بدك تاخد الجنسية الحمصية تفضل لهون

[روح الشام]

حتى تكتسب الجنسية الحمصية يجب أن تتوافر فيك الشروط التالية:



لازم تكون مقتنع انو حمص مستقلة


لازم تكون كرماوي لإنو الكرامة إنتماء منفصل.



أن تكون مستعدا لأن تعيَد يوم الأربعاء: يعني تصيف عالأخير: تمشي بعكس السير مثلا، تلعب الطابة (وليس الكرة) بالشارع، تسبح عالشاطئ مع إنو ما في شاطئ عنا بحمص، يعني بدك تدبر راسك، يعني لازم تخرج عن كل الضوابط و الأعراف المألوفة، فكل ما هو مألوف يجب تغييره يوم الأربعاء.



لازم تحب أكلة المجدرة مع البصل طبعا إذا ماكنت هيك روح دور على غيرنا .



لازم تكون مطيع كتير لزوجتك لأنو الحماصنة مرضيين كتير يعني بدك تخفف شوي من رجولتك ..يعني تصير خروء شي 8 ساعات ( وابو بدر ) باليوم و مالك كلمة بالبيت!



بدك تكون ظريف كتير مع الموظفين لأنو عنا الموظفين بحمص حساسين كتير و بيزعلو بسرعة، يعني بدك تراجعهم بذوق و هدوء بدون ما تجرح مشاعرهم، ولا تنسى .. المعلوم!! اي اي المعلوم لأنو بلاه! مافي شي بيمشي.



لازم يكون عندك فراسة وسرعة بديهة و تعرف الشوفير اللي ماشي قدامك لوين رايح و كيف بدو يلف او بدو يضرب فرام (بريك لغير الناطقين بالحمصية) و لا لاء!! لأنو عنا بحمص ما حدا بيعطي إشارة و كلو بيطحش على كلو!!



لازم تزكر شوفير التاكسي انو يشغلك العداد لأنو وين مارحت رح ياخد منك 50 ليرة لذلك فذكرو مشان يشغل العداد.



لازم تكون رئتك ملوثة بنسبة 99.999 % لأنوإذا كنت متعود على الهواء النظيف و العليل ما راح يمشي حالك عنا بتمرض بعدين بأمراض مزمنة لأنو عنا كل أنواع التلوث .. و الحمد لله، إلا إذا حبيت تسكن غرب حمص على ضهرالقصير مثلا أو بالقرب من مرمريتا، فيمكن يمشي حالك و بيجوز تموت هنيك لأنوالحماصنة بس طلعو من حمص بيموتو والسبب انو عم يشمو برات حمص هوا نضيف.



و لا ننسى الأركيلة .. لازم يكون عندك نفس ماكن يعني شفيط نمرة أولى.



ممكن تحصل على مرتبة الشرف إذا قتلت تنين حموية ..



أكيد بدك تحفظ شعار الحماصنة ... و هو: الحماصنة الصقور الحرة .. نظرتهم حادة و مرة... و اللي بيحبهم مرة بيحبوه ألف مرة ومرة...



لازم تحكي عالعريض، وهذه اللغة لها مفرداتها الخاصة (موجودة في القاموس الحمصي الذي وضعه الراجي عفو ربه مأمون بن صفوان السباعي، وهو حمصي مقيم في الكويت من 36 سنة) وهو متوفر في الأسواق



مثال ذلك: بلاول (يعني بلال)، طلاول (يعني طلال)، إيداي وإجراي (يعني يديه ورجليه)، كباي ومحشاي (مفرد كبة ومحشية)، علاي (يعني عليه)، عمنو (يعني لأنه)، وهكذا..



و أخيرا و ليس آخراً: إذا وجدت هذه الشروط منطبقة عليك أوبإمكانك الوفاء بها، فأنت جاهز للـ جرين كارد الحمصي، و لحق حالك هالأربعاء لأنو كل أربعاء الشروط بتتغير

ملطوش​

 

[§ أبو المر §]

:19::19::19::19::19::19::19::19::19:

انا مابدي هيك مبسوط وماحدا ادي :19::19::19:

 

[miss of disaster]

هه:19::19::19::19::19::19:

لك يخرب ذوقك شو هاللطش هدا

و لا ننسى الأركيلة .. لازم يكون عندك نفس ماكن يعني شفيط نمرة أولى. بس هالشغلة كانو بتنطبق عواحد عنا بالمنتدى يمكن ابو المر شو رأيكم حكيي صحيح مو

 

[شام]

لازم تكون مطيع كتير لزوجتك لأنو الحماصنة مرضيين كتير يعني بدك تخفف شوي من رجولتك ..يعني تصير خروء شي 8 ساعات ( وابو بدر ) باليوم و مالك كلمة بالبيت!

يبعتلك الهنا انشا الله على ها الحكيات

 

[Life of the soul]

يبعتلك ع هالموضوع ياروح
:19::19::19:

يسلمووو
​

 

[كتكوووووت]

الدم خفيف والروح مرحة وهدا أشطر شي متوفر مع مين أكيد مع اهل حمص يسلمولي أهل حمص اذا فيه احلى من حكياتن والا في اروأ منهم.​

 

[king eyad]

ه انا ما بدي صير لا حمصي ولا غيرو بالا هاللتة هي خليني دمشقي احسن
يسلمون

 

[المستشـــار]

:19::19::19:

شي ظريف

 

[روح الشام]

:19::19::19::19::19:

نورتو أعضواااااااات

 

[diamond]

الله يعين العالم من لسانك
ياروووووووووووووووح
:19::19::19::19::19::19::19:
مشكورة​

 

[روح الشام]

:19::19::19::19::19::19::19:



نورت صديقي دايموند

 

[أيلول]

​