ناقشوا معنا جميعكم فتيات وشباب دون استثناء :لماذا يتباهى الشباب بتعدد و كثرة علاقاتهم مع الفتيات ؟

[THE FALCON]

​

أصبح تباهي الشاب بكثرة تعدد علاقاته ومعرفته بالبنات شي عادي وطبيعي...حيث يعتبر هذا الشي في نظر أصدقائه بالشجاعة....يباهى الشاب بان الفتيات يدرن من حوله ويسعين إليه.....بالاضافه إلى ما يقوم به الشباب من نشر القصص والحكايات التي تدور بينهم وبين الفتيات..​

( أحبك .. لن انساك .. سأبقى معك للأبد .. ارتحت لك .. أنتي غير عن كل البنات .. حبيتك من أول نظره و.. و.. و.. )) وغيرها من الكلمات التي تجعل الفتاة تعيش في عالم من الاوهام...تحلم وتبني حياتها مع ذلك الشاب​

وبعدها يتركها بعد أن أوهمها بكلامه ويسير ماشيا فاضحا ومتفاخرا بما فعله !!!!​

لماذا كل هذا التباهي والافتخار ؟؟؟!!!!​

هل ليثبت للجميع انه محبوب من قبل الفتيات أم ليثبت ذلك لنفسه هو؟؟؟ أم انه تحدي بينه وبين الشباب ..من يقدر على اصطياد اكبر قدر ممكن من الفتيات؟؟؟؟​

هذا واقع للآسف وقد شاهدتم في بعض المسلسلات أنها تعرض هذه
القضية المؤلمة ..​

اسئله تحتاج إلى إجابات.....​

لماذا يتباهى الشاب بتعداد علاقاته بين الفتيات ؟؟؟؟؟؟​

ام هي عادة تبدأ في سن المراهقة وتبقي ملتصقة بالشاب إلى ما بعد المراهقة؟؟؟؟؟​

ام هو المجتمع هو المسئول عن هذا الشئ الذي يحصل في الشباب؟؟؟؟؟​

هل التلاعب في المشاعر أصبح عاديا.؟؟؟؟​

أو عند الشباب شي ثاني ؟؟؟؟؟

اعتذر لطول حديثي
مع احترامي لكل الشباب

 

[ضجيج الصمت]

فعلا هالظاهرة صارت ملاحظة وبشدة
أنا برأيي الشب يلي بيعمل هالشي بكون عم يغطي على نقص بداخلو

الله يهدينا و يهدي جميع الشباب للخير والصواب

شكرا فالكون عالموضوع الهام فعلا ​

 

[إلهام]

كمان شغله
انو البنات تعلموا هاد السلوك من الشباب
عدم الحس بالمسؤليه
وعدم تلقين الشب قيمة المشاعر
في صغره من الاهل
بتخلي مايقدر مشاعر الغير
اسباب كتيره ولكن البنت بتخيل صار عندها مناعه
شكرا للموضع الحلو​

 

[THE FALCON]

نورتو الموضوع بوجودكم
وشكرا لأرائكم الرائعة
مع تفبل فائق احترامي وتقديري

 

[سعد قيس]

ليك حبيب موضوع كتير حلو ومهم
الشب الي بيكون عندو تعدد علاقات بعتبرو ضعيف شخصيه والسبب أنو ما بيكون واثق
من نفسوا أنو ها الانسانة الي بتحبوا أنها تحبو بجد
وها الشي بيدفع أغلبيه الشباب لتعدد العلاقات بحجة أنو اذا فرطت من أيدي هي
في مين بيسد بمكانها من فتيات أخرى
طيب لو فكر أنو لازم يحافظ ع العلاقة بينو وبين ها البنت وعطى لنفسوا ثقة تامة من كل النواحي
ما كان فكر بتعدد العلاقات وهيك شب بيكون من المستحيل أنو بيحب بجد
أو يكون عندو علاقه جادة صريحة مبنية على مبادئ
با العكس في هذه اللحظات يكون عايش بدنيا الوهم
ومعيش معو ها المخلوقة على أسس ومبادئ وهمية
طبعاً هذا أسمو كمان شك بنفسوا أنو مو قادر ع أتمام علاقة حب رائعة
ومثل ما يقول المثل
الشك كالفأس لشجرة الحب
وبنتمنى جميعاً أزاله هذه العادات من نفوسنا ولنتذكر دائماً
الحب كالمركب، إذا حمل أكثر من واحد غرق
ومسئلة أنو ها العاده تبدأ با المراهقة سمحلي قلك في مثل بيقول كمان
من شب على شيئ شاب عليه
والغلط أنو عم نشوف أغلاط كتيرة عند الشباب
وبنقول هذا مراهق بيكبر وبيترك هيك أمور
طيب ليش ما نحاور هذا الشخص ونفهموا انو ها الشي ما بيصير
وأنو لازم يوعى ع شيئ فيه صدق من جميع النواحي
والشب هو ليس أعمى ولكنه مصاب ببعد النظر فهو لا يدرك الأخطاء إلا عندما يبتعد عن الصواب
ومن ناحية المجتمع ما بنحكي عنو شي لأنو الغلط بيبدأ من أنفسنا
أما التلاعب با المشاعر فأصبح الأمر طبيعياً وأن أردنا التحدث عنو يلزمنا وقت طويل
شكراً لك على الموضوع الرائع
لك صافي الود والتقدير
وعذراً على الأطاله


​

 

[عهد القمر]

يعني التعى قلبنا ع الفاضي
ونحنا ناقشنا بهالموضوع خيرات الله
بس كلمة فيني قدما لهالموضوع
انو اللي بيعمل هيك مافيو عقل بالمرة
لانو اللي فيه عقل ما بيتباهى بهيك شغلات تافه
بيتباهى بعلمه واخلاقه
مو بهيك شغلات
هادا الشئ بيدل على انو عقلو صغير

​

 

[فرآشة الياسمين]

ليك حبيب موضوع كتير حلو ومهم
الشب الي بيكون عندو تعدد علاقات بعتبرو ضعيف شخصيه والسبب أنو ما بيكون واثق
من نفسوا أنو ها الانسانة الي بتحبوا أنها تحبو بجد
وها الشي بيدفع أغلبيه الشباب لتعدد العلاقات بحجة أنو اذا فرطت من أيدي هي
في مين بيسد بمكانها من فتيات أخرى
طيب لو فكر أنو لازم يحافظ ع العلاقة بينو وبين ها البنت وعطى لنفسوا ثقة تامة من كل النواحي
ما كان فكر بتعدد العلاقات وهيك شب بيكون من المستحيل أنو بيحب بجد
أو يكون عندو علاقه جادة صريحة مبنية على مبادئ
با العكس في هذه اللحظات يكون عايش بدنيا الوهم
ومعيش معو ها المخلوقة على أسس ومبادئ وهمية
طبعاً هذا أسمو كمان شك بنفسوا أنو مو قادر ع أتمام علاقة حب رائعة
ومثل ما يقول المثل
الشك كالفأس لشجرة الحب
وبنتمنى جميعاً أزاله هذه العادات من نفوسنا ولنتذكر دائماً
الحب كالمركب، إذا حمل أكثر من واحد غرق
ومسئلة أنو ها العاده تبدأ با المراهقة سمحلي قلك في مثل بيقول كمان
من شب على شيئ شاب عليه
والغلط أنو عم نشوف أغلاط كتيرة عند الشباب
وبنقول هذا مراهق بيكبر وبيترك هيك أمور
طيب ليش ما نحاور هذا الشخص ونفهموا انو ها الشي ما بيصير
وأنو لازم يوعى ع شيئ فيه صدق من جميع النواحي
والشب هو ليس أعمى ولكنه مصاب ببعد النظر فهو لا يدرك الأخطاء إلا عندما يبتعد عن الصواب
ومن ناحية المجتمع ما بنحكي عنو شي لأنو الغلط بيبدأ من أنفسنا
أما التلاعب با المشاعر فأصبح الأمر طبيعياً وأن أردنا التحدث عنو يلزمنا وقت طويل
شكراً لك على الموضوع الرائع
لك صافي الود والتقدير
وعذراً على الأطاله


​

كلامك حقو جواهر

 

[سعد قيس]

كلك زوء وردتنا هذا الواقع ونكتب وقتصرت
​

 

[دموع الورد]

الشب يللي بيعمل هيك بفكر هالشي بيدل عالرجولة وبيفتخر بهالشي ويفكر انو شي يكبرو ويرفعو

ولكن العكس صحيح فهاد الشي يخلي صغير بعين الناس ويدل على نقص شئ بل اشياء بداخله وتقلل من قيمته

شكرا الك فالكون على موضوعك المهم جداً
​

 

[عماد الساهر]

هلأ لقلك شغلة

طبعا مو كل أصابيع ايدك متل بعض
بالتالي مو كل الشباب متل بعض

بس هالكلام يلي عم تقولو فعلا بيشمل معظم الشباب مع الأسف
و بتوقع يلي بيعمل هيك شي إما:
1: عم يمشي مع شلة عاطلة شغلتها تطبيق البنات و التباهي بهالأمر
2: مريض نفسيا , بحب يكون الأول بكل شي حتى بهالأمر
3: إثبات وجود , يعني مثلا بكون بشي مكان مليان بنات و ما حدا معبرو بقوم بيعمل هالأمر
.......
و بالنهايه كلو غلط

....................................
أما البنت
ما بتصدق إيمتا تحكي مع شب حتى تقول عن حالها أنا صرت كبيرة (طبعا مو كل البنات)

 

[alqaesar]

أصبح تباهي الشاب بكثرة تعدد علاقاته ومعرفته بالبنات شي عادي وطبيعي...حيث يعتبر هذا الشي في نظر أصدقائه بالشجاعة....يباهى الشاب بان الفتيات يدرن من حوله ويسعين إليه.....بالاضافه إلى ما يقوم به الشباب من نشر القصص والحكايات التي تدور بينهم وبين الفتيات..


( أحبك .. لن انساك .. سأبقى معك للأبد .. ارتحت لك .. أنتي غير عن كل البنات .. حبيتك من أول نظره و.. و.. و.. )) وغيرها من الكلمات التي تجعل الفتاة تعيش في عالم من الاوهام...تحلم وتبني حياتها مع ذلك الشاب


وبعدها يتركها بعد أن أوهمها بكلامه ويسير ماشيا فاضحا ومتفاخرا بما فعله !!!!


لماذا كل هذا التباهي والافتخار ؟؟؟!!!!


هل ليثبت للجميع انه محبوب من قبل الفتيات أم ليثبت ذلك لنفسه هو؟؟؟ أم انه تحدي بينه وبين الشباب ..من يقدر على اصطياد اكبر قدر ممكن من الفتيات؟؟؟؟

هذا واقع للآسف وقد شاهدتم في بعض المسلسلات أنها تعرض هذه

القضية المؤلمة ..

اسئله تحتاج إلى إجابات.....


لماذا يتباهى الشاب بتعداد علاقاته بين الفتيات ؟؟؟؟؟؟


ام هي عادة تبدأ في سن المراهقة وتبقي ملتصقة بالشاب إلى ما بعد المراهقة؟؟؟؟؟


ام هو المجتمع هو المسئول عن هذا الشئ الذي يحصل في الشباب؟؟؟؟؟


هل التلاعب في المشاعر أصبح عاديا.؟؟؟؟​

أو عند الشباب شي ثاني ؟؟؟؟؟

اعتذر لطول حديثي
مع احترامي لكل الشباب

أنا برأيي أنو هلشب يلي عمل هيك بكون متخلف وجاهل لأنو متل ما عم يضحك عالبنت كمان هي بتكون عم تضحك عليه وبس تمضي الأيام و يتجوز رح يصير عندو عقدة نفسية ويفكر انو زوجتو عم تخونو و تساوي فيه متل ما كان يساوي بالبنات أيام زمان
حلوة الصداقات
بس الغلط كتر بمجتمعنا لأنو صرنا نقلد الدول التانية
الله يحفظنا ويسترنا اجمعين

 

[افريل]

هنن الشباب بفكرو انو هاد الشي بيجذب البنات او انو بحبو يتنافسو بين بعضن مين عندو بنات اكتر بس سدقني بالاخر هو الخسران لانو رح يصير معروف عنو انو مثلا بيضحك عالبنات وهيك شي وبعتقد انو بصير الاغلبية بيحاولو يتجنبو
شكرا

 

[جنون احساس]

بصراحة ومع احترامي للكل
يلي بيعمل هيك من الشباب بكون مريض نفسيا
وما بس هيك حتى بكون متخلف
لانو مستوى تفكيرو دائما رح يكون محصور بدائرة البنات والحكي واللعب عليهم وما رح يتخطى دائرة التفكير هي

 

[Roritta bnt al sham]

بظن انو الشباب بيعملو هيك
مشان يتسابقوا بين بعض و انو كل واحد صار عندو
بموبايلو ارقام بنات اكتر من غيرو
و هكذا ....
بس هنن نسيانين انو وحدة من هالبنات ممكن تحبو
و ممكن تصدق انو بحبها
و بالآخر رح يحطملها قلبها و يئذيها
مشان مسابقة تافهة كانت البنت هي الضحية


شكرآ ع هالموضوع كتييير مهم

​

 

[ḾǑŏǑŏǓĐỸ]

بظن انو الشباب بيعملو هيك
مشان يتسابقوا بين بعض و انو كل واحد صار عندو
بموبايلو ارقام بنات اكتر من غيرو
و هكذا ....
بس هنن نسيانين انو وحدة من هالبنات ممكن تحبو
و ممكن تصدق انو بحبها
و بالآخر رح يحطملها قلبها و يئذيها
مشان مسابقة تافهة كانت البنت هي الضحية


شكرآ ع هالموضوع كتييير مهم

​

مو كل أصابيعك متل بعض
​

 

[Roritta bnt al sham]

مو كل أصابيعك متل بعض​

أكيد مو الكل
بس الأكترية بهالوقت صايرين هيك ...​

 

[DE$!GNER]

التفكير الفارغ الذي ينصب عليه اهتمام المراهق (لأن التفكير المذكور في بداية الموضوع هو ليس تفكير انسان ناضج) هو تفكير التملك والحرص على ابتياع أكثر من علاقة في آن معاً... والأمر ليس مقروناً بالتباهي فحسب... بل رغبة الذكر في أن يكون دائماً محط إعجاب الجنس الآخر... وإثارة نعرات الغيرة بين فتيات علاقاته كي تتسابقن هنّ بدورهن لكسب رضاه... واستملاك اهتمامه...
المعادلة ليست بصعبة كثيراً... فالمصداقية التي تتمتع فيها (بعض) الفتيات معدومة عند نسبة هائلة من الجنس الذكوري... وهذا ما يجعل الفتاة قادرة على الانجراف وراء كلمات العاطفة المرسومة من قبل الذكر...
لا يوجد حل جذري للقضية... ولكن يمكن أن تكون التربية الأسرية الاولى ذات دور فعال في ثني الطفل عن ممارسة دور التملك اللانهائي... وفرض حالة المشاركة في أشيائه المادية وزرع روح حرية الغير والتفكير بالآخر...
موضوع جيد فشكراً لصاحبه..
​

 

[ابوغريب]

الي بيعمل هيل بيكون قليل اصل ومريض نفسيا اذا كانو شباب او بنات
شكرا​