مــنــــبــــــــر الــــبــيــلـــســـــــــــــان

[قيــ الروح ــثارة]

أوك أخي عماد خلص بإذن الله رح خلي الكل يشارك ولو بدي الكل يكركر ويشوف بلدو ويحاول ولو مجرد محاولة يساوي شي

وكالعادة رح ابعت اللينك لأنو يمكن ما حدا بيفوت لهالقسم :80:

ويلا حاجتنا مناقشة بلا ما نخرب التوبك ونحولو لتشات ​

 

[ابن النيل]

انا عم اشارك معكم

وابدية وجهت نظري اكتر من مرة

بس اخر حل انت حطيتو اخي عماد حسيت انه بيهم اكتر شئ سوريا وانا مابعرف شو المشاكل اللي في سوريا انا بسمع عنها كل خير

مشان هيك مارديت
وكنت كل شوي بدخل على الموضوع وبتابع الردود

موضوعك حلو وكتير مميز عم بستنى الموضوع الجديد بفارغ الصير



تحياتي الك وللمساعدة فتون ​

 

[المستشـــار]

 

[like moon]

 

[المستشـــار]

بسم الله الرحمن الرحيم

(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) [الروم: 21].

بعتقد أحبائي موضوعنا صار واضح

ألا وهو ( الـــــزواج )
.. وهو موضوع مهم جدا
للشبان والشابات والذكور والإناث بشكل عام لأنو يبدو اذا بدنا نضل نعاني من غلاء المهور ومن الشغل يلي ما عم يجيب حق أكل وشرب وإلخ بدو الواحد يصير ابن 45 سنة ليتزوج ..

بقا بدنا ناقش هالقضية المهمة جدا .. وبتمنى منكن التفاعل

 

[ابن النيل]

والله بصراحة هالمشكلة موجودة في مجتمعنا العربي وبكثر


المشكلة مو بس في المهر كمان لس البيت وشوف اسعار البيوت هلئ كيف ارتفعت

وكمان قاعات الافراح اللي صارت بمبالغ هائلة

الله بيعينا اخي


والحل هو انه الناس تبطل طمع ويحاول انهم يعملو افراحهم بالشئ المعقول

وكمان يبطلو اسراف في ولائم الافراح



​

 

[المستشـــار]

أنو أخي حديث عن الرسول صلى الله عليه وسلم الناس غفلانين عنو

يقول عليه الصلاة والسلام (( خير النساء أقلهن مهورا ))

على قولتك مو هلأ بدون تلت مفاتيح قال شو مفتاح البيت والحل والسيارة ..

يعني لشو هالكلام كلو يعني بقص ايدي اذا مو ام البنت وأبوها أو ستها وجدها بأول عمرون عاشوا عند الأهل أو بيت أجرة بس شو بدو يحكي الواحد

 

[قيــ الروح ــثارة]

نقاش حلو لليوم

بس أيامنا هلئ غير أيام زمان بظن

هلئ أنا ما عم ناشد هالأهالي بأنو يضلو ع رأيون ويعلوا المهور اكتر وأكتر

بس الأهل شو بدون أكتر من أنو بنتون تنبسط

بس ع قولة هالبيت

خبوا العسل بكوارو لتغلى أسعارو كملوا أنت لأني نسيتو


بس هلئ اذا بدنا نحكي جد

تعا لقلك يعني كيف واحد بدو يتجوز وما عندو بيت يعيش بالاجرة يعني

هلئ أقل كلمة عم تنحكى من الحماية أنو ولي عليها هالكنة نحستو لأبني وكوم دين عليه
وهالحكي مو من عندي أنا مجربة هالشي :80: يعني مو حماتي ها :19:حموات أخواتي

أهلي من النوع اللي بيشتروا رجال وما بيهمون هيك شي بس طبعا أكيد مو شحاد عالأخير
بس المهم عندون الأخلاق

بس ظاهرة البيت والسيارة والمهر الغالي كترااااااانة كتيييييير

بس عن جد الوحدة ما بتنبسط إلا إذا كان عرسها مطنطن يووه :80: بدها تشوف حالها الوحدة

وبالنهاية اللي ما بياخد من ملتو بيموت بعلتو يعني الشاب الفقير يدورلو ع بنت ما تكون مناخيرها بالسما لحتى ترضها بالقليل

مو منتوف ويروح يحبلي وحدة بنت بيك وبيقلها بدي اتجوزك
ساعتها رح يتجوز مصرياتها

بس أنا بقول أنو لازم الأهل اللي نقاقين يخففوا نقون شوي :80:
وخلي البنت تنق لأنو رح تنق عنها وعن اللي خلفوها ساعتها :19:

يعني تجربة زغيرة رح قلك ياها

أنا ايه ما برضى غير بعرس مطنطن وبيت لحالي وسيارة ويكون حالتو المادية منيحة
لأني مو محرومة شي ببيت أهلي لحتى انحرم منو ببيت اللي بدي عيش معو
بس كمان لا بدي بالفور سيزين عرسي
ولا اللمبر غيني سيارتي
ولا بيت ألف متر :19:
بس شي ينقبل يعنيييييييييي ولو
خير الأمور أوسطها

ولو ما اجى هالشي اي لاءا خليني ببيتي عايشة ع مهلي وكل شي لعندي أحسنلي وهيك بيصير سبب للعنوسة :19: وهاد موضوع تاني خرج نقاش

لأنو فقر الشباب كمان عم يسبب العنوسة

ما بعرف حسيت حالي خبصت شوي بهالنقاش

بس وجهة نظري لازم الاهل يتنازلوا شوي لأنو اللي بدو يجوز بنتوا يجوزها لرجل ذو أخلاق وميسور الحال
مو لرجل ذو أموال بدون أخلاق

بس كمان بقلك عيشة الزوجة مع الأهل ما برجحها بنوووب
لأنو الواحد بيشتري راحة بالو بأغلى الأسعار


وشكرا لي عودة لشوف شو تعليقون عليي بس ما تقتلوني
​

 

[الدمشقي]

السلام عليكم

كيفك أختي فتون ؟؟

بدي رد عليك لأن أنت قلتي بدك تشوفي ردودنا بتمنى ماتزعلي

يعني بصراحة إذا كل البنات متلك ....... ولا بنت بتتزوج شب يعني كلهم بصيرو بيتزوجو رجال بالأربعينات فما فوق

هلق أنت شو عم تعملي عم تناقضي كلامك يعني ساعة بتقولي أنو لازم الأهل يخففو طلبات وساعة بتقولي أنو أنت موناقصك شي ببيت أهلك ليش لينقصك عند زوجك و ......... إلخ

أنا بشوف أنو لازم العيلة تعمل جمعة وتحصي عدد الشباب يلي بدهم يتزوجو بالعيلة
ويجمعولهم مصاري ويزوجوهم من بعض

مابقصد أنهم يتزوجو من نفس العيلة لاء ....
هلق كل واحد أكيد عندو إما مرت خال أو مرت عم يتزوج من أرايبينهم وهيك بيتباعد النسب هاد حل بس أكيد عندي كتير حلول بس هاد كنت عم أتناقش فيه مع أخي الكريم أبو الوليد Volcano ...

بتمنى شوف رأيكم

ودمتم بود

 

[قيــ الروح ــثارة]

أخي الدمشقي أول شي صباح الخير
الدنيا صيام ورمضان بلا خنايق الله يوفقك

ومشان تناقض كلامي

انا قصدت بحكيي أنو يعني مثلا واحد منتفوووووووف عايف حالو يركب ع قلبو دين ليتجوز هيك أحسن؟؟؟

وبعدين يعني اي بنت بتحلم بعرس حلو وبيت الها وتكون ملكة بمملكتها لوحدها

هلئ هالحكي تبعي مو تعجيز:80:
بس صدقني مافي بنت بهالايام رح ترضى مثلا تتجوز بلا عرس
أو بيت تسكن عند بيت حماها
يعني مافي ما بتخيل في هيك بنت


يعني تعا لقلك حتى لو بدنا ندخل بخصوصياتي
انا شخصيا أهلي بيعرفوني
العرسان اللي بسمحلون يتقدمولي أن يكونوا حصرا غير سوريين
عرس ما بدي:80:
بس بدي بيت
المهم كون لحالي ومريحة راسي وعايشة بتبات ونبات

شفت يعني مو تعجيز

وأكيد انت شامي

والمهر المتعارف عليه عنا 200 متقدم و 200 متأخر و 75 ملبوس بدن (حسيت حالي خطابة :19 سوري على مستوى حديثي بس مشان فرجيك انو مو تعجيز

يعني أنا عايشة عند اهلي اي كل شي بقول عليه بيحضر
كمأكل ومشرب وملبس وروحات وجيات ودلال (بالله عليك شو بدها البنت أكتر من هيك)


بس المشكلة حتى 100 ليرة الشب ما معو يدفع
بدو العروس هية تجي وهية تدفع لهيك الشب عم يلاقي اي طلب تعجيز

ويلا شرفو هي عملتلكون نموذج وحطيت حالي مثال :80:

بس مشان قربلك الفكرة
أنو في اهالي بتطلب المليين
بس المشكلة انو حتى لو الاهل طلبو 100 ليرة رح تكون كتيرة لأنو شباب هالايام بدهون كل شي عالجاهز
طبعا مو الكل


والي رجعة شنو بدها تقوم الحرب عليي شايفة :80: واذا حدا رح يزعل من هالنقاش بنسحب

وبعتذر من الكل ​

 

[Volcano]

السلام عليكم

لاء أكيد مامنزعل لأن طول ما الموضوع هو تعبير عن وجهة نظرك فأكيد أنت حرة برأيك

لكن نحنا مشان الفائدة و إيجاد حل لهل المشكلة عم نتناقش

هلق بالنسبة للمنتوف يلي عم تحكي عنو أكيد مارح يشتري بيت غالي يعني بيت متل بيت أهلو لا أكتر ولا أقل بصمد شوية مصاري وبيشتري ب500 ألف بشي أرنة على قد الحال

لكن يلي أهلهم ساكنين بمناطق غالية و وضع العيلة الاجتماعي مابيسمح أنو هالشب يسكن بمنطقة متل المنطقة يلي سكن فيها المنتفوف ,,,,^^

ورغم انهم ساكنين بمناطق غالية إلا انهم مامعهم مصاري كافية ليزوجو ولادهم و إذا بدك تقليلي أنو شب يقدر يشتري بيت لحالو بتكوني أكيد عم تحلمي

لأن إذا افترضنا أنو هاد الشب من لمن كان عمرو 18 سنة عم يشتغل وراتبو 20 ألف وعم يصمدو كلو بدو شي 25 سنة ليصمد 6 مليين يعني حق بيت هاد إذا أخد 20 ألف الرواتب هلق تبع الشباب مافي 8 آلاف

كمان أنا عم لاحظ أنو البنت بتزوج وعيونها لبرا يعني هاد الشي مو طبيعي ليش ؟؟

لأن زوجها مو عاجبها آخدتو لأن مافي شباب عم تتزوج وعندها بيت ودخل منيح إلا قلة طبعا مابيخلى الأمر بالمرة ..
يعني أقل شي أكبر منها 10 سنين أو 15 سنة

هلق أنت عم تأولي أنو متوفرلك كل شي ببيت أهلك روحة وجية ودلال .....

طيب شوفي أبوكي ببداية زواجو أكيد تعتر وتعب حتى صار يعني مو هيك تزوج ودغري دلال وبسط

لا اتطلعي عالثمرة طلعي عالالجذور

يعني كمان أنت عم تزوديها شوي هلق الشب مامعو مية ليرة بدو يتزوج هاد الحكي موصحيح كل الشباب بتقول أنو هي بدها تأمن عيشة كريمة وبتشتغل على هالأساس

على كلن عطينا حل يناسب هالمشكلة

 

[قيــ الروح ــثارة]

ولي كلام صاعق

شو بتتجوز الوحدة وعينها لبرا بعرف الرجال اللي بيتجوز وعينو لبرا:80:

هلئ المشكلة كلها أنو الأهل عم يعجزو الشب اللي بدو يتجوز وع قد حالو

ما قلنا شي

بس يعني هالشب اللي ع قد حالو معقول ما يقدر يتجوز ببيت لحالو ولو أجرة يعني

قد ما صار فقير يعني شو بالشارع بدو يعييييييش

أكيد لاء

بس مافي غير حل واحد

تنازل من كلا الطرفين
الرجال يتعبلو شوي والأهل يخففوا طلبات تعجيزية وإلا يحطوا هالبنت عندون ويكبسوها مخلل أحسن شي

هاد حل ما في غيرو

واللي عندو حلول كمان يقول
ما بعرف هالنقاش متعب

بس اللي بعرفو أنو الواحد لما يقول بدي اتجوز أكيد رح يكون مأمن حالو ولو بشي بسيط يقدر يفتخر فيه قدام الجهة الأخرى

ميرسي
​

 

[Volcano]

شو بتتجوز الوحدة وعينها لبرا بعرف الرجال اللي بيتجوز وعينو لبرا:80:

هي صايرة معي يعني عم حاكيك عن تجربة مو بس صايرة معي وملاحظها كتير مع غيري

أنا برأي مشان الشباب أنو الدولة تساعدهم ببناء مساكن شباببية بمدة قصيرة يعني مو يستنى الواحد 10 سنين مشان يطلع بيتو يعني بصير عمرو إذا كان 18 ___28
هاد وبيتو عالعضم ولسا عندو 15 سنة لقدام وبس يستلم البيت شو بيعملو أخوانا الحلوين بصير بدل مايدفع 2000 ليرة بالشهر بصيرو 6000 ومتل ما بتعرفي الرواتب عنا بالبلد عالية جدا يعني المستخدم بياخد 50 ألف بالشهر

 

[like moon]

المهور غالية وهالاهالي مابعرف شو صايرلن يعني تبقا بنتن عندن احسن ؟؟
شو فيها اذا بنو حياتن مع بعض شوي شوي بس يكون طبعا في اساس بسيط وطالما البنت راضية بهالشي ليش لاء
بس الموضوع الاهم اللي شفتو واللي زكرتو بردودكن هو خيانة المرأة بعد الزواج
لهلئ 50% ويمكن اكتر من الفتيات المتزوجات اللي شفتهن او سمعت عنهن عندن علاقات تانية مع شباب غير ازواجن ولو كانت علاقة تليفونات ومسجات ونت بس كلو بالنهاية خيانة زوجية وبتضل خيانة المرأه اصعب بمليون مرة من خيانة الرجل ياترى الشب اللي عم يحكي مع بنت متزوجة لو اكتشف انو زوجتو عم تعمل هالشي شو رح يطلع بايدو ؟؟

رح يخرب الدنيا

عنجد هالظاهرة كتير منتشرة بس مابعرف ليش ماحدا عم يحكي فيها الله يستر على بنات المسلمين اجمعين​

 

[المستشـــار]

الله يعطيكون ألف عافية ..

شو شوهاد يلي صاير بغيابي

:19::19::19:

كلامكون كتير حلو ورح لخصوا بكلمتين

1- تخفيف المهور وهاد الحكي بخص جميع الوطن العربي .. يمكن عنا بالشام أحسن شي بقصة المهور وتسجيله غير مقبوض بس بالخليج عم يموتوا من هالقصة .

2- أنو الأهل لازم يرضوا بالسكن مع أهل الزوج مؤقتا وبحط تحت مؤقتا مية خط .. أو بيت بالإيجار
لأنو مستحيل الشب بأول حياتو يشتري بيت عدا حالات نادرة

3- النقطة التالتة كتير حلو يلي أشار عليه أخي الدمشقي أنو الأهل جميعا يساعدوا أبناء العيلة فكرة كتير واردة

4- وفي نقطة يلي حكاها أخي فالكانو بالفعل مزبوطة والله الدولة كمان لازم تساعد هالشباب بقصة السكن يعني هنن عم يحاولوا الله يجزيون الخير بس بدنا محاولات أكبر وأتر بكتير

وأخيرا قصة الخيانة الزوجية هي مو واردة بنوب نحن عم نحكي

في حالة تقدم للبنت ذو خلق ودين
وفي حالة البنت كذلك

وبالتالي هدول ان شاء الله ما عندون خيانة زوجية

وبتمنى يكون عجبكون تلخصي للي حكيناه وان شاء الله ما نسيت شي

 

[المستشـــار]

اي هلأ يا جماعة بدنا نحول السيرة على قصة اذا كان زواج تقليدي زواج أهل .. أو قصة أنو لما التنين عم يختاروا بعضون عن حب وما حب

شو رأيكون ؟؟؟؟؟؟؟؟؟؟؟؟

 

[الحرالباكي]

لقد نتج من جهل المسلمين بأمور دينهم وتقصيرهم في فهم أحكامه السمحة وعدم تطبيقهم ما جاء في القرآن الكريم والسنة الشريفة وبالإضافة إلى دسائسس أعداء الإسلام والحاقدين عليه أن ما تزال بعض البيوت العربية والأسر الإسلامية التي ترزح تحت أعباء النظرة القاصرة عن مفهوم حقيقة واقع المرأة باعتبارها مخلوقاً ضعيفاً تظل خاضعة لعادات وتقاليد الأسرة والمجتمع والقبائل ، لا لقيم الإسلام واحكام التشريع الحقيقي الصحيح . لا زالت تلك النظرة المتعصبة المتوارثة من العهود السحيقة في جاهليتها الحديثة التي تضرب بجذورها إلى الجاهلية الأولى ، تحجب حقائق الدين الحنيف في معالمة الأنثى ، وتعاملها معاملة مناقضة لما جاء به التشريع الإسلامي الحكيم ، فكراهيتها منذ مولها ، وإهمال تربيتها وحرمانها من حقوقها المشروعة كل ذلك ولد في نفسها الشعور بالنقص والإهانة ، وهو الجانب الذي استغله أعداؤها فنادوا بما أسموه ( تحريرها ) ورفع الظلم عنها ، ومساواتها بالرجل في كل شيء !!
واتهام الدين الإسلامي صراحة بالرجعية والجمود ، وبعد ذلك دفعوها إلى السفور والتبرج والاختلاط بالرجل في كل المجالات ، وما ذلك الا لتنفيذ خططهم الماكرة الخبيثة لتحطيم الإسلام وإذلال المسلمين !
فخرجت المرأة المعاصرة مغتره بما زينوه لها وزخرفوه من القول غروراً ضاربة بنصوص الشرع وأحكام الدين عرض الحائط ، فأصبحت تعمل وتستقل بمعايشها وشخصيتها ( اجتماعياً واقتصادياً ) بعد أن ظنت أنها بذلك قد أسقطت حق قوامة الرجل عليها !!
( ولكن خروجها وعملها واختلاطها بالرجال وطلبها بالمساواة أكان حلاً عادلاً للمشكلة أوزادها تفاقماً وخطراً ؟ ) !
الواقع أنه قد نشأت مشكلات خطيرة في محيط الأسرة بل في المجتمع بأسره نتيجة تمرد المرأة المعاصرة على ما شرعه الله لها من حدود لا يحل لها أن تتخطاها بأي حال من الأحوال .
ذلك لأن الأسر هي خلايا المجتمع وانهدام الأٍرة معناه فساد الأمة وانتشار الرذيلة والفواحش والانحلال الخلقي.
ويؤدي هذا الى العنوسة المزمنة في النساء شيوع العزوبية في الرجال نتيجة عزوفهم وكراهيتهم للزواج المشروع الذي رغب فيه الإسلام .
فبعد أن كان الزواج هو الطريق المشروع المحمود لإنشاء أسر إسلامية سعيدة أصبح العزوف عنه مشكلة اجتماعية خطيرة تطل برأسها القبيح على معظم البلاد الإسلامية في عصرنا لذا رأيت أن ألقي الضوء على أسباب هذه المشكلة وعلاجها في ضوء الإسلام ويبدو أن الأسباب كثيرة ومتنوعة ولكن من أهمها :

1- عضل الأولياء وتعصبهم .
2- غلاء المهور وتكاليف الزواج الباهضة .
3- انتشار المغريات وسهولة ارتكاب الفواحش .
4- سهولة الزواج بالأجنبيات .

أولاً : عضل الأولياء : ورد في لسان العرب لابن منظور " عضل المرأة عن الزوج ، حبسها ، وعضل الرجل أيمه ، يعضلها ، ويعضلها عضلاً ، وعضلها : منعها الزوج ظلماً " .
قال تعالى (( فلا تعضلوهن أن ينكحن أزواجهن )) .. الآية .
ويقول في أيه أخرى : (( ولا تعضلوهن لتذهبوا ببعض ما آتيتموهن )) .. الآية .
فالعضل من العادات الجاهلية التي بقيت في بعض المجتمعات الإسلامية والتي تسببت في حرمان كثير من البنات بالتمتع بالحياة الزوجية السعيدة التي هي منتهى أمل كل فتاه في الحياة .
والعضل بجميع أنواعه لا يقع في الغالب إلا من قبل الأولياء الجاهلين المتعنتين الذين يتسببون بسوء تصرفهم هذا في تعطيل زواج الإناث وانصراف الذكور عنهن ، واعراضهم عن التفكير في الزواج وإقامة حياة أسرية هانئة ومن الصور الشائعة لهذا العضل : أن يمتنع الولي من تزويج ابنته أو من تحت ولايته بالرجل الكفء تحكماً وتعصباً متعلللاً بأوهى الأسباب ودون أي مبرر تحقيقاً لمصحلة شخصية أو منفعة مادية أو بحجة المحافظة:

أ‌- على النسب .. وذلك بالتفاخر بالأحساب والطعن في الأنساب .
(( فلا تتزوج القبلية من الحضري ، ولا الشريفة من غير الأشراف وكذلك بحجة المحافظة على العرف فلا تتزوج العربية من العجمي .. أو بحجة المحافظة على المال والثروة فلا تتزوج الغنية إلا من غني وهذا التعصب مازال موجوداً بين بعض الأسر إلى الآن )) .

ب‌- وكثيراً ما يمنع الولي ابنته المطلقة طلاقاً رجعياً من الرجوع إلى زوجها بحجة جرح الكرامة إو الإهانة ، أما المطلقة طلاقاً بائناً أو الأرملة المتوفي عنها زوجها فإنها تحرم من الزواج بتاتاً بسبب ظلم الولي وتقاليد المجتمع الجاهلي البعيد عن الإسلام وأحكامه حيث ينظر أفراد هذا المجتمع إلى المطلقة أو الأرملة نظرة شؤم وكأنها ليست إنساناً تستحق الحياة الكريمة ، وينبغي أن تعطي فرصة أخرى للبحث عن حلم السعادة الزوجية مرة أخرى في ضوء ما أباحه الله تبارك وتعالى من ابتغاء الزواج بالكفء التقي الصالح .

ج- ومن أنواع العضل الأخرى : أن يمنع الولي موليته من الزواج ليستفيد مما تكسبه بعملها خارج البيت ، أو يمنعها من الزواج في انتظار من يقدم لها المهمر أضعاف ، أو قد يزوجها من ليس بكفء لها طمعاً في ماله أو جاهه حتى ولو كان شيخاً هرماً أو فاسقاً عاصياً وفي كثير من الأحيان يتدخل الولي في حياة ابنته حتى يعد زواجها ، يسبب لها مشاكل ويفسدها على زوجها لتغضب من زوجها وتعود معه إلى بيته .. وكم من مآسي حصلت نتيجة هذا الظلم المتمثل في التدخل في حياة الزوجين ، طمعاً في ( الرضوة ) وهي ما يقدمه الزوج لإرضاء زوجته أو لأهلها كي يسمحوا بإرجاعها إلى بيتها ) !
ولاشك أنها من قبيل الرشوة المحرمة التي يعتبر أخذها حراماً مادام الزوج مجبراً على دفعها ، وهي من قبيل أكل أموال الناس بالباطل .

د- وأمر آخر فيه تعصب الأهل وحجر على زواج البنت تمسكاً ببعض التقاليد السائدة في المناطق ( وخاصة الريفية ) وهي حجر البنت لابن العم أو الخال بحجة أنه الأولى بها من الغريب حتى ولو لو يكن كفؤاً وهذا الأمر فيه ظلم عظيم للمرأة .
ويقول سماحة الشيخ عبد العزيز بن باز " رحمه الله تعالى " [ ومن المسائل المنكرة في هذا ما يتعاطاه الكثير من البادية وبعض الحاضرة من حجر ابنة العم ومنعها من التزوج بغيره ، وهذا منكر عظيم وسنة جاهلية وظلم للنساء وقد وقع بسببه فتن كثيرة وشرور عظيمة من شحناء وقطيعة رحم وسفك دماء وغير ذلك].

ثانياً : غلاء المهور وارتفاع تكاليف الزواج :

التغالي في المهور ظاهرة عصرية خطيرة ينسبها بعض الناس إلى التضخم المالي الذي ساد بعض البلاد العربية والإسلامية .
فنرى كثير من أولياء الأمور يرفضون تزويج البنات أو من تحت ولايتهم إلا اذا دفع الزوج أكبر قدر من المال والمتاع ، طمعاً في عرض الحياة الدنيا أو التفاخر والظهور أمام الآخرين بمظاهر كلها إسراف وتبذير وكأن المرأة سلعة تباع وتشترى بالإضافة إلى أمر آخر هو شر من التغالي في المهور ألا وهو التنافس في الجهاز والأثاث وإقامة أفراح الزواج مما يثقل كاهل الزوج فينصرف عن التفكير في الزواج وتظل الفتاة تنتظر وتترقب حتى يوافق وليها لمن يدفع أكثر قدر ممكن من المهر والأثاث .
تلك هي الاعتبارات التجارية السائدة عند طائفة من الناس الجاهلين بأحكام الإسلام ولا زال يرزح تحت ثقلها كثير من شبابنا وفتياتنا على حد سواء .
يقول الشيخ السيد سابق موضحاً " كثير من الناس جهل تعاليم الإسلام وحاد عنها . وتعلق بعادات الجاهلية من التغالي في المهور ورفض التزويج إلا اذا دفع الزوج قدراً كبيراً من المال يرهقه ويضايقه كأن المرأة سلعة يساول عليها ، ويتجر بها !
وقد أدى ذلك الى كثرة الشكوى وعانى الناس من أزومة الزواج التي أضرت بالرجال والنساء على السواء ، ونتج عنها كثير من الشرور والمفاسد ، وكسدت سوق الزواج وأصبح الحلال أصعب منالاً من الحرام !! .
لا شك أن كلا الأمرين ( عضل الأولياء وغلاء المهور أدى إلى نتائج سيئة وعواقب وخيمة . أشار إليها رسول الله صلى الله عليه وسلم بقوله :
" إذا أتاكم من ترضون خلقه ودينه فزوجوه ، ألا تفعلوا تكن فتنة في الأرض وفساد عريض "
لقد ظهرت الفتنة وانتشر الفساد

ويمكن إجمال هذه النتائج العديدة في النقاط التالية :

1- كثرة الشكوى والمعاناة من قلة الزواج التي أضرت بالرجال والنساء على السواء .
2- انصراف الشباب عن الزواج إزاء تعنت الأهل وصعوبة الزواج وارتفاع تكاليفه .
3- كساد سوق الزواج لدرجة أن الحلال في بعض الأقطار الإسلامية صار أصعب منالاً من الحرام كما أصبح الحرام أيسر من الحلال.
4- العنوسة المزمنة المتمثلة في كثرة عدد العانسات في البيوت والأسر .
5- انتشار الفواحش والزنا والأمراض النفسية والعصبية والشذوذ الجنسي .
6- التمرد والعصيان والإنحلال الخلقي والاستهتار بالقيم والمبادئ والأخلاق .
7- تفكك الأسر وفساد المجتمع وقلة النسل .

أما بالنسبة للحلول سنتكلم عنها في وقت لاحق نظرا لدخول وقت الأفطار

 

[Volcano]

اي هلأ يا جماعة بدنا نحول السيرة على قصة اذا كان زواج تقليدي زواج أهل .. أو قصة أنو لما التنين عم يختاروا بعضون عن حب وما حب

شو رأيكون ؟؟؟؟؟؟؟؟؟؟؟؟

بتمنى منك أخي الكريم تخلي النقاش واسع يعمني الخيانة الزوجية هي من صلب الزواج والخيانة عم تصير لأن البنت ماعم تقدر تتزوج شب قريب من عمرها تفهم عليه ويفهم عليها
يعني بصراحة إذا كان الموضوع محدد بشكل ضيق مارح تلاقي حلول مبدعة

 

[المستشـــار]

أخي الحر الباكي الله يعطيك ألف عافية كلام ما بعدو كلام والله .. بس أنا بصراحة ياأخي الكريم أوافقك بالثلاثة الأوائل مما ذكرت ...

أما بالنسبة لسهولة الزواج من الأجنبيات وما العلة في ذلك ؟؟؟!!!

والنتائج التي ذكرت أنا معك فيها قلبا وقالبا

بتمنى منك أخي الكريم تخلي النقاش واسع يعمني الخيانة الزوجية هي من صلب الزواج والخيانة عم تصير لأن البنت ماعم تقدر تتزوج شب قريب من عمرها تفهم عليه ويفهم عليها
يعني بصراحة إذا كان الموضوع محدد بشكل ضيق مارح تلاقي حلول مبدعة

حبيب قلبي وأخي فالكانو موضوع الزواج موضوع كبير وأنا معك أنو نخلي نقاش واسع بس نحن هدفنا أنو نحط حلول وأنو كل مين عندو رأي أو حل أو اعتراض أو شكوى أو أي شي يطرحها ...

بس مثلا شو رأيك نحكي نقطة نقطة مشان ما نخبص الأمور يعني أنت بإعتراضك الآن أثرت نقاط لازم نناقشها بالتفصيل مثلا الخيانة الزوجية هي واحد .. بس أنا برأي نخليها بملف لحالها يعني ننتقل بالتدريج من موضوع لموضوع وطبعا كلو يتعلق بالزواج الذي هو موضوعنا الرئيسي

وفي أمر مهم جدا أثرته حضرتك وهو موضوع العمر والفرق السني بين الطرفين وبعدين نحن ما عم نحدد الموضوع بقدر ما عم نركز كل شوي على قضية .. وأنا ما برفض أنو يدخل واحد مثلا يحكي كل شي بدو ياه بالموضوع الخيانة وفرق العمر وأسباب تأخر الزواج نتائج هذا التأخر هو حر وأنا بالعكس أحب ما على قلبي يطرح وجهة نظرو كيف ما بحب .. بس أنا حابب أنو نخصص جزء جزء ونعطي كل جزء حقو

 

[Volcano]