هل لك ذكرى مميزه من أيام الدراسه..

[سوسنه]

هاي صبايا وشباب​

لكل منا ذكريات حزينه كانت اوسعيده...​

لكل منا محطات خلد فيها ذكريات يذكرها فيبتسم ويضحك او يذكرها فيتنهد ويبكي​

هاالموضوع عشان نكتب ذكريات السعيده والغير سعيده من أيام الدراسه

فلا شك هناك حادثه أو معلم أو معلمه ترك أثر أو ذكرى ​

فلاتحرمونا من الابتسامه والدمعة وتحرموا انفسكم..

​

 

[فايق و رايق]

ووووووووووو
ايام الدراسة ذكريات
بالنسبة لالي , في كتير ذكريات والحمدلله اغلبها حلوة
مثلا الحب الاولاني كان ايام الدراسة:10:
مدرس الدين بالثانوية , ترك في نفسي اثر كتير طيب و ايجابي
والجامعة كان دكتور , صحيح انو رسبني بس كنت احترمه كتير , كان عند مبادىء وقيم اكتر من غيرو

و هاي قصتي

 

[سعد قيس]

اييييييوووووووووووووووووووووووووووواة كتيرررررررررررة
بس بعدين بكتبها :19:​

 

[sofi]

يا عيني عليكي شو مواضيك حلوه وبتعئد..
هلئ الئصه بتحكي انو انا في يوم من هالأيام كنت في المدرسه وكنت راجعه جديد على المدرسه من الأجازه اللي اعطوني هيي بسبب وفاة بيي الله يرحموا...
بس ارجعت كان في بعد رجعتي بجمعه رحله لطلاب الصف كلهن فأجت المعلمه قالت يا طلاب نحنا يوم الجمعه عنا رحله على البحر والألعاب لتغيروا جو وتنبسطوا مين في عندوا اعتراض وما بدوا يطلع على الرحله فكانت مجموعه من الطلاب والطالبات ما بدهن يروحوا والسبب الوضع المادي وانا يا ئلبي من ضمنهن والسبب وفاة بيي الله يرحموا..وهالمعلمة بنت ال........... بحسها ما بتطيئني بالمره فئلتلها اناما فيي روح اعذروني والسبب معروف,قامت إدام الكل بتئلي اي وبتوفري هيك احسن.
ومحسوبتك. من اللي بيعجبوكي ما بسكت على الغلط,فئِلتلها انتي ليش هيك عم تحكي معي.؟؟ بتئلي لا تحكي وتردي جواب انتي بنت أليلة الأدب..:80:
فأنا سكتت شي ثلت دئايئ وبعدين إلتلها والله معك حق ورح اثبتلك كيف انا إليلة أدب..
وانا كان فيي عاده ماما كانت اتظل اتسرخ عليي من هالعاده اني كتييييير باكل ملح الليمون..
فئمت يا عيوني إلتلها انا طالعه من الصف ألتلي لا إلتها ولا كأني سمعتك ألتلي ماشي طلعي والحساب مع مدير المدرسه..
وئمت لإطلع من الصف وعملتها حجه بس لإمرئ من جنبها ما وصلتلها غير انا لافه ايدي على شعرها وشحطها معي للباب.:19::19::19:ومسكت كيس الملح الليمون ومخلوط مع ملح ابيض وفركتوا ي وشها وما حستلك غير السؤيخ آم وعلى ملا حسها وتركتها تصؤخ ورحت طلعت من الصف على غرفة المدير وحكتلوا كل الئصه وألي أومي معي على الصف..وما وصلنا الصف غير هيي وائعه وسطل الوسخ تبع الصف بعيد عنكوا معلق في راسها مش قادره تطلعوا ويلها عيونها ووشها ويلها كيف بدها تئيموا والطلاب ولا واحد في الصف من الخوف ليصل المدير ويعصب...:19::19::19:
كان يوم غير شكل وكتير بضحكني ويتآسف ليش ما ئتلتها ئتل الموت..لأنها غلطت على امي وعلى بيي الله يرحموا بس عملت فيها شي غير شكل..:19:​

​

 

[§ Sammo §]

:19::19::19::19::19:

عاملة اجرام لك صوفي
​

 

[sofi]

:19::19::19::19::19:​

عاملة اجرام لك صوفي ​

:19::19::19:
لك بعجبك انامو حيالله شي..
لازم كنت اغتالها بس يلا تركتها بس الظاهر اني بدي اغتال وحده معنا في المنتدى ازا ولا بتحل عني لإمسكها لحم وإرميها عظم وهيي عارفه حالها منيح..
انا
:19::19::19::19:​

 

[ريحانة]

بتذكر مره كان اول السنه الدراسيه وكان عنا درس رياضيات وكانت حصه سادسه الكل تعبان والدنيا شوب وما النا خلق نتعلم ..والمعلمه بالزوء بدها تعديلنا هالماده لروسنا المسكره..
فأنا رحت هربانه انا وثلاثه من صاحباتي ووعدنا بنات الصف انو ما رح نخليهن يتعلمو...
فبدي الدرس وجمعنا برا 6 طالبات كانو حالتهن متل حالاتنا صايعين..
فدقت الاوله على الباب وسألت معلمتي اصاله هون؟؟فجاوبتها المعلمه لأ..على العلم غايبه..وراحت الطالبه..بعد شي 5 دقايق دقت الطالبه التانيه على الباب وقالت
معليه معلمتي ممكن اسأل سؤال ,,اصاله يلي بتتعلم هون موجوده قالتها معلمتي لسا وحده سائله عنها وقلنا مش هون خلص برا برا
واجت الطالبه الثالثه والرابعه والخامسه لحتى وصلنا للسادسه والكل يفوت يدق ويسأل نفس السؤال لحتى المعلمه صارت بدها تطق يعني لحضه ورح تسبني :19:
فستنيت انا 5 دقايق لتروق شوي ودقيت على الباب وفتت قلتلها مرحبا معلمتي انا اصاله حدا سأل عليي شي اذا حدا سأل عليي انا برا عم اكل :19::19::19::19:

 

[سوسنه]

ووووووووووو
ايام الدراسة ذكريات
بالنسبة لالي , في كتير ذكريات والحمدلله اغلبها حلوة
مثلا الحب الاولاني كان ايام الدراسة:10:
مدرس الدين بالثانوية , ترك في نفسي اثر كتير طيب و ايجابي
والجامعة كان دكتور , صحيح انو رسبني بس كنت احترمه كتير , كان عند مبادىء وقيم اكتر من غيرو

و هاي قصتي

منور سمور بس وين الأكشن

 

[سوسنه]

يا عيني عليكي شو مواضيك حلوه وبتعئد..

هلئ الئصه بتحكي انو انا في يوم من هالأيام كنت في المدرسه وكنت راجعه جديد على المدرسه من الأجازه اللي اعطوني هيي بسبب وفاة بيي الله يرحموا...
بس ارجعت كان في بعد رجعتي بجمعه رحله لطلاب الصف كلهن فأجت المعلمه قالت يا طلاب نحنا يوم الجمعه عنا رحله على البحر والألعاب لتغيروا جو وتنبسطوا مين في عندوا اعتراض وما بدوا يطلع على الرحله فكانت مجموعه من الطلاب والطالبات ما بدهن يروحوا والسبب الوضع المادي وانا يا ئلبي من ضمنهن والسبب وفاة بيي الله يرحموا..وهالمعلمة بنت ال........... بحسها ما بتطيئني بالمره فئلتلها اناما فيي روح اعذروني والسبب معروف,قامت إدام الكل بتئلي اي وبتوفري هيك احسن.
ومحسوبتك. من اللي بيعجبوكي ما بسكت على الغلط,فئِلتلها انتي ليش هيك عم تحكي معي.؟؟ بتئلي لا تحكي وتردي جواب انتي بنت أليلة الأدب..:80:
فأنا سكتت شي ثلت دئايئ وبعدين إلتلها والله معك حق ورح اثبتلك كيف انا إليلة أدب..
وانا كان فيي عاده ماما كانت اتظل اتسرخ عليي من هالعاده اني كتييييير باكل ملح الليمون..
فئمت يا عيوني إلتلها انا طالعه من الصف ألتلي لا إلتها ولا كأني سمعتك ألتلي ماشي طلعي والحساب مع مدير المدرسه..
وئمت لإطلع من الصف وعملتها حجه بس لإمرئ من جنبها ما وصلتلها غير انا لافه ايدي على شعرها وشحطها معي للباب.:19::19::19:ومسكت كيس الملح الليمون ومخلوط مع ملح ابيض وفركتوا ي وشها وما حستلك غير السؤيخ آم وعلى ملا حسها وتركتها تصؤخ ورحت طلعت من الصف على غرفة المدير وحكتلوا كل الئصه وألي أومي معي على الصف..وما وصلنا الصف غير هيي وائعه وسطل الوسخ تبع الصف بعيد عنكوا معلق في راسها مش قادره تطلعوا ويلها عيونها ووشها ويلها كيف بدها تئيموا والطلاب ولا واحد في الصف من الخوف ليصل المدير ويعصب...:19::19::19:
كان يوم غير شكل وكتير بضحكني ويتآسف ليش ما ئتلتها ئتل الموت..لأنها غلطت على امي وعلى بيي الله يرحموا بس عملت فيها شي غير شكل..:19:​

والله بتنفعي في فلومة الاجرام...يلا على هولويود
وشو خليتي لالله يا صوفي ..ليش انتقمتي منها؟؟
خلي الانتقام لله وحده فقط...
منوره

 

[سوسنه]

:19::19::19::19::19:​

عاملة اجرام لك صوفي ​

انت ملاحظ على حالك شيخ سامو انك ولا مره تقريبا بتعطي رد بالمطلوب الا انك بتقلبها تشات
طيب اعطينا شي حادثه صارت معك يا رجل الغموض

 

[سوسنه]

بتذكر مره كان اول السنه الدراسيه وكان عنا درس رياضيات وكانت حصه سادسه الكل تعبان والدنيا شوب وما النا خلق نتعلم ..والمعلمه بالزوء بدها تعديلنا هالماده لروسنا المسكره..
فأنا رحت هربانه انا وثلاثه من صاحباتي ووعدنا بنات الصف انو ما رح نخليهن يتعلمو...
فبدي الدرس وجمعنا برا 6 طالبات كانو حالتهن متل حالاتنا صايعين..
فدقت الاوله على الباب وسألت معلمتي اصاله هون؟؟فجاوبتها المعلمه لأ..على العلم غايبه..وراحت الطالبه..بعد شي 5 دقايق دقت الطالبه التانيه على الباب وقالت
معليه معلمتي ممكن اسأل سؤال ,,اصاله يلي بتتعلم هون موجوده قالتها معلمتي لسا وحده سائله عنها وقلنا مش هون خلص برا برا
واجت الطالبه الثالثه والرابعه والخامسه لحتى وصلنا للسادسه والكل يفوت يدق ويسأل نفس السؤال لحتى المعلمه صارت بدها تطق يعني لحضه ورح تسبني :19:
فستنيت انا 5 دقايق لتروق شوي ودقيت على الباب وفتت قلتلها مرحبا معلمتي انا اصاله حدا سأل عليي شي اذا حدا سأل عليي انا برا عم اكل :19::19::19::19:

_____________________________

:19::19::19::19:والله فطست ضحك..انشاءالله هاي معلمة العربي تبعت عنيزه امرؤ القيس :19:هه

 

[سوسنه]

الي كتير ذكريات بذكر منهم معلم الحساب اللي كان يبخسني دائما وما يطيقني وانا أقعد ابكي.. وكل مره أول ما يفوت عالصف يقلي يلا ابدي حلي مسألة الحساب على اللوح وما يعطيني مجال بالمره لحتى قلو ابن صفي طيب استنى عليها شوي لتبدأ تحل المسأله..ساعتها ما قدرت أتحمل وبدأت بالبكاء بصوت عال وتركت الصف وخرجت.. وبعد عدة أعوام تفاجأت بموته في الشارع بسيارته موتةً غامضةً نوعا ما ..لم أبك عليه ..بل قلت الحمدلله الله اخذه..
والحادثه الثانيه مع استاذ التاريخ ..كانت ابنة صفي اسمها مُرّه ألبسناها روب سهره أذكر بلون ليلكي وعملنا لها تسريحة شعر وكأنها عروس أجلسناها بالنص أمام طاولة الاستاذ والباقي بجوانب الصف
دخل الاستاذ الاهبل ونظر الى مُرّه وقال لها أنت اليوم عروس؟ فأجابت امبارح كانت خطبتي:10: مبروك اجاب الاستاذ ولم يرفع نظره عنها..!! واذا تجرأت واحدة منا وسألته سؤال يجاوب بصراخ عالسكت !!
وينظر الى مُرّه ويبتسم...
فقلت له انت مخيوز معها وبدي قول للمدير عنك انك بس عم تضحكلها الها وكنت بدك لو شوي تهجم وتبوسها!!
فما كان منو الا انو ترك الصف واخد اجازه مرضيه اسبوعين:19::19::19::19:

 

[Black Hawk]

حلو الموضوع


وفي قصص حلوة كتير


​

 

[JuSt RaMoOTa]

ه
يوووه ...أنا عندي كتير حادثات بالبتدائي
واذا قلتلكون رح تفرطو ضحك
وتقولو مجااااانين وعقلنا صغير نظامي أنا ورفئاتي


هه

هه

يسلمو على الموضوع ذكرتيني بحركاتنا أنا ورفئاتي


يلا رح احكيلكون:
.
.


​

 

[JuSt RaMoOTa]

كان يا ما كان بقديم السمان
راما و سيما و بيان
(sea star و broken heart.s و...)

المهم .....
كنا وقت وحدة تعصب من التانية
نشيل القلم ونشخوط على وشا...ه
ومو حيالله شخوطة...نعبيلا وشا
وهون كنت أنا معصبة منون آم شلت وشخوطلون
اجو هنن التنين ينتقمو وعبوني شخوطة
يكتبو على وشي..
ويقولو شخبط شخبيط لالالالا
وأنا يصير منظر وشي هيك وقت اطلع على المراية شوف حالي
ه

كنا قوايا....
وكنا نوقف نحنا التلاتة
ونبلش نكش الشعر
الله وكيلكون بصير سبايكي
ه
يا الهي شو كان عقلنا صغير.....





بتتذكري سوماتي؟؟
هه


​

 

[STELLA]

مرة من المرات بالحادي عشر كنا بالصرفة و كل الطالبات و المعلمات رايحين ع بيوتن

أنا كنت قاعدة عم طئ سير مع رفقاتي على بين ما يجي أخي و ياخدني

و بأيدي ئنينة مي و عم لولح فيها و شي زتها لفوق و ارجع امكسها

و انا واقفة بنص الساحة بزت ئنينة المي بس هالمرة كانت كتير قوية و عالية و ما قدرت اني ارجع امسكها

و بتطب قدام معلمة الاحياء و هي طالعه , لو كانت مقدمة خطوة وحدة كان اجت بنص راسها

انا وقت شفت هالمنظر عملت حالي مالي خبر و دخلت بعجئة رفقاتي

و ربي سترني ما شافتني المعلمة ولا يمكن كنت رسبت بالأحياء هديك السنة


و المزيد من القصص في المرات القادمة

 

[لكبړيآئي قصھہ]

بأيام الثانوية كان في عنا أنسة مالية

هي يا سبحان الله ماكان حدا يحبا لا من الطلاب ولا من الانسات

وكانت دايما تدعي علينا

(( الله يأبرني ياكون ~~ نشاله بتروحو فرم~~الله يشلكون ويمد بعمركون~~ نشالله بكرا بجي عالصف وما بلائي ولا وحدة فيكون ........ الخ ))

وكنا نكرهها كتير

فقررنا ننتقم منها

رحنا كتبنا نعوة وعلئناها على حيطان المدرسة وع باب المدرسة


(( بمزيد من الحزن والاسى ننعي اليكم المربية الفاضلة (***)

وعملنا النعوة كأنا حئيئية


احلى شي وئت اجت وئرت نعوة حالا

والطلاب قرأوا النعوة ووئت شافوها صاروا يركدوا وهنن خايفين


هه





المشكلةانو صارت تعاملنا اسوأ من ئبل

 

[JuSt RaMoOTa]

​