكل مكان ... انا قدر مكتوب انك تشوفيه ولح تشوفيه كمان وكتير فلا تهربي ... انتبهي على حالك يا حلوة ولا تهربي مني اذا طلعتلك (*_^)
زينة ما ستوعبت الموضوع بالبداية ... رجعت قرت الرسالة مرة وتنين وتلاته .. تفاجأت بالبداية بعدين صارت تضحك وئالت اكيد هاد واحد خالص مانو عرفان شو عم يحكي
اتصلت على رفيقتها سمر ... ودار الحديث
_ سمور كيفك ؟؟
_ اهلين زوزو أنا منيحه .. انتي كيفك ؟
_ منيحه .. وينك بدي اسألك عنا اليوم شي محاضرة مهمه ولا مافي شي ؟؟
_ لا مافي محاضرات .. أي صح عنا محاضرة لهاد الدكتور السئيل
_ أي مابدي احضر .. لح حط راسي وكمل نوم
_ لا شو تنامي ... ئومي تعي نروح نفطر نحنا والشباب .. اليوم ماحدا بدو يروح يحضر
_ جد ؟؟ مين الشباب؟؟
_ لك شلتنا كلا ولو .. شبك صحصحي شوي .. شباب وصبايا
_ أي أي طولي بالك عليي والله صايرة معي شغلة بتخوت
_ اوف خير شو صاير ؟؟
_ هلئ بس ننزل ببئى بحكيلك ع الطريق
_ طيب يلا تعي ع كفتيريا الجامعه ومن هونيك منطلع
_ ماشي .. نص ساعه وبكون هونيك
_ طيب يلا .. باي
_ باي
ئامت زينة غسلت وشها وغيرت اواعيها .. حطيت ميك اب خفيف .. وحملت شنطتها والموبايل ونزلت ..وقفت تكسي .. وراحت ع الجامعه ..دخلت ع الكافتيريا .. كل الشلة بصوت واحد لك تأخرتي يا زوووووووز .. نصدمت هي .. بعدين ئالتلون .. يلا مشوا ....
والله راحو الكل على مطعم ظريف .. وطلبوا اكل بكفي قبيلة .. ع مزح وضحك وتنكيت راح الوقت وما حسو عليه .. بتنط سمر لعند زينة وبتئلا ولك تعي لهون ما خبرتيني شو صاير معك ؟
_ لك مافي شي مهم هلئ خلينا مبسوطين
_ ايوة .. هلئ هيك بدنا نشتغل ... بدي اعرف شو صاير
_ لك والله لح خبرك بس هلئ تركينا من الحكي وخلينا مروئين ...
_ طيب ... ئالتها سمر كأنو وحدة مغلوب على امرها انو لشوف اخرتا معك
بنط من بين كل الموجودين شب من الشلة اسمو مجد وبوقف على حيلو .. وبئول يا شباب ويا صبايا شو رأيكم كل اسبوع نطلعلنا هيك طلعه
ئامت واحدة اسما جميلة ئالتلو ... لك ئعود ولتط الي بسمعك بئول ئاعد ع بنك ... وانت دائما اذا بدنا نطلع شي طلعه بتضل اخر واحد لتدفع
_ له له هلئ هيك طلع معك يا جميلة
_ لك مو هيك ... بس الي بيسمع حماسك بئول هاد اول واحد بيدفع .. وانت بتعرف البير وغطاه
يعني مصروفنا يا الله عم يزبط معنا لاخر الشهر
_ طيب كل شهر .. شو رأيكم ؟؟ والله عم نمل من الجامعه
بالنهاية اتفقوا كل بداية شهر .. يطلعوا شي رحلة او هيك شي فطور او غدا او عشا على حسب الجو
طلعوا من المطعم كلون سوا .. بتلزئ سمر بزينة .. وبتمسكها من ايديها .. وبيلتفتوا ع الشلة وبلوحو بايدون يلا سلام
_ يلا احكيلي ..هاتي لشوف بئي البحصه
_ لك انتي ما لح تبطلي هالعادة .. بتضل بصلتك محروئة
_ محروئة مسلوئة نيه المهم بدي اعرف
_ هاد يا ستي مبارح بالليل اتصل عليي واحد ..
قاطعتها سمر
_ مين ؟؟؟
_ لك شو بعرفني خليني كملك شو صار
_ أي أي كملي تؤبشيني
_ أي اتصل وسكرت بوشو وضل يتصل لوش الصبح ... لما صحيت بدي اتصل اسألك ع المحاضرات بتوصلني رساله منو ..
بتطالع الموبايل من شنطتها وبتفتح ع الرسالة
_ مسكي شوفيها
_ ولي ... شو هالحكي هاد ... ما خفتي لك مجنونة ؟
_ ليش بدي خاف ... بكون شي واحد محشش وحابب يلعب بالأعصاب
_ لا يكون شي واحد من الشلة ؟
_ ما بظن بعرف اصوات كل الي بالشلة وارقامون عندي
_ زينة خلي عيونك مفتحين ها .. وديري بالك .. بلكي كان عم يحكي جد
_ لك حاجتك ولو ال جد ال
_ انتي عملي متل ما عم ئلك بس
_ طيب حاضر .. امرك معلمتي
وهنن ماشين .. بتئلا سمر تعي نشرب فنجان قهوة بالكافتيريا الي هون .. بروحو ع الكافتيريا وبيئعدوا ع طاولة حد البلور الي ع الشارع ... بيطلبوا تنين قهوة وهنن ئاعدين
_ زينة .. يا زينة .. .. سمر عم تحكي وعيونا مشنكلة لبرى عم تتفرج من البلور
_ شو في سمر ؟؟
_ لك اتطلعي
يتبــــــــــــــــــــــــــع
