اسألوا لولو ووفروا كشفية الطبيب

[جمال الروحـ]

موضوع كتير نايس
لولو ~

انا قصتي قصة دكاترة سوريا احتارت معي !!!
انا عندي حساسية مفرطه جدا"
ااذا بكون نايم فجأة بصير حك !!
اذا مشيت بالشارع كتير
وجسمي ناري بحمى بسرعه
بصير حك
وع قولة عادل امام كل ما تتزنئ اقلع
وهيك صار فيني
بقى
ما خليت دكتور الا ورحت عليه
اتبعت حمية خااااصه فيني
وماااا مشي الحال !!
يا تراا عندك الحل ؟
صحي نسيت قلك في دكتور قلي بدك جيزة
دخلك الها علاقه هالشغله ه
شكلو عم يمزح
وبشكرك من كل قلبي ~
​

 

[أمورة سوريا]

موضوعك كتير حلو عيوني

أنا بدي أسألك سؤال صغير
انا وزني كتير عاجبني بس آخر شهرين صرت أسمن
وبدي شي نوع ريجيم يكون مقبول ساويه منشان رجع وزني اللي كان

وشكرا كتيييييير الك عيوني
​

 

[ღRosa Blancaღ]

احلى زميلة على خط البيلسان اووووووومي ام اللول ما عرفتك


رح اسألك ها

هادا يا ستي عندي مناسبة خاصة جدا كسيران بقلب الاسبوع وبدي كون مشرقة

وبدي هيك استرخي ويكون وشي مرتاح شو بتنصحيني

اصحك تخبصيلي بروح فيها ها ​

 

[sweet-lolo]

​

تسلم ايدك والله موضوع ح يكون حلو كتير

ومع التفاعل بيصير احلى واحلى

..

عندي سؤال:

من دون شعور ماعم اكل ومابحس بجوع

يعني عم اضعف بطريقة مو معقولة

خلال الاسبوع الماضي نزلت 3 كيلو

وخايفة شوي

شو السبب وشو العلاج برأيك ؟؟

​

هو بالنسبة لعمرك هالشي طبيعي لاتخافي
البعض بعمر 18 بصير عندن شهية مفتوحة والبعض
فقدان شهية بسبب تغير ات بالهرمونات

والاغلب حالتك نفسية اكتر من عضوية على اعتبار
قلتيلي ان ماعندك امراض عضوية

هلئ الحل هو كالتالي

ممارسة رياضة معينة بتحبيها
على الاقل المشي بالهواء الطلق

لازم تاكلي 3 وجبات رئيسية بدون اهمال اي وجبة
يعني اغصبي حالك ولو حتى لقمة (مفتاح البطن لقمة)
متل ما بقولو

يوميا لازم تاكلي مايلي
خدي 7 حبات تمر مع موب حليب على الفطور
+ جوز+ لوز بدون تحميص مشان الفائدة
+ عسل وكمان موز
لازم تاكلي بعد الوجبات او على الفطور

مشمش مجفف بديل المشمش الطازج ان لم يوجد مع زبيب بديل العنب ازا لا يوجد

يعني المهم انك تاكلي ماسبق يوميا اما على الفطور او بعد الوجبات

تجنبي اكل الحلو قبل الوجبات الرئيسية لان الحلو بيفقد الشهية
وكلي الحلو بعد الوجبات

بامكانك تاكلي بين الوجبات نقرشات متل الشيبس والحلويات
او حتى الفاكهة وهالشي لزيادة الوزن

لفتح الشهية
اغلي كوب ماء
وضيفيله ربع ملعقة صغيرة من الزعتر البري
والمليسة والهال وحليه بالسكر ازا حبيتي
واشربيه بدل الشاي والقهوة
ومفيد للدراسة والتركيز

الاهم من كل هالشي ان الشخص يقول بسم الله الرحمن الرحيم قبل
اي وجبة وازا نسي بقول بسم الله الرحمن الرحيم في اول الطعام واخره
للحصول على الفائدة المضمونة من الاكل

عليكي العافية يا حلوة
​

 

[sweet-lolo]

دكتورتنا العظيمة
الله يعطيك ألف عافية
بجد أجوبة ولا أروع
الله يجزيكِ الخير عن الكل
موضوع جدا ناجح
والكلام بعيد عن الرسميات

الله يعافيك عبد تسلم من كل سوء او مرض
اخجلتم تواضعنا
شكرا لوجودك المحبب
​

 

[sweet-lolo]

أول شي بهنيكي لولو على هالموضوع الرائع والله يعطيكي ألف عافية

تاني شي أنا الحمدلله ماني مرضان وصحتي تمام ، بس في شغلة محيرتني
المهم ، أنا متل أنس تقريباً بقعد عالكمبيوتر كتير بس أنا مو إدمان ، لأنو شغلي بيتطلب هيك . يعني بقعد عالجهاز يومياً حوالي 17 ساعة تقريباً، بس مو متواصلة وما بلعب رياضة لأنو ما عندي وقت
بس يوم الخميس والجمعة برتاح فيه من الكمبيوتر تقريباً شي 8 ساعات لأنو بيكون يوم إجازتي ، وكمان كتر خيرها الكهربا خلتنا نعمل إجازة إجبارية
سؤالي هو إنو صرلي على هالحالة حوالي شهرين ونص وما لاحظت إنو وزني زاد كيلوغرام واحد ، مع إنو كترة الجلوس متل ما بعرف بتخلي الواحد يزيد وزنو ، و على فكرة أنا أبداً ما باكل بين الوجبات ، يعني أنا وجباتي 3 فقط هنن الفطور والغدا والعشا بس ، وأحياناً باكل تفاحة بعد العشا وبقشر برتقالة بعد الغدا بس . أما نقرشات متل الشوكولا والشيبس وغيرو ما بدوقهم إلا نادراً جداً والوجبات السريعة مخصصلها يوم واحد بالأسبوع فقط

وطبعاً ماني زعلان على هالشي يعني على وزني ، بس مستغرب ليش ما عم يرتفع من ورا هالجلوس الطويل على الكمبيوتر
يعني لولو هي استشارة مو مشكلة
بقا حابب أعرف منك السبب

لكِ تحياتي
أخوكِ أيهم


​

​

​

والله يا ايهم الحمدلله على نعمة الصحة والعافية
يعني يا ايهم بدنا نصلي على النبي الف مرة
لان صحتك منيحة ووزنك تمام وامورك عال
هلئ انت وحسب ما حكيت كانك عم تتبع نظام غذائي
بدون سعرات حرارية عالية
يعني عم تاكل سعرات على حسب المجهود القليل يلي عم تعمله
المعادلة بسيطة
السعرات الحراية الماخوذة = كمية الجهد المبذول وهالشي يؤدي الى ثبات الوزن لازيادة ولانقصان
لهيك حرق السعرات الحرارية يلي عم تاخدها عم يتم حرقها اول باول

واكيد ربك واهلك رضيانين عنك وماعم تعمل شي حرام لهيك امورك تمام

والله يديم علينا نعمة الصحة


​

 

[sweet-lolo]

​

الموضوع خطيييييييييييييير

تسلم ايدك يا حلوة

اممممم

انا عندي سؤال

بدي شي منك يخفف وجع القرحة

انا بصراحة اجاني من التعصيب و النفسية التعبانة

و تعالجت على اساس انو خف

بس لهلأ بعاني من الوجع

في شي عشبة او اي شي طبيعي للتخفيف من الالم

و شكراً كتيييير الك يا دكتورة

​

​

عليكي العافية حياتي

اول شي لازم ماتزعلي حالك ابدا
مافي حدا بيستاهل زعلك صحتك اهم يا عمري

بيظهر ان معدتك وسطها حامضي كتير على الاغلب زمرة دمك ( O) صح؟؟

وهو الالم بكون نتيجة فقد معدتك الغلاف الداخلي الذي يحميها من عصارة المعدة

شوفي عمري
بدك تاخدي على الريق فنجان زيت زيتون مقري عليه ايات الشفاء
وسورة الفاتحة
عادي انت اقري على الزيت او خلي والدتك مو ضروري تروحو عند شيخ

او بامكانك وقت الالم تقشري بطاطا نية وتمضغيها على مهلك بس انا بفضل الزيت

امتنعي عن شرب القهوة والشاي وخاصة على الريق
ابتعدي عن اكل الكلات الحدة متل الشطة والفليفلة والبهارات
كمان حاليا ابتعدي عن الشيبس والحلويات والوجبات السريعة
لبين مايرجع قوام معدتك لحالته الطبيعية
تجنبي الامساك باكل الالياف النباتية متل الفاكهة والخضار
ومبدئا ابتعدي شوي عن الحمضيات
يعني على الاقل لمدة شهر

ممكن تشربي زنجبيل مع العسل لعلاج القرحة
يعني مشروب ان شاءالله مضمون للعلاج

وعليكي العافية




​

 

[sweet-lolo]

الله يعطيكي الف عافية لوليتي


موضوع قيم

و ح كون من المتابعين ان شاء الله

​

الله يعافي قلوبك يا عسل
ان شاءالله بتضلي سالمة من كل مرض

 

[RoOoR]

الله يسلم ايديكي يا غالية

​

 

[STELLA]

الله يعطيكي العافية يارب

موضوع أكتر من رائع

رح تابعو على طول

هلئ أنا كتير بسهر و السهر معروف أنو بيسود تحت العيون

بلاقي عندك شي خلطة طبيعية لحتى تخلي تحت العيون متل لون بشرة الوش

أو قريب منو ؟؟

و يعطيكي العافية يا قلبي ​

 

[sweet-lolo]

الله يجزيكي الخير لوليتي
وبالفعل المنتدى كان لازمو هالنوع من المواضيع
سؤالي يا حلوة هو:
بعيد عنك وعن السامعين
عن علاج ضغط العصب
بعاني منو من أكتر من 5 سنين وراجعت أكتر من دكتور
وللأسف أغلب العلاج كان مسكنات أو لازم تدخل جراحي
وكمان للأسف امتد الألم من ايدي لكتفي لرقبتي (الحمد لله )
بس مو عطول ..بعد التعب بس بحس في للألم
فإذا عندك علاج طبيعي لنانتك ندوش بتكون ممنونتك
وشكر"إلك ويعطيكي ألف عافية

​

يا عمري انت عليكي الف عافية حياتي
هو بالعادة بيجي هالالم للمراة الحامل
وبس ولدت بروح الالم
وممكن يصيب النساء اكتر من الرجال
بسبب نقص الفيتامينات والحركة الزايدة
لمكان الالم يعني هي بدها راحة اكتر وتغذية
يعني حسب ما فهمت منك حياتي
انا اختي عندا نفس الشي بس هي بريغ الايد بس
بس اختي ضعيفة البنية وماتغذت بعد الولادة

هو بس بدي استفسار بسيط منك
انت عزبا صح؟ وكم عمرك
وشو بتحسي بالضبط؟
تنميل ؟ ولا وخز ابر ولا ألم
ولا شو بالضبط
و بدي تقوليلي شو قالولك الدكاترة بالضبط
يعني هل اسمه ضغط الاعصاب او التهاب عصب
او مناقير يعني بس وصف أدق للحالة مشان اعطيكي
علاج خاص فهمت علي ياعمري
وعليكي العافية
​

 

[sweet-lolo]

لوليتـــــــــي الله يجزيكي كل الخير
هاد الموضوع من اهم المواضيع بالمنتدى
واجاباتك ما شاء الله عليكي مبينة عن خبرة
الله يحميكـــــــــــــــي

بدي اسألك عن الحجامى
خطيبي بالسعودية وعندن كتير بيعملو حجامى
بصراحة انا بخاف منها ما بعرف ليش
بس هو بقلي كتيير بتريح
بدي اعرف انو ما الها سلبيات
وفي شي بيغني عنها ؟؟؟؟
وشكرا كتير الك


دمتي بخير عزيزتي​

اهلين حياتي ان دخيله الحنون يلي البه على خطيبه
شوفي حياتي الحجامة سنة نبوية والها كتييير فوائد
وبتشفي من كتير من الامراض
وممكن الشب يعملها كوقاية
والمرأة كمان بتعملها ماعدا الراس
الراس بس للرجال
وفي احاديث صحيحة كتير عن هالشي

ـ قال رسول الله صلى الله عليه وسلم: «إن أمثل ما تداويتم به الحجامة»... أخرجه البخاري

ـ أخرج أبو داود والترمذي والحاكم عن أنس: «أن رسول الله صلى الله عليه وسلم كان يحتجم في الكاهل»... أخرجه أبو داود والترمذي والحاكم


وهي مفيدة ومريحة للشباب لان مافي
عندن طريقة لخروج الدم الفاسد والسموم
متل المرأة يلي يليبتتخلص الدم عن طريق الحيض
وانا اخوتي وابي عملوها ومافيهن شي الحمدلله
بالعكس ارتاحوا عليها
لأن هي عبارة عن تجميع للدم الفاسد تحت الكأس (كأس الحجامة)
وبمشرط بيجرحوا المكان لينزل كل هالدم الفاسد المليئ بالسموم
ويحل محله دم نقي

هلئ سلبياتها تكمن في:
ان يطلع دكتور حجامة مو شاطر أو قليل خبرة
مايعرف وين الاماكن يلي لازمها احتجام
أو ممكن يتلوث الجرح ازا ما تعقم منيح
بئا هو الشخص يليل لازم يعرف يختار الدكتور الصح

يعني مابعتقد ان في بدائل عن الحجامة
بس بقولوا ان الشب لازم كل فترة والتانية
يتبرع بالدم مشان يتجدد الدم عنده

بئا لاتخافي ولا ترتعبي يا حلوة
​

 

[sweet-lolo]

موضوع كتير نايس
لولو ~

انا قصتي قصة دكاترة سوريا احتارت معي !!!
انا عندي حساسية مفرطه جدا"
ااذا بكون نايم فجأة بصير حك !!
اذا مشيت بالشارع كتير
وجسمي ناري بحمى بسرعه
بصير حك
وع قولة عادل امام كل ما تتزنئ اقلع
وهيك صار فيني
بقى
ما خليت دكتور الا ورحت عليه
اتبعت حمية خااااصه فيني
وماااا مشي الحال !!
يا تراا عندك الحل ؟
صحي نسيت قلك في دكتور قلي بدك جيزة
دخلك الها علاقه هالشغله ه
شكلو عم يمزح
وبشكرك من كل قلبي ~
​

اي في طبعا
انت لجأت لكل الدكاترة وما لاقولك حل
ونسيت تلجأ لرب ومعلم كل الدكاترة
صلي الصلوات الخمس بأوقاتها وتوضأ منيح
وادعي لربك يشفيك من هالوسواس
وصفي النية واقرا ايات الشفاء
والبس ملابس مصنوعة من القطن
ومابتلاقي حالك الا ما بئا تحك
عليك العافية
​

 

[sweet-lolo]

موضوعك كتير حلو عيوني

أنا بدي أسألك سؤال صغير
انا وزني كتير عاجبني بس آخر شهرين صرت أسمن
وبدي شي نوع ريجيم يكون مقبول ساويه منشان رجع وزني اللي كان

وشكرا كتيييييير الك عيوني

عيونك الحلوات يا حلوة
اول شي بدك تقليلي اديه طولك ووزنك
والوزن يلي حابة تصليله وشو زمرة دمك

مبدئيا رح قلك على نظام سهل تاخديه
قاعدة لكل حياتك

كلي عند اوقات الصلوات الخمس
يعني صلي وبعدين كلي
لان ثبت علميا ان الاكل بهيك اوقات مابسمن ابدا باذن الله

لا تاكلي حلو بعد الساعة 4 العصر لان بهيك وقت
ما بينهضم الحلو وبيتخزن بالجسم على شكل دهون

ازا حبيتي تتعشي يعني جعتي وقت العشا كلي فواكهة وخضار
اوعا تاكلي شي فيه سعرات حرارية عالية او ما بينهضم
و اشربي ماي كتير
ازا اشتهيتي تاكلي اكلات (شيبس وبطاطا وشوكولاه)
لا تاكلي كتير منن وازا اكلتي احرقيهن بالمشي السريع
وخلي اكلك الدسم قبل الساعة 4

ازا جعتي بين الوجبات كلي سلطة وحبة فاكهة وحدة
بعدي عن المقالي وخاصة البطاطا المقلية

وكمليلي الاسئلة لحتى قلك الباقي يا حلوة
​

 

[sweet-lolo]

​

احلى زميلة على خط البيلسان اووووووومي ام اللول ما عرفتك


رح اسألك ها

هادا يا ستي عندي مناسبة خاصة جدا كسيران بقلب الاسبوع وبدي كون مشرقة

وبدي هيك استرخي ويكون وشي مرتاح شو بتنصحيني

اصحك تخبصيلي بروح فيها ها ​

​

شايفة كيف انا ماعرفت حالي كمان

والله يا حلوة انت مشرقة على طول مابدك اشراقة اكتر من هيك

بس اشربي ماي كتير على الريق
وكلي فواكه ولاتنهمي ولا تزعلي

ونامي منيح وفيئي بكير ونامي بكير

الخلطة السرية هي

بتجيبي وعاء كبير من ماء مغلي وبتحطي شوية بابونج
وبتخبخر بشرتك بعد ما تغطي راسك مع الوعاء تحت فوطة او قطعة قماش قطنية
مشان تتفتح مسام البشرة شي ربع ساعة تقريبا

بتجيبي مصل اللبن وبتحطيه على وشك لبين ما ينشف
وبتغسليه بقطن وماء دافئ اقرب للبارد

او بتبشري الخيار وبتخلطي معه ملعقة لبن وبتحطيه على بشرتك شي ساعة
وبتمسحيه بالماء الدافئ

او ملعقة عسل مع ربع موزة مهروسة بتخلطيهم وبتحطين على بشرتك والرقبة طبعا لمدة ساعة
او لبين ما تنشف المقادير وبعدين بتمسحي الكل بمنديل مبلول

والاهم من كل هالشي هو الابتعاد عن الاكلات الحدة والبهارات والمقالي

ان شاءالله تعجبك الوصفة يا حلوة

​

 

[جمال الروحـ]

اي في طبعا
انت لجأت لكل الدكاترة وما لاقولك حل
ونسيت تلجأ لرب ومعلم كل الدكاترة
صلي الصلوات الخمس بأوقاتها وتوضأ منيح
وادعي لربك يشفيك من هالوسواس
وصفي النية واقرا ايات الشفاء
والبس ملابس مصنوعة من القطن
ومابتلاقي حالك الا ما بئا تحك
عليك العافية
​

شكرا كتير الك عالجواب الشافي
بأذن الرب المعافي~
ولو انو هاد يلي عم يصير
عم اتوضى منيح
ومتابع صلاوتي
والحمدالله
والبس قطن
اسال الله الشفاء لكل مريض
شكرا" الك دكتورتناا
الغااليه ~

​

 

[sweet-lolo]

اي كتير منيح
الله يثبتك ويزيدك من الايمان
بتمنالك الشفاء العاجل

 

[{Dark~ Lord}]

هلا انا عم يطلعلي لطشات حمر برئبتي وبجسمي
وصرلي أسبوع على هالحالة وهيي أول مرة بصير معي هيك
شو العلاج ​

 

[sweet-lolo]

جاءني استفسار عن كيفية التخلص من الامساك

الحل هو كالتالي :

شرب 4 أكواب من الماء على الريق وازا قدرتو اكتر لابأس

شرب فنجان من زيت الزيتون على الريق

أو علبة زيت خروع كاملة على الريق ازا قدرتوا

7تمرات مع كوب حليب على الفطور بدون سكر
او محلى بالعسل

تناول الألياف النباتية متل البرتقال طبعا تناولها اكلا وليس عصير
والعنب أو الزبيب او دبس العنب
التين أو التين المجفف
وطبعا الخضراوات بأنواعها متل الخس والورقيات الاخرى
السبانخ جيد ايضا لتلين الامعاء وجميع الخضار

الشمرة ممتازة لعملية الهضم والاستقلاب وتليين الامعاء
تؤخذ ملعقة صغيرة بكوب ماء مغلي وتشرب وممكن اكتر من كوب

مغلي الشعير ايضا نفس وصفة الشمرة
ايضا مغلي الشوفان ان وجد

الابتعاد عن تناول الخبز والمقالي والشيبس والمعجنات
والكاتو (اي شيئ مصنوع من الطحين)والبطاطا المسلوقة
الارز المسلوق لحين زوال الامساك

لتسهيل عملية الخروج ممكن استعمال زيت الخروع كحقنة شرجية
او تحاميل جليسرين من الصيدلية (تستخدمها الحوامل عادة)

اتمنى للجميع الشفاء العاجل
دمتم بصحة وعافية


​

 

[sweet-lolo]

هلا انا عم يطلعلي لطشات حمر برئبتي وبجسمي
وصرلي أسبوع على هالحالة وهيي أول مرة بصير معي هيك
شو العلاج ​

هلئ ازا في حكة
يعني أكيد عم تاكل شي او اكلت شي بسببلك الحساسية الجلدية
او اخدت دواء سببلك هالشي
يفضل تزور الطبيب الجلدية لحتى يفحصلك هالبقع عن قرب يعني لاتهملها
ازا عم تزيد ممكن يكون شي مو منيح لاسمح الله
بس ازا بدو يعالجك قله انك بتفضل ما يعطيك مراهم او ادوية تحتوي على كورتيزون
يعني بدك تراقب حالك شو اكلت
بجوز من قبل ماسببلك الشي يلي اكلته حساسية
بس هلئ اثر عليك بسبب تغير المناخ (الطقس) تزكر منيح شو اخدت

وعليك العافية
​