مارأيكم بهذا؟؟؟

[sweet-lolo]

سؤال موجه للشباب والصبايا على حد سواء

مارأيكم بالشخص الذي كان بينك وبينه قصة حب يعني (عشق)
من الطرفين وتغير من ناحيتك لسبب ما , يعني حجج واهية
بعدما عمل المستحيل لينال الرضا والحب من طرفك
وبعد الحب يأتي فجأة ليقول لك بكل غباء

"اسف أنا جرحتك كتير لاأنفع أن أكون حبيب خلينا أصدقاء أحسن الك"

ازا كان شب شو بتقولوا عنه شو الكلمة يلي لازم تنقال ,و ازا كانت صبية شو بتقولو عنها
برأيكن ممكن يتحول الحب والعشق لصداقة؟؟ وهل هذه الحالة من الحب المتبادل
باعتقادكن يحق لشخص واحد ان يقرر فيها أم أن الطرفين لازم يتفقوا على شي واحد

بالله عليكم شو رأيكن بهيك شخص احكوا ضميركن بدون دبلوماسية
​

 

[اميرة الشام]

اممممممممم انسان بلا ضمير كذاب مخادع

لولو اعملي على هالمقولة

من حبك حبيه بيعي الدنيا و اشتريه و من باعك بيعيه و بأقرب زبالة ارميه

يا ستي هالشغلة صارت عادية عند الشباب و انا عن نفسي صار معي هالموقف

بس عادي فترة و راحت و صار انسان عادي

بيقولو إذا العشق دق بابك لا تفتحي الباب بسرعة لأنو الولاد الصغار

بيدقوا الباب و يهربو

​

 

[sweet-lolo]

بيقولو إذا العشق دق بابك لا تفتحي الباب بسرعة لأنو الولاد الصغار

بيدقوا الباب و يهربو

​

أبوس روحك عن جد ضحكتيني
ما المشكلة نحنا ماعم نفتح الباب
الا لما نتأكد من يلي عم يدقه
بس الواحد بيتفاجأ لما
بيطلعوا ولاد
يخليلي ياكي يا أميرتي الحلوة
​

 

[اميرة الشام]

ما هما بيضلو متخبيين ورا الاقنعة و بعدها بفترة

بتكتشفي انهم ولاد و صغار كمان

الله يهديهم يا رب و يرزقهم بشوية عقل حاكم أغلبيتهم بلا عقل ​

 

[ندوش]

مستحيل الحب يتحول لصداقة
العكس ممكن يصير بس انو بعد ماكون حبو ارجع حس فيو كصديق ؟؟؟مستحيل
موضوع رائع كالعادة
يسلموووووووووووووووووووووو
​

 

[sweet-lolo]

ما هما بيضلو متخبيين ورا الاقنعة و بعدها بفترة

بتكتشفي انهم ولاد و صغار كمان

الله يهديهم يا رب و يرزقهم بشوية عقل حاكم أغلبيتهم بلا عقل ​

اي والله معك حق يا اميرتي

امييين الله يهديهن ويرزقن بشوية نخوة كمان مع تشكيلة بهارات من الاخلاق
تسلميلي يا عسولتي
​

 

[sweet-lolo]

مستحيل الحب يتحول لصداقة
العكس ممكن يصير بس انو بعد ماكون حبو ارجع حس فيو كصديق ؟؟؟مستحيل
موضوع رائع كالعادة
يسلموووووووووووووووووووووو
​

وأنا هيك عم قول كمان بس شو تقولي ليلي هيك حكا شي بمنتهى الغباء

تسلميلي يا ندوشتي حبيبة قلبي
​

 

[عبدالأعلى]

أختي الفاضلة
لا تتفاجئي كثيراً
كل ما ينشأ في الظلام يختنق ولا ينتهي إلا في ظلام أشد منه



​

 

[sweet-lolo]

كلامك صحيح 100% أخي عبد الأعلى
لكني أتكلم عن قبح الموقف فقط
والقسوة في القلب

شكرا لمشاركتنا برأيك
​

 

[held]

في حكمة بتقول :
الصداقة المزيفة كالطير المهاجر يرحل إذا ساء الجو

و انا بشوف انو الحب كمان المزيف هيك

 

[sweet-lolo]

شكرا لمشاركتنا رأيك
للأسف بطل في صدق بشي

 

[- ]Safee[ -]

أنا برأيي مستحيل يكون حب من طرفين وينتهى هيك ويرجعوا أصدقاء..

بالعادة بيكون حب من طرف واحد ..

طبعاً هي حسب تجارب كتير لاصدقاء الي ..

ومستحيل يلي بيحب ينسى


شكراً عالطرح ​

 

[✿منى قلبي✿]

هلئ اذا اتفئوا الطرفين وعن قناعة الرجوع للصداقة

رح يرجعو اصدقاء ويتحول الحب للصداقة

اما اذا احد الطرفين معارض مستحيل يرجعو للصداقة

وكل شي بنور الله

سيزيده الله نورا

اما الظلام بحياتو ما رح يجي بيوم حدا وينور ظلمته


شكرا

 

[held]

شكرا لمشاركتنا رأيك
للأسف بطل في صدق بشي

لا اكيد ما كان هيك رأيي انا .......
و انا بخالفك تماماً برأيك اكيد لسا في صدق وحب
ولا كانت انتهت الدنيا ....
الصدق يا سيدتي هو الحياة
والحب هو روحها
و لك جزيل الشكر

 

[أيلول]

ما يحدث في قصص الحب هو تماماً بحجم وعمق هذا الحب
وإن لم يكن موجوداً بالأصل سيكون من السهل تحويله إلى صداقة أو إلى كُره حتى
ربما لا أؤيد هذا النوع من القصص لأن من يريد الطرف الآخر سيفعل المستحيل كي لا يفقده لا كي يرضيه فقط
سيدق الباب مراراً وتكراراً في حال رفضه
وحتماً لا يلجأ إلى كلمات ومشاعر لا أساس قوي لها

لكن في هذه الحالة .. لم لا نرى الموقف من الجهة الأخرى أيضاً
قد يكون من البداية لا يملك مشاعر الحب وقد تكون تصرفاته عفوية ومن باب الصداقة
وبسبب ذلك تورط شيئاً فشيئاً
وأراد الانسحاب لأنه أدرك أخيراً حجم الخطأ ولا يريد استكمال شيء لا يشعر به

برأيي الطرفان مخطئان ،، لأن الحب هو تفاهم قبل كل شيء
مع الصدق والاخلاص
ولأنه كان من طرف واحد سينتهي عاجلاً أم آجلاً

تقبلي مروري صديقتي

​

 

[► Mr.Rami ◄]

انا عندي بالنسبة ألي الحب زواج يعني البنت الي بحبا لازم أتزوجا وتصرفاتا بالنسبة الي لازم تكون كزوجة تسمع الكلمة وتكون معي متل السيف
ولما تجي تحكي هالحكي لازم تكون واثقة وعرفانة شو عم تعمل
أنا بالسنة الي بتنزل من عيني

 

[sweet-lolo]

أنا برأيي مستحيل يكون حب من طرفين وينتهى هيك ويرجعوا أصدقاء..

بالعادة بيكون حب من طرف واحد ..

طبعاً هي حسب تجارب كتير لاصدقاء الي ..

ومستحيل يلي بيحب ينسى


شكراً عالطرح ​

شكرا لك لرأيك
لكن أنا برأيي أن احدى الطرفين كان عنده
كذب واحتيال بمشاعره(يعني كان شاطر بالتمثيل)
لأن ما بعتقد ان ممكن تحب شخص الا ازا كان هو المبادر
هاد بالنسبة الي يعني بالنهاية مابعتقد ان الحب بيتحول لصداقة
​

 

[sweet-lolo]

لا اكيد ما كان هيك رأيي انا .......
و انا بخالفك تماماً برأيك اكيد لسا في صدق وحب
ولا كانت انتهت الدنيا ....
الصدق يا سيدتي هو الحياة
والحب هو روحها
و لك جزيل الشكر

شكرا لرأيك ولمشاركتك
وأنا احترم رأيك
​

 

[sweet-lolo]

هلئ اذا اتفئوا الطرفين وعن قناعة الرجوع للصداقة

رح يرجعو اصدقاء ويتحول الحب للصداقة

اما اذا احد الطرفين معارض مستحيل يرجعو للصداقة

وكل شي بنور الله

سيزيده الله نورا

اما الظلام بحياتو ما رح يجي بيوم حدا وينور ظلمته


شكرا

شكرا الك لمشاركتنا رأيك
صحيح كلامك لكن باعتقادي
حسب شدة الحب يعني بحياتو
ماكان الحب الشديد بديله هو الصداقة
يعني كأن الواحد عم يضحك على حاله
لكن بعتقد ان ازا احد الطرفين طلب الصداقة
هاد بعتبره غباء يعني كان لازم من الاول يكتفي
بالصداقة وما يحاول يجر الطرف الاخر للشعور بشعور الحب


​

 

[sweet-lolo]

ما يحدث في قصص الحب هو تماماً بحجم وعمق هذا الحب
وإن لم يكن موجوداً بالأصل سيكون من السهل تحويله إلى صداقة أو إلى كُره حتى
ربما لا أؤيد هذا النوع من القصص لأن من يريد الطرف الآخر سيفعل المستحيل كي لا يفقده لا كي يرضيه فقط
سيدق الباب مراراً وتكراراً في حال رفضه
وحتماً لا يلجأ إلى كلمات ومشاعر لا أساس قوي لها

لكن في هذه الحالة .. لم لا نرى الموقف من الجهة الأخرى أيضاً
قد يكون من البداية لا يملك مشاعر الحب وقد تكون تصرفاته عفوية ومن باب الصداقة
وبسبب ذلك تورط شيئاً فشيئاً
وأراد الانسحاب لأنه أدرك أخيراً حجم الخطأ ولا يريد استكمال شيء لا يشعر به

برأيي الطرفان مخطئان ،، لأن الحب هو تفاهم قبل كل شيء
مع الصدق والاخلاص
ولأنه كان من طرف واحد سينتهي عاجلاً أم آجلاً

تقبلي مروري صديقتي

​

شكرا لك صديقتي أيلول لمشاركتنا برأيك

باعتقادي من يقول كلمة أحبك أو حتى مثلا أعشقك
يجب أن تكون هذه الكلمة صادقة
ومثل ما قلتي

ما يحدث في قصص الحب هو تماماً بحجم وعمق هذا الحب

يعني بعتقد تصرفات المحبين مختلفة تماما عن تصرفات الأصدقاء
وهاد هو الحب الذي أتكلم عنه
بالنهاية الحب ليس لعبة وليس تجربة ومشاعر الاخرين ليست حقل تجارب

بالعامية رح قول يلي مو قد الحب لا يحب او بالاحرى لا يحاول يتمادى بالحب

في حال ان كانت التصرفات عفوية وبدون ذكر أي نوع من انواع الحب
في هيك حالة ممكن الواحد يقول ان الحب من طرف واحد
او ممكن يتحول ما اعتقدناه حب الى صداقة
​