وفاءا مني لذكرياتي

[♥ jasmine rose ♥]

[font=&quot]وفاءاً مني لذكرياتي[/font]​

[font=&quot]يوم الجمعة 20/3/2009 الساعة 4.15 فجرا صادفت اسوء ذكرى بحياتي
ففي نفس هذا التاريخ وقبل 6 سنوات بدأ ابشع عدوان عرفه التاريخ على العراق الحبيب[/font]​

[font=&quot]كنت قبل هذا التاريخ بعيش اجمل ايام حياتي كانت ايامي كلها فرح وسعادة
كل شي كان حلو بحياتي إلى أن بدات الحرب وانقلبت حياتي رأسا على عقب عشت فيها اسوء ايام ممكن يتخيلها انسان
كل شي حلو بحياتي راح واختفى وماعاد اعرف غير الدموع والحزن.[/font]​

[font=&quot]فقدت البلد الي خلقت وكبرت واتعلمت وعشت احلى ايام عمري فيه [/font]​

[font=&quot]خسرت بيتي ورفقاتي الي عشت معهن احلى الذكريات [/font]​

[font=&quot]قبل ما تبدأ الحرب بيوم كنت مداومة بالجامعة انا ورفقاتي بشكل طبيعي ومبسوطين[/font]​

[font=&quot]وقبلها بكم يوم كنا اخدين صور مع بعض والغريب انها كانت اول مرة كل واحد كان موجود بالصورة
بيكتب ذكرى لباقي رفقاتو على الصور كأنو كنا عم نودع بعض بدون ما ندرى[/font]​

[font=&quot]وبيوم 19/3/ 2003 وبس انتهى الدوام ودعنا بعض ونحن عم نبكي كأنو مارح نرجع نلتقي ابدا
وللأسف هاد الي صار فعلا الحرب دمرت كل شي وضيعت كل شي واخدت مني اغلى شي عندي[/font]​

[font=&quot]كرمال هالشي ووفاءاً مني للبلد ولذكرياتي واصدقائي بدي قول [/font]​

[font=&quot]للعراق البلد الي عطاني كل شي وعلمني وخلاني كون قوية رح ترجع متل الأول قوي وترجع تحضن اهلك بأرضك [/font]​

[font=&quot]انا مدينة إلك انت عطيتني كل شي وأنا ماقدرت وفيك حقك [/font]​

[font=&quot]مدينة لكل استاذ وانسة علموني من وئت كنت صغيرة[/font]​

[font=&quot]مدينة لكل رفقاتي إلي كانو اغلى من اخواتي[/font]​

[font=&quot]وبقول[/font]​

[font=&quot]انا طيلة هالفترة مانسيتكن ابدا متذكرتكن مع كل قطرة ماء بشربها مع كل اكلة باكلها وبكل مكان بروحو
باحلامي بشوفكن مع كل نفس وكل رمشة عين مانسيتكن ومارح انساكن [/font]​

[font=&quot]بقول لأساتذتي انتو عطيتوني من علمكن كتير وانا مابنساكن [/font]​

[font=&quot]والله يرحم كل استاذ استشهد بالحرب واثناء الاحتلال [/font]​

[font=&quot]بقول لرفقاتي انتو معي بكل لحظة ومارحتو من بالي ابدا ووقفتو معي بكل شي[/font]​

[font=&quot]وكنتو سند إلي بكل امور حياتي [/font]​

[font=&quot]وبدعي بالرحمة لرفقاتي الي استشهدو بالحرب وبالاحتلال[/font]​

[font=&quot]وفي انسان هاد لو طلب عمري كان فداه وماممكن انساه ابدا تركني ورحل عن الدنيا واستشهد[/font]​

[font=&quot]بقلو انت كنت كل شي بحياتي وانا حبيتك من كل قلبي [/font]​

[font=&quot]وعطيتني كل شي عطيتني الحب والوفاء والحنان والاخلاص[/font]​

[font=&quot]ومن يوم ماتركتني وانا فقدت كل شي [/font]​

[font=&quot]بقلو بعتذر انا ماقدرت اوفي بوعدي إلك بس انت وفيت بوعدك إلي[/font]​

[font=&quot]بقول لهديك الايام لقيت فيكي الصدق والاخلاص والوفاء والحب والحنان[/font]​

[font=&quot]بس للأسف من بعدك ماعاد عرفت غير الغدر والخيانة حتى من اقرب الناس إلي[/font]​

[font=&quot]وكل شي بالدنيا تغير وماعاد إلو طعم أبدا المبادئ تغيرت والقيم تغيرت[/font]
ويمكن انا انكتب عليي ضل ابكي كل ما تذكركن لأنكن اغلى من روحي
​

[font=&quot]وفاءأ مني لحياتي الي راحت[/font]​

[font=&quot]وفاءأ مني لذكرياتي إلي عشتها [/font]​

[font=&quot]وفاءأ مني للبلد إلي خلقت وعشت فيه[/font]​

[font=&quot]وفاءأ مني لأساتذتي بكافة مراحل دراستي[/font]​

[font=&quot]وفاءأ مني لكل أصدقائي إلي كانو متل اخوتي[/font]​

[font=&quot]للأنسان الي وهبني الحب الصادق[/font]​

[font=&quot]ولبيتي الي تربيت فيه[/font]​

[font=&quot]بدي قول [/font]​

[font=&quot]اشتقتلكن كتيييير [/font]​

[font=&quot]اشتقت لبيتي ولكل جزء ببغداد[/font]​

[font=&quot]ولكل مكان ولرفقاتي[/font]​

[font=&quot]ورح تبقو بذاكرتي لأخر لحظة بحياتي[/font]​

[font=&quot]لأنكن كل شي بحياتي[/font]​

[font=&quot]وبتمنى من رب العالمين[/font]​

[font=&quot]انو تنزاح هالغيمة السودا عن البلد [/font]​

[font=&quot]ويرجع كل شي متل الاول [/font]​

[font=&quot]بتمنى.......[/font]​

[font=&quot] [/font]​

 

[زهرة النرجس]

ياحبيبتي كلامك زكرني بلحظات عشتها هي نفس لحظاتك هاي حسيت فيها بمدى وجعك والمك ياعمري

اذا الله يحميهم اذا كانو عايشين او مفقودين الله يرحمهم ويقبلهم شهداء
​

 

[جمانة]

حبيبة قلبي كلام بيوجع القلب
تسلملي هالمشاعر
حلو الانسان يضلو متزكر هالشغلات حتى لو كانت بتوجع القلب ​

 

[بالمرصاد]

الله يصبرك
وينسيكي الهم والحزن

 

[Şώєєţ Ğίяℓ]

يا حبيبة عمري
يا حياتي
ما عم اعرف شو بدي ئول
بربي البي وجعني عليكي ​

 

[♥ jasmine rose ♥]

ياحبيبتي كلامك زكرني بلحظات عشتها هي نفس لحظاتك هاي حسيت فيها بمدى وجعك والمك ياعمري

اذا الله يحميهم اذا كانو عايشين او مفقودين الله يرحمهم ويقبلهم شهداء
​

لك تسلميلي يا احلى زهرة بالمنتدى
والله يرحم كل شهدائنا يارب
​

 

[ღRosa Blancaღ]

حبيبة قلبي يا سمينة اصبري والله مع الصابرين الله معك وكلنا معك وانشالله نعوضك عن كلشي خسرتيه بحياتك

والله يجعلها اكبر المصايب

بعرف انو ماحدا رح يواسيكي بس يا ريت اقدر اعمل شي؟ انتي بتعرفي غلاوتك عندي

 

[♥ jasmine rose ♥]

حبيبة قلبي كلام بيوجع القلب
تسلملي هالمشاعر
حلو الانسان يضلو متزكر هالشغلات حتى لو كانت بتوجع القلب ​

والله ماكان قصدي وجع قلب حدا بكفي وجع قلبي انا
بس مالقيت طريقة اقدر وفيي فيه هالبلد الي عشت احلى يام حياتي حقو غير هالطريقة
وتسلميلي يارب
​

 

[♥ jasmine rose ♥]

يا حبيبة عمري
يا حياتي
ما عم اعرف شو بدي ئول
بربي البي وجعني عليكي ​

سلامة ألبك يارب
بكفيني انك حاسة فيي
​

 

[♥ jasmine rose ♥]

الله يصبرك
وينسيكي الهم والحزن

الله يسمع منك يارب
تسلم كلك زوء والله

​

 

[أميرة كل النجمات]

حياتي والله مافي شي ابيستاهل
لا انسان ولا حتى اي شي تنزل يوما من ايام دمعه
من اميره بس هي بلادك وذكرياتك والحق معك
الله يصبرك

 

[♥ jasmine rose ♥]

حبيبة قلبي يا سمينة اصبري والله مع الصابرين الله معك وكلنا معك وانشالله نعوضك عن كلشي خسرتيه بحياتك

والله يجعلها اكبر المصايب

بعرف انو ماحدا رح يواسيكي بس يا ريت اقدر اعمل شي؟ انتي بتعرفي غلاوتك عندي

الله يخليلي ياكي يا حئ ومايحرمني منك ابدا
بكفيني كلامك عندي بالدنيا كلها

​

 

[♥ jasmine rose ♥]

حياتي والله مافي شي ابيستاهل
لا انسان ولا حتى اي شي تنزل يوما من ايام دمعه
من اميره بس هي بلادك وذكرياتك والحق معك
الله يصبرك

الله يسلمك يا اميرة
صدقيني انا شو ماخسرت بعد كل هاد مارح يكون اغلى من الي خسرتو
وحتى لو بكيت بيوم من الايام يمكن تكون هي الطريقة الوحيدة الي برتاح فيها مو اكتر
نورتي
​

 

[♥البرنسيسة♥]

تؤبشيني سوسو

نحنا هون اهلك كمان ورفقاتك وانشاالله نقدر

نسيكي جزء بسيط من آالامك والشي الي مريتي فيه

​

 

[► Mr.Rami ◄]

الله يرحمون شكرا ألك كتير
والله لايعيدا ويفرقنا نحنا عن بعض
أخوكي

رامي
​

 

[فراشة الشام]

الله ينصركوم ويروح هل الغيمة السودا
ويترجع حياتكوم متل الأول
ونحنا هون أخواتك بعون الله
لا تشيل هم
مافي شي مستاهل ولو
الدنيا هيك متل
مابتجمع بتفرق


​

 

[شام]

لاتحسبون ان النصر مات النصر يمرض بس مايموت

النصر من عند الله انشاء الله

ونحنا هون كلنا اهلك حبيبتي
كلماتك رآآآآئعه ..

تقبلي تحياتي وخالص أمنياتي..

 

[البحر الهائج]

الله ايصبركن ويزيح عنكم الغمامة وبترجع حياتكم متل ماكانت واحسن
​

 

[♥ jasmine rose ♥]

تؤبشيني سوسو

نحنا هون اهلك كمان ورفقاتك وانشاالله نقدر

نسيكي جزء بسيط من آالامك والشي الي مريتي فيه

​

والله يا امول انتو جد غاليين عليي كتير
تسلميلي يارب
نورتي حبيبة البي​

 

[♥ jasmine rose ♥]

الله يرحمون شكرا ألك كتير
والله لايعيدا ويفرقنا نحنا عن بعض
أخوكي

رامي
​

يسلملي قلبك يارامي
والله انا لولاكن مابعرف كيف رح تكون حياتي
الله يخليلي ياك ومايحرمني منك ومايفرقنا عن بعض
يا احلى واغلى اخ بالدنيا كلها
​