مكالمة مجهول غيرت حياتي ( أول رواية من تأليفي)

[► Mr.Rami ◄]

أنا زعلت من زينة
​

 

[آلبتول]

أنا زعلت من زينة
​

رامي لا تدمنج بالروايه كثير
القصه مو حقيقه
​

 

[STELLA]

يااااااااااا لطييييييييف شي راائع والله ... جد كتير انشديت لقصة هالشباب

يعني وكأني أنا واحد منهن الله يعطيكي العافية ..
ستيلا هذا ابداع حقيقي ونحنا معك للنهاية

الله يقويكي .. بس خفي شوي عن قصي حرااام ​

هلا ضجيج الصمت

مرورك بيسعدني كتير وتعبيرك عن رأيك كمان كتير حلو

بس بصراحع ما توقعت هالتعاطف الكبير مع قصي

الكل مع قصي واقف .. وصار ضدد زينة

يعني زينة كمان موقفها مو سهل وصعب كتير

بتمنى انك تتابع الرواية للأخر

لأنو استمرارك بالمتابعه بيسعدني ​

 

[STELLA]

الله عليك يا أم السوس

إي شو هالمخ هاد !!!! والله تمااااام
بس الله يسامحها زينة كان لازم أول شي تسأل قصي عن
رقم موبايله لحتى تتأكد أنه هو
بلككي كان واحد من هالشباب البايخين وحابب يتسآل عليها

على كل ناطرتك أوعك تتأخري هااا والله بزعل منك ومن زينة
وقليلها أنه تحكم عقلها شوي​

أهلين سيمووو نورتي

بس هي ما سألتو عن رقم موبايلو لأنو كانت نفسيتها متخبطه بين الأي واللأ

يعني كمان هي موقفها مو سهل .... حرقة الأعصاب الي كانت عم تحترقها مو سهله بنوب

وصعبه انو البنت هي الي تسأل الشب عن رقم موبايلو .. :10:

ع كل تابعو الأحداث لنشوف اذا قصي هو صاحب المسجات ولا متل ما قالت كول كات شخص تاني

​

 

[STELLA]

​

أنا زعلت من زينة ​

له له

إلا زعل رامي

لح خبرها وأتصل عليها مشان تجي تراضيك :19:

ما بصير تزعل ​

 

[STELLA]

رامي لا تدمنج بالروايه كثير
القصه مو حقيقه ​

فطوم خليه انا هاد يلي بدي اياه انو يندمجوا بالرواية

وكأنو صايرة فعلا

نورتي ياا قمر ​

 

[آلبتول]

ويلا وانا كمان مندمجه

​

 

[♥ jasmine rose ♥]

سوس مابحب الفراق أنا ليش بعدو عن بعض
بس عن جد حلوة كتير كتير مكتبوبة بطريقة رائعة
يلا ناطرين الكمالة سوس
​

 

[STELLA]

ويلا وانا كمان مندمجه ​

​

 

[STELLA]

سوس مابحب الفراق أنا ليش بعدو عن بعض

بس عن جد حلوة كتير كتير مكتبوبة بطريقة رائعة
يلا ناطرين الكمالة سوس ​

تؤبشيني انتي .. انطري التكملة وشوفي شو لح يصير لقدام

نورتي عيوني ​

 

[STELLA]

هون زينة بتفتح عيونها .. أنو مدبر الموضوع كتير منيح .. هلئ عرفت كيف بدو يمر عليي الساعه 12 بحركه سريعه بتطالع موبايلها من الشنته وبتفتح ع الرساله .. بكون قصي مشي شوي وصار على بعد متر ونص بعيد عن الشله وئت بيوقفو صوت زينة الحازم ... قصي استنى شوي ..وقف قصي .. بهي اللحظة مشيت لعندو زينة .. طبعا كل الشله صار انتباهون مركز على زينة وقصي .. زينة بتأرجيه الموبايل .. وبتئلو على هاد الموعد رايح ؟؟؟ فعلا انك واحد حقير وما بتستحي .. شو بدك اكتر من هيك تطنيش ؟؟ شو بدك أكتر من هيك تجاهل ؟؟ لك شو شو شو ؟؟ خليتني بعد عن رفقاتي بسببك ورغم كل هاد لساك مصر على مسجاتك ... بترضى هالشي يصير لأختك ؟؟؟ هي اذا كنت اصلا مهتم بأختك .. واحد هيك بفكر ببنات الناس مستحيل يفكر بالخير لخواتوا ... احكي .. ما تحكي ليش ساكت ؟؟ ولا ما عندك شي تبرر فيه موقفك ؟؟؟
قصي كانت مصدوم لدرجه أنو حس لسانو مشكول وما عاد فيه يحكي ولا أي كلمة لما شاف المسج وشاف الحكي المكتوب فيه .. ولما سمع اتهامات زينة الو حس بأنو النقاط بلشت تنحط على الحروف ... وبلشت الصورة تتوضح ئدامو .. وبلش يعرف شو سبب رفض زينة الو بهي الطريقة القاسية ..
تدخل جهاد وئال : ممكن أفهم شو يلي عم يصير ؟؟؟
زينة : والله يا جهاد يمكن أنت بتعرف شو عم يصير .. ويمكن ما بتعرف .. بس صديقك المحترم ساكت .. خلي يحكي
جهاد : قصي شو القصة ؟؟ لك احكي شبك ساكت
زينة : لما يكون عندو حكي يحكيه .. هديك الساعه بيحكي .. لا تنطر تبرير من واحد متل قصي
وقبل ما يحكي جهاد .. قالت زينة : أنا لح خبركم بالقصة كامله ولح أرجيكن هالأنسان على حقيقتو .. ولح خلي المخدوعين فيه يبطلوا مخدوعين ..
بيقاطعها صوت قصي الهادي وهو عم يقول : زينة .. خلص بكفي
زينة : بكفي ؟؟؟؟؟ لا ما حزرت وحياة الله ما لح اسكت الا لما يرجعلي حقي من الحكي الي حكيتو .. وما بقبل باقل من اعتزار قدام كل الجامعه
قصي : زينة عم ئلك بكفي ... وطي صوتك وخلينا نتفاهم
زينة : حكى بدري .. على شو بدك تنفاهم ؟؟ ع السعر ؟؟ ولا ع المكان ؟؟ انت واحد حقير حاج بقى .. طلاع من تياب الملايكة .. وخلي العالم تعرفك انك ابليس
هون عصب قصي ومسكتلها ايديا بعصبيه وئال : لك يا مجنونة مو أنا الي باعت هاد المسج .. مو انا عم تفهمي عليي ولا صرخ بصوت اعلى وخبر الكل انو مو انا
انصدمت زينة من تصرف قصي .. ونترت ايدها منو بالقوة .. وئالتلو : لكن لوين بدك تروح كنت ؟؟؟ هات لشوف أثبت برائتك
قصي بنفس العصبية : كنت رايح ع الدكتور .. في تحاليل لبابا بدي روح جيبهم .. عطيكي ورقة الموعد ولا مافي داعي ؟؟؟
زينة : مين الي بعت هاد المسج لكن ؟؟؟
قصي : وانا شو بعرفني .. خلينا نروح ع البوابه لنعرف مين المعجب
زينة : طيب وأنا موافقه اذا ما أجى حدا بتكون أنت صاحب المسج
قصي : يا الله ... هالبنت جنت عم ئلك مو انا يعني مو انا
مجد : يا جماعه حدا يفهمنا شو القصة ؟؟؟
يزن : صرلكون ساعه عن تتعاطيوا بس ما فهمتونا شي... شبكم ؟؟؟
حكت القصة زينة بشكل سريع واتفقوا انو زينة بس الي بتوقف عند البوابة مشان الي بدو يجي ما يتراجع وئت يشوف معاها رفقاتها .. طبعا الكل صار عندو حماس ليعرفوا مين هالشخص المجهول .. طلعت زينة .. وع الساعه 12 ما بتشوف الا صوت بيجيها .. زينة زينة
بتلتفت عليه .. بيتمالكها الرعب ..بترد عيله بصوت عادي : عفوا ناديتني ؟؟
المجهول : أي زينة يلا مابدك تمشي ؟؟ صرلي زمان عم احلم بهاليوم
زينة : لوين بدي امشي ؟؟
المجهول : ع الشقة لا يكون ما وصلك المسج ؟؟
زينة ما عاد تعرف شو تتصرف ... بس حاولت تستجمع قوتها وترد عليه .. أنو مسج ؟؟
المجهول : زينة أنا متأكد أنو وصلك يلا خلينا نمشي
زينة : ما عم أفهم عليك يمكن ملخبط بيني وبين حدا تاني
المجهول بدأ صبرو يبنفد .. قرب على زينة وقلها يلا نمشي وهو عم يمسكها من ايدها بقوة .. بهي اللحظة زينة بتصرخ عليه .. وبتئلو تركني تركني مابدي روح معك .. وصارت تحاول تفلت ايدها منو .. وهو عم يحاول انو يشدها بالغصب والقوة .. بيجي قصي بهي اللحظة وبقية الشلة مشان يبعدو هالشخص المجهول عن زينة .. بيتدخل قصي ويزن ومجد وعلاء وجهاد عم يحاولوا يهدوا الوضع .. بيصير قصي بين زينة والشخص المجهول وهو عم يحاول يفكها منو .. الشخص المجهول حامل موس بيجيبو .. بيطالعو بحركه سريعه بدون ما حدا ينتبه عليه ويبغرزو بكتف قصي اليسار .. قريب من القلب .. وبيحاول انو يهرب ويركض .. بس بتكون أيدين الشباب أسرع من خطواتو وبيمسكوه .. بهي اللحظة قصي وقع ع الأرض وصار ينزف .. وكانت واقفه حدو زينة مصدومة وعم تبكي .. نزلت ئعدت حدو بالارض وحطت راسو على رجليها وصارت تبكي عليه .. وهي عم تبكي ..صارت تئلو ( قصي .. قصي .. مشان الله لا تموت .. قصي أنا أسفة .. قصي .. قصي ....... ) وخنتق صوتها مع البكي .. اتصلوا ع الاسعاف وع الشرطة مشان يمسكوا المجهول .. اجت الأسعاف وحملوا قصي مشان ياخدوه ع المشفى .. زينة كانت بدها تطلع معو .. بس جهاد ما خلها .. وطلع هو معو ... زينة انهارت كليا بعد الشي الي صار معها .. ما عاد تجمع بين الاشياء الي صارت معها حاولت تركز .. وتسترجع الأحداث الي صارت خلال الستة شهور الي مرقوا .. والصدف الي صارت بينها وبين قصي والشخص المجهول الي تدخل هو كمان بحياتها بطريقة بشعه ... اخدتها سمر ع البيت .. وحاولت انها تهديها .. بس كانت زينة مصره أنها تروح لعند قصي ع المشفى .. وعدتها سمر اذا بتنام وبترتاح تاخدها المسى ع المشفى لأنو كانت حالت زينة بالويل .. وبحاجه كبيرة للراحه .. لئحتها سمر ع التخت وضفت الضو وطلعت لبرى .. على أمل أنو زينة تنام وتهدى أعصابها .. زينة ما قدرت تنام وهي عم تفكر بقصي وكيف ظلمتو .. وظنت فيه ظن مو حلو .. وكل ما تتزكر الي صار لقصي بسببها تبكي وتبكي .. بعد طول تفكير وطول بكي غفيت زينة ودموعها ملية وشها ..

صارت الساعه سبعه المسا .. ئامت زينة مفجوعه من نومها وعم تصرخ وتبكي .. بتدخل سمر لعندها بسرعه ..
سمر : زينة شبكي حبيبتي ؟؟؟
زينة وهي عم تبكي : قصي بدي روح شوف قصي
سمر: حاج تبكي .. والله قطعتيلي قلبي ... شبك ؟؟
زينة وازداد بكاها : شفت منام مرعب كتير كتير ..
حضنتها سمر .. وصارت زينة تبكي بحضن سمر .. كانت محتاجه هي الضمه بهالوقت .. بعد شوي هديت زينة .. ئامت غسلت وشها وغيرت اوعيها وراحت هي وسمر على المشفى ... بتدخل ع المشفى ولا بتلاقي الشباب موجودين .. بتطمنوا زينة وسمر عن قصي بشكل عام .. أنو الحمد لله الطعنه ما اجت بقلبو .. اجت فوق القلب بشوي .. بس كانت حالتو خطرة وحاطين بالعناية المركزة اربعه وعشرين ساعه مشان بتطمنوا الدكاترة أكتر على صحتو ..
زينة : بدي فوت شوف قصي .. بدي اتطمن عليه
جهاد بعصبيه : أنتي بالذات مافي تدخلي ... بكفيه الي صرلو بسببك .. وبسبب حبو الك
زينة بغصه : جهاد مشان الله بدي اتطمن عليه بس
جهاد بحده : هي طمناكي نحنا .. اصلا هو مو بحاجه انو يشوفك .. روحي من هون زينة
زينة : جهاد .. الله يوفقك خليني شوفو لأخر مرة بحياتي وبعدا ما عاد شوفو
جهاد : زينة الله يرضى عليكي روحي من هون .. ما لح خليكي تدخلي لو شو ما صار
طلعت زينة من المشفى ودموعها مليه عيونها .. صارت تمشي بالشوارع .. وتتزكر موقفها مع قصي ..من اول مرة بتشوفو لليوم ... لما شافتو بالكافتيرا ولما سلم عليها بالجامعه .. ووئت راحوا ع الرحلة ... ووئت ائعدو ع الصخرة .. ووئت ضمتوا بالغلط .. ووئت صرخت بوشو كل هالاشياء تزكرتها وهي عم تمشي .. بتمر من حدا سيارة بتوقف ع الاشارة حاطين غنية لعامر منيب .. أسمها من غير لقاك ( من غير لقاك .. الحياة مش حياة .. هي تحلالي الحياة غير معاك .. وأنا أعلم ايه .. يعني ايه لازم انسى والي طب ما قدرش ينسى يعمل ايه ... على طول في بالي ولا بنساك بئول انني حلاقاك وراجع مع الايام .. واكيد حلومك ولومي يزيد حتزعل حبيبي أكيد حصالحك بأحلا كلام .......... )



​

يتبــــــــــــــــــــــــــــــــــــــع​

 

[STELLA]

بتئول بينها وبين حالها يا الله اديه وجود قصي بحياتي كان حلو رغم أنو مؤلم ... بس حسيت معو بشعور حلو ببعض أوقات .. وسببتلو اذى كبير بنفس الوقت .. خلص انا لازم ابعد عن حياتو .. بالفترة الي كان هو بدو اياني تركتو .. ويمكن هلئ هو بعد الشي الي صار ما يعود يحب وجودي بحياتو وخاصه اني مو بس سببتلو اذى .. كمان اهنتو بالحكي .. لك آآآآآآآآآآآآه من هيك زمن ... آآآآآآآه من هيك قدر ياريتني ما كنت بعرفك يا قصي وياريتني ما شفتك بحياتي .. قصي .. بعرف أني عم بحكي حالي .. بس حابه أعترف حتى لو بيني وبين حالي أني حبيتك ... حبيتك عنجد .... بتمنى تسامحني
تاني يوم بيتصل المغفر على موبايل زينة .. مشان تروح تشوف الشخص الي كان عم يدايقها بالمسجات .. بتروح ع المغفر هي ويزن .. بخبرها الشرطي أنو هاد شب اسمو مرعي .. اتصل عليها مرة من باب التسليه فعجبوا صوتها وحب يضل وراها حتى يتعرف عليها .. ولما زينة طنشت الموضوع وما عطتو وش زاد اصرارو انو يشوف هالبنت مين بتكون وليش هيك مغرورة .. عندو صديق بيشتغل بالهاتف .. عطاه الرقم وطالعلو اسم صاحبة الرقم .. وبلش يتابع تحركاتها وين بتروح ووين بتجي .. وعرف بعض الأشياء عنها .. وضل يبعتلها مسجات لليوم الي قرر فيه انو يتقابل معاها وهو محسب أنو ما لح ترفضو وصار الي صار مع قصي وئت حاول انو يبعدو عنها ... بيحكمو عليه بالسجن سنة ونص بسبب التعدي بالضرب على قصي ..
ومن وقتها لا زينة شافت قصي ولا قصي شاف زينة ... مضيت الأيام وخلصت السنة .. وصار الصيف ..قصي تحسنت حالتو من بعد أول شهر من الأصابه .. وسحب وراقو من الجامعه وسافر يكمل دراسة برى .. ما حب يضل بوش زينة .. لانو بيعرف انو وجودو صعب عليها وعليه .. فقرر أنو يسافر يكمل دراسة برى أحسن حل الو والها .. هو نجرح منها جرح كبير .. وعرفان أنو صعب عليها الموقف وصعب عليها الي صرلها .. فمشان لا ينحط أي واحد منون بموقف حرج قرر أنو يبعد ... صارت الصيفية .. وصارت وقت روجعو لعند اهلو مشان يقضي معون العلطه ..
كانت زينة كل أسبوع تكتب رسائل لقصي .. رغم هي ما بتعرف أي شي عنو وما كان عندها الجرأة أنو تسأل حدا عنو .. خاصه صديقو المقرب جهاد .. كل ما بتتزكر موقفو بالمشفى .. بتتراجع كتير عن أي فكره بأنو تسأل جهاد عن قصي .. لح أعرضلكم بعض من رسائل زينة لقصي .. لحتى نعرف كيف كانت عم تشعر وكيف كانت عم تحس بهداك الوقت ...​

الرسالة الأولى ​

قصي .. أيها الرجل الذي كتسح كياني رغما عني .. الرجل الذي كنت أتوارى من أمامه خوفا من أن يسرق قلبي .. رغم ذلك سرقته .. وسرقتني .. لماذا القدر جمعني بك بهذه الطريقة ؟؟ ولماذا فرقني عنك بهذه الطريقة ؟؟ ليتنا نستطيع ان نختار جزءا من قدرنا .. لست أطلب بأختيار قدري كامل .. لكني أتمنى لو أني أستطيع أن اختار جزءا منه .. لكنت أخترت أفضل جزء .. هو الجزء الذي نتقابل به أنا وأنت .. أقدارنا يا عزيزي مجهولة و هذا ما يجعلني اخافها و أخافها بشده ..
أعذرني لأني أحاول الكتابه لك .. لكني حقا محتاجه لبوحي محتاجه لأن أعترف لك حتى لو عبر الورق .. وأنا كلي يقين بأنك لن ترى أوراقي ...​

زينة ​

الرسالة الثانية ​

يا صاحب العيون الجميلة ... اليوم تزكرت عندما عالجت قدمي .. كيف أني كنت أتأمل ملامحك القوية .. الجذابة .. كيف أني لم أشعر بأي ألم وأنا بين يديك .. آه لو تعرف ماذا يوجد بين طيات هذا القلب .. آه لو تعرف فقط كم أنا محتاجه لأن ألمح طيفك حتى لو من بعيد .. محتاجة أنا لك .. محتاجه لقربي منك .. لكن لا أظن أن من حقي أن أطلب شيئا .. أو أقول شيئا .. فبعد جرحي لك أنا متأكدة بأنك لن تقبلني في حياتك إلا مجرد ذكرى مؤلمة عبرت ولا تريدها أن تعود ...​

زينة ​

الرسالة الثالثة ​

حبيبي ... ما عدت أحتمل غيابك عن عالمي .. ولا أظن أني سأحتمل أكثر من ذلك .. ربما لن تسمح لي بأن ان أناديك حبيبي .. لكني أحببتك وها أنا أعترف وأدون اعترافاتي .. ليت الأيام تعود قليلا .. لأطلب منك السماح .. كنت أريد أن أعتذر لك عن سوء ظني بك وعن تسببي بأذيتك .. لكنهم لم يسمحوا لي حتى برؤيتك لو من بعيد .. منعوني .. لأني كنت سببا في عذابك .. أرجوك أرجوك سامحني فأنا أحبك أحبك أحبك ...
أعلم يا قصي .. نحن البشر لا نحب سوا من لا نستطيع أن نحصل عليهم ... أقدرانا دوما تمنعنا عن الأشياء الذي نحبها والتي نريدها وتفرض علينا كل ما نكره .. ​

زينة ​

صحيت زينة من النوم وهي مفجوعه من المنام الي شافتوا ... (شافت أنو الصخرة الي كانت ئاعده عليها هي وقصي .. ئاعد عليها قصي لوحدو .. وهو ئاعد عم ينطرها بيجي رعد قوي وبيضرب الصخرة وبيموت قصي ...).. بتحمل حالها وبتروح ع المكان الي اجتمع فيه هي وقصي بتوصل ع الساعه ستة الصبح .. ويادوب الضو عم يطلع .. بتمشي والخوف والرعب مسيطر على عقلها ... وقلبها عم يدق بسرعه ... بتوصل لعند الصخرة .. بتلاقي الصخرة سليمة .. بتتنهد نتهيده أرتياح وبتحمد ربها أنو حلمها ما تحقق .. بتطلع ع الصخرة وبتئعد وبتحسس المكان الي كان ئاعد عليه قصي .. بتئول ياريت ترجع تئعد هون حدي .. بتئعد بتتأمل البحر والموج .. بتجيها نسمة هوا باردة محمله بصوت فيروز ( بعدك على بالي .. يا قمر الحلوين يا سهر بتشرين يادهب الغالي .. بعدك على بالي يا حلو يا مغرور يا حبئ ومنتور على سطح العالي ...) بيناديها من بين صوت فيروز صوت حنون ... زينة ... بتلتفت زينة على مصدر الصوت .. بتنصدم وبتتبلكم بتلاقي قصي قدامها .. تمنت بهديك اللحظة أنو تركض لعندو تضمو .. تئلو سامحني .. تعترف أنها بتحبو .. بس ما كان عندها الشجاعه انو تعمل كل هدول بعد ما جرحتو هالجرح الكبير ... بيقرب قصي ناح زينة .. بقلها : صباح الخير زينة
زينة : صباح النور قصي ... كيفك ؟
قصي : أنا منيح .. أنتي كيفك ؟؟
زينة : الحمد لله ..
زينة : قصي ..............
قصي : نعم زينة ؟
زينة : قصي أنا بدي أعتزر منك ع الشي الي صار
قصي : زينة أنسي ...
زينة : كيف بدي أنسى ؟؟؟
قصي : الي راح راح
زينة : صح الي راح راح ... بس راح من عمرنا .. وأخد معو كتير أشيا ... قصي شو عرفك اني هون ؟
قصي : بصراحه ما كنت بعرف أنك هون
زينة : آه .. أسفه على سؤالي
قصي : ولا يهمك .. حابب قلك شي ئبل ما امشي ...
هون زينة حست حالها اختنقت .. لسى ما لحقت تشوف قصي بعد غياب .. وبدو يمشي قبل ما تعترفلو بحبها .. بس ئالت بينها وبين حالها أصلا يمكن هو كرهني بعد الموقف الي صار
زينة : تفضل قصي
قصي : حابب قلك أني أنا مو متل الصفات الي ئلتيلي اياها هداك اليوم بالجامعه .. وئت ارجيتيني المسج .. وحابب قلك كمان أنو صح زعلت كتير وانجرحت منها بس ما بنكر أنو احلا أيام قضيتها بحياتي هي الأيام الي كنتي معي فيها ... زينة من قلبي بتمنالك حياة حلوة .. عن اذنك
زينة ودموعها عم تنزل على خدودها : قصي استنى شوي ...
قصي : نفس العبارة الي قلتليها من كم شهر هلئ عم تقليلي اياها ... عجب لو نطرت لأسمع شو بدك تئولي .. هل يا ترى لح تخبريني نفس الحكي الي خبرتيني اياه هداك اليوم .. ولح تبلشي مسبات ؟؟
زينة : قصي بدي قلك أنا
قصي : شو ؟
زينة : أنا ...
قصي : زينة ؟
زينة : أنا أسفة عن كل كلمة قلتلك اياها ..
كانت زينة بدها تقلو أنا بحبك .. بس كل ما تجي تقولها .. تحس انو قصي بطل يحبها ..
قصي : زينة ياريت كلمة أسفة بتمسح الجروح
زينة : قصي بكفي طول هديك المده عم أتعذب .. بدي أعتزر منك بس ما كنت لاقيك .. وكنت خايفه من هي اللحظة .. أنها تجي وما تقبل أعتذاري
قصي : بعتقد صار لازم أمشي .. انتبهي لحالك
زينة وهي عم تبكي وما عاد فيها تسكت أكتر من هيك : طيب شو أعمل أنا قلي كرمال الله قلي .. شو اعمل اذا هيك كان قدرنا .. وهيك كانت الصدفة .. أنو واحد يلعب بحياتي بالوقت الي أنت بتطلع فيه كمان ... كانت كل المؤشرات عليك وكل شي بيدل أنك أنت
قصي : زينة أنا مو متدايق من القدر .. خلص عم ئلك انسي
زينة : كيف فيني أنسى .. قلبلي حياتي فوقاني تحتاني .. وخلاني أخسرك
قصي :أنتي ما خسرتيني أنا الي بعدت كرمالك
زينة : كرمالي أنا ؟؟؟
قصي : أي كرمالك .. بعرف أنو الموقف صعب عليكي وصعب تبرريه .. لهيك بعدت
زينة : طيب شو الي جابك هلئ ..؟؟ هاد اليوم بالذات ؟؟
قصي : شفت منام عن هالمكان لهيك اجيت ولا بالصدفة بلاقيكي هون
زينة : شو شفت ؟؟
قصي : ليش ؟؟
زينة : لأنو سبب جيتي لهون أنا كمان منام .. خبرني شو شفت ؟
قصي : شفتك ئاعده ع الصخرة وفجأة بيجي رعد وبيصيب الصخرة وبتنكسر
زينة : يا الله يا قصي مو معقول
قصي : شوفي ؟؟
زينة : نفس المنام الي انا شفتو .. بس انا شفتك انت
قصي : جد عم تحكي ؟
زينة : والله والله هيك شفت .. شو تفسير هالصدفة هي ؟؟
قصي : يمكن مشان يجمعنا القدر مرة تانية .. بالمكان الي اجتمعنا فيه مرة اولى
زينة : قصي تعال نئعد ع الصخرة
ئعد قصي حد زينة ع الصخرة .. وتركو الموج يخبط بالصخرة ويطش عليون .. بتسند زينة راسها على كتف قصي .. وبتمسك ايدو .. بتئلو قصي حابه قلك شي ..
قصي : قولي عم اسمعك
حمر وشها لزينة وحاولت أنها ما تطلع بوش قصي .. بس قصي مد ايدو التانية وحطها بسفل دئنها ورفع وشها .. صارت عيون زينة مقابيل عيون قصي .. ئلها قصي بصوت خفيف .. شو زينة مابدك تحكي ؟؟ نزلت زينة نظراتها لتحت من الخجل ..بعدين رفعتون .. وئالت قصي أنا ب ح ب ك
قصي بدون شعور منو ئلها عديها .. رجعت ئالتلو بحبك ... بحبك .. بحبك
وخبت وشها بكتف قصي .. ضمها قصي بكل حنيه وئلها انا كمان بحبك يا زينة .. إن شاء الله ما بفرقنا الا الموت ​

النهايـــــــــــــــــــــــــــــــــة ​

 

[STELLA]

بتمنى تعجبكم الرواية ​

والي عندو أي ملاحظة أو أي نقد أنا بنتظار أرائكم .. بيسعدني تعطوني نقد او ملاحظة على تجربتي الأولى ...​

وأنا عجلت بتنزيل الأجزاء لأنو رامي من أحد المتابعين وكان حابب تخلص الرواية قبل ما يروح ع الجيش .. لهيك ضغطت على حالي ونزلت البقية بأجزاء اطول ​

بتشكر كل الي تابعوا الرواية وعلقوا عليها وكل الي مروا قراؤها ومشيوا بدون تعليق ​

ودي لقلوبكم الطاهرة ​

​

 

[Pure Feelings]

ئعد قصي حد زينة ع الصخرة .. وتركو الموج يخبط بالصخرة ويطش عليون .. بتسند زينة راسها على كتف قصي .. وبتمسك ايدو .. بتئلو قصي حابه قلك شي ..
قصي : قولي عم اسمعك
حمر وشها لزينة وحاولت أنها ما تطلع بوش قصي .. بس قصي مد ايدو التانية وحطها بسفل دئنها ورفع وشها .. صارت عيون زينة مقابيل عيون قصي .. ئلها قصي بصوت خفيف .. شو زينة مابدك تحكي ؟؟ نزلت زينة نظراتها لتحت من الخجل ..بعدين رفعتون .. وئالت قصي أنا ب ح ب ك
قصي بدون شعور منو ئلها عديها .. رجعت ئالتلو بحبك ... بحبك .. بحبك
وخبت وشها بكتف قصي .. ضمها قصي بكل حنيه وئلها انا كمان بحبك يا زينة .. إن شاء الله ما بفرقنا الا الموت





:10::10::10::10::10:

يالله ما احلاهون
كتير حلو الحب البريئ
عنجد حلو
شوقتيني قوت الجامعة
بركي الله بيجمعني بواحد متل قصي بيجنن هيك
:10::10::10::10::10: برومنسيتو وحنيتو

 

[جمانة]

:10::10::10::10::10::10:

ولي على قلبي انا
صار يدق وانا عم بقرا
يؤبشني الحب

:10::10::10:

بتجنن الرواية بتجنن

:10::10::10::10::10:​

 

[CoOoL CaAaT]

زينة : حكى بدري .. على شو بدك تنفاهم ؟؟ ع السعر ؟؟ ولا ع المكان ؟؟ انت واحد حقير حاج بقى .. طلاع من تياب الملايكة .. وخلي العالم تعرفك انك ابليس

لك ليه حكت هيك معو والله ما بيستاهل قصي

هون عصب قصي ومسكتلها ايديا بعصبيه وئال : لك يا مجنونة مو أنا الي باعت هاد المسج .. مو انا عم تفهمي عليي ولا صرخ بصوت اعلى وخبر الكل انو مو انا

شفتي شلون انو توقعاتي كانت صح ستيلا وانو قصي اكابر وما بيتصرف هيك تصرفات وما بيعمل هيك شي :10: :10:

ئعد قصي حد زينة ع الصخرة .. وتركو الموج يخبط بالصخرة ويطش عليون .. بتسند زينة راسها على كتف قصي .. وبتمسك ايدو :10: .. بتئلو قصي حابه قلك شي ..
قصي : قولي عم اسمعك
حمر وشها لزينة وحاولت أنها ما تطلع بوش قصي .. بس قصي مد ايدو التانية وحطها بسفل دئنها ورفع وشها .. صارت عيون زينة مقابيل عيون قصي . . ئلها قصي بصوت خفيف .. شو زينة مابدك تحكي ؟؟ نزلت زينة نظراتها لتحت من الخجل ..بعدين رفعتون .. وئالت قصي أنا ب ح ب ك
قصي بدون شعور منو ئلها عديها .. رجعت ئالتلو بحبك ... بحبك .. بحبك
وخبت وشها بكتف قصي .. ضمها قصي بكل حنيه وئلها انا كمان بحبك يا زينة .. إن شاء الله ما بفرقنا الا الموت​

اي شو هالنهاية الرومنسية ولي على ئلبي
البداية كانت بتجنن والنهاية بتدوخ وبتجنن
يسلمو ايديكي يا ئمر على هالابداع وانا من جهتي ما في اي ملاحظة ابدا بالعكس اندمجت كتير بالرواية وكنت عم اتخيل الشخصيات على الواقع واندمج معن كانو القصة حقيقية

عم استنى جديدك واكيد رح يكون حلو ورائع متل هالرواية

تجياتي يا مبدعة






​

​

 

[ضجيج الصمت]

والله أشعر بدني ؟؟؟ عن جد ..!

جد حلووووووووووه كتييير الله يقويكي ويعطيكي العافية
ستيلا انتي مبدعة .. اذا أول رواية هيك كيف الباقي
ترابط حلو وأفكار رائعة وشخصيات لذيذة
التفاصيل الصغيرة يلي بتجيبيها عم تخلي القارئ يعيش
بنفس جو الرواية وهالشي بخلي الواحد بنشد غصب عنو
وطريقة التلاعب بالأعصاب كمان متقنة وجيدة

شكرا كتير ستيلا عيشتينا لحظات حلوه ولذيذة
الله يوفقك أحسنت والى الأمام يا بطلة

عم ننتظر جديدك ..؟ لا تطولي علينا
​

 

[سيمو ياسمين الشام]

والله أني بحبك وبموت فيك يا أم السوس
أنا ثلجت من هالحكي
أحلى سلام يوصلك يا أم السوس على هالكتابة الرائعة
تسلم إيديك عن جد
يعني ما بعرف شو بدي قلك .....فعلاً روعة
لك يسلملي مخك ما أحلاه.....
أنا هلأ انبسطت من زينة لأنها ساوت الشي الصح أخيرا
ياريت هيك قصص تصير بالحقيقة
ً
​

 

[Dark Heart]

شكرا كتتتتتتتييييييييير بتجنن
و يسلمووووووووووووووووووووووووووووووووو

 

[عكــ البيلسان ــيد]

ملاحظات أو نقد مفيش سيناريو رائع, ترابط الاحداث وحتى وصفك ببعض الاحيان للبس الشخصيات عطى واقعية للقصة وخلئ شعور للي عم يقرأ وكأنو الئصة صارت معو أو أدامو...وزاد هالشعور الكتابة بالعامية

كل شي . كل شي صار بلئصة أحلى من حلو بس كيف افترئوا وضاعو عن بعض وأديش احترئت زينة بنار ئوية كان وقودها عواطف ندم وشوق وحب وحتى حنين أنوجدوا بداخلها بلحظة وحدة وضلوا شاعلين بصدرها وزاد سعيرها المنام اللي شافتو لتهمد وتنطفي على كتف الشخص اللي عطى الروح لحياتها.

ستيلا انا ما لح هنيك باللي أبدعتيه بالعكس انا بدي هني حالي اني فرأت أول ابدعاتك
واروع مافيها النهاية
المميزة والمختلفة عن كل النهابات السعيدة اذا صح التعبير
لانو لوهلة حسيت كل الاحداث والمواقف الحلوة اللي صارت تكسرت على صخرة بشاطئ الزمانورح ينتهي كلشي ويموت الحب ئبل مايولد
لكنو الئدر اللي جمعهون أول مرة ئادر أنو يجمعهون وعلى نفس الصخرة كمان مرة
ليعيشو بفي الحب اللي ولد بيناتهون ويتنعمو بحلاوتو.

سيدتي : اسمحيلي أن أرفع لك القبعة إجلالا واكبارا لإبداعك وهذا والله لايسما لوصفي بما أشعر به فما كتبتيه قرأناه بقلوبنا لابعيوننا

اتمنى لكي ماتتمنيه لنفسك .

أخوكِ إن قبلتيني أخاَ