عندي مشكل

[امير الحب]

عيني كل الدنيا هيك شو بدك تساوي امشي مع الدنيا
كيف ما بدها صعب تلاقي حدا قلبو على قلب جارو ولا خيو بعين الله مالك غير اهلك
شو بدك تساوي دنيا اسعد سعيد

 

[♣ Adolf Hitler ♣]

عيني بدك تسايري.....لأنو انسان واحد ما بيقدر يغير واقع إلا بمعجزة....وخاصة واقعنا العربي العقيم اللي بدو معجزة من عند الله حتى يتغير......وبعدين هيك ناس أنتي مضطرة تسايريهون
يعني بالعامية طنش تعش تنتعش.....وعلى كل حال ما تخلي هالكلام ياثر فيكي....يعني يدخل من هون بيطلع من هون.....وخليكي عايشة حياتك طبيعي ​

 

[سوسنه]

بكل مجتمعات العالم واينما وُجدتي سوف تجدين الطالح والصالح...وانت الظاهر انو قلبك طيب كتير وبتآمني لكتير ناس بس للأسف بتكتشفي لاحقا انهم مو قد الثقه يلي منحتيهم اياها أو مو متل ما كنتي مفكرتيهم..
اليوم الحياة صعبه كتير واذا انت بتحبي الناس والرفقات مجبوره تتأقلمي عيني وتغضي النظر عن كتير شغلات لانك بالنهايه انت ما تقدري تزرعي عقول لكل العالم وما فيكي تغيري الكون فقط ابدأي بتغيير نفسك لما تريه مناسبا لك..
موفقه

 

[§ Lισи Hεαят §]

الشباب كفو ووفو ماشالله
بس حابب ضيف مبدئي بالحياة كتير بفيدني
دائماً أنا بتطلع على النص المليان من الكاسة مو الفاضي
تحياتي للجميع

​

 

[أسد القدس]

طبعا طبعا افكار سوسنه كلها حلوة

 

[زهرة النرجس]

تم حذف بعض الردود لخروجها عن صلب الموضوع
الرجاء من الجميع الالتزام بصلب وجدية الموضوع

 

[فايق و رايق]

ياجماعة الخير انا عندي مشكله وكتيييييييييييييييييير متعزبه معاها وهي ببساطه اني مش عارفه اتاقلم مع العالم ولا مع اللي حوالي وبيبين على هالشي في الزيارات والمناسبات
بصراحه مش قادره اضحك وانا عارفه ومتاكده انو الناس بتجامل وبتكذب وتغدر وبتوكل بلحم بعض
كيييييييييييييييييف اتاقلم مع العالم هالشي كتير مدايقني عن جد بروح مناسبة بقعد بلاقي اللي قدامي عم تحكي على فلان وعلى علان وهو وهو وهو وهو ..... المهم المطلوب مني اصدق واطبطب وبالمشرمحي احطها واطيه بس ورب الكعبه مش قادرة يعني اللي بتاقلم معهم اهل بيتي وكم شخص من اهلي اللي بعرف نهم قلبهم ابيض بس

الشخص نفسو بقدر يخلق محيطو, بمعنى انو انتي فيكي تقرري شو هوي الي ممكن يؤثر عليكي من محيطك, هلا بامكانك تسمعي من هون و تطلعي من هون , و بامكانك كمان شو مكان الي سمعتي انك ترجميه لقناعات تانية, دايما ابدي يومك بانك تضلي مبسوطة طول اليوم وفكري بالشي الي ممكن يبسطك , و ممكن على سبيل الزيارة انك قبل ما تقابلي هالشخص المعين او المجموعة المعينة , تبلشي تفكري بالاشياء المنيحة والموجبة
حاولي تغيري مسار القعدة من الشي المضايقك فيها لشي ممكن ما يخليكي تتضايقي
ما تحاولي تغيري العالم وما تحملي السلم بالعرض , الدنيا ابسط من هيك
الشخص الموجب بجذب الاشياء الموجبة و بالتالي انتي بتخلقي محيطك
انتي مش مخبورة عالزيارات الي ممكن تضايقك او بتحسي انها ممكن تضايقك, صلة الرحم حلوة بالمناسبات و مش اجبار طوال السنة و كل ما دق الكوز بالجرة , كلو الو ظروفة ( هادا بافتراض انهم من العيلة ) اذا مش من العيلة , الواجب بالواجب وبس
الحل بايدك وشوي شوي رح تعرفي تحلي المشكلة
بالتوفيق

 

[البيلسان]

ألملم أجزاء الكلام الذي يزعجني وأرحل
أرمه بعيدا بعيدا بعيدا

انا أبحث دائما في داخلي عن الصدق ولا يهمني ما بتناقله الآخرين
فصدقي مع نفسي هو المسألة الوحيدة لأرتاح من نميمتهم

إنها أذني وأسمع بها ما أشاء

ولا أسمع بها ما أشاء

 

[Pure Feelings]

انا صراحة و لا بهتم لحكي الناس
لانو بعرف انا شو
و فوتي من هون طلعي من هون
ولا يهمك لانو ما في شي بيستاهل تزعلي من شانو
انا كنت متلك هيك شو ما ينحكي عني وعن العالم التانيات سدئ
بس هلأ اتغيرت لأنو صار عندي ثقة كتير كبيرة بحالي وبالناس يللي بعرفون

 

[أنس الأبطح]

هلق انتي طولي بالك


ولووووووووووووووووووووووووووووووووووووووووووووو


الدنيا كلها ما بتساوي قشرة بصلة

 

[The Hero]

انا صراحة و لا بهتم لحكي الناس
لانو بعرف انا شو
و فوتي من هون طلعي من هون
ولا يهمك لانو ما في شي بيستاهل تزعلي من شانو
انا كنت متلك هيك شو ما ينحكي عني وعن العالم التانيات سدئ
بس هلأ اتغيرت لأنو صار عندي ثقة كتير كبيرة بحالي وبالناس يللي بعرفون

شوفي حصتك :19: ماني حابب أخرج عن صلب الموضوع العفو منك نرجس

يعني أنا كمان كلام الناس لابيقدم ولا بيأخر عندي
طبعا مو كل الكلام مابينسمع في ناس بيكون كلاما درر ودهب وناس حرام الواحد يئعد معا

 

[عندي مشكل]

مرحبا يا جمااعة ....
انا مشكلتي مع هالمنتدى ...
يعني هون ع أساس الكل اخواني واخواتي
بس هلأ ابدا ما شايف هيك شي
الكل عم يتخانق من مزحة من رد
انا حابب شوف الكل مبسوط
ف شلون بدي لاقي هالحل ؟؟؟
و السلام على من اتبع الهدى ​

 

[زهرة النرجس]

يعني كل مشكله اكيد الها حل وطبيعي انها تصير كم مشكله بس المهم كيف نعالج هالمشكله ونستوعبها مشان مانخسر حدا

 

[سوسنه]

بيتعلق بالمضايقه نفسها ووين ما بتروح بتلاقي نفس الشي لاننا بشر واحيانا ما بتقدر تتحمل المزح التقيل لانو كما تعلم المزح درجات.....تقيل وسط وخفيف

 

[عندي مشكل]

انو مشكلتي بجوز شعور غريب صادفتو وهو انو الطبيعي يكون اتنين بيحبو بعض وبيعشقو وبعض وهيك يعني

او اتنين متل الاخوة مع بعض بيحترمو بعض وبيقدرو بعض


لما يكون بحياتكم شخص بهالحالتين يعني بحبو اي وبخاف عليه من نسمة هوا هو حبيبي واخوي وكل شي بالدنيا شو هالشعور هاد انو كيف اخوي وحبيبي بنفس الوقت والله هيك عم حس

ملاحظه

ولييييييييييييييييييييييييي يؤبرني الخجلان اناااااااا
​

 

[زهرة النرجس]

غريبه

 

[Rotting_misery]

اخ وحبيب ؟
بس انتي او انت ممكن هيك تحس لانو هل شخص بيكون كتير مأثر فيك وكتير مالي الدنيا عليك وعم يعوضك عن كلشي
فا ممكن بي بعض الأحيان تصير
كلشي جايز .....
​

 

[§ أبو المر §]

زهرة النرجس ليش متفاجئة والله ما بعرف شي

 

[mahmoud salih]

انو مشكلتي بجوز شعور غريب صادفتو وهو انو الطبيعي يكون اتنين بيحبو بعض وبيعشقو وبعض وهيك يعني ​

او اتنين متل الاخوة مع بعض بيحترمو بعض وبيقدرو بعض​

لما يكون بحياتكم شخص بهالحالتين يعني بحبو اي وبخاف عليه من نسمة هوا هو حبيبي واخوي وكل شي بالدنيا شو هالشعور هاد انو كيف اخوي وحبيبي بنفس الوقت والله هيك عم حس​

ملاحظه ​

ولييييييييييييييييييييييييي يؤبرني الخجلان اناااااااا​

[/


وين المشكلة . مافهمنا أخوكي وحبيبك شلون يعني
بس طالما هو كلشي بدنيتك أبوكي رفيقك أخوكي ..كلشي بحياتك ..فهو أكيد حبيبك

وبهيك حالة كفة حبيبي ..أقوى من كفة أخوكي بالميزان
والباقي على الله

 

[alqaesar]

فكرة كتير حلوة