عضو تحت الميكروسكوب....!!

[احلى دنيا]

omg

 

[عهد القمر]

عهد القمر
يعني هاد منطق
حاطة اكثر من 160 سؤال
شو بدنا نسئل نحن بقية الاعضاء وكل عضو بدو كم سنة ليخلص اجوبة على هيك اسئلة
ماضل غير نقلك يا احلى دنيا شو نمرة رجلك
صحي شو نمرة رجلك


​

لا لا مو كتير عدلت عليهون منشان خليكون فرصة تعبرو

​

 

[عهد القمر]

omg

قللتون علا كانو اكتر من هيك ...!

​

 

[إلهام]

متى يستحق الانسان لقب جدير بثقه؟
من وجهة نضرك​

 

[اميرةالنجمات]

علوش ان شالله تكوني مرتاحة تحتو للمكروسكوب
لازم ضيفك كاسة كوكتيل باردة

وقت الضيقة والزعل مين أول شخص بتدور عليه علوش؟
مين أكثر شخص ترتاحيلو وبتحكيلو همومك؟
مين يجيبلك الإكتئاب ؟
مين أكثر شخص في المنتدى بتتمنى تقابليه أو تتعرفي عليه شخصيا ؟
شو الأمنية يلي كنتِ بتتمنيها وتحققت وأمنية تانية كنت تتمنيها لكن للأسف ما تحققت ؟
شو هيي أكلتك المفضلة وشو هيي الأكلة اللي ما بتقدر تاكلها يعني ما بتحبها بنوب ؟؟
شو هو أكبر مقلب أكلتيه من حدا بحياتك وشو موقفك لما عرفتِ أنو مقلب ضحكت بروح رياضية ولا انزعجت وعصبتِ؟
شو هي الصفة يلي بتحبي نفسك إذا تذكرتيها أنها موجودة عندك
لو كنت رايح رحلة حول العالم وخيروك تاخد ي معك 4 من أعضاء المنتدى مين بتختاري
....................
شو مبدأك بالحياة ؟
لمين بتعطي هذه المسميات في المنتدى :-
القلم المبدع .....
القلم الذهبي.....
شهاده تقدير ......
ورده حمرا......
ورده بيضاء......
ورقه بيضاء .......
مع ذكر الاسباب؟
شو بتحسي نائصك بكل صراحة ?
همسة عتاب لمين بتوجهيها وليش؟
شخص مابترفضيلو طلب ..؟؟
كلمة تتوق وبتتمني تئوليها... مالك ئدرانة تحكيها ؟؟
لحظة مرت تمنيتِ أنو ماتنتهي ؟؟
لحظة مرت تمنيتِ إنو ما تمر؟؟
موئف غير طريئة تفكيرك أو غير نظرتك للحياة أو
لعب دور في تغيير حياتك؟؟
هل مررت في حياتك
شخص بتتمني تتعلّمي منو كل شيء حلو ؟
شخص تبكي ئدامو بدون خوف أو خجل؟
شخص وئف معك بحزنك وفرحك؟
انتِ من العالم يلي بتعبر عن مشاعرها شو ما كانت في وئتها او ممن بيبئوها صامته جواتن ؟؟
برايك شو هو أقبح وابشع شي بعالمنا ؟!
ندمتِ شي نهار على وفائك وطيبتك مع الآخرين؟!
على أي أساس بتردي ع المواضيع ..؟؟
وبتحبي المجاملة بالردود ع مواضيع الأعضـاء ..؟؟
هناك بعض الاقلام المميزة هون..
من منهم استطاع ان يلفت نظرك ..؟ اذكر 3اسماء
من هو العضو(هـ) / المشرف(هـ) يلي بتشعر من خلال قرأتك لمواضيعه بيشبهك ؟؟
شو بيعنيلك الاعضاء التالي ذكرهن :

وردة فارسية
ليون هارت
محمود الصالح
ستيلا
ملك الغرام
عكيد البيلسان
كريستينا
ملاك الروح
واكيد انا اميرة النجمات
انتِ تحت المكروسكوب حاسة حالك خلية شي
بعد هالاسئلة حبيتيني ولا هئ؟

ان شالله كون مالي تئلت بالعيار

 

[احلى دنيا]

علوشة ياعلوشة يلا زهزي حالك ​

اي اي مزهزه انا لا تاكلي همي ​

الصمت كلمة لها معاني كبيرة و جميلة .. متى تلجأ علا إلى الصمت؟
وقت كون يكون شخص غلطان معي .. وما بقدر واجهو لسبب ما متل كون مامنه او احترام الو .. بفضل انو ما احكي ابدا وضلني ساكته وابعد
و شو هو ابشع شي ممكن يصيب الانسان ويخلي مهموم بحياتو؟
بظن المرض اكتر شي بخلي الواحد مهموم .. والفشل
شلون بتعبري عن غضبك؟؟
بكسر .. برمي ايا شي قدامي .. بحكي شروي غروي.. ببكي
كلمة بتكرهي تسمعيها؟؟
حدا يقلي اني مقصرة بشي شغله ..
انت صريحة ولاكتومة؟؟
صريحة
عبارة او حكمة بتعجبك؟
وراء كـــــــــــــــــل ابتسامـــــــــــــــه دمعــــــــــــــه
انتي راضية عن نفسك ؟
لا ولا شوي
انت مدمن تـفكير؟
كتير .. وقت يكون في شي شاغل بالي بفكر وانا نايمه
هلا ملابس الشخص اللي امامك بتأثر فيك لحتى تاخود عنه انطباع ؟؟
للاسف اي
بس جد عم جرب اني غير هالعاده
شو رائك بالتفصيل الممل...مهم
المظهر الخارجي للانسان
بظن الانسان لازم كتير يدير بالو ع مظهرو لانو عنجد بيعطي انطباع عنو
المصاري ما الها دخل .. بس الرتابه والنظافه والاناقه قد ما كانت بسيطه
مهمه
المظهر الداخلي للانسان
هاد الاهم بقا .. يعني قد ما كان الشخص مرتب .. بس جواتو مكركب
ما رح ينفعو جمالو ابدا ولارح يلاقي حب الناس فيه
ما هو اجمل اسم لولد واجمل اسم لبنت من وجهة نظرك؟
اسم ولد .. مجد .. قيس .. كنان .. عباده .. شادي
اسم بنت .. شهد .. نغم .. ماريا .. جوري
اعطيني كلمة وحدة
مستر رامي البيج بوس .. والقبطان
سامو الحاضر الغائب
ليون هارت امممم يعني ما بقدر قول شي عنو لاني ما كتير متعامله معو
محمود صالح منعش البيلسان هو محمود
عبير الشام .. ما كتير متعامله معها
جوري طفلة بحسها بمرحها
زهرة النرجس
وردة فارسية ضحكة البيلسان
دموع الورد مصممة البيلسان
جيانا
هبوبة
صمت
ملكة زماني
رتوب
عهد القمر ممم مشاكسه ​

اعطيني النسبة فقط من المية عنك
الحب 70 %
الصداقة 100 %
حياتك ما فهمت
دراسة 40 %
شغل 30 %
انترنت 80 %
حزن 85 %
فرح 15 %
نوم 30 %
حكي 70 %
النفس
الرياضة 30 %​

اعطيني رائك
الصداقة اهم شي بالدنيا
الاعجاب بينو وبين الحب شعره
الحب هو اكتر شي بيقدر يغير البني ادم
الام اكتر شي ممكن نكسب منو رضا الله
المنتدى بيت تاني بنلجئلو لما نهرب من همومنا
الجمال متل الفانوس السحري يلي بجبلك كتير اشيا بس مو كل شي​

شو رائك ب علا ؟؟
علا .. انسانه من جوا كتير نضيفه .. مافي حدا بيعرف عنها غير انها بنت بتضحك ومرحة
علا.. وما حدا بيعرف عن الحزن يلي جواتا .. لسه ما عم تعرف توصل ليلي بدها ياه ..
علا الناس يلي دائما بتفهما غلط .. والدنيا ظالمتا بكتير اشيا
علا .. لو الناس بتعرف قيمتها بتتمسك فيها وما بتئزيها بس العكس عم يصير ​

في ناس بيخافوا على سبيل المثال من العتمة , من المكان المرتفع , من الملاهي .........أنت من شو بتخاف ؟
بخاف من الصرصور
بخاف لما انفخ البالون يطق بوجي
في ناس بيخافوا مثلاً من الفشل , من الندم , من الفتنة , من مواجهة الحقيقة .........أنت من شو بتخاف ؟
بخاف من الفشل .. بخاف من الفراق
أيهما له الأولوية حسب رأيك : العلم , الفهم ؟
الفهم
علم بدون فهم مو علم
شو أكتر مظهر غير حضاري بتكرهه في مجتمعنا ؟ مثل ( عدم النظافة - الجهل - قلة القراءة - الكسل - عدم اتقان العمل .....الخ )
التخلف بكل انواعو ..
شو رأيك بردودي بشكل عام ؟ إذا قرأت شي رد
فيها تسرع اوقات .. و اوقات فيها طريقه مو سليمه
بس بنفس الوقت بحب ارائك بسيرة وانفتحت
بتحب فرعك اللي بتدرسيه؟؟؟؟؟؟؟؟؟؟؟؟؟ولا ماكان رغبتك؟؟؟؟؟؟؟؟؟؟؟
حاليا بحبو .. برمجة
افضل مكان بتحبي تجيلوع الاردن؟؟ عمان
هلا انا مو بعمان انا باربد يعني لسه ما كتير عرفت فيها غير جامعتي
ممكن تضحي مشان رفيقك؟؟؟؟؟؟؟؟؟؟
ممكن جدا
شو هواياتك؟؟؟؟؟؟؟؟؟؟؟؟؟؟؟؟؟
السباحه والنت والتسوق والخواطر
من وين انتي ؟؟؟؟؟؟؟؟حددي
انا فلسطينيه من حيفا
الدنيا مابتخلو من الكذب : حسيتي شي مرة حدا كذب بالمنتدى؟؟؟؟؟؟ مييين؟؟؟؟؟؟
طبعا كتار .. بس مش رح قول مين اكيد
الك شعبية بالجامعة؟؟؟؟؟؟؟؟؟؟
بظن اي
طالعة عبلودان؟؟؟؟؟؟؟
اكيد
كم مرة حسيت بالاحراج؟؟؟
كتير
بتحبي عهد القمر؟؟؟وشو رايك با اسئلتا؟؟؟؟؟
ليش لاكرها .. بما انو بالمنتدى فاكيد صارالك معزه
حلوه اسالتك
انت مغرورة شي؟؟؟؟يعني بتشوفي حالك بشكل عام؟انا بحسك مغرورة
ماتزعلي مني...؟؟؟مابعرف اذا انت بتشوفي حالك هيك ..؟؟
لا ابدا ما زعلت .. لانو مو اول وحده بتقلي هالشي
يعني انا كل يلي حكيت معهن قالولي نفس العباره
كنا بنحسك شايفه حالك
اكيد في شي باسلوبي بحسس الناس شو هو ما بعرف هالشي
انا ما بشوف حالي شايفه حالي ابدا لانو ببساطه ما بظن عندي شي مهم شوف حالي عليه
غير هيك انا ضد شوفة الحال لاي سبب
بس يمكن لاني صريحة اوقات بفكروني الناس هيك
ما بعرف
ما هو السي دي المفضل لديك في هذه الأثناء؟
تصدق بمين اليسا
3 امنيات بتتمنيهون هلق؟
اتخرج باسرع وقت ممكن
لاقي الحب الحقيقي يلي بتمناه مو اي كلام
شم هوا فلسطين
بتحبي الطبيعة؟
كتير كتير
شخصية مشهورة بتحبها كتير؟
اردوجان ..
مثلك الاعلى بالحياة؟
الرسول شي بديهي
بس حاليا اردوجان مثلي
مين فادك اكتر شي هي السنة؟
بابا
شو بتعنيلك؟؟؟
الصداقة جاوبت عليها
الوفاء والاخلاص هاد الشي الوحيد يلي بخليني اتعلق بالشخص ازا كان وفي ومخلص
الحب((من طرف واحد )) شي صعب كتير .. انا ما جربتو الحمدلله .. بس هالشي موجود بحياتي وعنجد صعبه الله يعين يلي ببالي
الاخوة .. لما اتوجع بقول اخ .. مافيني اتصور دنيتي بلا اخ
الاعجاب بجوز شي مو موجود بس كلمة بنقولها لحتى ما نعترف بحبنا لانو الحب ضعف
شو اصعب برايك
خيانة صديق او خيانة حبيب ؟؟وليش ؟؟
التنين غصة بتوجع القلب
بس بظن الصديق
ايمتى بيسقط الرجال بنظرك؟؟والمراة ايمتى بتسقط بنظرك ؟؟
الرجال وقت يكون بخيل .. ووقت يتشبه بالمرا
المرا .. وقت تفقد الحيا .. ووقت تتشبه بالرجال
شو رايك الحبيب لما يتئلك حب نعم اما زواج لا ؟؟؟
رايي انو سخيف .. ومضيعة وقت
شو صفات اللي بتحب وجودها بشريكة حياتك؟؟؟؟؟؟
كريم .. حنون
مين اكتر عضو بتحبي اسمو؟؟؟؟؟؟؟
وردة فارسية .. ستيلا
شو رايك بالشب او بالبنت يلي بيفكر حالو شغلة كبيرة و هو ولا شي؟؟؟؟؟؟؟
بيكزب ع حالو اخرتو هو الخسران
بتحب الترتيب ؟؟
يعني مو كتير
ما بحب الترتيب الاوفر
بحس حالي مدايقه منو
مين اقرب تلاتة الك بالمنتدى؟
جمانه .. سناء .. سراقة .. محمود
شو رايك بفريق اسبانيا؟؟؟
الله حيو .. بوجود كاسياس اكيد فريق بجنن
مليتي من اسئلتي
عديلي كم سؤال سئلتك..؟؟سؤال مهم
لا بليز بلا اخر شي
لا ما مليت لانهن حلوين ​

 

[جمانة]

علوش كيف الجو عندك ​

 

[احلى دنيا]

بيغلي غلي

 

[احلى دنيا]

علوش يا عمري جيتك انا

كيفك شو اخبارك
يعني انا ما في شي ما بعرفو عنك
بس هيك زناخة وسئالة وغلاظة حابة اسألك
الك عندي شي
لا ما الي عندك شي .. بعرفك وقت الغلاظه ما حدا بنافسك ​

اي المهم يا قلبي كيفك شو اخبارك
بعرفك بتحبيني ورح تسامحيني
تحمليني شوي اي
صرلي متحملتك خمس سنين بتحمل كمان شوي مو مشكله ​

خليني بلش بشغلة يمكن ما حدا بيعرفها عن علوش
الشعر​

اديش انتي قريبة من الشعر؟
انو بحب اقرا شعر كتير خاصة ازا حسيت انو بعبر عني ..بس ابدا مو شاعره
بكتب خواطر مو اكتر
وكم خاطرة كتبتي بحياتك؟
كتبت كتير .. يعني ما فكرت عدهن
طيب بصير تحطيلنا وحدة ؟
بصير ليش لا .. اسمها اعدام الهوى ​

حكم الكبار على الصغار بإعدام الهوى​

​

فأين في الحياة جمال يا ترى؟​

​

أمرونا بالبعد .. ابتعدنا​

​

و إذ بالقلب انكوى​

​

حطموا الحلم .. حطموا القلب ولكنهم لن يحطموا الهوى​

​

حتى لو كنا بعيدين الرؤى​

​

ولكننا قريبين بالنوى​

​

كنا اسعد الصغار فماذا جرى ؟​

​

كنا أجمل عاشقين كتاب الحب حوا​

​

يا أيها الكبار كفاكم حقد فالظلم طغى​

​

كفاكم تحطيم القلوب فالموت دنى​

​

نحن المرض لحبنا ونحن الدوى​

​

نحن الحب والشفاء وانتم .. انتم الغوا​

​

فإما أن نحيا معا وإما إن نموت سوا​

​

ان ابتعدنا الموت والحياة عندنا سِوى​

​

فاختاروا يا قاتلين الهوى​

​

إما في الأرض عاشقين نبقى​

أو عاشقين في السما ​

ليش ما منشوف شعرك عنا بالبيلسان ؟
نزلت وحده بس بالبيلسان وقتا انتي نقيتي عليي
بجوز لانو ماني حاسه يلي عم بكتبو بتقارن مع هالشعراء يلي عنا
مو قلة ثقه بالنفس لا .. بس يعني هي حقيقه اظن
اكيد انتي بتعتبريه شعر عادي مع اني بشوفك موهوبة وشعرك بيجنن؟
ما بعرف .. بحسو شي بسيط كتير
مين شاعرك المفضل ع المستوى العالمي؟
نزار قباني .. ردينة الفيلالي
طيب ع مستوى المنتدى؟
البيلسان .. محمود الصالح .. وردة فارسية .. سكون الليل
وعشـــــتار
شو رأيك بكل من هالشعراء​

سكون الليل بحسو بروفشنال بالشعر ..
البيلسان شعرو دافي كتير .. يعني فيه شي غير الكل بحب تشبيهاتو وعنواين القصايد بحب الموضوع يلي بيحكي عنو
محمود الصالح ممم محمود فيه شي قريب للبيلسان
وردة فارسية هي حالة خاصة .. بحس باللي عم تكتبو لاني عارفه السبب يلي كتبت فيه القصيده .. يعني اوقات بستغرب .. معقول يلي بيطلع معها كل هالحشيش بتكتب هيك حلو ؟؟؟
عشتار .. رائعه عنجد بحب شعرها كتير .. فيه شي ما قراتو بحدا
يارا يارا اكيد كمان شغله .. بس للاسف ما قراتلها كتير ​

اي ننتقل لموضوع تاني
و هو الحشيش ه
هاد تخصصك
إلى أي مدى علوش حشاشة؟
جدا جدا .. يعني بقول بدون حشيش وهيك كيف ازا حششت جد
هرووووووب التحشيش
شو هو اكتر موضوع محشش كتبتيه بحياتك؟
كتبت مره موضوع بمنتدى ليالي
غزل بسمايلي ال .. كان وقتا جد شغله .. ازا قدرت جيبو رح جيبو
شو هو الموضوع المحشش يلي حبيتيه بالبيلسان؟
كتااار .. تحشيشات مسنجرية والشات المصري .. رادار المنتدى والاغلاط الاملائية .. واغلب مواضيع حضرتك
مين اكتر اعضاء محششين عنا؟
طبعا انتي نمبر وان
ملاك الروح .. العكيييييييييييييييد .. سراقة سم تايم .. انا
وهل بتعتبري الحشيش شغلة ضرورية بحياة الانسان او فيه يستغني عنها؟
طبعا ضروري .. بس طبعا مو الحشيش الحقيقي مشان ما نروح لوراء الشمس
عنجد هوي هروب من الوجع والحزن ..
شو هي اكتر نكتة عن المحششين حبيتيها؟​

اي شو رأيك العام بالبيلسان
يعني انا شايفتو عم يتحسن .. بفترة كان كلو لعب ومزح
هلا عم يتحسن بفضل الاعضاء
عم يصير فيه شوية ثقافة ونقاش وهيك
هل في شغلات حاسة انها لازم تتغير
مواضيعو عم تتغير
طيب شو رأيك بالمشرفين الجداد
قولتك في حدا بيستاهل وما خلوه؟
كلهن ع راسي انا ما بعطي رايي
و كيف التنسيق معك يا فائسة
انو والله شغلة التنسيق مو صعبه سهله .. بس انا تعبت من المسؤولية صرلي زمان
لهيك بيجي الوقت وبرجع لون طبيعي ​

رأيك بكل من
هاد السؤال ما كان .. ايمتى اجا ​

وردة فارسية جمانه بلسم للجرح مع انها مجروحة .. حساسه بس هلا عم تتحسن كتييير عن قبل .. بجوز تمسحتي
ملاك الروح .. بحسا بريئه لطيفة هيك بتحب المرح .. بحبا كتير
سناء .. اوقات متهورة .. الكلمة ع راس لسانها .. بس الاكيد قلبها طيب كتير
غنى .. ممم كتومه بحسها .. بس بنت لطيفة كتير
جوري .. حبابه كتير .. مرحة .. وشوي قوية اظن
محمود الصالح .. عماد البيلسان هوي .. انسان فهمان وبيعرف كيف يتعامل .. وصبور
البيلسان .. اسم المنتدى ع اسمو ازن هو الكبير
عكيد البيلسان .. حشاش درجة اولى .. بس بعزو كتير و هيك فهمان وقت الجد جد ووقت المزح حشاش .. كتير مزوء
رامي .. خخخخخ بضحكني بردودو .. فهمان و الو طولة بال .. شخصيتو حلوه
ملكة زماني انا اسفه ما كتير بعرفا
عشتار انسانه مثقفه كتير ..
ابو المعتز .. ه كتير محترم ودمو خفيف .. مرح .. دائما خشلان
بلاك هوك .. ايييييه سراقة .. شب مزوء كتير .. صريح كتير .. فهمان كتير وبحاول يحسن من حالو .. وقت التحشيش بيسبق الكل
انا كتير بعزو
سامو .. جديد لتعاملت معو بس يلي عرفتو عنو انو مزوء كتير وشغيل كتير وطموح
الوعد السوري بحب كتير ثقافتو .. وشعرو .. بحسو فهمان .. وصارم
صمت الورود .. امورة وشاعرة حساسه
دموع الورد .. شغيلة كتير نشيطه .. مزوقه مع الكل
الوردة البيضاء فهمانه
ضجيج الصمت فهمان .. قريب للقلب ..
عهد القمر امم بتحب يكون الها مكان قوي للي هيي فيه .. وهاد شي حلو
بس اوقات هيك طريقتا بالكلام بتوحي انها مندفعه بجوز
الامبراطور انو ما كتير تعاملت معو .. بس بحسو فهمان ​

علوش الله رحمك ما عم يطلع معي شي

يلا رح خلي مجال للباقي
كل هاد وما طلع معك شي
الله ستر
عراسي الكل ​

 

[جمانة]

علوش في سؤال ما جاوبتي عليه

شو هي اكتر نكتة عن المحششين حبيتيها؟

​

 

[Pure Feelings]

يلا جهزيلنا حالك الله يرضالي عليكي


لبين ما فكرلي بكم سؤال هيك خفاف نضاف يناسبوكي يا امورة

 

[احلى دنيا]

اي اهلا وسهلا فيكي بتنوري

انو جمانه مشان النكته رح نزلك لا تخافي

 

[جمانة]

​

 

[سِدْرَة المُنتَهَى]

مرحبا علوشة المنكوشة
شكلو الجو مو حامي عندك
يلا نبدأ
ايش احلى موقف لعلا .. واذا افتكرتو تنبسط ؟
مين اللي يقدر يرسم البسمة على وجهك ؟
بما انك متغربة .. ايش علمتك الغربة ؟
اكيد من دخولك النت ... اكتسبتي شي
ايش استفدتي منو ؟
لو ماكنتي عربية ايش تتمني تكوني ؟
ايش اكتر مكان تحبيه ؟
ايش الشي اللي ماتقدري تفهميه بالرجل ؟
متى تقولي للشخص وداعا ؟
ايش الحلم اللي تطمح له علا ؟
ايش اكثر شي يشغل تفكيرك هالايام ؟
وبسسس

ما احلاني ... اكيد كنت خفيفة و ظريفة معك
​

 

[احلى دنيا]

علوش ان شالله تكوني مرتاحة تحتو للمكروسكوب
انو مرتاحه بوجودك تقبشيني
لازم ضيفك كاسة كوكتيل باردة

اي سبحان الرب لاني بهالوقت عم بشرب كاسة كوكتيل
وقت الضيقة والزعل مين أول شخص بتدور عليه علوش؟
اوقات بابا .. اوقات جمانه .. بستناها لتفوت لاحكيلها .. وفي اوقات علوش ما بتحكي
مين أكثر شخص ترتاحيلو وبتحكيلو همومك؟
جمانه .. مو بس عالنت .. بالواقع وعالنت اكتر حدا بيعرف عني
مين يجيبلك الإكتئاب ؟
اوقات اقرب الناس الي بجيبولي اكتئاب بدون ما يعرفو .. مافي حدا معين
مين أكثر شخص في المنتدى بتتمنى تقابليه أو تتعرفي عليه شخصيا ؟
جمانه بتمنى قابلها ... حابة شوف سناء .. ايمان .. ستيلا .. عشتار
شو الأمنية يلي كنتِ بتتمنيها وتحققت وأمنية تانية كنت تتمنيها لكن للأسف ما تحققت ؟
كنت بتمنى ادرس جامعه وتحققت الحمدلله
الامنيه يلي ما تحققت انو تمنيت كفي الهندسه بس ما قدرت وحولت لبرمجه
شو هيي أكلتك المفضلة وشو هيي الأكلة اللي ما بتقدر تاكلها يعني ما بتحبها بنوب ؟؟
الاكلة المفضله هيي الباميه والاندومي
يلي ما بقدر اكلها الكروش والابوات والذي منو .. واغلب اكلات الباتنجان
شو هو أكبر مقلب أكلتيه من حدا بحياتك وشو موقفك لما عرفتِ أنو مقلب ضحكت بروح رياضية ولا انزعجت وعصبتِ؟
مممممم مره رفيقتي .. طلبت منها صورتي تبعتلي ياها عالايميل
وقالتلي بالغلط بدل ما تعمل ارسال الي لحالي
عملتو لكل الموجودين عندها .. وطبعا فيه كتير ذكور وناس
كانت الصورة بلا حجاب ..
بصراحه عصبت وقتا من خوفي بس يعني بعدين صرت اضحك
شو هي الصفة يلي بتحبي نفسك إذا تذكرتيها أنها موجودة عندك
حب الناس الي
لو كنت رايح رحلة حول العالم وخيروك تاخد ي معك 4 من أعضاء المنتدى مين بتختاري
جمانه .. سناء .. ستيلا .. ملاك الروح
....................
شو مبدأك بالحياة ؟ يوم الك يوم عليك
لمين بتعطي هذه المسميات في المنتدى :-
القلم المبدع ..... عشتار
القلم الذهبي..... ورده فارسية
شهاده تقدير ...... محمود الصالح
ورده حمرا...... البيلسان
ورده بيضاء...... ملاك الروح
ورقه بيضاء .......
مع ذكر الاسباب؟ بلاها الله يرضى عليكي
شو بتحسي نائصك بكل صراحة ? ناقصني جهد
همسة عتاب لمين بتوجهيها وليش؟ للي جرح قلبي .. بيعرف حالو
شخص مابترفضيلو طلب ..؟؟ بابا
كلمة تتوق وبتتمني تئوليها... مالك ئدرانة تحكيها ؟؟ اشتقتلك
لحظة مرت تمنيتِ أنو ماتنتهي ؟؟ شخص بحبو زارني
لحظة مرت تمنيتِ إنو ما تمر؟؟ لحظة اكتشاف خيانة ناس بحبهن ولحظة وداع اهلي
موئف غير طريئة تفكيرك أو غير نظرتك للحياة أو
لعب دور في تغيير حياتك؟؟ اجمالا وقت تكتشف انو يلي حواليك بغدروك
غصب عنك رح تغير طريقة تفكيرك بكل شي
هل مررت في حياتك
شخص بتتمني تتعلّمي منو كل شيء حلو ؟ اي اكيد ..
شخص تبكي ئدامو بدون خوف أو خجل؟ اختي
شخص وئف معك بحزنك وفرحك؟ الحمدلله في
انتِ من العالم يلي بتعبر عن مشاعرها شو ما كانت في وئتها او ممن بيبئوها صامته جواتن ؟؟ وقت ازعل .. ما بقول بخبي .. بس وقت عصب
مستحيل اصمت
برايك شو هو أقبح وابشع شي بعالمنا ؟! اسرائيل
ندمتِ شي نهار على وفائك وطيبتك مع الآخرين؟! كتيييييييييييييييييييييييييييييييييييييييييييييييييير
على أي أساس بتردي ع المواضيع ..؟؟ عاساس محتواها طبعا
وبتحبي المجاملة بالردود ع مواضيع الأعضـاء ..؟؟ لا والله
هناك بعض الاقلام المميزة هون..
من منهم استطاع ان يلفت نظرك ..؟ اذكر 3اسماء
عشتار.. الوعد السوري .. جمانه
من هو العضو(هـ) / المشرف(هـ) يلي بتشعر من خلال قرأتك لمواضيعه بيشبهك ؟؟ جمانه وفي بنوته اسمها بترفلاي
شو بيعنيلك الاعضاء التالي ذكرهن :

وردة فارسية نصي التاني
ليون هارت عضو بالبيلسان
محمود الصالح صديق غالي
ستيلا قبوووووووووشة ستولا
ملك الغرام اخ غالي
عكيد البيلسان وقت الرواق نجده
كريستينا ما بعرفا كتير للاسف
ملاك الروح قبووووووووووشة ملوكه
واكيد انا اميرة النجمات عالعين والراس
انتِ تحت المكروسكوب حاسة حالك خلية شي
بعد هالاسئلة حبيتيني ولا هئ؟
حاسه حالي حبة بكتيريا عامليتلكون ازعاج
ان شالله كون مالي تئلت بالعيار
جدا لطيفة

 

[Black Hawk]

مرحبا علوش

...كيف الحال ..

وشلون الاجواء تحت المجهر ...

ما رح طول عليكي ونبلش بالاسئلة فورا :


1- الاشاعات و الكلام على ناس انت تعرفيهم...يعني احنا احياناً بنسمع من ناس ان فلان هيك وفلان هيك واحنا طبعا ما تعاملنا معو من قبل
يا ترى انتِ ممكن تاخدي موقف من أي حدا بناء على كلام سمعتيه عنو وفيما لو صار اي مجال للتعرف عليه مستقبلا رح ترفضي او تبتعدي بسبب الي سمعتيه ؟؟

2- الظروف المادية مهمة لاستمرار الحياة ...و لها اعتبار اساسي عند قبول أي عريس متقدم ..ايمتى برأيك لازم البنت تغض النظر عن الظروف هذه و تقبل العريس
على ظروفو و يا ترى في مكان في أيامنا للرومانسية و العواطف و القيم الاساسية و هل انتِ مع انك تلبسي خاتم حديد لو كنت راضية عن خلق و دين اللي متقدملك ...

3- في بعض الاحيان لابد ان تصادفك بعض المواقف التي تستدعي منك المجامله..
بالمختصر.....

هل انتِ من النوع المجامل او الغير مجامل او على حسب الموقف..

4- اكثر شيء بتحبيه بشخصية الرجل العربي ؟؟


5-ممكن تبني قرار على أساس النصايح و وجهات النظر و آراء الآخرين أو انو قناعتك تكفي خصوصاً لو كان قرار هام و مصيري..

6- كيف ممكن تتصرفي لو حسيتي للحظة انك وحييييييدة تماماً؟ سواء وحدة بالمعني الشائع انك تكوني عايشة لوحدك اووحدة بالمعني الفلسفي البحت؟

7- قيمي نفسك بنسبة مئوية ,على الجوانب التالية( " الجانب الإنساني ", "الجانب الإجتماعي " ," الجانب النفسي " ," تقييم علا لعلا الي بداخلها كيف ؟؟" )

8- تلقيت إتصالا عاجلا من طائرة توشك أن تقع

الطائرة تحمل 5 ركاب ويوجد بها طوق نجاة واحد!!

الجو مشحون بالخوف والترقب..

كل الركاب يطلبون مساعدتك كي تختار من يستحق النجاة منهم

وإليك إستغاثاتهم :

(كابتن الطائرة )

أنا أب لأربعة أطفال, خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي, أرجوك تفهم موقفي.. حاولت إنقاذهم وفشلت..
كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي ..إنهم ينتظرون هداياي الآن..! أرجوك..
قدّر معنى أن تكون أباً.


(سيدة حامل)

أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..! هذا الجنين ما ذنبه أن يحرم الحياة..؟ وأنا التي أحضنه..
ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.! أرجوك.. كلهم يبحثون عن حياتهم.. أنا ابحث عن حياة لأثنين!. إخترني.


(طبيب جراح)

كنت في طريقي لمستشفى لإجراء عملية قلب غدا.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي..
فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني.
ستقوم بعمل عظيم لو اخترتني.


(مغترب)

ياااااه, ما أقسى الحياة, تغربت طويلا لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. ..
ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه,
أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغارا.. وأصدقائي و الأزقة التي ملأتها صراخا يوم كنت صغيرا.
أنا منهار صدقني. كل أحلامي بلقائهم ستتبدد إن لم تختارني.


(طفلة 9 سنوات)

أنا صغيرة, كلهم جربوا الحياة طولا وعرضا, وجابوا دهاليزها, أنا في بداية الطريق, أشعر بالأمل وومملوءة بالطموح وبالفرح وبالغد المشرق أنا.
ألا أستحق أنا الحياة التي يتشبثون بها!؟ أخترني ولا تحرمني غدي.



الآن و بعد أن سمعت نداءتهم وإستغاثاتهم.. من تمنحين طوق النجاة الوحيد؟؟
الخيار خياركِ... قفي مع نفسكِ بصدق.. وقولي من ستختارين لينجو..
وبعدها رتبي البقية حسب إستحقاقهم للحياة من وجهة نظركِ.


9-

ربما من الصعب من خلال الانترنت معرفة إنفعالات الطرف الآخر لأنك لا تستطيع قراءة تعبيرات وجهه او نبرة صوته، وبالتالي لا تقدر أن تعرف إن كان الطرف الآخر متعبا،
متضايقا من شيء ما، ليس في مزاج رائق للمزاح، مشغول ذهنيا بشيء آخر .. إلخ ..
هل تعتقدين أنه يجب استبعاد هذه الجزئية من صداقات الانترنت أم أنه يجب معرفتها بشكل أو بآخر .. هل تقترحين طريقة ما؟

10-

احتفاظ الشخص بمشاعره تجاه شخص اخر ...هل فى صالحه أم ضده؟؟؟؟؟

11-


الانسان بطبيعته شغوف بكل جديد وعنده فضول تجاه المجهول ..ما هو رايك في مسألة الفضول وايمتى بيكون مؤذي وايمتى بيكون واجب ..وهل له حدود ويقتصر على حد معين ..؟؟

12-

العلاقات الاجتماعية متشابكة في سن الشباب، هل يمكن أن تصل صداقة الشاب والفتاة إلى المدى الذي قد تصل إليه صداقة الفتاة والفتاة أو الشاب والشاب ؟! ولماذا؟

13-

تقدم لخطبتك شخص مناسب جداً ...به كل الصفات الجيدة التي تحلم بها أي فتاة ..و لكن لديه شرط واحد فقط لا يمكنه أن يستغني عنه و هو أنك ترتدي النقاب بمجرد أتمام الزواج ...
علماً بأنك ترفضين أرتداءه أو تعتبرينه خطوة مؤجلة ...
فهل ستضحي بهذا العريس المثالي من أجل حريتك في اتخاذ مثل هذا القرار ؟؟؟
أم سترضخي لطلبه باعتبار أنه لم يطلب شيئاً ضد الشرع و لكنه على العكس حيث أن النقاب من الفضائل ( و ليس الفرائض ) للفتاة المسلمة .. و ذلك في حدود معلوماتي ؟؟!!!

14-
رأيك فى الحياة الجامعية؟؟؟

15-
شو هي اكتر شغلة علا ما بتحب تصارح فيها نفسها ؟

16-

اذا سالنا اي فتاة عن مواصفات فارس احلامها فستكون الاجابة كالتالي :ابن ناس وبيحبني وكريم وقد المسؤولية وحلو ومحترم و و و و
فمشان ما نسمع نفس الاسطوانة رح اسأل بطريقة مغايرة قليلا :
ما هي الصفة التي تودين وجودها في فارس أحلامك في نفس الوقت الذي قد لا تعني السواد الأعظم من الفتيات من نفس جيلك ما إذا كانت موجودة أم لا ؟؟
وما هي الصفة التي ترفضين وجودها في فارس أحلامك في نفس الوقت الذي لا تعني بها السواد الأعظم من الفتيات من نفس جيلك ما إذا كانت موجودة أم لا ؟؟
وما هي الحسنة التي تودين وجودها في فارس أحلامك في نفس الوقت الذي قد تراه بعض الفتيات عيب وليس ميزة ؟؟
ما هي السيئة التي ترفضين وجودها في فارس أحلامك في نفس الوقت الذي قد تراه بعض الفتيات ميزة وليس عيباً ؟؟

17-

هل انتِ من الاقوياء الذين لا تهزمهم الحياه بسهوله ؟؟

18-
لأى مدى بتعتبري نفسك قادرة على الحكم على الامور بوجه صحيح ؟ بمعنى ,, لو صديق او صديقة لكِ فى موقف وبيحكيلك
تقدرى تقدمى نصيحة ..حتكوني محايدة ؟ ولا حتحكمي بالطريقة اللى تريح افكارك الخاصة حتى لو ضد مصلحة اللى طلب نصيحتك ؟؟

19-

بفرض أنو أعطيتك خمسة رسائل ثابتة بحيث توجهين كل رسالة منهم إلى عضو بعينه .. فإلى من ستوجهين الرسائل التالية؟؟

الرسالة الأولى : انت (إنتِ) شخصية غامضة جداً .. على الأقل بالنسبة لي.

الرسالة الثانية : طولت بالغيبة كتيييير .. إرجع (إرجعي) محتاجينك معانا.

الرسالة الثالثة : لك (لكِ) آراء غريبة جداً !!

الرسالة الرابعة : بطل (بطلي) ثقل دم وغلاظه .

الرسالة الخامسة : إنت فاهمني (إنتي فاهمتني) غلط.

20-

ظهرت في الآونة الأخيرة موضة تغيير الأسماء في المنتدى بكثرة
فبفرض أن طلبت منك الإدارة اقتراح اسم آخر جديد لكن من الأعضاء التالية:
عكيد البيلسان ملاك الروح بلاك هوك رامي عهد القمر وردة فارسية وأكيد احلى دنيا ؟

21-

_ اوصفى كل من

- الهدوء
- الورق
- الاحلام المستحيلة
- الغباء

22-

ما هو الموقف الذي يلومك فيه الاخرون وإذا عاد بك الزمن لقررتي ان تقومي به ثانية ...وما هو الموقف الذي إذا عاد بك الزمن تراجعتي عن فعله ؟

23-

ما رأيك في بنات جيلك ؟ بمنتهى الصراحة!

24-

لنقل أن لديك أمنية ما على المدى القريب، خلال عام مثلا,, فما هي ؟؟

25-

هل تستطيعين اخفاء مشاعرك او شيء ما تشعرين به عن الناس؟ام تجدين ذلك عسير؟


انا كنت ناوي شر بهالموضوع (خ4 )

بس شو بدي اعمل ,, قلبي كبير وطيووووب ,,

عن جد كان بدي اسال اكتر بس فجأة حسيت انو بيكفي

عدم ترتيب الاسئلة متعمد

ويحق لكِ عدم الاجابة عن اي سؤال

وتحياتي وتمنياتي بالتوفيق والصحة والسلامة


​

 

[سِدْرَة المُنتَهَى]

طالع ديمقراطي ابا لؤي بآخر 3 جمل ​

 

[STELLA]

أحلا دنيا , إن شاء الله بتكون الدنيا معك حلوة بكل حالاتها

ويروح عنك كل حزن وكل هم وكل ضيق , وما تلاقي إلا الفرج والفرح واللحظات الحلوة

وتعيشي أحلا دنيا و أحلا حياة .

هلئ بما أنو الكل ما شاء الله سألك أسئلة يخزي العين بتعقد

ما حلوة مر من هون وما أسأل حبيبة قلبي كم سؤال

وإن شاء الله ما بكونوا تقال عليكي

1. أين تجد علا نفسها مع السهر ؟ هل يوجد توافق ؟ أما أنها من الأشخاص المحافظين على نومهم المبكر ؟

2. رتبي لي فصول السنة حسب أجملها لديك , مع ذكر السبب ؟

3. ما هو اللون المفضل لديكِ ؟ وهل تقتنيه بكثرة في ملابسك ؟

4. للدموع نصيب من حياتنا , أيهما أكثر دموع الفرح أم دموع الحزن ؟ وما هو موقفك أو شعورك حيال الدموع ؟

5. عندما تقابلي شخصاً ما سليط اللسان , ما هو الاسلوب الذي تتبعيه معه في الحديث ؟

6. ما هو الستايل المفضل لديكِ في الملابس ؟

7. أتاكي مارد من مصباح سحري , وقال لك يوجد ثلاث أمنيات لكِ أستطيع تحقيقها لكِ خلال ثلاث سنوات ما هي الأمنيات الثلاثة ؟ وما هو ترتيبها الزمني ؟

8. ما هي هواياتك المفضلة ؟ و هل تمارسينها بإستمرار ؟

9. من تحبين أكثر أمك أم أباك ؟ ولماذا ؟

10. سأعطيكِ مجموعة من مقطاع الأغاني لمن ستوجهيها , سواء من الأعضاء أو من حياتك الخاصة :

* تعب الشوق يندهلك تعب القلب يشتقلك

* ما أريد تشيل همي أو تجاريني في حنيني بس أريد تحس بيا

* يا خيي قلبي موجوع ما عاد في العين دموع لعيونك بشكي همي

* الأماكن كلها مشتاقة لك والعيون الي ارتسم فيها خيالك والحنين الي سرى بروحي وجالك

* روح قلو غيرو ما بدي تسلملي ريتا هالضحكه

* أنت الحب الكبير الأول والأخير

* يا طيب القلب وينك ؟

* رجعلي لعيوني الضحكه يلي راجع بعد غياب

* يا معلمني الحب ياريتني ياريتني ما تعلمتو معاك ولا عرفتو

* أول ما قابلتك كان بس يا دوب بينا سلام

* القلب يلي تعب من حبك ومجروح غيرو ع جروحو وغفي خلي الجرح غافي

11. همسة شوق لمن توجهيها ؟ وماذا تقولين بها ؟

12. همسة عتاب لمن توجهيها ؟ ولماذا توجهيها ؟ وماذا تقولين بها ؟

13. قد يحدث مع الإنسان موقف مجرح , ما هو الموقف المحرج الذي حصل معك , وماذا فعلت حينها ؟

14. يوم ميلادك ماذا يعني لكِ ؟ و ماذا تفضلين أن تفعلي في هذا اليوم بالذات ؟

وأخيرا ً إن شاء الله ما كون تقلت عليكي بالأسئلة

حاولت كون وسطية خصوصا أنو الفرصة متاحه مرة وحدة

وإذا في سؤال ما حبيتيه بإمكانك عدم الإجابة

 

[ربيــــــع]

الله يكون بعونك أحلى دنيا ....

أنا عم شوف الأسئلة بس ...لح يغط على قلبي ....ولي على حالي ...هدول قديش بدهم لحتى تجاوبي عليهم ....

يلا أنا لح كون حباب جداً معك و مالح أسأل أية سؤال ...أي أصلاً بخاف ما أسألك سؤال يطلع مكرر ما شاء الله الشباب ما مخلايين شي ألا مو سألينو ...

 

[جمانة]

كيفك ام سمير

بالنيابة عن عهد القمر بدي خبركون انو احلى دنيا باقيلها يومين هون يعني انبسطو وارتاحو بالاسئلة اي تؤبشوني ​