مــنــــبــــــــر الــــبــيــلـــســـــــــــــان

[قيــ الروح ــثارة]

ميترو ياي اي ياريت بس ولي شو 2025 بيكون صار عمري 45 وما بيكون الي حيل اركب ميترو لأنو معلومك حتى بالميترو رح يتدافشوا الناس متل الميكرو باص :80:

بس فكرة رائعة ياريت هالافكار كلها تتطبق والله بتصير بلدنا احلى بلد ​

 

[المستشـــار]

والله فكرة حلوة ويارب ينفذوها​

انتوا بمصر عاملينها .. يمكن لولا قصة المترو والا كانت مصر بمشاكل عظيمة .. حكيلنا كيف وضعو هنيك ..

 

[ابن النيل]

المترو اصلا بحد ذاته زحمة لانه بتعرف انه عندنا بمصر مو الكل عندهم سيارات

عشان كده الكل بيعتمد على المواصلات

وبتلاقي شغلات في المترو معاكسات وسرقات وووووو


والقطارات بتسمع كل يوم عن حادث

القطار الفلاني انحرق والقطار الفلاني انقلب

وقطارين صدمو في بعض .............وشغلات


يعني على قد منفعتهم على قد ضررهم

بس الحمد الله على كل حال​

 

[المستشـــار]

والله انت خوفتني من هالقصة ... بس لازم يعملوا مترو ويعتنوا فيه يعني من السلبيات يلي زكرتها يعني امتا حنصير حريصيين مالي فهمان .. وبعدين خاصة بسعودية لا تخاف بحطولك قطار للشباب وقطار للعوائل

 

[Volcano]

اي وبمصر في كبينين للنسوان وكبين للرجال مع هيك بفوتو النسوان
وبيعدو بكبين الرجال
أخي شغلة الميترو بدها تعمل مشاكل كتيرة بس مع هيك منيح ماشي حالو بخفف عجئة

 

[ابن النيل]

لا هون في السعوديه طبعا بيعتنو فيها وبيكون احسن من مصر

وبصراحة هي فكرة كتييييير حلوة ولازم ينفذوها

لانها رح تقلل من الزحمة وبتكون وسيلة مواصلات جديدة


وانا سمعت انهم بينفذو هالفكرة في مواقيت الحج

يعني رح يكون في قطارات بين منى وعرفات ومزدلفة ومكة​

 

[المستشـــار]

قلتلي النسوان بتفوت على كبين الرجال ولي عليهون .. حتى لهون لاحقينا

 

[المستشـــار]

لا هون في السعوديه طبعا بيعتنو فيها وبيكون احسن من مصر​

وبصراحة هي فكرة كتييييير حلوة ولازم ينفذوها​

لانها رح تقلل من الزحمة وبتكون وسيلة مواصلات جديدة ​

وانا سمعت انهم بينفذو هالفكرة في مواقيت الحج​

يعني رح يكون في قطارات بين منى وعرفات ومزدلفة ومكة​

شي حلو والله

 

[Volcano]

على الرغم من أنو موضوع الزحمة موضوع متميز إلا أنو أنا بشوف في أولويات ...

 

[المستشـــار]

وأنا كاتب بأول موضوعي انو تبعتولي اقتراحاتكون اخي الكريم وانا ما نزلت موضوع الي يومين مشان هيك .. حدا بعت شي ..؟؟؟

 

[قيــ الروح ــثارة]

ملك الغرام شيل هالحل من القائمة بطلنا ما عاد بدنا ميترو ولي ​

 

[المستشـــار]

هلأ يا جماعة أنا عندي حل هو صعب ولكن ان شاء الله هو الحل الأمثل ... أنو يعملوا ما يسمى بدمشق الجديدة متل مصر الجديدة ومتل حلب الجديدة وبينقلوا كل الدوائر الحكومية لهنيك وهيك بصير الأخوان اللي جايين من المحافظات لأجل الدوائر الحكومية بيتجهوا لهنيك مباشرة .. وحتى كراج درعا وكراج السويداء وكراج الست يبعدون شوي يعني يساووا متل السومرية ... هيك أنا ببصملكون بالعشرة أنو ان شاء الله بدها البلد ميتين سنة لحتى ترجع نص هالزحمة ..





مستني اعرف رأيكون بهالحل

 

[قيــ الروح ــثارة]

فكرة ظريفة ها بس هيك بنخاف تميل الكرة الارضية لمنطقة الكراجات و الدوائر الحكومية
لا مزح

بس حل عجبني مشان الزحمة كمان كتير نايس بس يا مين يطبق :80:

بس حلب الجديدة ومصر الجديدة كلها دوائر حكومية ؟​

 

[Volcano]

و الله لو يستخدمو الفاكس والأنترنت لسا بتخف الزحمة أكتر هاد بالنسبة للدوائر الحكومية أما الكرجات متل ماتفضلت هيك بتخف العجئة بقلب البلد شوي

 

[المستشـــار]

​

فكرة ظريفة ها بس هيك بنخاف تميل الكرة الارضية لمنطقة الكراجات و الدوائر الحكومية
لا مزح​

بس حل عجبني مشان الزحمة كمان كتير نايس بس يا مين يطبق :80:



نحن عم نحكي هيك بركي بتصل فكرتنا ما بتعرفي

​

بس حلب الجديدة ومصر الجديدة كلها دوائر حكومية ؟


والله ما بعرف​

 

[المستشـــار]

اذا في نقاش لسا حول هالموضوع منتظرين .. لأنو غدا بمشيئة الله سيطرح موضوع جديد

 

[قيــ الروح ــثارة]

لا هيك حلو لحد هلئ

الحلول اللي وصلنالها لتصير بلدنا حلوة

بناء باركينج أرضي أو اسنسير
مجمع كبير للدوائر الحكومية أن تكون بعيدة عن المدينة
وكذلك الكراجات
بناء جسور ومتحلقات
توسيع الشوارع العامة
شو كمان ذكروني مشان اللي فوق فوق فوق اذا قروا يردوا علينا شو بدنا


وأنا سمعت مبارح ع شام أف أم أنو عم يبلشوا يحطوا مخططات أبراج سورية شبيهة بأبراج الإمارات بالبرامكة

وشوي شوي بلدنا بتصير بإيدينا


يلا الكونفرسيشن اللي بعدو

الله يقويك أخ عماد ​

 

[المستشـــار]

​

لا هيك حلو لحد هلئ ​

الحلول اللي وصلنالها لتصير بلدنا حلوة ​

بناء باركينج أرضي أو اسنسير
مجمع كبير للدوائر الحكومية أن تكون بعيدة عن المدينة
وكذلك الكراجات
بناء جسور ومتحلقات
توسيع الشوارع العامة
شو كمان ذكروني مشان اللي فوق فوق فوق اذا قروا يردوا علينا شو بدنا ​

وأنا سمعت مبارح ع شام أف أم أنو عم يبلشوا يحطوا مخططات أبراج سورية شبيهة بأبراج الإمارات بالبرامكة ​

وشوي شوي بلدنا بتصير بإيدينا ​

يلا الكونفرسيشن اللي بعدو ​

الله يقويك أخ عماد ​

الله يعطيكي ألف عافية والله يجزيكي الخير .. ويبعد عنك السوء

ما قصرتي والتلخيص الأخير هاد دائما عملينا ياه لأنو هو ثمرة يلي عم نعملوا



وان شاء الله بلدنا بتصير أحلى بلد والبلاد العربية كلها ان شاء الله

رح بطرح الموضوع االجديد غدا جهزيلي حالك رح يكون كتير شيق ان شاء الله وبهم الشباب كتير

 

[قيــ الروح ــثارة]

يعني صرت مساعدة لحضرتك انا

عادي وخلص الملخصات عليي
أصلا سبب نجاحي الملخصات

بس ليش هيك مافي تفاعل من الكل مع انو موضوع جدا جدا جدا مهم وبحب الكل يشارك بهيك موضيع مشان عن جد ما بيعرف الواحد بركي حدا من اللي فوق فوق فوق قروه ويشوفو الكل عم يشارك
وأنو أغلب شريحة المجتمع عم تعاني :80:

وع كل حال ندائنا عن الله لأنو ما عم ننادي بشي شخصي وبالنهاية ما بيصير غير اللي الله كاتبو

وميرسي الك

ومنتظرة الحوار نمبر 2 ​

 

[المستشـــار]

أنا يلي مساعد قلك .. تسلميلي على هالتفاعل الرائع أساسا انتي يلي حمستيني والله .. يدا بيد نحو مستقبل مشرق

وان شاء الله رح تلاقي الناس عم تشارك بالمواضيع القادمة