هل تبكي عند موت من جرحك يوما ما؟؟

[$حافية القدمين$]

السلام عليكم ورحمه الله وبركاته

كان هنا معك يوما ما .. بادلته المشاعر ..


.. ربما اعتبرته صديق !! ..
.
. أو حبيب ..


.. أو حتى أخ !!..


.. أمنته أسرارك .. شكوت له حزنك ..


.. وفجأة!!!! ..


.. وبلا مقدمات


.. يطعنك في ظهرك في لحظة عناقــ! ..


.. فيرحل ..


.. إلى أين ؟؟ ..


.. ليكمل طعنته .. ينثر أشواك جريمته على الآخرين ..


.. ليغرز بقلوبهم حقد تجاهك .. يشوه سمعتك عند من يحبوك ..


.. يبعد عنك أحبابك ،، يبث رائحة أسرارك في كل مكان ..


.. ثم يختفي من حياتك ..


.. تاركاً ورائه جرح عميـــــق ينزف !! ودرس لن يمحى من الذاكرة ..


.. ولربما زرع في قلبك .. دعوة لرد الجرح بجرح آخر أو الانتقام !! ..


.. أقسمت أنك لن تسامحه أبدا ولن تنسى !! ..


.. تمر السنين ..


.. لا لم يرجع ذلك الشخص ..


.. بل يأتيك أحدهم بخبر موته ..



.. كيف ستكون ردة فعلك؟ ..


.. وهـــــل ..


- هذا الخبر ينسيك الماضي؟ << كيف وحاضرك هدمه ماضيك!! ..
- تتأثر لموته ولكن لا تبكي؟ << هل محتويات درسه كانت القساوة!!..
- تغرق الديار دموعا على فرقاه؟؟ << هل هذا يعني أنك عدت لسذاجتك التي لقبت بها بعد طعنه لك !! ..
- تسامحه وتعفو عنه >> " كيف وانت فقدت بسببه الكثير " !! ..


.. أم تقول ..


.. [مـــــــــات الشر] !! ..


.. هي دعوة للمصارحة ..


.. فماذا ستكون ردة فعلك في مثل هذه اللحظة !! ..


.. افترض انك قد مررت بمثل هذه اللحظة وأجبني !! .. ​

 

[حسام الحلبي]

موضوع جميل

الله يسامحك اللي بضرني دنيا أخرةوبجوز يكوني يومي قريب مالحق سامحك لذلك مسامح من هلق

 

[فايق و رايق]

اكيد بسامحوا و بدعيلوا كمان
الميت ما بتجوز عليه غير الرحمة
يسلمو عالموضوع ​

 

[ღRosa Blancaღ]

بملي الدنية والبيت دموع عليه لانو بكفي انو بيوم من الايام كان شخص مهم بحياتي وما بتصور اذا اجاني خبر وفاتو اني اتذكر اي جرح جرحني ياه بالعكس رح اتاثر كتير واتذكر لحظات حلوة عشتها انا وياه

وطبعا رح ضل زورو وهو بقبرو

بس انا بدعي لربي ما انحط بهيك موقف
وشكرا الموضوع حبيبتي يسلم ايديكي

 

[sweetheart]

والله انا بالنسبة الي عندي قلب واذا كان غالي علي اكيد رح ابكي عليه لانو اضيت معو ايام حلوة

يسلمو ع الموضوع الحلو

 

[Pure Feelings]

الموت ما فيو شماتة
وكلنا رح انموت
ليه لحتى قسي قلبي
بدعيلو و ببكي
مشكورة حافية القدمين

 

[زهرة النرجس]

اكيد رح نبكي عليه ورح يعز علينا فراقو

شكرا على موضوعك

 

[§ Lισи Hεαят §]

مهما كان الجرح كبير
بس الحب والمشاعر أكبر منو أكييييد
والي بحب عمرو ما بيكره
وأكيد رح نبكي كتير عليه
شكراً للموضوع
​

 

[Virgo-SoSo]

أنا بصراحة مريت بهيك موقف
وكانت ردة فعلي البكاء الشديد
لسبب بسيط أنه زعلت أنه الإنسان / أي إنسان /
يموت قبل ما يقدر يصلح الأذى اللي سببه للي حواليه
يعني زعلت على هالشخص لأنه ما عاد عنده فرصة تانية
بس بحب طمنكن انه مع الوقت الواحد بينسى الحب والكره والحقد وكل شي تقريبا ، بيتعلم يعيش اللحظة
شكرا عالموضوع القيم
​

 

[♥ jasmine rose ♥]

اكيد راح ابكي عليه
اذا كنت ببكي على انسان مابعرفو
معقول ما ابكي على انسان كان بينا في بيوم من الايام حب ومشاعر


​

 

[jolybeeb]

العفو والصفح طبعاً وتوخي الحذر قبلا ً لأنه من قال لك قال عنك ..والكاظمين الغيظ والعافين عن الناس والله يحب المحسنين..
وبالطبع سأحزن فالموت كأس كل الناس ستتذوقه مهما عمروا ..ولكن لابد من
من اتخاذ العظه والعبرة ..وانتقاء الأصحاب . كما تنتقى أطايب الثمر .
[font=&quot]ولك التحية ياحافية القدمين على الابداع [/font]

 

[رهف]

اول شي الله لايحطنا بهيك موقف
تاني شي عند الموت الانسان مابعرف غير انو لما يكون بهالموقف يلائي حدا يزعل عليه ويدعيلو بئ اكيد ماحدا رح يضل يكره الشخص يلي جرحه وطعنه بعد موت هالشخص

حافية القدمين مشكوره على الموضوع الرائع
وسلمت يداكِ

 

[7asson-kfoory]

بأوول الله يسامحو ...
و إذا حدا أللي هيك و هيك عمل معك: بألو خراااااس لأني أنا أولا ماني أرحم من ربو
و تانيا الرسول الكريم بيئوول: (اذكروا محاسن موتاكم)​

 

[the loOord]

تتأثر لموته ولكن لا تبكي

 

[آلبتول]

لا والله رح ابكي وانا هلاء بكيت وتخليتو صار

حاول انسى عينيه وهواه وشوق ليالي
طيب حعمل ايه؟ الوقت فاااات
بعد اللي بينا ما ضاع بعد الهوه اللي اتباع
حبعد واقولها ودااااع للذكرياااات


​

 

[ملكة الأحزان]

كيف ستكون ردة فعلك؟
سأحزن لأن لكل شيء في حياتنا تأثير علينا
و الانسان معرض للمرور بكل شيء و لتجربة كل شيء
- هذا الخبر ينسيك الماضي؟
بالطبع سينسيني الماضي لن الله غفورٌ رحيم فكيف نحن عبيده؟؟ لن نستطيع ان ننسى؟؟او ان نسامح؟
<< كيف وحاضرك هدمه ماضيك!! ..
الماضي يبقى ماضياً و الله انعم علينا بنعمة النسيان من الماضي يبقى ذكريات ربما مؤلمة ربما سعيدة و لكن نحن من نقيد انفسنا بهذا الماضي و نحن من نفتح المجال ليسيطر على حاضرنا
- تتأثر لموته ولكن لا تبكي؟
اتأثر بموته و ابكي ايضاً فمن الذي تصرفه معي و بادلني به تعلمت درساً لن انساه و لو انه لم يتصرف معي و لم يجرحني لما كنتُ تعلمت الدرس فالبنهاية الحياة محطة تجارب و اختبار
<< هل محتويات درسه كانت القساوة!!..
- تغرق الديار دموعا على فرقاه؟؟ << هل هذا يعني أنك عدت لسذاجتك التي لقبت بها بعد طعنه لك !! ..
كلا بل هذا يعني انني استعملت بعض صفات الله و هي المسامحة, فهل هذا يعني انني ساذجة؟؟
- تسامحه وتعفو عنه >>
نعم اسامحه....و اعو له بالراحة بعد موته من العذاب
" كيف وانت فقدت بسببه الكثير " !! ..
نعم لربما اكون فقدت الكثير و لكن من منّا لم يفقد الكثير و من منّالم يتألم ؟؟فكما قلت ان الله يسامحنا و على اكثر و اكبر اخطاءنا فكيف نحن لا نستطيع ان نسامح؟؟
آسفة عالاطالة
تقبلي مروري

 

[PliiiJl JljJj]

أنا مريت بمتل هالشي بس وئتا خبر موته كان مزحه معي فكنت بدي إضرب اللي خبرني هالخبر من أهري منو مسكوني الشباب وحكو الحئيئه وإنو كانت مزحه
بس كمان الخبز والملح ما بينتسا
والآسى ما بينتسى

 

[$حافية القدمين$]

الله يسامحك اللي بضرني دنيا أخرةوبجوز يكوني يومي قريب مالحق سامحك لذلك مسامح من هلق

الله يكتر من أمتالك

 

[$حافية القدمين$]

اكيد بسامحوا و بدعيلوا كمان

الميت ما بتجوز عليه غير الرحمة

يسلمو عالموضوع ​

صحيح فايق ورايق..يسلمووو يا حئ

 

[$حافية القدمين$]

بملي الدنية والبيت دموع عليه لانو بكفي انو بيوم من الايام كان شخص مهم بحياتي وما بتصور اذا اجاني خبر وفاتو اني اتذكر اي جرح جرحني ياه بالعكس رح اتاثر كتير واتذكر لحظات حلوة عشتها انا وياه

وطبعا رح ضل زورو وهو بقبرو

بس انا بدعي لربي ما انحط بهيك موقف
وشكرا الموضوع حبيبتي يسلم ايديكي

حنونه كتييير
تسلمي لقلبي