مكالمة مجهول غيرت حياتي ( أول رواية من تأليفي)

[STELLA]

وطلعت برى الغرفة وما بتشوف الا ايدك قصي من ورى بتمسك ايدها بقوة وبتدخلها على الغرفة وبيتسكر الباب .. بتوقف زينة ورى الباب وقدامها قصي .. عينها بعينو .. وقلبها عم يدق بسرعه من الخوف .. كانت نظرات قصي حازمة وباين عليه انو معصب .. زينة نظراتها كانت ثابته على قصي .. رغم انو عم ترجف من جوا ​

ولي على بعضي لك انا يلي وئف ئلبي عنها والله معاها حئ :10: ​

ئلها بصو ت حنون زينة عم تبكي ؟؟ زينة ما انتبهت انو هو قصي اجاها صوتو بصوت يزن .. ئامت بدون ما تطلع عليها ضمتو وصارت تبكي .. بكيت من قلبها .. لأول مرة بتحس حالها مخنوقة لهالدرجة بعد ما شافت قصي .. عم تصير معها شغلات أول مرة بتحس أنو بتصير .. انتبهت زينة لريحة العطر ... رفعت راسها ولا بتلاقي قصي .. بتبعد عنو بحركة سريعة .. وهي عم تمسح دموعها بتئلو ... مالي خبر انو هاد انت .. اسفه ​

اي حرام لانو فايتة بالحيط البنت مشان هيك ما انتبهت انو يلي ضمتو هو قصي ​

ستيلا عن جد يسلم ابداعك وتسلم ايديكي على هالقصة يلي بتجنن ومن كتر مو حلوين هالجزئين ئريتهن مرتين ومن كتر مو حلوة القصة تمنيت كون انا زينة :10: ​

وانا براييي نزلي القصة كلا دفعة وحدة من دون اجزاء لان ما رح يجينا صبر نشوفا اجزاء
​

مرة تانية بئلك يسلمو ايديكي يا مبدعة وانا بانتظار الكمالة على احر من الجمر ​

​

يخليلي قلبك كول كات انتي الي بتجنني وبتاخدي العقل

وان شاء الله ما بطول عليكم بالاجزاء .. صعبه اني نزلها دفعه وحدة

ببطل في اكشن بالموضوع مو صح ؟؟

ما يحرمني ربي من مرورك يا غالية

نورتي​

 

[STELLA]

دخل قصي لعند زينة ولا لقاها ئاعدة ع الشباك عم تطلع ع السما كيف الشمس دخلت بالبحر وما عاد مبين غير الشفق .. دئ ع الباب ودخل زينة ما لتفت على الشخص الي دخل .. وئبل ما يحكي أي كلمة ئالتلو بصوت مخنوق كأنو عم تبكي .. مابدي روح لا تعذب حالك .. خلص روحو انبسطوا انتو وتركوني .. قصي ما حكى ولا كلمة ضل عم يمشي وهو ساكت لحتى وصل لحد زينة .. زينة عم تطلع من الشباك وتبكي .. مسح بأيدو على شعرها .. وهي لحديت هاللحظة مو عرفانة مين الشخص الي دخل لعندا .. عم تتجاهل انو تتطلع عليه مشان لا يشوف دموعها وهي عم تبكي من الحكي الي حكاها اياه علاء قبل شوي ..لما قصي مسح على شعرها .. ئلها بصوت حنون زينة عم تبكي ؟؟ زينة ما انتبهت انو هو قصي اجاها صوتو بصوت يزن .. ئامت بدون ما تطلع عليها ضمتو وصارت تبكي .. بكيت من قلبها .. لأول مرة بتحس حالها مخنوقة لهالدرجة بعد ما شافت قصي .. عم تصير معها شغلات أول مرة بتحس أنو بتصير ..​

اي شو هالرومانسة ياسوس ​

والله شي حلو كتير :10:
يلا كملي الباقي والله نطف ئلبي ​

تؤبشيني ابش انتي

مافي بوجودك حلو :10:

ان شاء الله بكرى بلحقكم بالتكملة


​

 

[STELLA]

كتيييييييييييييييير حلوة

وتقبر قلبي زينة كتير حبيتها هالبنت :10:

يلا ناطرين الكمالة ......لاتطولي هه :80:​

عيونك الحلوة ملاك

بعيد الشر عن قلبك حبيبتي

نورتي يا قمر ​

 

[STELLA]

عنجد القصة رائعة
بــــــــــلــــــــيــــــــز لا تـــطــــــــــــــولـــــــــــي علينا كتتتتتتتتييييييييير

تسلميلي يارب


منووووووورة ​

 

[► Mr.Rami ◄]

بتمنى لحئ الكفاية قبل ماروح فل
​

 

[آلبتول]

ولي ولي ولي ولي:10::10::10:
دخت ذبت انا
بدك تموتينا
على احر من النار نتتظر البقيه
​

 

[STELLA]

إبداع إبداع إبداع

يسلمووووووووووووووووووووون
وناطرين​

​

ميرسي على مرورك يا قمررر​

 

[STELLA]

كتير حلووه يسلموووو

مرورك الأحلى يا عسل ​

 

[STELLA]

​

بتمنى لحئ الكفاية قبل ماروح فل ​

إن شاء الله بتلحق

لح حاول اضغط على حالي كرمال تلحقها

​

 

[STELLA]

ولي ولي ولي ولي:10::10::10:

دخت ذبت انا
بدك تموتينا
على احر من النار نتتظر البقيه​

بعيد الشر عنكم تؤبشيني

ان شاء الله الصبح بنزل جزء

ميرسي لمتابعتك يا غالية

​

 

[STELLA]

صرخت زينة : لا قصي لا تعمل هيك ... لا تحرمن الروحه كرمالي
قصي : واحد من تنين .. يا بتئومي بتغسلي وشك وبتمشي معنا .. يا أما منطلب أكل لهون ...
زينة برجاء : قصي لا تعمل هيك
قصي : شكلك عم تئليلي أنك اخترتي الاخيار التاني .. طالع خبر الكل
زينة مشيت لعندو ومسكت كمو ... وئالت : لح غسل وشي .. واجي
طلع قصي والضحكه على وشو
يزن : شو قصي مشي الحال ؟
قصي : أكيد .. كل شي بالهدوء بينحل الله يهديه علاء ما كان في داعي للتعصيب
علاء : والله من غلاوتها عصبت عليها ... مو بقصدي
قصي : يلا أكبر المصايب .. ولا يهمكون

طلعت زينة .. اعتذر منها علاء .. وراحوا كلن على مطعم بيطل ع البحر كان الجو شوي برد لأنو صار الليل تعشوا .. وانبسطوا ورجعوا ع الشاليه .. ع الساعه 11 بالليل ..وهنن راجعين بقلو يزن لقصي : شو قصي تشرب نفس أركيلة ؟؟
قصي : هه لا يزون أنا ما بأركل كنت عم امزح معك بالباص
وصار الكل يضحك ... دخلوا الشباب ع الشالية تبعوتن وقضوا السهره باللعب الشده وشرب الشاي .. اما الصبايا جميلة وسعاد كانوا فرطانين بوشن ع التخت وحطوا راسون وناموا .. وكانت فرصة حلوة أنو سمر وزينة يئعدوا يكركروا بالي صار بهاليومين وحكت زينة كيف اضطرت انها تروح معون وكيف الموقف الي صار بينها وبين قصي ..
سمر : وبتئليلي أنك ما بتحبيه .. باين أنو استولى على قلبك
زينة بنبرة حزينة : ليش أنتي مصره أني بحبو ... لك حاولي تفهميني يا سمر ما بحبو ما بحبو .. أنا مستحيل حب أنسان حاول يتقرب إلي بطريقة سخيفة متل الي عملها
سمر : يمكن عندو مبرارتو يا زينة .. يمكن ما لقى غير هي الطريقة
زينة بصوت عميق بالحزن : أصبح ما عرف يختار الطريقة .. وأنا ماني مسؤوله عن اختيارو الخاطئ
سمر : زينة حبيبتي .. خلي القدر هو الي يمشينا
زينة : أنا على طول بخلي القدر هو الي يمشيني ... بس ما بعرف ليش هي المرة عندي إصرار انو وقف بوشو وما أمشي متل ما بدو
سمر : شو رأيك نطلع نمشي شوي ع الشط .. يمكن تتحسن نفسيتك .. حاسستك تعبانة أو متدايقة
زينة عم تحاول تلطف الجو : والله صايرة عم يطلع معك يا ضرسانة
باللحظة الي بتطلع سمر وزينة من الشالية بكون قصي واقف مقابيل الشط عم يتفرج ع الموج العالي .. زينة وئت بتلمحو بتئلا لسمر أنو يرجعو بس سمر بتصر أنو يتمشوا شوي و أنو شو دخلون فيه هو عم يتفرج ع الموج وهنن بيتمشوا شوي .. بتمضى الليلة على خير وما بصير أي حكي بين زينة وقصي ...تالت يوم والأخير الشباب بس الي سبحوا أما الصبايا قرروا أنهم بس يتفرجوا ع الموج ويستمتعوا بمنظر البحر ومنظر الشباب الي بيضحك وهنن عم يسبحوا مع فنجان قهوة ولفة رجل على رجل وطئ حنك وضحك ومألسة ع الشباب صار العصر .. طلعوا الشباب من البحر وكل واحد فيون راح ياخد دوش سريع .. الصبايا راحوا يضبوا الاغراض ويعملوا أكل .. بس زينة ضلت ع الشط وقصي خلص أول واحد من الشباب وطلع .. هو واقف ع باب الشاليه عم يتمشى .. بشوف ولد عم يبيع ورد أحمر أشترى منو وردة وئلوا في بنت ئاعده ع الشط .. وحاطه طاقية كحلي اعطيها الورده ..ودخل ع الشالية كرمال زينة ما تلتفت وتشوفو وئت بيعطيها الصبي الوردة ...الصبي ما أخد من قصي معلومات كافيه حتى يندل على زينة وهو ماشي ع الشط بشوف بنت حاطه طاقية لونها نيلي بفكر أنو هي البنت المقصودة بيعطيها الوردة وبيمشي ... قبل ما تسألو أي سؤال .. بينطر خمس دقايق قصي جوا الشالية وبيطلع بعدا ليشوف زينة .. بس للأسف ما بشوفها لانو زينة ئامت ع الشالية وئت نادتها سمر ..بيحاول قصي ئد مافيه يكون طبيعي وما يبين عليه اللبكه .. بدو يعرف ردت فعل زينة وكيف تقبلت الوردة أو لا .. ومية ألف علامة استفهام مرسومة فوق راسو .. بس عم يحاول جهدوا أنو يضبط تصرافاتو ئدام الشباب والصبايا .. صار المغرب الوقت المحدد لكل الطلاب لحتى يرجعوا ع بيوتن طلعوا الكل ع الباص .. ومن حظ زينة هالمرة أنو قصي بيعد عنها مقعدين وكانت حدها سمر .. فحست بالارتياح وقضت طريق الرجعه نصو نوم ونصو عم تسمع ع أغاني .. لأنو ما كان جايه على بالها تحكي بأي شي .. وصلوا الطلاب كلون على بيوتن ..وئت بتدخل زينة ع البيت ..بتسلم على أهلها وبوشها ع الغرفة بتئلون تعبانة من الطريق وبدي نام .. شي بتفوت ع الغرفة بيرن موبايلها رنة الرسائل .. بتطالع الموبايل ولا واصلها مسج من نفس الرقم الي تأكدت أنو صاحبو قصي .بيئول المسج ( اليوم كنتي بتجنني ع الشط .. الله لا يحرمني شوفتك ولا يحرمني اسمع صوتك .. حاج تتغلي عليي أكتر من هيك )
حست زينة الدنيا ما عاد توسعها من ئد ما عصبت وطلعت خلائها حست حالها لح تختنق بالغرفة أو تتخابط مع الحيطان لو ضلت أكتر كمان شوي .. لانو فعلا عصبت من تصرفات قصي البايخه بنظرها وأنو هي طريقة الي ماعندو طريقة ليتعرف على بنت .. طلعت من الغرفة أهلها الي بالصالون كلون اتطلعوا عليها مصدومين .. ئالتلها أمها : زينة حبيبتي فيكي شي ؟؟
زينة مع محاولة ضبط الأعصاب : لا ماما مافي شي بس سمر أتصلت عليي ئالتلي تعبانه كتير وبدي روح شوفها
أم زينة : خير إن شاء الله شو فيها سمر ؟
زينة : ماما ما تعتلي هم لح شوفها وأرجع ما بطول بتكون عم تدلل
أم زينة : طمنيني عنها بنتي
زينة : خلص ماما ولا يهمك بس اتطمن عليها بتصل عليكي .. لا حدا يتصل عليي بلكي كان الوضع ما خرج أنو رد ... ئالت هي العبارة لانو فعلا حاسه حالها مخنوقة وما بدها تحكي مع حدا
أم زينة : طيب الله معك عيوني
بوست زينة أمها وطلعت بأسرع ما يكون .. هي طلعت من الباب أجتها نسمة هوا باردة خلت دموعها الي كانوا معلقين بعينوها ينزلوا .. مشيت بدون ما تعرف هي لوين عم تمشي تزكرت الكزبة الي كزبتها على أمها .. بعتت مسج لسمر كتبتلها فيه ( سمر اذا اتصلت امي عليكي خبريها أني عندك .. واذا سألتك كيف صحتك ئوليلها انك بعدك تعبانة شوي ..بكرا بخبرك بكل شي لا تتصلي عليي بعرفك لح ينشغل بالك .. بس مافي شي تخافي منو)
سمر وئت شافت المسج استغربت وخافت ما يكون صاير معها شي .. كانت بدها تتصل أكتر من مرة حاولت تتصل عليها بس ترجع تئول انا واثقه من زينة أنو لو فيها شي ما لح تخبي عليي أكيد زينة بخير .. ضلت سمر افكارها تروح وتجي حتى غلبها النوم وراحت بسابع نومة .. زينة عم تمشي وتمشي ودموعها ماليه وجهها ما عادت تميز الشارع من الرصيف لانو ما عم تقدر تشوف متل الخلق من دموعها .. زينة من النوع وئت بتعصب ما بتلائي غير دموعها تفرج فيها وخاصه أنها عصبت من إنسان عم يحاول يدخل حياتها بشكل هي بتكرهو بس ما بتنكر أنو قصي فيه شغلات حلوة ومميزة بس كونو اختار هي الطريقة .. فهو اختار البعد عن زينة .. هاد الشي ألي خلاها تقرر أنو تبعد عن قصي مهما كانت الأسباب .. لأنو قرب قصي منها وتدخلو بحياتها بالقوة يمكن خليا تتراجع وتغير قناعاتها .. هي متأكدة أنو قصي مافي شي بخليها ترفضوا سوا هالطريقة الي تبعها ... وهي بتكره هيك طرق .. بتحسها طرق ولاد صغار .. رجعت زينة ع البيت ما كان في غير امها صاحيه .. سلمت عليها وطمنتها على سمر الي مافيها من الأساس شي ودغري على غرفتها .. نامت بعد هالليلة نومة طويلة .. كان تاني يوم عندها جامعه ومحاضرتها ع الساعه 12 .. بتصحى الساعه 11 وبتحضر حالها وبتنزل ع الجامعه .. نزلت وما الها نفس تحكي مع جنس مخلوق بوشها ع القاعه حضرت المحاضرة بمللها وطول الوقت .. خلصت الساعه تنين حست حالها كتير تعبانه كانو شباب الشله والصبايا غايبين حتى سمر غايبه .. ئالت بينها وبين حالها الحمد لله مافي حدا منون هون .. ولا كنت هلئ بدي اضطر جاملون بالضحك .. طلعت من القاعه وهي عم تمشي .. بيقطع عليها شرودها صوت قصي وهو عم يقول : صباح الخير زينة .. رفعت زينة راسها وقت وقفت عن المشي .. ردت ببرود صباح النور وحاولت تكمل طريقها .. بس بوقفها صوت قصي لما سألها : عجبتك المفاجأة مبارح ؟؟





​

يتبــــــــــــــــــــــع ​

 

[STELLA]

وحاولت تكمل طريقها .. بس بوقفها صوت قصي لما سألها : عجبتك المفاجأة مبارح ؟؟ قصي كان قصدو عن الوردة الحمرا ... بس زينة ما بتعرف شي عن الوردة راح فكرها دغري على المسج الي وصلها بالليل .. وئالت بينها وبين حالها هي فرصه حلوه أني وضحلو لقصي أني ما بحب هيك حركات مشان يبعد عن طريقي ويحل عني للأبد .. استجمعت قواها وحاولت تبان قوية .. لأنو كانت محبطه كتير من أثر بكي مبارح ..
زينة : قصي أنا ما بحب هيك حركات .. اذا بتريد لا تعيدها ...
وقبل قصي ما يفتح تمو بحرف درات ضهرها ومشيت وضلت عم تمشي بدون ما تلتفت وراها قصي ضل عم يتطلع عليها وهو مصدوم من كلامها لحتى طلعت من مبنى الجامعه .. وئت رجعت زينة ع البيت .. اتصلت على سمر وخبرتها بكل الي صار مبارح .. وخبرتها بقرارها بخصوص قصي .. طبعا سمر ما حاولت أنها تجادل زينة بالقرار الي اخدتو .. لأنها كانت عم تحس بنبرة الحزن والأصرار بصوتها .. بالأيام الي اجت كان قصي ناوي يبعد عن الشله لأنو بجد انصدم من حكي زينة وما توقع ترفضو بهي الطريقة .. بس كانت اصرار علاء ومجد ويزن أقوى منو وفين ما يروح بالجامعه يكونوا سوا فما قدر يبعد عنون .. زينة وئت شافت قرب قصي من الشله .. حاولت هي تبعد عن الكل ..مع أنو كانت كتير زعلانة ع الاوقات الي عم تضيع وهي بعيده عن أعز رفقاتها كل مرة تتحجج بحجه .. شي تعبانه وشي عندون عزيمة وكل مرة بتطلع بسبب مشان ما تعئد وقصي موجود .. بالأيام الي بكون قصي فيها غايب أو مو موجود بتعئد معهم وأول ما بيجي بتعتزر وبتروح .. مضيت على هالحاله شهر ونص لا زينة حكيت مع قصي ولا قصي حاول أنو يحكي معاها .. كان قصي كتير زعلان .. أنو بأحلا وئت ليتقرب من زينة ويكون أحلا تنين بحبو بعض رفضتو !!! كان دائما يئعد يسأل حالو شو السبب وليش هيك ؟؟ ما كان يلاقي جواب مقنع أبدا .. قرر بينو وبين حالو أنو ما لح ييأس بدو يضل يحاول مع زينة لحتى يعرف ع القليلة سبب رفضها يعني مو بالضرورة أنها تحبو .. بس يعرف ليش هيك عملت ... كانت دائما يسمع أغاني عبد الحليم بأخر الليل ويتزكر زينة ويتزكر الكم موقف صاروا بينن أيام يضحك ويفرح وأيام يتحسر ويتألم ..
مضيت شهرين وقرروا الي بالشله أنهم يطلعوا طلعه على شي مطعم يغيروا جو الكل وافق الا زينة ئالتلون أنها مرتبطه باليوم الي حددوه حاولوا معاها كتير حتى أحرجوها وخلوها توافق تروح .. كانت الطلعه يوم الأربعا اتصل يزن على زينة قبل يومين ودار هاد الحديث بينهم
يزن : مسا الخير زينة
زينة : مسا الخير يزون .. كيفك ؟؟
يزن : والله مشتئلك .. صرلي أديه ما تسائلت عليكي .. أنتي كيفك ؟؟
حست زينة بغصه وحنين للأيام الي راحت بس لما تزكرت أنو سبب بعدها عنن قصي .. مشان قلبها استجعت قوتها وئالتلو : والله يا يزن وانا كمان اشتئتلك واشتئت للكل .. بس مضغوطة بهي الفترة
يزن : زينة شبكي ؟؟ أنا ملاحظ عليكي صرلك أكتر من شهر على هالحاله .. وكل مرة ئول فترة وبتعدي وبترجعلنا زينة الأولى .. بس عم لاقي زينة عم تبعد أكتر واكتر .. كنت مو حابب أفتح هالموضوع معك .. لأني كنت عم انطر ترجعي متل أول .. بس شايف أنتظاري ع الفاضي
زينة : يزن
يزن : خليني كمل زينة .. نحنا من أول ما تعرفنا على بعض كان شعرانا صداقه للأبد .. ليش هلئ هيك عم تعملي ؟؟ حدا دايقك بشي ؟؟ حدا زعلك بكلمة ؟؟ احكي ما تضلك ساكته روحي خبري الشخص انت يا فلان زعلتني جرحتني بطختني .. بس مو تبعدي .. مو حلو الهروب وين الوعد الي كان بينا انو ما نفترق ؟؟ بتهون عليكي كل هالايام وتلت سنين دراسه سوا ؟؟ زينة بصراحه الشله ما عاد تتحمل غيابك ..
تسللت دمعه على خد زينة وتابعتها دموع .. صارت تبكي ع التلفون حكي يزن ولد فيها الحنين حست أديه هي عم تظلم حالها وتظلم الناس الي حبوها كرمال شخص يمكن يكون مجرد شخص عابر ...
يزن : زينة لا تبكي ... دموعك غاليه عليي كتير
زينة بصوت متقطع : قصي قصي هو السبب
يزن : شو علمك قصي ؟؟؟
زينة ما حبت تأذي قصي كرمال كم مسج فقالتلو : مو حابه وجودو معنا بالشله
يزن : هي كل القصة ؟؟
زينة : أي بس هيك ...
يزن : زينة لا تحكمي على قصي من بعيد .. تعالي شوفي تعاملو معنا جدا راقي .. وإنسان مؤدب وواعي .. يمكن أنتي ما استظرفتيه بالبدايه بس جد لما تتقربي منو لا تكتشفي فيه انسان طيب وحنون ومرح
هاد الي خايفه منو زينة أنها تتقرب لقصي .. أنتهت المكالمة بين زينة ويزن على امل أنو المياه ترجع لمجاريها وينفك أي خلاف بينهم .. بلحظت شرود بيوصل مسج على موبايل زينة .. بتفتح الرسالة بيكون محتواها ( زينة .. زينة .. زينة .. أنا بدي شوفك ما عاد أقدر اتحمل أكتر من هيك .. حرام عليكي ) بعد المكالمة مع يزن كانت زينة عم ترجع ترتب حساباتها ولما وصلها هاد المسج حبت تطنشو وما حبت تدايق حالها كرمال شخص حست عنجد انو بتكرهو لأنو كان السبب ببعدها عن أعز رفقات ألها .. راحوا يوم الاربعا ع المطعم وكان الوضع هادي انبسطوا الكل ورجعوا ... ما صار أي موقف بين زينة وقصي .. بعد أسبوع من هالطلعه بيوصل مسج لزينة .. ( زينة جهزي حالك بكرى .. أنا جهزت الشقة وجهزت كل شي .. بمر عليكي ع الساعه 12 الضهرعند البوابه ومنطلع سوا ) وئت شافت زينة هاد المسج .. حست النار ولعت فيها وماعاد تتحمل عصبت لدرجة انو بدها بكرى يجي بسرعه كرمال تروح تبهدل قصي قدام كل طلاب الجامعه وتوقفو عند حدو وتخلي يزن يشوف طيبة هالقلب وهالحنيه يلي عم يحكي عنها .. ما أجاها نوم زينة وهي عم تفكر بالطريقة الي بدها تواجه قصي فيها .. هي أول مرة ما بتخبر سمر عن المسج .. هي بالعاده اول ما بيوصلها المسج بتتصل على سمر وبتخبرها لانو سمر بتعرف بتفاصيل القصة كلها .. بس هاد المسج ما حبت أنو سمر تعرف فيه لانو يمكن يكون الها اقتراح تاني ويمكن تقلها لا تواجهي قصي .. او أو أو .. فقررت زينة أنو حتى سمر خليها تتفاجئ بقصي الي كانت صارعه راسي فيه وبتضل بتئلي لح تحبيه .. خليها تعرف قصي شو بكون وكيف بفكر ...ما صارت الساعه ستة الا ماحدا بيعرف حدا ع الساعه سبعه كانت زينة بالجامعه ومشلوشة وملبكه ومعصبة مزيج من المشاعر المتضاربة كانت عم تحسها بهداك الوقت تجمعت الشله من ضمنن قصي وجهاد .. كانت زينة بدها تنبحت عليه .. بعدين قالت لا خليها للساعه 12 مشان اثبتلو أنو الله حق ومحمد نبي .. دخلوا ع المحاضرة .. طبعا زينة ما استوعبت شي منها .. بعد ما خلصت المحاضرة راحوا الكل ع الكافتيريا وفطروا .. كانت زينة بدها تحكي بالكافتيريا انو بكون عدد الطلاب أكبر وبينفضح قصي أكتر ... بعدين تراجعت قالت بلا خليها تكون برى بالساحه أحسن ... وئت طلعوا ع الساحه كانت الساعه 12 الا ربع يعني باقي ربع ساعه ع الموعد وقصي معاهم .. صارت زينة تحللها بمخها .. أنو كيف قصي معانا وبدو يمر عليي الساعه 12 !!! ما بتسمع الا صوت قصي عم يقلون يلا شباب .. أنا بدي روح ..
بقلو علاء : وين قصي ؟؟
قصي : عندي موعد والله ..
هون زينة بتفتح عيونها .. أنو مدبر الموضوع كتير منيح .. هلئ عرفت كيف بدو يمر عليي الساعه 12 بحركه سريعه بتطالع موبايلها من الشنته وبتفتح ع الرساله .. بكون قصي مشي شوي وصار على بعد متر ونص بعيد عن الشله وئت بيوقفو صوت زينة الحازم ... قصي استنى شوي ..وقف قصي .. بهي اللحظة مشيت لعندو زينة .. طبعا كل الشله صار انتباهون مركز على زينة وقصي .. ​

يتبـــــــــــــــــــــــــع​

 

[آلبتول]

ليش بعدو عن بعض

والله حمستني كثير
ايش رح تسوي

كثير حمستني للكماله
منتظرتك مثل العاده على ناااااااااار
​

 

[STELLA]

​

ليش بعدو عن بعض ​

والله حمستني كثير
ايش رح تسوي ​

كثير حمستني للكماله
منتظرتك مثل العاده على ناااااااااار ​

تؤبشيني فطووووم

ان شاء الله قريبا بنزل الكماله

خمني انتي شو بدو يصير

وخبريني بشوف اذا نفس التوقعات ولا لا ​

 

[سِدْرَة المُنتَهَى]

حرام قصي
يلا شوقتيني اكتر ...ابغى اعرف ايش يصير
​

 

[CoOoL CaAaT]

والله ابداع بكل كلمة عم تكتبيا بالرواية
وكل جزء عم تلعبي فيه باعصابنا وعم تشوقينا اكتر من اللي ئبله

وانا من تاني جزء متوقعة انو الشخص يلي عم يزعج زينة عالموبايل
مو قصي
لان من كتابتك عن شخصية قصي وتفكيره ما بيطلع معه هيك تصرفات
وبدي ئلك على شغلة انو بجد لو تعرضي روايتك على مخرج مبدع
وتعمليا مسلسل انا متاكدة انو رح ينجح ويعمل ضجة اكتر من مسلسل باب الحارة
وخصوصا ازا اختاروا شخصيات حلوة لدور قصي وزينة .. ولي شو بدو يصير فينا :10: :10:
ومرة تانية بئلك يسلم فكرك وخيالك المبدع يلي عم يتحفونابهيك رواية روعة وعم استنى الكمالة بشغف

تحياتي يا مبدعة
​

 

[STELLA]

حرام قصي
يلا شوقتيني اكتر ...ابغى اعرف ايش يصير

​

هلا ملاك الروح

لح تعرفي عيوني طولي بالك انتي بس

اول ما خلص كتابة الجزء الي بعدو بنزلو دغري

نورتي​

 

[ضجيج الصمت]

يااااااااااا لطييييييييف شي راائع والله ... جد كتير انشديت لقصة هالشباب
يعني وكأني أنا واحد منهن الله يعطيكي العافية ..
ستيلا هذا ابداع حقيقي ونحنا معك للنهاية
الله يقويكي .. بس خفي شوي عن قصي حرااام ​

 

[سيمو ياسمين الشام]

الله عليك يا أم السوس
إي شو هالمخ هاد !!!! والله تمااااام
بس الله يسامحها زينة كان لازم أول شي تسأل قصي عن
رقم موبايله لحتى تتأكد أنه هو
بلككي كان واحد من هالشباب البايخين وحابب يتسآل عليها

على كل ناطرتك أوعك تتأخري هااا والله بزعل منك ومن زينة
وقليلها أنه تحكم عقلها شوي
​

 

[STELLA]

والله ابداع بكل كلمة عم تكتبيا بالرواية

وكل جزء عم تلعبي فيه باعصابنا وعم تشوقينا اكتر من اللي ئبله ​

وانا من تاني جزء متوقعة انو الشخص يلي عم يزعج زينة عالموبايل
مو قصي
لان من كتابتك عن شخصية قصي وتفكيره ما بيطلع معه هيك تصرفات
وبدي ئلك على شغلة انو بجد لو تعرضي روايتك على مخرج مبدع
وتعمليا مسلسل انا متاكدة انو رح ينجح ويعمل ضجة اكتر من مسلسل باب الحارة
وخصوصا ازا اختاروا شخصيات حلوة لدور قصي وزينة .. ولي شو بدو يصير فينا :10: :10:
ومرة تانية بئلك يسلم فكرك وخيالك المبدع يلي عم يتحفونابهيك رواية روعة وعم استنى الكمالة بشغف ​

تحياتي يا مبدعة ​

لك يا مية هلا بكول كات

بس ما حدا بيعرف ممكن يكون قصي مخبى بتيابو

الأحداث الجاية بتوضحلكم اذا هو أو لا

وفكرتك عجبتني اني اعملو مسلسل خلص بس انزل على سوريا

بفكر اكتر بخصوص هالموضوع

نورتي تؤبشيني ​