يوميات المحروسة لطفية .. تعود من جديد

[CoOoL CaAaT]

شو صار ب لطفية جمانة
غلي ئلبي عليها
​

 

[نهر الاحساس]

شو وينك جمانه ما عدتي تحكيلنا شو صار بلطوف

 

[جمانة]

نصار العاشق الولهان غرقان بحزنو و حظو المعتر يلي بيفلئ الصخر

و لطفية المسكينة قاعدة بغرفتها و قافلة على حالها الباب و ناطرة قرار الامم المتحدة - ابو شوكت -

و كانت بتعرف انو قرارو رح يكون نهاية قصتها مع نصار
لهيك ضلت عم تبكي و تتزكر الايام الحلوة
و هي عم تسمع البوم اليسا الجديد
و غنية ع بالي حبيبي :10: يلي كانت مقررة تهديها لنصار بيوم عيدو ميلادو
آآآآخ يا نصاااار
بس ليس كل ما يتمناه المرأ يدركه
و تجري المصاري بما لا يشتهي الموظف

و بغرفة ام شوكت و ابو شوكت - المناورات محتدة و النقاشات واصلة أوجها

ام شوكت : لك ليش هيك يا تؤبرني .. شو عملت البنت .. بركي صديقها الشب بس .. شو ما بتعرف جيل هالايام :10: - هيهيهيهي - ( ضحكة بايخة ) :19:

ابو شوكت و الشرر عم يطلع من عيونو : ولك يا مرا خليني مروء احسنلك سمعتيني ولا لأ
و بتروحي تحكي لبنتك جوزين هالكلام يلي بدي قلك عليهون
و اوعك .. اوعك ها اسمع انك وقفتي بصفا او حاولتي تهديها
خليها عم تبكي بركي منخلص منها ومن همها .. و لك شرفنا ضاع بنص الحارة بسببها

ام شوكت : خلص يا تاج راسي مشان الله خلص .. انت فصل و نحنا منلبس ابن عمي

ابو شوكت : اي هيك هااااا .. ما احلاكي وما تسمعي كلمتي
ولك مين الرجال هون اه .. انا ولا انتي

ام شوكت و هي منزلة راسا للأرض : انت .. انت ابن عمي .. رجال البيت و تاج راسنا كلياتنا

ابو شوكت عم يشاور بأًصبعو : ليكي ام شوكت .. بتروحي بتخبري بنتك مقصوفة الرقبة
انو الخميس الجاي كتب كتابها على ابو الروض ..
عجبها عجبها .. ما عجبها بستميت مليون تلاتمية ألف داهية .. سمعانة وليه

ام شوكت و الدموع بعينيها : شو عم تحكي انت بدك بنتي تموت - مع دمعة بتسقط من عيونها -
بدك ياني اعطي لطوفتي :10: - و هي حاطة ايدا ع خصرا لزوم الاكشن يعني - ست الحسن و الجمال :10:لابو الروض - مع ضحكة استهزائية - يلي بيشتغل بياع بسوق الجمعة

ابو شوكت قام من مكانو ومسكا لام شوكت من ايدها بكل قوة و هو معصب : ولك هاااااااااد ابو الروض يلي مو عاجبك بيكون اخوه للمختار
بتحطي لسانك بلهاتك وبتروحي تحكي هالحكي لبنتك .. سمعانة وليه
ما بقي الا النسوان ترفع صوتها بحضرة الرجال :80:
انئلعي من وشي وما بئا بدي شوف خلقتك لا انتي ولا بنتك :80:

ام شوكت انسحبت من الغرفة و هي عم تندب حظها
و الجوازة يلي خططت الها للطوف من العكيد
و بنفس الوقت عم تفكر ببنتها شو رح يكون موقفها

يا ترى لطوف كيف رح تتقبل الخبر
بما انو هلأ جوازتها من ابو الروض
صارت شيء لا بد منو

و نصااااااااار :10: .. نصار العاشق الولهان شو رح يصرلو

يتبع... ​

 

[Senior Anas]

ولي احتدمت الاحداث ناطر الحلقة الجاي
ويللللللللللللي بدووووووو يتحدى هي لطوووووووووف مين قدها ​

 

[جمانة]

منورني انوس .. يسلمو ع المتابعة ​

 

[عكــ البيلسان ــيد]

لطوف
رح اخطفك
و رح تصيري مرتي :10:
لو شو ما صار




دخيل الحمشنة لما بتتدخل وتحسم الامور

اذا ما كبرت ما بتتجوز



مطولة الحلقة الجاية

مافي دعايات لوئت العرض

​

 

[دموع الورد]

يا حرام يلا لطووووووووووف

بس انتي قدها وقدود اكيد رح طفشيه لابو الروض هاد
​

 

[STELLA]

لطوف لطوف لطوفة

خبيني ببيت المونة

بكرى لما بيجي البرد

مافي غيري كانونة

:19::19::19::19:

ناطرة جمووووووووونتي :10:​

 

[Cosette]

خــــــطيفة

صار في عكشن

ويتينغ جوج

 

[جمانة]

لطوف

رح اخطفك
و رح تصيري مرتي :10:
لو شو ما صار :albilsan (155):​

دخيل الحمشنة لما بتتدخل وتحسم الامور​

اذا ما كبرت ما بتتجوز :albilsan (155):​

مطولة الحلقة الجاية ​

مافي دعايات لوئت العرض​

لا شو دعايات البرنامج برعاية البيلسان فقط
ان شاء الله مو مطولة كتير ​

 

[جمانة]

يا حرام يلا لطووووووووووف ​

بس انتي قدها وقدود اكيد رح طفشيه لابو الروض هاد​

ه
لك لا تستعجلو الاحداث شبكون ​

 

[جمانة]

​

لطوف لطوف لطوفة ​

خبيني ببيت المونة ​

بكرى لما بيجي البرد ​

مافي غيري كانونة ​

:19::19::19::19:​

ناطرة جمووووووووونتي :10:​

تؤبشيني انتي :19:​

 

[عهد القمر]

ناطيرنيك ...ام جمون ...يلا استعجلينا بالقصة الله يخليكي متشوقين

 

[جمانة]

خــــــطيفة

صار في عكشن

ويتينغ جوج

شو خطيفة ما خطيفة
كني و خليكي متابعة ​

 

[جمانة]

ناطيرنيك ...ام جمون ...يلا استعجلينا بالقصة الله يخليكي متشوقين

اي من عيوني ​

 

[Black Hawk]

على قولة جوري صار في عكشن :19:
صحيح قلنا بدنا احداث اكتر بس مو لدرجة تخربي بيتها للطوف
يالله نستنى ونشوف
متابع ​

 

[جمانة]

لك شبكون ما رح نخرب بيتها للمخلوءة :19:
لسه ما قررت شو بدي اعملا :19:​

 

[ταℓα syяɪα]

شو بتبيعو هون

 

[جمانة]

ما عم نبيع شي .. هون قصة تلوش .. بتمنى تقريها و تتابعيها معنا
بيشرفني انك تكوني من متابعينها ​

 

[أنس الأبطح]

متاااااااااااااابع :Albilsan (115):​