قصتي

[glossyrose]

طلع وحدة بنت فاسدة علي
بس شوفا لهالبنت




​

 

[Cosette]

يي عليك يا مهند
اول مرة بعرف انو ماي بيست فرند مجرم


بس حيووووووووووووووووو كمللللللللللل ابو وليييييييييييييييييد(ولا انت ما التل انك ابو وليد حسابك بعدين)


بس روووووووووووووووووووووووووووووح

 

[Cosette]

طلع وحدة بنت فاسدة علي

بس شوفا لهالبنت​

​

:19::19::19::19::19::19:

 

[سعد قيس]

 

[maroosh]

وينو هاد الزفت مهند ( من صغري بدلعوني خخخخخخ)

هه

:19::19::19::19::19::19::19:

كمل كمل

ولله مشتهية اعرف الباقي

:19::19::19:

 

[قيــ الروح ــثارة]

ولي في اجرام بالقصة

كمل والله حاسة حالي بفيلم رعب ​

 

[آلبتول]

:19::19::19:
حلوه قصتك مهند
يلا البقيه كمل كمل
ييييي والله ذكرتني على هذيك الايام
انا لو قلت قصتي رح تكون افلام واجزاء
خليها مستوره بس :19::19::19:
​

 

[Life of the soul]

كمل مهند
ولله حلوة قصتك
​

 

[جمانة]

يلا ناطرين البقية ​

 

[قمر الشام]

عنجد قصتك غير شكل
يلا كمل متشوقين نعرف شو صار

 

[museumoflove]

:19::19::19:

يالا مهند بأنتظارك على نار يا نجم​

 

[the loOord]

لك تسلمولي كلكن زوء والله كرمالكن رح كمل

 

[سعد قيس]

كمل حبيب
عيوني الك

 

[just@girl]

يالله بدي الباقي


والله عجبتني قصتك كتير

 

[the loOord]

المهم خلصت من الئصة والحمدالله طلع الزلمة مو ميت بس سنو مكسور انتقلنا على مدرسة جديدة
وكانت المدرسة اول سنة يتفتح ( يعني انو بكونو لسا متحمسين وبدهن يعملو شي يفيد البلد على اساس)​

كنت صف خامس وما كان في اكبر منا بلمدرسة يعني نحن الكل بلكل اخو اختو يحكي معنا حرف والله منخبصو خبص
كنت انا الذكي بلشلة وعندنا الجسة اسمو باسم ( هاد بكون ضخم شغلتو بس يخوف العالم ) وفي ايهم الحربوء ( هاد شغلتو الندالة والمخططات الشريرة)​

كنا مسيطرين على المدرسة ( طبعا من ناحية الولاد بس ) وشي اكيد انو البنات كلن انو واو يالله ليكي شو بعئد (ولي على السطحية ) كان ايهم مع وحدة وباسم مع وحدة وانا ما كنت حب حدا بس في وحدة اسما الاء تموت علي وانا ما كنت فهمان شي ( غشيم ) انو ما كنت حبا
كانت المدرسة 3 طوابق الطابق الاخير كان لسا فاضي مافي طلاب يعبو المدرسة
لذلك كان الطابق ال3 ملتقى العشاق والي ما كان في غيرنا
مرة كنا فوق متخبين بصف وطلعت انسة (سمعت ضجة بدها تشوف شوفي ) ولييييييييييي ركدو نحن هون صرنا جنتل انو ركدو يا بنات ونحن منلهيها مشان ما تشوفكن والبنات اكيد ايه يالله باي ( وكل وحدة بلمح البصر اختفت ما صدقو على الله اصلا نكون مو نحن الي عرضنا الفكرة كانو فشكلونا وهربو مصلحجية من عمرن) المهم طلعت الانسة شوفي مافي شو عم تعملو يالله عل ادارة ونحن باعتبار الضرب ممنوع مو هاممنا شي مبتسمين وكول ويا جبل ما يهمك ريح طلع الضرب ممنوع بس مو كل الضرب انو في ضرب بلايد وفي بلعصاي واساليب بتفننو فيها كل يوم والله جماعة يعني ما ضربونا ابدا لعن اخت ايدينا من الضرب بس
ونحن ما نعترف على شي (المتهم بريئ حتى تسبت ادانته ) والله طلعنا على الصف كل واحد ايدي ووشو احمر وقفنا ئدام الصف مسحنا وشنا زرعنا ابتسامة وفتنا على الصف (عمرك ما تفرجي حدا ضعفك اكيد رح يشمت فيك ) هون البنات شو خير شو صار معكن ( دخيلو الي بينشغل بالو على اساس ) لا عادي ولا يهمكن ما صار شي ابدا بس كنا عم نحكي حديث (بغير لغة ) وكان هيك الصف الخامس والسادس كلو معي ( بس والله غريبة كانو مبلش عواطف بكير شوي !!!!) ​

المهم حان الوداع بدنا نصير بمدارس شباب لحال وبنات لحال بلش كل واد يظبط وضعو انو شو مشان انا بدي بطل شوفك (لحبيبتو اكيد ) الا انا كان في وحدة بتجنن اسما سنا ما كنت احسن وقف احكي معا ( مع انو كان عادي هاد الشي لك انو نحن ولاد اطفاااال) خلصت السنة وما حكيت معا (حب من طرف واحد )​

هون بلشت الصيفية انو نحن خلصنا ابتدائي وصرنا كبار والارض ما عم تسعنا
جينا على العلامات الحمدالله ابووليد (الي هو انا ) ناجح بلمساعدة ((اوبس ) انو بلمساعدة معناها انو انت راسب بس عطوك علامة مشان تنجح ( بدهن يخلصو منا ) ​

هون ابي اكيد رح يطالع الفرق انو شو رح يحكو العالم ابن المهند عم يرسب لك و وين بصف السادس يا حسافة تيا لك ثكلتك امك (عم نلطف المسبات شوي ) ​

هون حضرت الوالد كيف بدو يخليني اوعى على حالي فكر الزلمة شي نص ثانية ونط وجدتها (اكيد ما نط بس عم اتسلى شوي )​

المهم الفكرة كانت انو بدو يحسسني بقيمة النعمة الي انا فيها (اها معناها انا بنعمة برأيو ؟؟؟؟؟ احتمال ما بعرف هلئ بنشوف ) ​

الفكرة كانت تتجلى بانو عندو ولاد عمو بيشتغلو نجارين ( من الطبقى المعدمة ) فهو كانت فكرتو اذا عاشرتهن وشفتهن رح حس ( ما بيعرف انو محسوبو مضاد للمشاعر عديم الاحساس ) المهم شو رأيك يا بابا تروح عند ولاد عمك انا رديت ليش لاء منتسلى
والله نزلت عل الشغل اول يوم شي الساعة 3 العصر (فايق من وش الصبح )​

هاي شلة كيفكن شوفي مافي ( كوووووووووول)​

هون كل واحد وشو مو مبين من الغبرة عايف مخو ما عم يلاقي ياكل طلعو فيني شذرن انو ولاه انت شو عم تعمل هون
انا فايت معرض وينو ابن عمي والله الزلمة استقبلني وشربني شاي ( هو بصراحة لهلئ مو متأكد انو شاي بس هيك كانو يسمو المهم )​

هون الزلمة عم شوف حالو فيني انو شوفو انته وياه هاد ابن عمي من المهندسين لك ابو مهندس ( هون انا كنت بدي حط كامة من عندي بس تعتبر نابية لذلك بلاها )​

المهم ما بدي طول عليكن كنت انا هنيك مقدس انو الله خلقني وكسر القالب انو يشوفوني كاني توم كروز او براد بيت او انجيلينا جولي (بشبها شوي خخخخخخ)​

يعني هنن عايشين على خبزة اليوم وانا تقول ابن اغا المهم انو انا كنت انزل وقت الي بدي واطلع وقت الي بدي وما اشتغل شي معزز مكرم واخر الجمعة اخد راتب الي كان 300 ليرة (ولي على عمري انا لك هي وين بدي روح فيها ) والله ما كنت اعرف وين بدي اصرفا انو كتيرة على واحد بعمري كلو مصاصة ودقة وكفاها المولى وابوي شو محسب انو عم اندعك وانا عايش بلنعيم
والله بعد شي كم يوم كنت انا واجير لحالنا بلمحل مليت انو شوبدي اعمل صحتلو تعى لهون ولاه (بيني وبينكن بكف واحد بيعملني صياح بس ياخيو الواصطة حلوة )​

ئلتلو انت شو عم تعمل ئلي ولا شي ئاعد وبالله ليش ئاعد ئوم شتغلك شغلة شو بدي اشتغل يعني ئلتلو ئوم نضف المحل يالله احسن مو ئاعد
والله الزلمة ما كذب خبر وبلش تنظيف بعد شوي عم يصرخلي انو تعى ساعدني بدي جر الماكينة مشان نضف تحتى والله جيت مسكت طاولت الماكينة وهععع (شديت) وماشفلكن الا وموتور الماكينة (وزنو شي 25 كيلو )بيفلت ووين بطب يا حزركن
على اصابع ايدي ال8 (ما تحسبوني فضائي عندي عشرة بس ما صاب الابهامين) والله سحبت ايدي انا وعم طلع فيهن مصدوم (شو صار مين وين ايمتى ؟؟؟؟؟) العمى لك شوبدي اعمل مالي غير غسلهن بمي بيردة بلكي بخف الوجع وانا عم غسلعن فات ابن عمي على المحل شافني (!!!!!) لك شو صار شو في والله حكينالو القصة وشالني عل سيارة ومتل الصاروخ عل مستشفى ( سريع البديهة ) المهم صوروهن طلعو مكسورين يالله جبصين وعل بيت ( انا هون عم فكر خيلة اجازة انو والله هلكت من شرب الشاي ) والله جبصنهن وزتني بلبيت وراح طلعت على البيت وضحكتي لادني مبتسوم وشي بشوش مكيف ( حلم حياتي اعرف شو شعور انو ينكسر شي )طلعت على البيت هاي دود كيفكن
امي : وليييييييييييييييييييييييييييييييييييي
ابوي :يا دب شو عملت بحالك
اخوي :نياهاهاهاها
اختي :يااااااااا لك شو صرلك ولي عليك شو اجدب
اوك حلو انو الواحد يكون عندو تشكيلة بلبيت المهم خلصت الصيفية وبلشت سنة الاعدادي بمدرسة جديدة هي صار بدها ئعدة تانية اليوم طق ضهري وابوي صرعني (شو عم تكتب شو عم تعمل شو هاد مين هدول شوفي شوشوشوشوشوشوشو ) انو حاج فصلت بدي روح يالله سي يو لفري بدي باااااااااايز ​

 

[المستبده]

:19::19::19::19::19::19::19::19::19::19:

يخرب فنك والله انك نهفه

احلا شي اللعبه اللي بتلعبها هاي كنا نلعبها احنا في صف تاني

:19::19::19::19::19::19:

بس نوقع بعض ونهرب نروح نتخبى بسرعه

:19::19::19:​

 

[المستبده]

والله حسيت راسي واصابعي تكسرو من قصتك :19:

 

[the loOord]

لك دخيل الله الاستداد انا ولي على بعضي
نورتي sis

 

[lavander]

سلامتهم اصابيعك مهند طمنا عنهم كنت قبل ماتطلع

بانتظارك لاتتاخر علينا​

 

[glossyrose]

يا قلبي أنا
سلامتون لأصابعك هنودة
ليتون أصابع عدوينك ويلي ما بحبوك



​