قصتي

[Cosette]

يا قلبي أنا

سلامتون لأصابعك هنودة
ليتون أصابع عدوينك ويلي ما بحبوك​

​

:19::19::19::19::19:

 

[Cosette]

يا عليك يا مهند
من انت وصغير طنط
خخخخخخخخخخخخخخخ
:19::19:
كمل
عم استنى شوف شو رح تخبص

 

[روح الشام]

لك

سلامتك مهند ه

اما قصتك نكتة

ولا ولي عالشقاوة اانا

يلا كمل قصتك حماسية كتييييييير

 

[GaZoOoooL]

:19::19::19::19:

يا عليي انا عليك يا مهند
لك سلامتك انت و اصبيعك

:19::19::19::19:

 

[TOoOLeN]

:19::19::19::19::19::19::19::19:
سلااااااااااااااااااااااااااااااااااامتووووووووووووووووووووووون
:19::19::19::19::19::19::19::19:​

 

[maroosh]

سلامات

8 كمان؟؟



بس والله متحمسة لاعرف الباقي

يلااااا

 

[Life of the soul]

سلامتك هنود
​

 

[قمر الشام]

:19::19::19::19::19:
عنجد نهفة
وسلامتك مهند
يلا نحن بإنتظار التكملة

 

[just@girl]

لك له له له له


سلامتن اصابيعك


بدنا صورة لاصابيعك هلا لحتى نتاكد انو تم الشفاء


وكمل ولا تطول بنستناك

 

[the loOord]

لا ما تاكلو هم اصبعي تمام التمام متل اصابع البيانو ما شالله علي على هل اصابع شو بجننو



اممممممم اليوم شو بدي احكيلكن

هو معظم السابع ما صار شي مهم ينحكا

بس بدي احكيلكن شو صار معي بصيفية الصف التامن (انو بعد التامن )

هاد انا كان حلم حياتي انو ضل لحالي بلبيت ( هوم الون )

والله تحقق حلمي اهلي بلصيفية بدهن يطلعو على اورم الجوز (!!!!!) هي متل منطقة جبال قريبة على اريحا وهية عبارة عن ضيعة

يعني كم بيت وماركت صغير وخلص الموضوع

والله جهزو كلشي للطلعة وحجزو بيت وكلشي تمام

جيت انا معترض انو شو بدي اطلع اعمل جمعتين بلضيعة بنتحر من مللي انت بدكن تطلعو تعملو ريلاكس انا شو دخلني خلص طلعو انتو وبلحقكن شي كم يوم

والله بعد عدة محاولات ( ماما حبابة بليز بليز بليز بليز بليز بليز...........) والله بلاخير اقتنعو

شالو حالن وطلعو لسا ما طلعو بلسيارة كان التلفونات اشتغلت (امي مسافرة وعامل حفلة ) والله حكيت مع الشباب وجمعنا الدنيا كلها وكلو تمام 3 ايام مقضيها صيف وكيف وبعدها بلشت التلفونات انو وينك ديه تعا (شو بدي اعمل وعدتن انو اطلع) شلت حالي نزلت على الكراج حجزت على اريحا وكان المخطط انو بنزل عند اريحا بطلع بمكرو تبع اورم بنزل عند البيت (هيك كان لازم) والله طلعت بلباص شي الساعة 9 بليل مافي ساعة زمان كنت وصلت على اريحا هو الوضع صاير انو برا اريحا في دوار انو برا المدينة ئلي الشوفير انو من هون بعدي مكرو اورم والله نزلت وقفت شفت شلة شباب ئاعدين على الدوار رحت لعندهن مرحبا يا شباب كيفكن بالله مكرو اورم بعدي من هون طلعو ببعض وئالولي انو تأخرت هلئ ما ضل في مكاري (انو ايه والحل !!!!) طلع واحد بلتاني ئلو ئوم وصلو ( هون نسيت ئلكن انو كانو الشباب ئدامهن 3 موتورات وعم ياكل مكسرات وجنبها شغلة متل علبة البيبسي بس اطول وريحة مزعجة (بيرة) بس كنت غشيم وما بعرف شو هي )المهم ئلتلو انو ايه حباب وصلني ايه لا ايه لا ايه لا والله شال حالو واحد وشغل الموتور وجاب واحد معو ( هون انا مبين علي ابن نعمة مظبط حالي و تمام التمام المهم ) والله طلع واحد على الموتور وطلعت انا ورا وطلع واحد وراي (!!!!!) تقول قاطرة مقطورة مو موتور المهم والله انا عم اتشكرهن انو كلكن زوء والله الدنيا ما خليت وما شفلكن الا والشباب استلمو طريق فرعي وعم نمشي وصلنا بنص الطريق على اليمين ارضي وعلى اليسار ارضي بترفع ايدك ما بتشوفها من العتمة انا هون عادي يعني شو هل شغلة (دب) المهم ما شفلكن الا والموتور صار يجعر ومدري كيف صار صوتو ( طلع لما بتنزل غيار هيك بصير صوتو ) والله الي عم يسوق اخد اليمين وطفا الموتور لك خير يا شباب شو في ئال والله خلص البنزين (!!!!سبحان الله) نزلنا من على الموتور واحد واقف وراي والتاني عم ينزل الموتور على الارض الي جنبنا وخباى ورا الشجرة هون انا حسيت بلعطب ( انو ولي شو عملت بحالي انا )لك شو بدي اعمل الدنيا عتمة وهنن 2 وكل واحد بطول الشنتير (او الجحش يعني نفس الشي ) ولييييييي اذا ركدت رح يمسكوني هدول ولاد ضيعة اختصاص ركد بلتراب (انا اختصاصي زفت ) والله الشباب بلشو يقربو لعندي وشغلو دخان وعم يطلعو ببعض ويطلعو فيني (انو شو رأيك اول شي نتسلى فيو ) ما شفلكن الا ومن العدم بيطلع ضو ( انا هون حسبت انو الشباب خلصو مني وهاد ملاك اوشي شغلة ) والله ضو بلش يقرب طلعت سيارة شلت حالي انا و وقفت بنص الطريق لا بيعفسني واخلص لا بوقف ( يعني موت بسرعة بدون احساس احسن من هدول الله بيعلم شو رح يعملو فيني اذا الشغلة بس نشل معلش انا عادي مو مشكلة اذا بس قتل كمان مو مشكلة بس اذا كان فكرن غير شي ولييييييي) والله السيارة وقفت رح عند الشوفير وسألتو انو طريقك على اورم ئلي لا والله على اريحا ئلي انت رايح على اورم ئلتلو ايه ئلي شو عم تعمل هون هون مافي شي غير اراضي ئلتلو يستر عرضك خدي على اريحا معك معلش (لك انشالله على جهنم بس بعيد عن هدول )والله الزلمة طالعني معو ئلي انو هدول سكرانين معروفين بلمنطقة انو وسخين وروح قلبهن الولاد (كنا رحنا فيها ) والله الزلمة طلع ابن حلال زعل علي وراح وصلني لباب المصيف انا هون ما حكيت لاهلي شي ولهلئ ما بيعرفو تجنب للبهدلة وهيك شغلات

بس انو كيف نفدت منهن ما بعرف وهي كانت اهم شغلة صارت معي بهل عمر الحمدالله خلصت الصيفية على قيد الحياة وكلو تمام والمرة الجاي رح احكيلكن كيف كان صف التاسع معي لانو منهون رح يبلش التعفيس والاكشن والئصص ما رح تخلص يالله منشوفكن بخير افري ون باااااااااااااايز











بدي اتشكر كل الي عم يعملو الردود الحلوة تسلمولي كلكن زوء مافي منكن انتو





وسوري على التأخير بس والله ما عم احسن فوت على النت مشغول شوي ​

 

[STELLA]

الحمد لله ع سلامتك


متابعه ​

 

[the loOord]

الحمد لله ع سلامتك


متابعه ​

الله يسلمك يا احلى متابعة
​

 

[glossyrose]

لك ولييييييي عالئصة يلي صارت معك

أنا عم بقراها ورح موت رعبة عليك
اتقول عم بحضر شي فلم رعب

الحمدلله عسلامتك حياتي

ناطرين مغامراتك بالصف التاسع



​

 

[قيــ الروح ــثارة]

نايس ستوري

كمل كمل يلا

 

[Loulita]

حاجة رائعة انك تحكى قصتك ببساطة
وانا مستمتعة جدا باللى بتحكيه ومنتظرة الباقى​

 

[crazy love]

:19::19::19::19::19::19::19:
عنجد اصصك رائعة
بتضحك:19::19:
مش طبيعية ............. بس لوني محلك كان بحب وحدة زي صحابي

كمان ولك هاي حادثتك الاخيرة مش طبيعية
يعني انت مش عارف من شكل الشباب

بس والله انو الزلمة ابن حلال طلع بيفهم هيو
اعطيتني امل انو لسا في ناس بتفهم زيو

يلا واصل اصصك الرائعة معنا

​

 

[the loOord]

هلئ هون بكون بلش صف التاسع يعني انو صرلي بنفس المدرسة 3 سنين عرفت الكل

كان عندي البست فرند شب من عندي من الحارة اسمو ايهم كنا نفهم على بعض على الطاير المهم

متل ما الكل بيعرف انو صف التاسع بكون كلو صياعة وما حدا بيسأل على المدرسة لانو ما فيهن يرسبو الشغة بايد الامتحانات ( او يمكن بس انا كنت هيك فكر ما بعرف ) المهم بصف التاسع بلشنا شوية صياعة انو نتأخر على البيت ما ندرس نروح ونجي ( هون كنا محسبين حالنا خلص صرنا رجال وما حدا دخلو )

المهم ئاعدين انا وايهم بلصف دخل طالب جديد هو انا مشتهي اوصفلكن اياه بس المشكلة انو فريد من نوعو بس كل شخص بشوفو منسألو انو كيف بئلنا بربي مشتهي اقتلو (!!!!!) وانا وايهم اول ما فات على الصف طلعت فيو ئلتلو شو رأيك ئلي ايه والله بدو قتلة المدرسة كلها بدها تقتلو ما منعرف ليش بس منظرو هيك هو ضعيف كتير وطويل شوي وكان وقتا يلبس راب وهيك شي المهم مو محرز نحكي عليه تعرفنا عليه وصار واحد من الشلة لهاد اليوم الي نحن فيه اكيد الفصل التاني بطلنا نداوم ويوم النتائج طلعت انا الاول (مايروح فكركن لبعيد الاول على الشلة ) واكلت بهدلة انو عم تدرس من ورانا يا (توت) وكان مجموعي 190 من 290 يمكن او هيك شي وانو انا وحيات الله ما درست بس كنت افهم شوي بلدرس خلصنا التاسع اوووو شغلة كبيرة بلصف ننزل نلعب طابة وهيك شي انا من صغري ما بحب الطابة بلعب سلة ومافي منطقة خرج نلعب فيها سلة المهم هون بلشت اتعرف على اصدفاء السوء (خخخخخخ شغل افلمة ) والله بهي الصيفية كانت اول سيجارة شربتا يلعن عرضا وينستون احمر اتقل دخان على وجه الكرة الارضية اندبحت دبح والله كل جمعتين كنا نجتمع 5687 واحد نشرب سيجارة وحدة (ما حدا يسترجي يشتري باكيت انو بلكي ئال صاحب المحل لأهلي ) المهم شوي شوي بلشنا نتعلم عليه وعجبتني الشغلة انا انو تسلاي شوفيها ( هلئ هون فاصل اعلاني انو انا حبيت ئول انو اول شي ما حدا الي علمني على الدخان انا الي تعلمتو وتاني شي انا فيني اترك الدخان بس انا ما بدي لانو ما عندي سبب محرز اتركو كرمالو المهم منرجع لحديثنا )والله على اخر الصيفية بلشت اشتري باكيت وكل ما اطلع على البيت نروح نغسل ناكل شي نغير طعمة تمنا نبخ عطر او ملطف جو (شو ما وقع تحت ايدنا )كرمال الريحة والباكيت نخبي بشي دحشة مرة بلحديقة مرة بلمدخل وكل مرة شكل المهم بلش صف العاشر كنت تعرفت على واحد عندو محل نت هو شب مو كبير كتير يعني كلها 4 او 5 سنين اكبر مني المهم كنا دوم عندو بلصالة عم نلعب واغلب الوقت ما كان ياخد منا مصاري والله بلش العاشر اول شهرين انفصلت انا (!!!!!) يا حزركن ليش ئال عندي غياب 60 يوم (انو والله مو كتير )كنت مقضيها كل يوم من السبعة الصبح للوحدة الظهر بلصالة صيف وكيف ومافي وراي شي المهم انو هي الصالة كانت جنب المدرسة ( اكيد مو مدرستنا جنب مدرسة البنات ) هو هون لازم احكي بصراحة يعني ما حدا يزعل اوك

المهم انا فيني عادة انو بحكي مع بنات اوك بس موضوع انو لطش بنت او الحق بنت نو واي مستحيل انو ما بتظبط معي مافيني اتصور حالي ورا بنت ( انو والله انا اكبر من هيك ) المهم كل يوم اخر الدوام تعدي بنت مع رفيقتا انو بتشللللللل عقدة مستحيلة (انو البنت حلوة كتير ) اوك اول مرة طلعت علي ئلت اكدي مشبهتني لحدا تاني انو شو مشان تاني ئلنا عم تطلع على حدا ضلينا هيك لبين ما مرة حطتلي وردة على المكتب وراحت (كان المكتب عند الباب وانا كنت جوا المحل ) هون انو خلص فصلت كل يوم صرت انزرع على الباب اخر الدوام بس شو ضل محلي ما اتزحزح انو هية بدها روح احكي معها انا لا بالله ما بتحرك المهم انو رفقاتي روح روح روح وقفا احكي معا يالله (تحريض سلبي ) والله بعد فترة خلص تحمست جهزت حالي يالله اليوم بدي وقفا لو شو ما صار والله طلعت من المدرسة هية ومعها رفيقتا عدو من ئدام المحل شلت حالي ورحت لعندا هون لازم اشرحلك الترتيبة انو هية ماشيا انا وراها بشي مترين وراي ايهم بشي خمس متار وراي سليمان بشي 10 متار (خطة دفاعية هجومية ) المهم مشينا شوي انا صرت جنبا سلمت عليها ما شفلكن الا ودورية شرطة موتور عليه 2 وقف جنبي (هون انو عادي ما لازم يعملو شي انو انا ما عم ازعجها ) طلعت وراي شفت الشباب دارو ضهرن ومشيو انو مين هاد ما منعرفو طلعت على البنات اختفو(!!!!!!!!!!!!) العمى وين راحو هدول انا هون صرت بموقف بايخ انو شو اعمل الادرينالين بلش ينضخ بعروقي وما شفلكن الا وانا عم اركد وهنن وراي ومحسوبكن ركيد درجة اولى انو طولي شي 180 يعني رجلي طوااااااااااال وبلشتلكن ركد والشرطة وراي ادخل مفرق اطلع مفرق ادخل مفرق اطلع مفرق ما تركت مكان وانا عم اركد طلعت في خدامة عم تغسل ئدام بيت (انو ولي علي مييييييييي وانا عطشااااااااااااااان) طلعت وراي ما في حدا ئلت خلص ضيعتن وقفت بدي اشرب وما شفلكن الا واحد ضب فيني (هون اكلت هوا ) طلع فيني وئلي العمى بعيونك العمى هلكتني وانت بتركد متل القرود (على فكرة انو هاد مدح مو ذم j) والله شالوني عبوني على الموتور وبشهن على المخفر دخلوني عند العميد ئالولو انو سيدي هاد كان عم يتحرش ببنت (ولي مين انا ايمتا والله ما لي خبر ) والله فوتوني على النظارة الي كانت مجرد غرفة يمكن مترين بمترين اتصلو على اهلي بلبيت اجا اخوي وتحلحلت الئصة بس انا لسا مستغرب من شي واحد بس انو دخلت على مخفر وطولت وطلعت بدون ما اكل كف طيارة يا اخي نحرة انو أي شي بس ابدا لهلئ مستغرب بس من شي سنة تقريبا شفت البنت بلجامعة والله شلت حالي ورحت لعندا ئلتلا هاي طلعت فيني مستغربة ئلتلا ما عرفتيني ئال لاء ئلا يا دبة انو انا دخلت مخفر لانو ركدتي ما تذكرتي ودرت ضهري ومشيت هي هون البنت ضلت واقفة شي نص ساعة انو (!!!!) لذلك يا حلوين ديرو بالكن انا خريج حبوس ها نياهاهاهاها

هي حكيتلكن اول شهرين من العاشر وبس ارجع رح كمل يالله بااااايز

















​

 

[STELLA]

ه

اول شهرين وهيك

كيف الباقي

ناطرة​

 

[glossyrose]

ناطرين البقية نحنا
ما تتأخر علينا​

 

[lavander]

متابعة وبسعادة مفرطة
قصتك كتير حلوة​