عضو تحت الميكروسكوب....!!

[عهد القمر]

جخي بهالنعيم علوش

يلا اسئلوها

​

 

[عكــ البيلسان ــيد]

انا من عندي مسامحة ورحمة الله وبركاته
الشباب كفو ووفوا

روحي الله يكون بعونك يارب


​

 

[احلى دنيا]

مرحبا علوشة المنكوشة

شكلو الجو مو حامي عندك
كل هاد ومو حامي ..
يلا نبدأ
ايش احلى موقف لعلا .. واذا افتكرتو تنبسط ؟
في حدا بحبو كتير كتير اجا زارني بالجامعه
ما بنسا هاليوم
مين اللي يقدر يرسم البسمة على وجهك ؟
مجد ابن اختي .. لو كنت معصبه عم كسر
او عم ببكي ..
واجا ابتسملي .. ما بردو
بما انك متغربة .. ايش علمتك الغربة ؟
علمتني اطبخ
لا جد .. علمتني انو وقت اتعب عالشغله لاعملها او لتوصلني
بتطلع الها بهجه اكتر
اكيد من دخولك النت ... اكتسبتي شي
ايش استفدتي منو ؟
انو الرفقه احلى شي بالدنيا
لو ماكنتي عربية ايش تتمني تكوني ؟
تركية
ايش اكتر مكان تحبيه ؟
قاسيون
ايش الشي اللي ماتقدري تفهميه بالرجل ؟
انو ليش دائما بياخد ما بيعطي
ليش الوفا عندو من النوادر ؟
متى تقولي للشخص وداعا ؟
وقت يمس كرامتي
ايش الحلم اللي تطمح له علا ؟
البس اواعي التخرج
ايش اكثر شي يشغل تفكيرك هالايام ؟
كيف بدي ودع مجد
وبسسس ​

ما احلاني ... اكيد كنت خفيفة و ظريفة معك
اي والله يا قلبي ... يسلملي يلي خف الريشه انا ​

 

[احلى دنيا]

مرحبا علوش​

اهلين ​

...كيف الحال ..
من بعد ما شفت اسالتك .. عم جرب صير منيحه ​

وشلون الاجواء تحت المجهر ...
اوو ان شالله بتجربها قريبا ​

ما رح طول عليكي ونبلش بالاسئلة فورا :
يلا فوووووووورا​

1- الاشاعات و الكلام على ناس انت تعرفيهم...يعني احنا احياناً بنسمع من ناس ان فلان هيك وفلان هيك واحنا طبعا ما تعاملنا معو من قبل
يا ترى انتِ ممكن تاخدي موقف من أي حدا بناء على كلام سمعتيه عنو وفيما لو صار اي مجال للتعرف عليه مستقبلا رح ترفضي او تبتعدي بسبب الي سمعتيه ؟؟
انو للاسف اي .. ازا الكلام يلي طالع عليه كتير بخوف .. ببعد عنو وما بحاول اني حاكيه
يعني بترجع ع حسب الكلام يلي طالع
بس انا غالبا ما بسمع غير من مصادر موثوقه .. يعني بحاول اني اتاكد من الشي
قبل ما صدقو ​

2- الظروف المادية مهمة لاستمرار الحياة ...و لها اعتبار اساسي عند قبول أي عريس متقدم ..ايمتى برأيك لازم البنت تغض النظر عن الظروف هذه و تقبل العريس
على ظروفو و يا ترى في مكان في أيامنا للرومانسية و العواطف و القيم الاساسية و هل انتِ مع انك تلبسي خاتم حديد لو كنت راضية عن خلق و دين اللي متقدملك ...
برايي البنت بتغض نظر وقت تحب .. كتير اشيا بتكون حلمانه فيها بتستغني عنها ازا حبت حدا متقدملها
بس مو لدرجة اني البس خاتم حديد .. رح قلك ليش
لانو ازا هالشب تعبان ع حالو ودارس .. مارح يضطر يلبسني خاتم حديد لو شو ما كانت ظروفو ..
وطبعا في مكان للرومانسيه والعواطف .. في مكان لكل شي
بايدنا نحنا بنكون حياتنا​

3- في بعض الاحيان لابد ان تصادفك بعض المواقف التي تستدعي منك المجامله..
بالمختصر.....​

هل انتِ من النوع المجامل او الغير مجامل او على حسب الموقف..
انو لا انا ما بجامل كتير .. بس بنفس الوقت ما بجرح بكلامي
بس في اوقات بضطر اني جامل مثلا حدا اكبر مني .. للاحترام​

4- اكثر شيء بتحبيه بشخصية الرجل العربي ؟؟
الغيرة ​

5-ممكن تبني قرار على أساس النصايح و وجهات النظر و آراء الآخرين أو انو قناعتك تكفي خصوصاً لو كان قرار هام و مصيري..
قناعتي بتكفي .. وهالشي اوقات بسببلي مشكله بالوسط
بس اخر شي بكتشف يلي انا كان بدي ياه صح
لانو انا حابه اعملو
انا عنيده ​

6- كيف ممكن تتصرفي لو حسيتي للحظة انك وحييييييدة تماماً؟ سواء وحدة بالمعني الشائع انك تكوني عايشة لوحدك اووحدة بالمعني الفلسفي البحت؟
ببكي لنام ​

7- قيمي نفسك بنسبة مئوية ,على الجوانب التالية( " الجانب الإنساني ", "الجانب الإجتماعي " ," الجانب النفسي " ," تقييم علا لعلا الي بداخلها كيف ؟؟" )
الجانب الانساني .. انا بحب علاقتي مع الناس .. مع انو في ناس بتشوفني بعيده وشايفه حالي .. بس انا وقت الناس تتقرب مني بتحبني كتير
علا ما بتازي حدا .. علا بتكتم اوقات كرمال ناس بتحبن.. علا بضحي .. علا بتسامح .. علا بتساعد
منيحه علا والله
الجانب الاجتماعي .. يعني يلي بيقعد معي بيعرف اني بحب الجمعات بحب شوف ناس واتعرف عليهن
الجانب النفسي ... انا بحب علا كتير .. ومبسوطه فيها لانها قادره لهلا توقف مع انو مرق عليها كتير وعم تقوى وتقوى​

تقييمي لعلا .. يعني فيها سلبيات كتيره .. وفيها ايجابيات كتيرة
بس بظن الايجابيات فيني اكتر
يلي بدو يشوفني عم بمدح حالي حقو
بس ما حدا بيعرفني اكتر مني
بس السلبيات يلي فيها اوقات بتعبها كتير ​

8- تلقيت إتصالا عاجلا من طائرة توشك أن تقع​

الطائرة تحمل 5 ركاب ويوجد بها طوق نجاة واحد!!​

الجو مشحون بالخوف والترقب..​

كل الركاب يطلبون مساعدتك كي تختار من يستحق النجاة منهم​

وإليك إستغاثاتهم :​

(كابتن الطائرة )​

أنا أب لأربعة أطفال, خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي, أرجوك تفهم موقفي.. حاولت إنقاذهم وفشلت..
كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي ..إنهم ينتظرون هداياي الآن..! أرجوك..
قدّر معنى أن تكون أباً.​

(سيدة حامل)​

أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..! هذا الجنين ما ذنبه أن يحرم الحياة..؟ وأنا التي أحضنه..
ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.! أرجوك.. كلهم يبحثون عن حياتهم.. أنا ابحث عن حياة لأثنين!. إخترني.​

(طبيب جراح)​

كنت في طريقي لمستشفى لإجراء عملية قلب غدا.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي..
فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني.
ستقوم بعمل عظيم لو اخترتني.​

(مغترب)​

ياااااه, ما أقسى الحياة, تغربت طويلا لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. ..
ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه,
أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغارا.. وأصدقائي و الأزقة التي ملأتها صراخا يوم كنت صغيرا.
أنا منهار صدقني. كل أحلامي بلقائهم ستتبدد إن لم تختارني.​

(طفلة 9 سنوات)​

أنا صغيرة, كلهم جربوا الحياة طولا وعرضا, وجابوا دهاليزها, أنا في بداية الطريق, أشعر بالأمل وومملوءة بالطموح وبالفرح وبالغد المشرق أنا.
ألا أستحق أنا الحياة التي يتشبثون بها!؟ أخترني ولا تحرمني غدي.​

الآن و بعد أن سمعت نداءتهم وإستغاثاتهم.. من تمنحين طوق النجاة الوحيد؟؟
الخيار خياركِ... قفي مع نفسكِ بصدق.. وقولي من ستختارين لينجو..
وبعدها رتبي البقية حسب إستحقاقهم للحياة من وجهة نظركِ.
رح بختار اول شي المغترب .. بجوز لاني مغتربة و الساعه يلي بعرف فيها اني رايحه عبلادي بتكون ساعة العمر
ازا متت بهيك لحظة بتكون الدنيا قاسيه كتير لهيك رح بختارو
تاني شي الطفلة .. كرمال اهلا حرام
بعدين بختار الدكتور .. في كتير ناس بحاجتو
بعدين بختار الاب .. حرام يتيتمو الاولاد
بعدين الام الحامل ... يعني بلا ما يجي الجنين عالدنيا القاسيه ​

9-​

ربما من الصعب من خلال الانترنت معرفة إنفعالات الطرف الآخر لأنك لا تستطيع قراءة تعبيرات وجهه او نبرة صوته، وبالتالي لا تقدر أن تعرف إن كان الطرف الآخر متعبا،
متضايقا من شيء ما، ليس في مزاج رائق للمزاح، مشغول ذهنيا بشيء آخر .. إلخ ..
هل تعتقدين أنه يجب استبعاد هذه الجزئية من صداقات الانترنت أم أنه يجب معرفتها بشكل أو بآخر .. هل تقترحين طريقة ما؟
بظن صداقات النت حلوه كتير ..
ولازم كلنا نتحمل بعضنا شو ما كانت الظروف
لا ما بستبعد هالجزئيه​

10-​

احتفاظ الشخص بمشاعره تجاه شخص اخر ...هل فى صالحه أم ضده؟؟؟؟؟​

ضده اكيد ... بيقسى ع حالو كتير وقت يكتم حبو
يمكن بروح ع حالو فرصة
بس بحالة ما كان في امل للعلاقة ابدا .. بتصور احسن انو يحتفظ بمشاعرو
عشان ما يتعب ولا يتعب الطرف الاخر ​

11-​

الانسان بطبيعته شغوف بكل جديد وعنده فضول تجاه المجهول ..ما هو رايك في مسألة الفضول وايمتى بيكون مؤذي وايمتى بيكون واجب ..وهل له حدود ويقتصر على حد معين ..؟؟
الفضول عادة بشعه كتير .. بتخلي الشخص متطفل
بيكون مؤذي ازا صار في تطاول ع حياة الناس .. وتطفل ع شي ما بخصو
بيكون واجب ازا كان الفضول بين الاهل واولادهن
بحقلهن يكونو فضولين
بس لحدود ​

12-​

العلاقات الاجتماعية متشابكة في سن الشباب، هل يمكن أن تصل صداقة الشاب والفتاة إلى المدى الذي قد تصل إليه صداقة الفتاة والفتاة أو الشاب والشاب ؟! ولماذا؟
ممكن اي .. لانو اوقات الشب بفهم البنت اكتر من انو البنت تفهم البنت
بجوز بيقدر ينصحها ويوعيها ويحكيلها كيف تتصرف من وجهة نظرو كشب ​

13-​

تقدم لخطبتك شخص مناسب جداً ...به كل الصفات الجيدة التي تحلم بها أي فتاة ..و لكن لديه شرط واحد فقط لا يمكنه أن يستغني عنه و هو أنك ترتدي النقاب بمجرد أتمام الزواج ...
علماً بأنك ترفضين أرتداءه أو تعتبرينه خطوة مؤجلة ...
فهل ستضحي بهذا العريس المثالي من أجل حريتك في اتخاذ مثل هذا القرار ؟؟؟
أم سترضخي لطلبه باعتبار أنه لم يطلب شيئاً ضد الشرع و لكنه على العكس حيث أن النقاب من الفضائل ( و ليس الفرائض ) للفتاة المسلمة .. و ذلك في حدود معلوماتي ؟؟!!!
هالشغله بصراحه صارت ..بس رفضت
مو لاني ما بدي البس النقاب
بس يا ابن الحلال ازا بدك وحده تلبس النقاب اختارها بالاصل لابسه النقاب
ليش لتغير فيها وتشترط
ازا هو اصلا مو فرض ​

14-
رأيك فى الحياة الجامعية؟؟؟
بتجنن كتير حلوه
مرحله بتخليك تحس بمتعه بمرح
بتحس انو الك فائده عم تعمل شي
لولا الدراسه بس ​

15-
شو هي اكتر شغلة علا ما بتحب تصارح فيها نفسها ؟
اني مقصره بكتير شغلات ​

16-​

اذا سالنا اي فتاة عن مواصفات فارس احلامها فستكون الاجابة كالتالي :ابن ناس وبيحبني وكريم وقد المسؤولية وحلو ومحترم و و و و
فمشان ما نسمع نفس الاسطوانة رح اسأل بطريقة مغايرة قليلا :
ما هي الصفة التي تودين وجودها في فارس أحلامك في نفس الوقت الذي قد لا تعني السواد الأعظم من الفتيات من نفس جيلك ما إذا كانت موجودة أم لا ؟؟
بحبو يكون كريم
وما هي الصفة التي ترفضين وجودها في فارس أحلامك في نفس الوقت الذي لا تعني بها السواد الأعظم من الفتيات من نفس جيلك ما إذا كانت موجودة أم لا ؟؟
بخيل .. او بعيد عن ربو
وما هي الحسنة التي تودين وجودها في فارس أحلامك في نفس الوقت الذي قد تراه بعض الفتيات عيب وليس ميزة ؟؟
غيور
ما هي السيئة التي ترفضين وجودها في فارس أحلامك في نفس الوقت الذي قد تراه بعض الفتيات ميزة وليس عيباً ؟؟
حب التملك ​

17-​

هل انتِ من الاقوياء الذين لا تهزمهم الحياه بسهوله ؟؟
بظن اي .. كتير مواقف مرقت معي مو سهله
بس الحمدلله صامدن بازن الرب
بس ما بنكر .. في لحظات ضعب بتخلي الدنيا سودا
بس مو طويلة ​

18-
لأى مدى بتعتبري نفسك قادرة على الحكم على الامور بوجه صحيح ؟ بمعنى ,, لو صديق او صديقة لكِ فى موقف وبيحكيلك
تقدرى تقدمى نصيحة ..حتكوني محايدة ؟ ولا حتحكمي بالطريقة اللى تريح افكارك الخاصة حتى لو ضد مصلحة اللى طلب نصيحتك ؟؟
ممممم .. لا بظن مصلحة رفيقتي رح فكر فيها اكتر لهيك بكون محايده
19-​

بفرض أنو أعطيتك خمسة رسائل ثابتة بحيث توجهين كل رسالة منهم إلى عضو بعينه .. فإلى من ستوجهين الرسائل التالية؟؟​

الرسالة الأولى : انت (إنتِ) شخصية غامضة جداً .. على الأقل بالنسبة لي.
ممم ماغنوم ​

الرسالة الثانية : طولت بالغيبة كتيييير .. إرجع (إرجعي) محتاجينك معانا.
البيلسان ​

الرسالة الثالثة : لك (لكِ) آراء غريبة جداً !!
علي هادي ​

الرسالة الرابعة : بطل (بطلي) ثقل دم وغلاظه .
تسئ ما بقول ​

الرسالة الخامسة : إنت فاهمني (إنتي فاهمتني) غلط.
عهد القمر ​

20-​

ظهرت في الآونة الأخيرة موضة تغيير الأسماء في المنتدى بكثرة
فبفرض أن طلبت منك الإدارة اقتراح اسم آخر جديد لكن من الأعضاء التالية:
عكيد البيلسان ملاك الروح بلاك هوك رامي عهد القمر وردة فارسية وأكيد احلى دنيا ؟
عكيد البيلسان .. ابو ليلى
ملاك الروح .. شقاوة البيلسان
بلاك هوك .. مدريدي للنخاع
رامي .. روميو
عهد القمر .. العنيدة
وردة فارسية .. نصها التاني لعلوش
احلى دنيا .. علووووش وبس ​

21-​

_ اوصفى كل من​

- الهدوء .. وقت بنحتاجو بيومنا لاوقات محدوده غير هيك مو حلو
- الورق .. وسيلة مضمونه للاحتفاظ بشي بدنا ياه
- الاحلام المستحيلة.. شي بتعبك اكتر من الواقع .. لانك بتفيق ع الواقع المر
- الغباء .. شي نحنا بنقول انو بريئين منو .. بس بالواقع مو بريئين ​

22-​

ما هو الموقف الذي يلومك فيه الاخرون وإذا عاد بك الزمن لقررتي ان تقومي به ثانية ...وما هو الموقف الذي إذا عاد بك الزمن تراجعتي عن فعله ؟
الموقف يلي بيلوموني فيه وبرجع بعملو هو تغيير تخصصي
الموقف يلي ما برجع بعلمو .. اني سامحت شخص ما بستاهل المسامحه​

23-​

ما رأيك في بنات جيلك ؟ بمنتهى الصراحة!
بنات جيلي ماشيين بالمسار الغلط .. رح يكتشفو هالشي بعد ما يندمو
بنات جيلي .. ناسيين هني ليش جايين عالدنيا
بس نسبة منيحه غير هيك تماما ​

24-​

لنقل أن لديك أمنية ما على المدى القريب، خلال عام مثلا,, فما هي ؟؟
انسى ​

25-​

هل تستطيعين اخفاء مشاعرك او شيء ما تشعرين به عن الناس؟ام تجدين ذلك عسير؟
اي بقدر .. وكتير كمان
شي صعب اكيد .. لانو بعد ما تدير وشك رح تنهار
بس احسن من انو تنهار قدام شخص ما بيستاهل يشوف مشاعرك​

انا كنت ناوي شر بهالموضوع (خ4 )​

ناوي ؟؟ ​

بس شو بدي اعمل ,, قلبي كبير وطيووووب ,,
لك كبببببببببببببببير سراقة كبير من يوم يومك ​

عن جد كان بدي اسال اكتر بس فجأة حسيت انو بيكفي
لك يخليلي الفجاه شو بحبا ​

عدم ترتيب الاسئلة متعمد
مفهوم مفهوم ​

ويحق لكِ عدم الاجابة عن اي سؤال
جاوبت عليهن كلهن ​

وتحياتي وتمنياتي بالتوفيق والصحة والسلامة
والقايل يا رب ​

 

[جمانة]

وردة فارسية .. نصها التاني لعلوش

يا قلبي انتي والله دمعو عيوني ليش ما بعرف
صايرة حساسة كتير انا ​

 

[Cosette]

انا انا
حطوني
بما اني هلا فاضية
بعد اسبوع لا

شحاد ومشارط

 

[احلى دنيا]

أحلا دنيا , إن شاء الله بتكون الدنيا معك حلوة بكل حالاتها

ويروح عنك كل حزن وكل هم وكل ضيق , وما تلاقي إلا الفرج والفرح واللحظات الحلوة

وتعيشي أحلا دنيا و أحلا حياة .
يخليلي ياكي ما احلى هالدعوه

هلئ بما أنو الكل ما شاء الله سألك أسئلة يخزي العين بتعقد

ما حلوة مر من هون وما أسأل حبيبة قلبي كم سؤال

وإن شاء الله ما بكونوا تقال عليكي
لك على راسي تكرم عيونك

1. أين تجد علا نفسها مع السهر ؟ هل يوجد توافق ؟ أما أنها من الأشخاص المحافظين على نومهم المبكر ؟
لا ابدا ماني محافظه عالنوم المبكر
وقت انعس بنام باي وقت
المهم روح ع تختي نعسانه

2. رتبي لي فصول السنة حسب أجملها لديك , مع ذكر السبب ؟
الشتا لانو فصل الرومانسيه والكنكنه بحب كل شي فيه حتى تيابو
الربيع .. الجو فيه بجنن
الصيف .. نشاط وجمعات وشي حلو لولا الشوبات
الخريف .. بحس الدنيا كئيبه فيه

3. ما هو اللون المفضل لديكِ ؟ وهل تقتنيه بكثرة في ملابسك ؟
الاسود .. كتير بلبس اسود.. وضل امي تبهدلني
انو لازم البس الوان مفرفحه

4. للدموع نصيب من حياتنا , أيهما أكثر دموع الفرح أم دموع الحزن ؟ وما هو موقفك أو شعورك حيال الدموع ؟
دموع الحزن اكتر للاسف ...
ما بحب حدا يشوف دمعتي
بحاول كتير اكتمها ..
بس اوقات ما بقدر

5. عندما تقابلي شخصاً ما سليط اللسان , ما هو الاسلوب الذي تتبعيه معه في الحديث ؟
بتجاهلو .. وبحاول ما اخد واعطي معو .. بس انو ازا قرب ناحيتي
بنبحت عليه

6. ما هو الستايل المفضل لديكِ في الملابس ؟
السبور .... جينزات كلها

7. أتاكي مارد من مصباح سحري , وقال لك يوجد ثلاث أمنيات لكِ أستطيع تحقيقها لكِ خلال ثلاث سنوات ما هي الأمنيات الثلاثة ؟ وما هو ترتيبها الزمني ؟
اتخرج بعد 3 سنين
الاقي الحب الحقيقي بعد سنتين لاني بدي فتره لاطلع من فوبيا الحب
حس حالي عنصر فعال بعد التخرج


8. ما هي هواياتك المفضلة ؟ و هل تمارسينها بإستمرار ؟
التسوق .. بمارسها كتير
والسباحه .. بالوقت الحالي نادرا ما اسبح

9. من تحبين أكثر أمك أم أباك ؟ ولماذا ؟
التنين عيوني
بس انا مياله لابي اكتر

10. سأعطيكِ مجموعة من مقطاع الأغاني لمن ستوجهيها , سواء من الأعضاء أو من حياتك الخاصة :

* تعب الشوق يندهلك تعب القلب يشتقلك وانا بالغربه بتزكر فيها اهلي

* ما أريد تشيل همي أو تجاريني في حنيني بس أريد تحس بيا للحب القديم

* يا خيي قلبي موجوع ما عاد في العين دموع لعيونك بشكي همي لجمانه

* الأماكن كلها مشتاقة لك والعيون الي ارتسم فيها خيالك والحنين الي سرى بروحي وجالك ما بحب قول اسمو

* روح قلو غيرو ما بدي تسلملي ريتا هالضحكه لمجد ابن اختي

* أنت الحب الكبير الأول والأخير ما حدا

* يا طيب القلب وينك ؟ ما حدا قلبو طيب

* رجعلي لعيوني الضحكه يلي راجع بعد غياب

* يا معلمني الحب ياريتني ياريتني ما تعلمتو معاك ولا عرفتو لشخص بيعرف حالو

* أول ما قابلتك كان بس يا دوب بينا سلام كمان شخص

* القلب يلي تعب من حبك ومجروح غيرو ع جروحو وغفي خلي الجرح غافي

برب

 

[عهد القمر]

اليوم اخر يوم الك علووش




المسار راح حط عضو جديد

​

 

[سِدْرَة المُنتَهَى]

صرنا المساء

 

[جمانة]

مين مين مين ​

 

[STELLA]

لحظة لحظة

مو لتكمل اسئلتي بالاول ؟

 

[عهد القمر]

ماجاوبت عليهون علوووووووووووش

​

 

[جمانة]

علوش عندا سفر بكرا
عطوها وقت يومين مشان تقدر ترتب امورها و تجاوب على باقي الاسئلة

​

 

[عهد القمر]

لحظة لحظة

مو لتكمل اسئلتي بالاول ؟

خلصتون اسئلتك ستولة



​

 

[عهد القمر]

علوش عندا سفر بكرا
عطوها وقت يومين مشان تقدر ترتب امورها و تجاوب على باقي الاسئلة

​

جمونة احلى دنيا جاوبت ع الاسئلة كلا

​

 

[عهد القمر]

رحبوووووووووووووووو

معي بالضيف الجديد

ستولة

منورة
يلا اهروها اسئلة


​

 

[STELLA]

رحبوووووووووووووووو


معي بالضيف الجديد

ستولة

منورة
يلا اهروها اسئلة ​

​

طولي بالك عهود

المخلوقة كتبت برب وفي باقي اربعه اسئلة

 

[عهد القمر]

طيب ماسي
منستنى يومين

​

 

[سِدْرَة المُنتَهَى]

يعني كبش الفدا ستولة
نستنى يومين ​

 

[STELLA]

يعني كبش الفدا ستولة


نستنى يومين ​

لسى عيد الاضحى مطول

بدك تضحي فيني من هلئ ولك امون