الصمت كلمة لها معاني كبيرة و جميلة .. متى تلجأ ستولة إلى الصمت؟ و شو هو ابشع شي ممكن يصيب الانسان ويخلي مهموم بحياتو؟ شلون بتعبري عن غضبك؟؟ كلمة بتكرهي تسمعيها؟؟ انت صريحة ولاكتومة؟؟ عبارة او حكمة بتعجبك؟ انتي راضية عن نفسك ؟ انتي مدمنة تـفكير؟ هلا ملابس الشخص اللي امامك بتأثر فيكي لحتى تاخدي عنه انطباع ؟؟ شو رائك بالتفصيل الممل...مهم المظهر الخارجي للانسان المظهر الداخلي للانسان ما هو اجمل اسم لولد واجمل اسم لبنت من وجهة نظرك؟ اعطيني كلمة وحدة مستر رامي سامو ليون هارت محمود صالح عبير الشام جوري زهرة النرجس وردة فارسية دموع الورد جيانا هبوبة صمت ملكة زماني رتوب
عكيد البيلسان
ابا لؤي
احلى دنيا عهد القمر
اعطيني النسبة فقط من المية عنك الحب الصداقة حياتك دراسة شغل انترنت حزن فرح نوم حكي النفس الرياضة
اعطيني رائك الصداقة الاعجاب الحب الام المنتدى الجمال
شو رائك ب ستيلا ؟؟
في ناس بيخافوا على سبيل المثال من العتمة , من المكان المرتفع , من الملاهي .........أنت من شو بتخاف ؟ في ناس بيخافوا مثلاً من الفشل , من الندم , من الفتنة , من مواجهة الحقيقة .........أنت من شو بتخاف ؟ أيهما له الأولوية حسب رأيك : العلم , الفهم ؟ شو أكتر مظهر غير حضاري بتكرهيه في مجتمعنا ؟ مثل ( عدم النظافة - الجهل - قلة القراءة - الكسل - عدم اتقان العمل .....الخ ) شو رأيك بردودي بشكل عام ؟ إذا قرأتي شي رد بتدرسي شئ...!!؟؟اذا بتتدرسي ...سو دراستك ....!؟؟وبتحبي اللي عما تتدرسيه؟؟
اديش عمرك ...؟؟ افضل مكان بتحبي تجيلوع الشام ..؟؟ ممكن تضحي مشان رفيقتك؟؟؟؟؟؟؟؟؟؟ شو هواياتك؟؟؟؟؟؟؟؟؟؟؟؟؟؟؟؟؟ من وين انتي ؟؟؟؟؟؟؟؟حددي الدنيا مابتخلو من الكذب : حسيتي شي مرة حدا كذب بالمنتدى؟؟؟؟؟؟ مييين؟؟؟؟؟؟ الك شعبية بالمنتدى؟؟؟؟؟؟؟؟؟؟
شو رائك بجو جدة؟؟ طالعة عبلودان؟؟؟؟؟؟؟ كم مرة حسيتي بالاحراج؟؟؟ بتحبي عهد القمر؟؟؟وشو رايك با اسئلتا؟؟؟؟؟ انتي مغرورة شي؟؟؟؟يعني بتشوفي حالك بشكل عام؟
بتحسي حالك غموضة ...انا بحسك هيك ...كتومة ؟؟ ما هو السي دي المفضل لديك في هذه الأثناء؟ 3 امنيات بتتمنيهون هلق؟ بتحبي الطبيعة؟ شخصية مشهورة بتحبها كتير؟ مثلك الاعلى بالحياة؟ مين فادك اكتر شي هي السنة؟ شو بتعنيلك؟؟؟ الصداقة الوفاء والاخلاص الحب((من طرف واحد )) الاخوة الاعجاب شو اصعب برايك خيانة صديق او خيانة حبيب ؟؟وليش ؟؟ ايمتى بيسقط الرجال بنظرك؟؟والمراة ايمتى بتسقط بنظرك ؟؟ شو رايك الحبيب لما يتئلك حب نعم اما زواج لا ؟؟؟ شو صفات اللي بتحب وجودها بشريكة حياتك؟؟؟؟؟؟ مين اكتر عضو بتحبي اسمو؟؟؟؟؟؟؟ شو رايك بالشب او بالبنت يلي بيفكر حالو شغلة كبيرة و هو ولا شي؟؟؟؟؟؟؟ بتحب الترتيب ؟؟ مين اقرب تلاتة الك بالمنتدى؟ شو رايك بفريق اسبانيا؟؟؟
شو الاحسن برائك
العيشة ببلدك ولا العيشة بجدة..؟؟
سمعت انك حموية صح ..؟؟ مليتي من اسئلتي عديلي كم سؤال سئلتك..؟؟سؤال مهم
الصمت كلمة لها معاني كبيرة و جميلة .. متى تلجأ ستولة إلى الصمت؟ لما بتحس حالها ممكن تخرب الدنيا اذا حكت , ولما بتكون معصبة ومتدايقة من اشخاص غاليين فبتلجأ للصمت مشان ما تدايقون , أو لما بتكون معصبة من حدا اكبر منها بالسن بتسكت احتراما لعمرو
و شو هو ابشع شي ممكن يصيب الانسان ويخلي مهموم بحياتو؟ الظلم.. والتفكير الزايد بالمال شلون بتعبري عن غضبك؟؟ بعيط , بنرفز , واحيانا ببكي على حسب التعصيبة
كلمة بتكرهي تسمعيها؟؟ بكره اي حدا يقلي لئيمة او يفكرني هيك
انت صريحة ولاكتومة؟؟ وسط على حسب الحاجه بتشكل
عبارة او حكمة بتعجبك؟ تجري الرياح بما لا تشتهي السفن الي مالو حظ لا يتعب ولا يشقى
انتي راضية عن نفسك ؟ الحمد لله نوعا ما
انتي مدمنة تـفكير؟ اووووه لا تحكي عن التفكير منوب , كتير بفكر
هلا ملابس الشخص اللي امامك بتأثر فيكي لحتى تاخدي عنه انطباع ؟؟ اي طبعا بس مو لدرجة أني اخد انطباع عنو
شو رائك بالتفصيل الممل...مهم المظهر الخارجي للانسان المظهر الخارجي كتير مهم للأنسان , لأنو بيعكس بعض من داخليتو , مشان هيك الواحد لازم يكون بمظهر مرتب وغير متكلف المظهر الداخلي للانسان المظهر الداخلي ما بيظهر إلا بعد التعامل مع الشخص , بس طبعا هو الاهم من المظهر الخارجي ,لأنو جوهر الشخص ما هو اجمل اسم لولد واجمل اسم لبنت من وجهة نظرك؟ بحب اسم محمد كتير , كمان بحب اسم وسيم بحب اسم سوسن بحسو ظريف اعطيني كلمة وحدة مستر رامي .. مانجر سامو .. اكابر ليون هارت .. محترم محمود صالح .. عامود البيلسان عبير الشام .. حبوبة جوري .. امورة زهرة النرجس .. ظريفة وردة فارسية .. حبيبة قلبي دموع الورد .. بتجنن دموع جيانا .. شريكتي هبوبة .. حبوبة صمت.. تؤبشني صمت مافي منها وربي ملكة زماني .. ورهومة كمان بتجنن رتوب ..ما تعاملت معو كتير
عكيد البيلسان .. أخي الكبير هاد مافي منو عبد ابا لؤي .. أخي الغالي والله سراقة بيجنن وعلى سلامتو كتير بيتحمل غلاظتي
احلى دنيا .. كتير لطيفة هالبنت عنجد بتنحب عهد القمر .. امورة كتير عهود
اعطيني النسبة فقط من المية عنك الحب 80 % الحب هو سر استمرارية الحياة الصداقة 100%
حياتك كيف يعني حياتي ؟
دراسة 50%
شغل0%
انترنت 85%
حزن 60%
فرح 60%
نوم 20 %
حكي 30%
النفس 50 %
الرياضة 5%
اعطيني رائك الصداقة الصداقة الحقيقة هي كنز بس قليلين الي لقوه لأنو كل مالو على ندور الاعجاب شعور طبيعي ممكن نحسو أتجاه اي حدا حتى لو ما منعرفو , مو بالضرورة كل اعجاب يؤدي للحب الحب الحب موجود بحياتنا وبيومنا ,للأسف مو الكل بيعرف يتعايش معو بطريقة صحيحه
الام الحنان والأمان والدفء والأمل
المنتدى طريقة مفيدة ومسلية بنفس الوقت للتواصل مع الناس الجمال الجمال الروحي أهم بكتير من الجمال الخارجي لأن هو الي بحبب الناس بالشخص
شو رائك ب ستيلا ؟؟ ستيلا انسانة طموحه , مرحه , امنيتها تقدم شي مفيدة للمجتمع
في ناس بيخافوا على سبيل المثال من العتمة , من المكان المرتفع , من الملاهي .........أنت من شو بتخاف ؟ ما بحس اني بخاف من هيك اماكن , بس بخاف من الحوادث في ناس بيخافوا مثلاً من الفشل , من الندم , من الفتنة , من مواجهة الحقيقة .........أنت من شو بتخاف ؟ بخاف من ظلم البشر أيهما له الأولوية حسب رأيك : العلم , الفهم ؟ الفهم بكل تأكيد لأن العلم من دون فهم كارثة طبيعية تؤدي إلى جلطة بس الفهم من دون علم بيرتقي بالانسان بالنهاية التنين مكملين بعض
شو أكتر مظهر غير حضاري بتكرهيه في مجتمعنا ؟ مثل ( عدم النظافة - الجهل - قلة القراءة - الكسل - عدم اتقان العمل .....الخ ) والله كلون مناظر غير حضارية
شو رأيك بردودي بشكل عام ؟ إذا قرأتي شي رد ايام بحسك متسرعه وايام بحسك بتردي ردود غريبة وايام بتكون ردودك رائعه , يمكن على حسب الطاسة شو معباية ^.^ بتدرسي شئ...!!؟؟اذا بتتدرسي ...سو دراستك ....!؟؟وبتحبي اللي عما تتدرسيه؟؟ اي بدرس لغة عربية سنة تانية , اول شي كنت عادي بس بعدين كتير حبيت الفرع
اديش عمرك ...؟؟ 20 سنه
افضل مكان بتحبي تجيلوع الشام ..؟؟ اذا قصدك بالشام مدينة الشام فأنا بحب روح على قاسيون وزور الحارات القديمة ممكن تضحي مشان رفيقتك؟؟؟؟؟؟؟؟؟؟ ممكن ضحي مشان رفيقتي اذا كانت بتستاهل بس كرمال صديقتي بضحي بدون تفكير اذا الشي ما بيأذيني
شو هواياتك؟؟؟؟؟؟؟؟؟؟؟؟؟؟؟؟؟ القرأة , الكتابة , ركوب الخيل ,الاشغال اليدوية
من وين انتي ؟؟؟؟؟؟؟؟حددي انا من سوريا و من حماه تحديدا
الدنيا مابتخلو من الكذب : حسيتي شي مرة حدا كذب بالمنتدى؟؟؟؟؟؟ مييين؟؟؟؟؟؟ اي في عالم كذبو , بس ما بحب قول مين الله يستر ع الجميع الك شعبية بالمنتدى؟؟؟؟؟؟؟؟؟؟ يعني وسط مو كتير انا هيك بحس
شو رائك بجو جدة؟؟ جو جدة ظريف كتير بالشتوية , بس بالصيف ما بينطاق من الرطوبة والشوب طالعة عبلودان؟؟؟؟؟؟؟ اي طلعت مرة من شي سبع سنين و دخلت ع مطعم يمكن اسمو الاطلال ما بتذكر
كم مرة حسيتي بالاحراج؟؟؟ ما بعرف ولا مرة عديت المواقف المحرجه
بتحبي عهد القمر؟؟؟وشو رايك با اسئلتا؟؟؟؟؟ ظريف عهد واسئلتا متلا
انتي مغرورة شي؟؟؟؟يعني بتشوفي حالك بشكل عام؟ لا ابدا مابحب الغرور ولا بحب الي بيغتر لشو شوفة الحال كلنا بشر بتحسي حالك غموضة ...انا بحسك هيك ...كتومة ؟؟ هلئ غامضة غير كتومة , فعليا انا ماني غامضة , بس ما بحكي كلشي
ما هو السي دي المفضل لديك في هذه الأثناء؟ مافي شي معين ايا شي حلو بتسمع عليه وماني من النوع الي بشتري سي ديات , بنزل الاغاني من ع النت
3 امنيات بتتمنيهون هلق؟ 1. بتمنى الله يوفقني بحياتي كلها 2. بتمنى الله يخليلي اهلي ويحفظون 3. بتمنى اتعرف ع كل الناس الطيبة والحبابة
بتحبي الطبيعة؟ كتير بحب الطبيعة وخاصه الشجر والعشب الاخضر والبحر
شخصية مشهورة بتحبها كتير؟ ما كتير بهتم بالاشخاص المشهورين بكل الاصعدة ممكن حدا يلفت نظري ويعجبني بس انو حبو كتير مافي حدا
شو اصعب برايك خيانة صديق او خيانة حبيب ؟؟وليش ؟؟ الخيانة خيانة سواء كانت من صديق او من حبيب بس بظن خيانة الصديق اصعب لأنو غالبا بكون متل الخيال لصديقو وبيعرف كل اسرارو
ايمتى بيسقط الرجال بنظرك؟؟والمراة ايمتى بتسقط بنظرك ؟؟ بيسقط الرجل لما بيفقد معاني الرجولة والمرأة لما بتفقد معاني الانوثة شو رايك الحبيب لما يتئلك حب نعم اما زواج لا ؟؟؟ بحترم رأيو طبعا اذا كان كلامو منطقي , لأن في حالات صعب تتكلل بالزواج مثلا لو كان مسيحي وهي مسلمة , فبهي الحالة صعب كتير الزواج بس بالنهاية المشاعر الواحد مافينو يتخلى عنها أو يتحكم فيها اما اذا كان حب بس تسلاية وكزب فما بستحقر الشب الي هيك بيعمل
شو صفات اللي بتحب وجودها بشريكة حياتك؟؟؟؟؟؟ الاخلاق والدين , الكرم , الصدق . الوفاء , الحنان , الشهامه , ويكون رجل بمعنى الكلمة
مين اكتر عضو بتحبي اسمو؟؟؟؟؟؟؟ بيعجبني اسم ضجيج الصمت , واسم قطرة روح
شو رايك بالشب او بالبنت يلي بيفكر حالو شغلة كبيرة و هو ولا شي؟؟؟؟؟؟؟ اكلين بحالون مقلب , صحه وهنا
بما انو موضوع اسئلة فخدي مني كم سؤال
طبعا يحق لك عدم الاجابة على ثلاث اسئلة فقط
( شفتي الديمقراطية )
ديمقراطية لأبعد حد
مفهوم الحريه بالنسبة لـ stella
الحرية شي حلو كتير , بس لازم يكون في إلها ضوابط و حدود ولازم نراعي حرية الاخرين بالنظر لحريتنا الشخصية
ماهو الجمال بنظر stella من اولها اسئلة مكررة جاوبت على هالسؤال قبل
ماذا تفعل stella اذا غضبت كمان هاد جاوبت عليه
من هو عدو stella الحمد لله ما عندي اعداء
أيهما أرحم يا stella
جنة الغربه أم جحيم الوطن طبعا جنة الغربة أرحم بس هاد ما بيعني انو الغربة مو صعبه حتى لو كانت جنة
هل تتنازل stella عن حلمها؟؟ ممكن الأيام تجرب الانسان يتنازل بس بيضل الحلم حلم والا ما يجي والانسان يفكر من جديد ليحققو
هل وجدت stella صديق حياتها اذا بتقصد صديق من الشباب فأنا بقلك لقيت أخوة بيجننو أما من الصبايا الحمد لله لقيت صديقات رائعات بمعنى الكلمة
أيهما أفضـل ....أصدقاء الانترنت أم أصدقاء الواقع ؟ الصداقة ما بتقتصر على طريقة معينة بس بتضل صداقة الواقع إلها وقع أكبر وأعمق وممكن بعض صداقات النت تكون مزيفة كيف تكونين رأيك فى انسان على النت من التعامل معو , وطبعا الايام كفيلة تبين إذا كان هالشخص منيح أو لا كم هي نسبة الخيال والحلم عندك الخيال 70% الحلم 30%
ماهو اليوم الاسعد في حياتك والله ماني متذكرة حاليا
ماهو اليوم الاسوء في حياتك؟ يوم توفى خالي الله يرحمو
احلى شيء فينـا كـ بشر برأيك أنو عندنا عقل
حياتك بالنسبة الك قول أم فعل أغلبها قول
متى يسقط الشخص من عينك لما بيكذب وبيتخلى عن صفاتو الانسانية
لا أسمع لا أرى لا أتكلم ,,,, متى تطبقين هذه المقوله ؟ لما بشوف حدا عم ياكل بهدلة
ايهما اجمل في المراه قوة شخصيتها ام انوثتها أنوثتها بكل تأكيد بجملة واحدة فقط أكتبي تعريفاً لكل كلمة من الكلمات التالية :
الوطن : حلم أي مغترب الليل : هدوء النفس و رومنسية المشاعر
الصمت : أبلغ وسيلة لمن يتقنها
المرأة : نصف المجتمع المكمل للأخر الإنترنت : سلاح ذو حدين
الرجل : سند المرأة الماسنجر : وسيلة تواصل جميلة القهوة : عشقي الأبدي يوم العطله: يوم من أيام الاسبوع
أي سؤال يحرج stella بعض الاسئلة الشخصية أي سؤال يأثر فيكي اي سؤال في احساس ومشاعر بأثر فيني
ما هي الصفات التي تحبيها في حواء أنها كريمة في العطاء , رقيقة في التعامل
ما هي الصفات التي تكرهيها في حواء الأنانية , والغيرة الزائدة , الاسترجال
ما هي الصفات التي تحبيها في ادم الشهامة , الرجولة
ما هي الصفات التي تكرهيها في ادم التحكم الزائد عن حدو بحواء , البخل
هل تجدين فائدة من تواجدك في هذا المنتدى اكيد الحمد لله
خلافك مع العضو هل يجعلك تتجاهلين مواضيعه ..؟ يمكن بأول الخلاف اتحاشاه , بس بعدين بتصرف عادي
لو كانت حياتك قصة فماذا سيكون العنوان؟؟ جنون الحلم
فقط في كلمتين ( مع - ضـد )
* تعدد الزوجات: ضد
* الزواج المبكر: ضد
* الوثوق بالناس: ضدالوثوق بناس اول مرة بشوفن او تعاملي معاهون قليل
* حقوق المرأه : مع
* الثقه الزائده بالنفس : ضد, الثقة الزايدة ممكن تتحول لغرور
* مقوله : الغايه تبرر الوسيله : ضد
عندما تفكرين في تكوين صداقة مع شخص ما تعتمدين على
طبعا نسبة مئوية لكل صفة
1- الشخصية 30%
2-الجمال 5%
3- الثراء 0%
4-الاخلاق 60%
5-اسلوب الحوار 40%
6-المستوى التعليمي 20% 7-اسلوب الحياة 20%
8-تقبله لك رغم اخطائك 30% 9-عدم ذكره لعيوبك 40%
عندما تفتح التلفاز ما اول قناة تغير المحطة لتراها mbc2 & mbc action
ما هو أجمل بيت شعر مر عليك ؟ كلماتنا في الحب تقتل حبنا ... إن الحروف تموت حين تقال
بيت شعر تهديه لشخص معين
كأن فؤادي ليس يبري غليلة ... سوى أن ترى الروحان تمتزجان
بهدي لكل شخص غالي على قلبي وبعيد عني ايهما اجمل قلب يحبك ام عين تحترمك؟؟؟ التنين حلوين والاحلا يجتمعو بشخص واحد , بس طبعا الاحترام الو اولوية
اول شخص يخطر ببالك في وحدتك؟؟؟ المشكلة قليل ما اقعد لحالي , بس في كتير اشخاص بيخطروا على بالي وغالبا بيكون غاليين جدا لو طلبوا منك اهداء هدية لاحد الاعضاء فمن ستختار؟ وما هي الهدية ؟ باقة ورد , بهديها للكل , لأنو الكل غاليين عليّ
لو طلبوا منك عمل لقاء مطوّل مع أحد الأعضاء ... فمن ستختارين؟ بختار غابي , بدي انتقم منك على قصر هالاسئلة
واخر سؤال اتمنى من الله ان يديم عليك الخير والسعادة
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
.gif "ملاك :28:")
.gif "مو أنــــا :Albilsan (155):")
.gif "بيجووز :Albilsan (70):")
.gif "وردة وردة*")
.gif)
