هل يزعج أهلك جلوسك الطويل على النت؟

[✿منى قلبي✿]

موضوع احب اتناقش فيه معكم ويمكن الكل يواجهه ويعاني منه
وهو كيف تواجه تعليقات الاهل والناس حول جلوسك على النت؟؟

- البعض يعبره تفاهه
- والبعض الاخر يعتبره منافي للاخلاق ويكون هذا بنظرتهم لك وحتى لو لم يقولوا اي شئ
- والبعض ايضاً يعتقد ان الوقت الذى تجلس فيه على النت من حقهم هم وانك مقصر في حقهم مع انك تكون عامل توازن بين العباده والاهل والواجبات الاجتماعيه ..
- وفيه ناس تكره النت لمجرد الكره بدون ماتعرف مايخبي وانه مثل مافيه شين فيه زين ..
طيب ليش هالنظره السلبيه للنت ومن يجلس عليه؟!وهل فعلا جلوسك على النت يأثر على حياتك؟!



وهل من المفروض انك تقدم تقرير للناس عن تصرفاتك وتبرر لكل تصرف تقوم فيه وتشرح انك مو على غلط وانك ماتسوي شي غلط بجلوسك على النت؟
هنا اطرح موضوعي للمناقشه بكل واقعيه وموضوعيه واللي عنده تجربة شخصية ياليت يفيدنا..
​

 

[أيلول]

دوماً نطالب ونعترض على الطرف الآخر في أي مشكلة
في هذه الحالة للأهل حق وواجبات
خير الأمور أوسطها
إذا كان الجو في البيت جو تآلف ورحمة وتفاهم وثقة
لا اظن أنه بمجرد وجود النت سيكون الانزعاج
بالعكس لطالما نحن الأبناء نحافظ على ما ربانا عليه آبائنا
ولا نتأثر سلبياً بهذه الشبكة وتكون هي أهم منهم
لن يكون هناك انزعاج واعتراض من أحد
ومن المحبب إلى قلبي أيضاً أن اشاركهم ما اتصفحه على النت ونتاقش فيه
وثقافة الأهل لها دور



​

 

["أيهم"]

أول شي بتشكرك منى على هالموضوع المهم والسؤال الأهم

هلأ بالنسبة لإلي أهلي ما عندهم مشكلة أبداً بجلوسي الطويل على الانترنت لعدة أسباب :
أولاً: كون عملي في صيانة وبرمجة الكمبيوتر يتطلب مني الجلوس لأوقات طويلة على الانترنت (قد تتعدى 8 ساعات متواصلة أحياناً ) وذلك حسب ضغط العمل
ثانياً : أخصص بعض الوقت للجلوس مع الأهل والقيام بالعلاقات الاجتماعية كزيارة الأقارب والخروج في نزهات مع الأصدقاء و الأقرباء وحضور المباريات في الدوريات الأوروبية وغيرها من الواجبات

هلأ في عالم مدمنين على الانترنت ، منهم مدمن سلبي أي يبقى على الانترنت 24/24 ساعة ولايخصص وقتاً لواجبات ولالغيرها
ومنهم مدمن إيجابي أي يبقى ساعات طويلة على الانترنت ولكنه أيضاً يخصص وقتاً لأشياء أخرى في حياته غير الانترنت

وأنا أعتبر نفسي من النوع الثاني

عدا ذلك فإن أهلي أيضاً يشاركوني تصفح الانترنت من حين لآخر

شكراً على الموضوع مرة أخرى

تقبلي مني كل التحية
أخوكِ أيهم
​

 

[Miss Feeling]

للاسف
كتير بعيطوا عليي و ما بخلوني اقعد كتير



​

 

[B.A.R.C.A]

هنن بينزعجوا

بس هاد الشي لمصلحتي

مشان هيك أيام الدراسة بتفادى اعّد ع النت أكتر من ساعة باليوم

وهيك ما بدايئ حدا

وبهتم بدراستي كمان

بس آخر الأسبوع بضل طول الوئت فاتح النت وعم اشتغل



يسلمون {منى قلبي} ع الموضوع الحلو..

 

[MALAK AL7OB]

انا مجرد ماافتح الاب توب بينزعجوا
بيقولوا على طول عليه مع اني مااجلس ع النت ساعات طويله بالعكس هي كم ساعه وكمان منفصلين
بس معهم حق يمكن وقت استخدامي للنت بوقت يكونوا الاهل مجتمعين
شكرا لك يامنى

 

[- ]Safee[ -]

اي بيزعجون باغلب الاحيان بس ما بيضغطو علي

هو انا ضد الجلوس عالنت لفترات طويلة كتير

يعني لازم واحد يوفق بين الدراسة والنت
وكمان علاقات مع العالم^^


يسلمو عالموضوع

 

[soso alsamra]

بينزعجو مو لان ما بيعرفو شو عم اعمل عالنت بس لان
مابقعد معهم وبلتهي شوي
بس كمان شي منو ولا كلو الاعتدال بكلشي حلو
تقبلي مروري ياحلوتي



​

 

[✿منى قلبي✿]

ورودي لروحكم

فقبلوها مني

 

[The Hero]

والله انا كتير بشتغل ع النت وهالقصص لما بروح ع البيت مابحب قعد لأني بكون مالل

بس مابعرف امي بالذات لسا مابمسك الكمبيوتر بتقلي الله يهديك

وخصوصا ً صلاة الصبح

بتفيق بتلاقيني قاعد ع الكمبيوتر

بقوم بصلي وبرجع ع الكمبيوتر هون بسمع كلمة الله يهديك


بس رح نحكي من الواقع ...

80 % من يلي مابيستخدمو النت بيفكرو أنو النت للفساد وتفسد الأخلاق

غير يلي بيستخدم النت وبيعرف شو هو وكيف يتغاضى هالشغلات

وشي طبيعي من الأهل بهالجيل بما أنو ماكان عندون نت أيام زمان يفكرو هالتفكير

أنو النت سيئ مشان هيك بيعارضو وبينزعجو وأهلي من هالنوع

بس أنا مستقبلا ابني رح خلي يعد ع النت ومارح فكر متل مابيفكرو اهلي وبس هادا رئيي

شكرا ع الموضوع
​

 

[✿منى قلبي✿]

والله انا كتير بشتغل ع النت وهالقصص لما بروح ع البيت مابحب قعد لأني بكون مالل

بس مابعرف امي بالذات لسا مابمسك الكمبيوتر بتقلي الله يهديك

وخصوصا ً صلاة الصبح

بتفيق بتلاقيني قاعد ع الكمبيوتر

بقوم بصلي وبرجع ع الكمبيوتر هون بسمع كلمة الله يهديك


بس رح نحكي من الواقع ...

80 % من يلي مابيستخدمو النت بيفكرو أنو النت للفساد وتفسد الأخلاق

غير يلي بيستخدم النت وبيعرف شو هو وكيف يتغاضى هالشغلات

وشي طبيعي من الأهل بهالجيل بما أنو ماكان عندون نت أيام زمان يفكرو هالتفكير

أنو النت سيئ مشان هيك بيعارضو وبينزعجو وأهلي من هالنوع

بس أنا مستقبلا ابني رح خلي يعد ع النت ومارح فكر متل مابيفكرو اهلي وبس هادا رئيي

شكرا ع الموضوع
​

هلئ النت في كل شي

من هداية ودين ل شي يلي بخلي العالم تئلك الله يهديك

مو المهم النت المهم الشخص نفسو

انا من جهتي

بفتح نت من الصبح

بقعد شوي يعني شي ساعتين

وبضل مفتوح النت عندي طول النهار

كل شوي بسرئ نظرة وبطلطل لهون على المنتدى

بس لما بشوف حدا من اهلي ممممممممممم

هنن ما بيحكو شي بس بتفادى كلمة الله يهديكي مو بشي

على تضييع الوقت مو اكتر هية مافي احلى من هيك كلمة بس الها شقين

الله يهدينا بصيغة دعوة حلوة والله يهدينا مممممممممممم مدري شو بيقصدو فيها كمان حلوة


وبس

ميرسي للمرور

 

[ČốηťĕṨṩก]

والبعض ايضاً يعتقد ان الوقت الذى تجلس فيه على النت من حقهم هم وانك مقصر في حقهم

اي هيك ماما بتئلي انا.. ال انا مئصرة بحئن

بس انا ما بحس هيك
شو اعمل اذا شغلي بيطّلب اعدة علنت و علكمبيوتر لفترات طويلة



يسلمو

 

[{*B*A*T*M*A*N*}]

اذا بشوفوني قاعد ولي بشوهوني
​

 

[جمال الروحـ]

هلا احيانا" بكون عندي شغل
وما بفوت لان الشغل بالنسبة الي
كلشي بحياتي وخصوصي بهيك وقت وظروف
والنت كمان الوو وقتوو ~ في احبابي واصدقائي
وبكون اشتقتلهم كتير
بطنش الشغل ~ وبحس بالملل
بفووت ~
يسلموا دياتك منى

 

[Chantal]

تصفح النت ليس مشكلة أو جريمة أوعيب
المشكلة تكمن في إساءة إستخدام هالتقنية وكيفية التعامل معها بحذروإيجابية
مهماكان شغفنا بالنت وإستمتاعنا به لايجب أن يكون على حساب حياتي في العالم الواقعي
لايكون على حساب علاقاتي بأسرتي وصديقاتي وكل حياتي هذا مستحيل
ومن هالمنطلق بالتأكيد أهلي مابينزعجوا مني وهذا الشي يسعدني أكثر
لأني بفضل من الله أفصل بين جلوسي عالنت وبين عالمي الأجمل
وأعطي كل ذي حق حقه
ومااأحتاج أبداً أبرر لأي شخص عن جلوسي للعالم النتي كل إنسان تتحكم فيه تربيته
وتنشئته وضميره ..
وخوفنا يكون من الله قبل البشر
أناأعطي نفسي حقها قبل كل شي ومهما أمتعني النت يستحيل يشغلني عن العبادة
وعن أهلي وأحبابي وعن حياتي بكل جوانبها
أكيد في عالم مدمنة عالنت 24 ساعة ومابتفصل في أمورها وعلى حساب كل شي وهذه مصيبة
والمصيبة الأعظم عندما نرى الكثير من الآباء والأمهات أشغلهم النت عن دورهم الحقيقي والأساسي في العالم الواقعي
فهذه كارثة الأبناء وقعوا فيها
وبالتالي أنشغل الكثيرمن الأبناء بهالعالم على حساب مستقبلهم
فإذا كان رب البيت للدفِ ضارباً فشيمة أهل البيت الرقص
فالإعتدال والتوسط مطلوب وضروري بكل أمور حياتنا
النت بعجائبه وغرائبه وأسراره له وقت خاص ومُتسقطع وليس له كل الوقت
والأفضل أن نحكمه لا يحكمنا فالوقت مُحاسبون عليه
والرب رقيب علينا
دمتي بحير

 

[JuSt RaMoOTa]

هلا هنن بعيطو عليي صح ... بس عياط مــزح ^_^

لانو انا من عندي منظمة وقتي
بقعد على النت بس بعد ما كون مخلصة كل شي عليي
وقاعدة مع اهلي شوي .....

وبحاول ما خلي النت يأثر فيني كتير





​

 

[اميرة الشام]

انا أمي ما شا الله اول ما امسك اللاب توب بتقلي و الله لو الساعات الي بتضيعيها عالنت بتدرسي فيها ما أزعل اي انا ادرس ساعه باليوم الحمدلله اي انا بضل ماله مشان هيك بقعد عالنت موضوع حلو يسلمون شذا.