هون صبايا و شبابا بدي رايكم

[miss of disaster]

مرحبا صبايا و شباب كيفكم انا مشتهية اطرح موضوع بالمنتدى و تعطوني ارائكم بصراحة
شو رايكم بالحب الي بكون مقيد بظروف يعني اذا واحد او وحدة حبوا و كان الحبيب عندو ظروف بتمنعو يكمل معها او تكمل معه مثلا الفارق الدراسي او العائلي او هيك شغلات يعني هي او هو متاكدين انو اذا اجا ليخطب البنت ابوها ما رح يوافق او امو ما بتكون رضيانة عالقصة او البنت او احيانا الظروف بتمنع هالشي
هل انت مع انو يستمر هدا النوع من الحب او انو ينتهي مع ذكر السبب
و انا عم استنى ردرودكم و ميرسي

miss of disaster

 

[zeze(i love falasten]

ازا كان في نسبة يعني 5% انو هالحب ينتج شي ..
يعني انو ما يكون مدمر ,,,فأنا بشجعهم يكملووووووووووو ,,,

بس ازا اقل من هالنسبة يعني لأ..
لانو بالاخير قلووبهم رح تتأذى ...
و هاد شي مو ف مصلحة حدا,,,

و شكرا ع موضووعك الحلو متلك ......!!!!!

يا سيدة المصايب :10:​

 

[سعد قيس]

راجع

 

[قمر الشام]

انا برأي انو في بعض الظروف ما بتسمح إلهم يكملو
يعني الشغلة راجعة لنوع الظرف ازا كان مهم كتير بالحياة فأكيد مو منيح يكملو
لانو رح يصير مشاكل كتير بحياتهن
يعطيكي الف عافية على طرح الموضوع

 

[ريان]

يعني انا بنسبة الي اذا بحبا وبتحبني ما في شي من هدول الشغلات تافهةبهمني لنو الحمد الله مستوى اجتماع ودراسي جيد واذا ابوها ما رضي بعد هل شي (ومع انو بشك بهل شي ) باخدها وبنسافر الى اي بلد جميل وهادي ورومنسي هي اهم شي يكون رومنسي ( طبعا برضى اهلى او لا مو فرق لنو اذا هي بتحبني بتساوي اي شي مشاني ) (على فكرة هاد مو بس كلام يعني انت طلبتي صراحة وانا مجنون بالحب وما عندي شي اسمو مستحل )​

يعطيك العافية على موضوع الجميل​

 

[miss of disaster]

ميرسي عالمرور الحلو كتير
شو هدا ريان ما عم اعرفك نيال الي بتحبها معقول كل هدا تمام ؟؟.؟؟

 

[Life of the soul]

اذا الحب موجود بينهن وكان قوي
اكيد هيك مشاكل مارح تكون عائق بينهن
وانا بتمنى لأي تنين بيحبو بعض حب صادق
مايفترقو ابدا:10::10::10:

يسلموو حبيبتي موضوع كتيير حلو
​

 

[nanosho]

السلام عليكم ورحمة الله وبركاته
اذا كان في اي مشاكل ولو بنسبة ضيئلة من بداية الحياة فمن الأفضل عدم الاستمرار
لأنو الحب هو عبارة عن لقاء ارواح و الحياة الزوجية بتختلف كتير ... و كتير حالات صار فيها مشاكل في الحياة بعد الزواج اكتر من مشاكل ما قبل الزواج لأنو الحبيبن ما بيكونو على قدر كافي من رؤية عيوب كل واحد للآخر أو وضوح شخصية كل واحد للآخر الا بعد الزواج
انا برأيي يفكرو كتير منيح لأنو الزواج أو الارتباط مش فقط حب في كتير ناس بيحبو بعضهم و بعد الزواج ما بيتفاهم و بتوصل الحياة لكتير عقد و ثم الانفصال
فما بالك في الحالة الي فيها كتير من المشاكل قبل الزواج ؟؟؟؟؟

يا جماعة الزواج و الحب و المشاعر و الحياة كلها لا تقوم فقط على القلب لازم كمان العقل و حل جميع المشاكل بشكل منطقي ....... الحياة مو لعبة أو هدف لازم أوصل له
الحياة استمرارية

شكرا جزيلا على الموضوع

 

[Heart_BeaT]

طبعا ازا بيحبو بعض لازم يكفوا ويتركو البائي على الله.

 

[المستشـــار]

انا برأي

انو الحب لحالو ما بعمر بيت

نحن رأي الاهل بهمناا وانا برأيي من هلأ .. يلي بلش بدو يحب وحدة او مال لوحدة

اذا عرفان انو ما بتناسبو فلايكمل لانو رح يندم ... والله اعلم ... في حالات بيمشي الحال وكلوا تمام ولكن هي حالات قليلة وليست كثيرة

 

[iust.dell]

أنا رأيي أنو لازم يوازنوا بين حبهم و بين ظروفهم
يعني يحكموا العقل بالموضوع
و اللي بيخلص النية الله بيعطيه

و يحطوا ببالهم أنوا الواحد بالنهاية ما بياخد غير نصيبه!

 

[قيــ الروح ــثارة]

برأيي تتركي هالحب
والله يخترلك الخير​