هاكر" سوري يخترق موقع الوزارة انتقاما لقطعها الكهرباء

[عشتار]

الى متى سوف تقطعون الكهرباء؟؟؟!!!!

صرنا 2010 ولسه بتقطعوها حررااام عليكم

واكثر من هيك تقطعوها في رمضان ؟؟؟

الناس صايمة وتعبانة وانتو بتقطعوها الى متى ؟؟؟؟

الكهربا بتنقطع عنا 22 ساعة وبتشتغل ساعتين وبها الساعتين منخترق موقعكن






هذه كانت الرسالة التي وجهها الهاكر السوري إلى وزارة الكهرباء

بعد عملية اختراق ناجحة

وضعت موقع الوزارة خارج الخدمة وقيد الصيانة

أما ردة فعل الوزارة فتجلت بالتكتم على الموضوع ..

حيث ذكر مصدر مطلع في وزارة الكهرباء لسيريانيوز ان :

موقع الوزارة يعمل بشكل كامل ولاتوجد اي محاولات للاختراق

وانه تم التأكد من سلامة كلمات المرور للموقع ومحاولات ولوج الموقع كلها طبيعية

وحول الرسالة التي تظهر الموقع خارج الخدمة علق المصدر بانها ..

\" اعمال صيانة \"


و أنا سوري آه يـــــــــــــــــــــــــــا نيالي
​

 

[عشتار]

وهي جبتلكن الصورة كمــــــــــــــــــــــان

يا حـــــــــــــــــــــــــــــــــــــــــــــــــرام

​

 

[إلهام]

بيصير هيك​

 

[عشتار]

اي طبعا بيصير

اللي بدو يلاعب القط بدو يلقى خرميشه
​

لكن مو حرام نحنا


​

 

[Black Hawk]

والله انو كفو ونص

بس قولتك بينفع معهم هيك حركات

يعني هم عارفين الوضع من دون لا هكر ولا موقع مخترق

قال موقع حكومي ويخترق بكل بساطة ,

ولا المصيبة الاكبر موقع التأمينات الاجتماعية لسا اثار الاختراق موجودة بالقائمة وما حدا تحرك ليصحح الصفحة

بالفعل يا عشتار انا سوري اااااااااااااااااااااااااااااااااااااااااااااااخ يا نيالي
​

 

[عكــ البيلسان ــيد]

فالج لا تعالج والله يا عشتار

بس حلال عليه عمل اللي بيئدر عليه
احسن ما يضل ساكت
وقيد الصيانة ​

 

[Gabriel]

والله المشكلة لو يقطعو الكهربا عن وزارة الكهربا ما بينفع هذا الشي
مو يهكرو موقع وزراة الكهربا

لا والمشكلة عم نعطي لبنان كهربا ونبيع العراق كهربا


يسلمووووو صديقتي

​

 

[ملامح قمر]

بس معو حق اي والله تعب كتير بهالشوب وبيطفو الكهربا

على الاقل وقت الرمضان مايطفو الكهربا بالذات صايرة الجوو ناااااااااااااااااااااااااااااااار

اي والله حرااام يقطعوها

لك الله يجيرنا من نااار جهنم وحررها

ويسقينا من نهر الكوثر لتروى العطش

شكرا كتير عشتار

تحياتي لكم
​

 

[احساس انثى]

لا والمشكلة عم نعطي لبنان كهربا ونبيع العراق كهربا

مهو مشان هيك عمتنئطع الكهربا
لان نحن عمنتبرع بالكهرباء للدنيا كلها
ئام ماضل عنا كهربا
الله يعين
​

 

[Faby]

جايي عبالكن تنامو ببيت خالتكن او يسكرو الموقع متلا؟؟؟؟؟ وطّو صوتكن الحيطان الها ادان

 

[عكــ البيلسان ــيد]

جايي عبالكن تنامو ببيت خالتكن او يسكرو الموقع متلا؟؟؟؟؟ وطّو صوتكن الحيطان الها ادان

خالتي بتركيا عم تعمل شوبينغ
مو جايية اليوم ​

 

[القناص]

قال موقع حكومي
عكل حال احكو بصوت واطي ..the walls have ears

 

[عهد القمر]

صوت واطي



ائ انتو السبب اللي عما تخلو الكهربا تنقطع
ليس التبذير اللي ماالو طعمة

خلص طفوا بنهار وشغلوها بعد الساعة سبعة


الشعب في خدمة الكهربا

​

 

[AbeER الشام]

ابضاآآآآآآآآآآآآآآآآآآي وكفو
ما بيكفي الشوووووووووووووووووووووووووب
لك كمان ئطع كهربا
بما انو انا مو بالشام حالياً
بس الاهل بخبرونا
انو في شووووووووووووووب كتير بالشام

انئطعت من شي اسبوع الكهربا عندا بالبناية (بالرياض ) الصبحيات
وانئطع المكيف ضلت شي نص ساعة والله ما قدرنا نتحمل
بقى الله يكون بعونكون
​

 

[عشتار]

شكرا ً لكل من مرّ من هنا

و مو لازم أبدا ً نوطّي صوتنا ...

" لأنو ببساطة .. ما حدا رح يسمع "

احكي ولا تخاف انت بسورية بلد الديمقراطية والحرية
​

 

[mahmoud salih]

بدن ياها

 

[سعد قيس]

 

[احساس انثى]

​

احكي ولا تخاف انت بسورية بلد الديمقراطية والحرية ​

بلد الديمقراطيه والحريه​

​

 

[زهرة النرجس]