"من غيرى سيرة مصر مش كاملة!" قصيدة لـ"أشرف الشافعى"

[{*B*A*T*M*A*N*}]

حرّص أوى !!
م اللــى اتـولــد وسلمـوه للشـط
يمــوت قتيــل كـرامته لـو تتلط
قدامـه بحـر كبير مالــوش آخـر
ووراه قلــوب بتحبـه ع الآخــر
ولــــواتخنـق بيجـيبهـا م الآخـر
ومايشغلوش تتشــال ولا تتحـط

حرّص أوى !!
م اللى فَـهَم من صغره طبع الـريح
بيحس إمتى البحــــر يبقى جــريح
قارى الشبــك إمتــى وفيـن ساحبه
ويلاغى نورس ف السما مصاحبه
ويــزوم ف وش العِنــد ويطيـح به
واحتـار ف أمره اليـأس والتباريح

حرّص أوى !!
من قلب مـــوج الدنيــا ماغلبهـوش
سـاعـات رزين ولو اتقلب مهبوش
المـــوت ف كفــة وقهرته ف كفـة
رهـن لإشـــارتــه القلــع والـدفـــة
صـاحب صحــابه وهــو ف اللفــة
والنـــدل عنــده صنف مـايحبــوش

حرّص أوى !!
أنـا إبن حُضــن البحــــــــر والرمـلة
طول عمرى باغـرف للــوطن واملا
أورطـة جيوش حـاربتنى ولا عبّرت
عـــدوان ثلاثى وقبله جيش بونابرت
عَبــَـرت بيهــــــا وعنـَّـهــا عبــّــرت
من غيرى سيرة مصـر مش كــاملـة
حرّص أوى !!