بيلسانيات..!!

[Yara]

فرحانة: يا وردة هي بهارات الحب

انك تشتاقي وتحني تبكي وتئني وتسلطني لطلوع الضو

حبوب: قلبك اكبر يا وردة بس متل ما قالت فرحانة هي بهارات الحب

متل مو فيروز بهارات صباحاتنا لصرنا مأدمنين عليها

فرحانة: ع سيرة فيروز بتعرف يا حبوب انو لما بسمع فيروز ببكي

حبوب: بغنية معينة يعني؟؟

فرحانة: لاء لاء فيروز واحساسا بشكل عام بيبكيني ..لتكون مفكر انو البكي هو بس حزن

ووجع وزعل يا حبوب ..البكي شيء اكتر من رائع خصوصي اذا كان ع شي محرز

والانسان لما بيبكي بيكون ناقصو كتير شغلات بهالحياة

حبوب: صح بحس انو البكي بيجمع كتير اشياء شي فرح شي زعل شي شجن وشي ايمان وشي خشوع

وااااايه لو بيجي شي حضن يضمك بعد البكوة

فرحانة: وبعدا بتصير ترقص الدني

حبوب: بيقولو انو البكي بالمنام فرج شو قولك؟؟

فرحانة: سمايل كبير..فرج؟؟ لك لو البكي فرج لكنت شفت امم على امتداد

الاراضي العربية عم تذرف براميل دموع

بركي بتفرج هالحالة التعبانة..البكي يا حبوب افندي مكتوب علينا

شئنا ام ابينا ..وطالما انت مواطن عربي وع راسي حارتك

لازم تطح دموع تطح دموع وما تبكي بالفصحى مو حلوة بالفصحى دمـِّـع بس

هيك لتحس بالفرح انو جاية..

حبوب: والفرح ما بيجي لحالو لازم نحن كمان نطح نطح لنوصل لعندو

ونبوس سلسفيل لجابو ليرضى يروح معنا ويفرح غيرنا لانو كمان

مو حلوة نفرح لحالنا بيسموه فرح صامت مالو صوت ووقتا منكون نحن مننتمي للانسان ومنكون

جينا عالدني مو عن طريق الصدفة ..ومنتأكد انو ما رح نروح من هالدني صدفة

فرحانة: هي ضريبة لبدو يستطعم البكي
​

 

[mahmoud salih]

سمايل مبتسم ....وكأنو نحنا مكتوب علينا نضل عم نبكي لاجل غير مسمى

والفرح بحياتنا هو الحلم ...

اييييييييييييييييييييه على شي سما تمطر علينا حرية وشوية فرح ....مو القناعة كنز لا يفنى



كنا هنا بمثابة غرفة الأنعاش ......فكل الشكر لحبوب وفرحانة والراعي الرسمي ست الكل يارا

أنا هنا



​

 

[Yara]

فرحانة: لك اهلين بالانعاش كلو خجلتونا والله

شايف يا محمود على هالويكيليكس هاد لعما تقول ما كان ناقصنا غيرو لتكمل معنا

حبوب: اي والله يا فرحانة كركب الدنيا وكأنو هولاكو تاني جاية يئش بهالبلاد

اهلين ادارة..

فرحانة: والله صرت خاف محادثاتي مع ستي شوفا بكرا منشورة بالاعلام

حبوب: يحرء حريشك ..لك خلي زعمائنا يلتهوا فيه شوي بركي بيحلوا

عن ضهرنا نتفة ومناخد نفس

فرحانة: هالموقع بيوصلك رسالة انو ما حدا احسن من حدا يا حبوب

لا عربيا ولا دولياً كلو لاحقو طرطوشة كالمثل القائل..اقتلوهم بكذبتهم

حبوب: صح كلو اوسخ من بعضو بس قولتك هلئ هالويكيليكس بيعرف

شو في ببالي من دون ما احكي؟؟

فرحانة: لكن لكن هاد عندو بعد نظر بيتعدى الكشف والتنقيب عن ما وراء البحار

وبيخليك تشك حتى بنفسك

حبوب: يعني انتِ مصدقتيه؟؟

فرحانة: لك ان صدقتوا او لاء شو الجديد فيه طالما نحن العرب منعرف سلف

شوفي ببال زعمائنا وشو مخبيين النا مصايب وبلاوي شي راح وشي جاية عالطريق

حبوب: اااااااايه خلص بيكفي صار بدها شوية رواااااااق

فرحانة: واصبعين تويكس
​

 

[Yara]

فرحانة: مو معقول مو معقول لوين واصل الفن

حبوب: قلتيلي فن شي بيضحك والله بس شو لمعصبك

فرحانة: لك انعمى ع قلبي وفتحت ع احدى القنوات الفضائية واذ بشفلك احدى

الحسناوات الفارعات عم تغني للست ام كلثوم قال انت عمري

يعني من دون ما حس قلتلا يقطع عمرك ..ولاحظ انو تربيتي المنزلية ما بتسمحلي اتلفظ بهيك

الفاظ بس استفزتني يا رجل

حبوب: الظاهر شكل بلا صوت مو

فرحانة: لك لا شكل ولا صوت اللهم عافينا آكلتلا شي ميت ضربة موس

من تحت ايدين جراح التجميل ع شي عشر فراشي الوان من عند خبير التجميل

ونفشة شعر من ايدين المزين واضرب بهالخلاط وخلصنا..حدا بعد هالخلطة رح يسال عن

الصوت ..حط بالخرج

حبوب: اي والله صاير الفن كلو بيشبه بعضو صوت وصورة

فرحانة: لك الهي بينفصلوا صوت وصورة هن واكياس هالسيليكون لبعد ما بينفخوا

حالن فيها بيجوا وبينفخوا قلبنا بصواتون

حبوب: لك ومين ضربك ع ايدك وقلك تسمعي النشاذ

فرحانة: لك غلطة..غلطنا وفتحنا على هالقناة وما بشفلك الا قرود عم تنط هون وهون

تحت مسمى فيديو كليب

حبوب: لك انتِ دقة قديمة بالاغاني اتطوريلك شوي وسايري الموجة يعني كل زمن

وئلو جمهورو

فرحانة: لك ان شاء الله عني ما اتطورت وخليني هيك عتيقة لان الفن ببلادنا صار شغلة

لمالو شغلة ومهنة لمالو مهنة كلو بيهز وكلو بيفز ع اساس مطربين وهن مضروبين

حبوب: توت توت ع لنفض هالفن

فرحانة: اي روء وسماع هالنكتة من وحي المناسبة..هاد يا سيدي قال في مرة

واحد حب ياسمينة وصار كل يوم يسقيها ويدير بالو عليها

وبيوم من الايام نسي يسقيها وراح ينام فقالتلو الياسمينة.. ميل واسقيني يا ولد عمي

ميل واسقيني انا مش عطشانة يا ولد عمي حبك يرويني يرويني يرويني يرويني

خلص علقت طفوها انتوا
​

 

[احلى دنيا]

حلوه حلوه هالطريقه بالنقد.. حبييييييييت

 

[آلبتول]

أتابع هذه الدميتان الجميلتان حبوب وفرحانة
على شغف روح الطفولة
أنتظر كل يوم هنا على خشبة مسرحكِ الصغير حكاية جديدة منك
وأتخيلهم على منصة حكايات" مشخصاتي "
تروي الروح وتدغدغ بنا ضحكاً لواقع عقيم

يارا ....تحملين في جُعبتكِ الكثير والكثير

​

 

[دموع الورد]

تتحدثين بلسان الواقع وتؤثر بنا جداا ً حكاياتك

يارا انا هنا دائما
​

 

[Yara]

فرحانة: اهلين بالصبايا..دخلكن شو وضع الغاز عندكن هالايام

واصلتني طرطوشة حكي انو مفقود بسوريا

فطوم..اكيد ما عندك علم ما شاء الله بترولكون من فوق ومن تحت الله يرزقنا ما رزقكم

حبوب: بسوريا ؟؟

فرحانة: اي بسوريا لكن بالهند هاد ع ذمة لخبرني هالخبرية ريتو يؤبش قلبي هو وخبرياتو

حبوب: والله علمي علمك لسا ما حسينا بالسخن..بس مصادرو موثوقة يؤبش قلبك؟؟

فرحانة: لك مو معقولين انتو يا شعب يعني بتنتظروا تنلدعوا لتحكوا..اسالو شو بيعرفني

حبوب: لك اذا بدنا نسال المسؤولين بينفولك الخبر فورا وبيعيشونا فوق الغيم

بئا شو الفايدة ان صار عنا نقص بالغاز او المازوت ما هي حياتنا كلها نقص بنقص

فرحانة: طيب سوريا بتستهلك سنوياً حوالي 940 الف طن من الغاز

وبتستورد شي 53 بالمية من هالمادة عن طريق البحر طيب بدي افهم وين بيروحوا كلن

وليش دايما النقص بالسوق

حبوب: شو نسيتي انو نحن 18 مليون بني ادم والسوق السودا شغالة عنا

فرحانة: معناها حدا يفهمنا بما انو الدنيا لسا بخير والعيشة هنية ولا احلى من هيك

ليش الشعب عم يصف طوابير طوابير ليلحقوا دور ع شي جرة

حبوب: بس بالاخر شو بيطلعلو

فرحانة: من الطبيعي يكحشوه لبرا ..شه

حبوب: اااايه نقص بالجرة وبلد ما بيعلم فيها غير الله

فرحانة: شييييييييييل
​

 

[دموع الورد]

لك الله بعيييييييييييييييييين
​

 

[mahmoud salih]

خبر عاجل

تم تمديد مواسير الغاز الى داخل المنازل بكافة أنحاء دمشق وريفها والاستغناء تماماً عن قناني الغاز

وذالك تحت رعاية ....نحن نعمل لاجلكم ^_^



​

 

[Yara]

حبوب: لك فرحانة سمعتي محمود شو عم يقول قال تم تمديد مواسير الغاز

للبيوت والاستغناء عن القناني

فرحانة: اي هي اضغاث احلام مواطن عربي خليه يحلم حتى الاحلام ما عليها جمرك

حبوب: يعني طلعت احلام ..؟؟

فرحانة: اي احلام لك هي الادارة مو شاطرة الا بالفرمانات واطلاق الاشاعات

ع اساس قال شو نحن نعمل لاجلكم وابتسامة عريضة كمان لك تياب عالعيد ما جابولنا

ولا حتى عيدية عطونا وبدك يمدولك غاز ..اي حلالالالالام

وع سيرة احلام والفنانين انت بتسمع شي لتامر حسني؟؟

حبوب: هاد تبع نور عيني؟؟

فرحانة: شو بيعرفني عيني ولا ايدي ..بس بدي اعرف شو سر اغماءات البنات بحفلاتو

مع احترامي الكامل والبحت والمبحوت لجماهير تامر بالداخل والخارج

حبوب: بدو يكون في جاذبية الزلمة انتي شو زاعجك

فرحانة: قلتلي جاذبية ..اي والله معك حق ومشان هالجاذبية اختاروه كوجه اعلاني لماركة نظارات شمسية

حبوب: اي لاختارو بيكون بلا نظر ..قال لحالو بركي تامر بيعبي هالفراغ بالنظر

فرحانة: انو شلون زبطت معك هي ..صحي وما تنسى انو يمكن الاغماءات طالت جنس الرجال

يعني ما حدا احسن من حدا

حبوب: يمكنلك هاد جمهور اغمن علي اغمن علي ع قولة عادل امام

فرحانة: طيب فهمنا الاغماء بس هالكم من الدموع الهائلة لمجرد لمس ايدو او شوفتو من بعيد

مشان الله حدا يفهمني ياها

حبوب: لك تأثر تأثر وبضم الثاء ..انتي شو بيفهمك بتكون هيك باطنتون ومشاعيرون عم تتحرك

فرحانة: قلتلي مشاعيرون ما..اي ليش لاء هالشب ظاهرة فنية وثروة قومية لازم الشعوب

العربية كلها تدير بالها عليه بيفيد بدل الغاز المسيل للدموع..بينفع العدو هاد

حبوب: لك يا خانم هاد اذا منعوا البنات تنط بحفلاتو هو نفسو رح يغمى عليه

اصلا لو غنالك كنتي حكيتي غير هيك

فرحانة: غنالي انا ..وجه فارط ضحكاً.. الله يخليلي لبيغنيلي

حبوب: ليش شو غنالك

فرحانة: عزمني عالعشا تاري العشا خبيزة ..انا مو بس بالعشا انا بأبو الغمازة

حبوب: والله باينتو مخك بدو اجازة
​

 

[Black Hawk]

والله يا فرحانة الظاهر ما سمعتي انو تامر بيسموه ملك الجيل ( أَنْعِم وأَكْرِم )

وكمان لقبوه مايكل جاكسون العرب ( يمكن هالشي يفسرلك الاغماءات )

بس انا استمتعت جدا بالحوار بينك وبين حبوب لدرجة وصلت فيها لمرحلة السمايل الفارط من الضحك

اييييييييه

شر البلية سمايل فارط من الضحك ​

 

[دموع الورد]

لك هاد تامر مو حياالله

الله ينعم علينا بالعقل والدين يا رب
​

 

[فارس بلا جواد]

جميل جدا
رائع

متميز
ماذا أقول؟

حوارات جميلة جدا وطرح أفكار جميل

وهذا إنما ينم عن مخزون ثقافي جيد

شكرا لك على هذه المساجلات الجميلة والخفيفة

ولكن إذا سمحتي لي وبدون أن يكون اي حساسية من ناحيتي
ياحبذا لو كانت هذه المساجلات أو النقاشات أو الحوارات بلغتنا الفصيحة



لأنها وللأسف تحت واقع مزر في عصرنا الحالي

أتمنى ألا تثير مشاركتي أي سوء فهم أو زعل

وإذا حصل فاعتذاري موصول بهذا الرد

دمتم سالمين وبمكة حارمين
​

 

[Yara]

حبوب: لك فرحانة وين هالغيبة كل سنة وانتي بخير بمناسبة قدوم ال 2011

فرحانة: كل عام وانا بخير؟؟ ليش مين قال اصلا انو انا بخير

ع قولة المعلم زياد

(الرحباني)

هلئ ممكن نكون بخير حسب بعض المعايير وشو هي المعايير الله وحدو بيعلم

ولا شو قولتك يا سُراقة؟؟

حبوب: سُراقة لساتو فارط ضحك معناها عندو استعداد للفرح مو متلك

فرحانة: اي كتير منيح ليش لاء وانا عندي استعداد كمان بس لبستغربو

انو ايا عيد بيجينا بيضل ناقص يا اخي فيه شي ناقص يعني بجد فكر معي شوي

حبوب: عم فكر عم فكر دموع والمسافر فكروا انتوا كمان معنا

فرحانة: انو سالت حالك بيوم يا ترى اهل غزة شلون بيعيدوا؟؟ او فلسطين ككل طيب العراق باكستان

دارفور افغانستان او اي بقعة فيها حرب واطفال هالبقعات من العالم شلون بيفرحوا ؟؟

حبوب: خليتيني اخجل اني افرح..بس انا بتعاطف معهم

فرحانة: كلنا منتعاطف بس شو بيعمل العطف ادام القهر والظلم والجوع

حاسة حالي بحكي متل العجايز مع انو فترة بسيطة وبصير باواخر العشرينات

حبوب: لك افرحي فرحي مشان ما يجي يوم وما تلاقي الفرح وينسرق منك متل ما عم ينسرق

منا العمر بغفلة رمش ومشان البلاد الحزينة دعيلهم الله ينصرهم على اعدائهم ويفرح قلوبهم

بئا مو كتير علينا ان سرقنا يوم نفرح فيه من هالسنين السودا لعشناها

فرحانة: معك حق بدي افرح ولو بالغصب وبدي افتح بواب للفرح وان كان راس السنة ولا الهجرية الميلاد ولا الفطر

بدي افرح بدي افرح..ويا رب يغمر الفرح بكل مطرح
​

 

[Yara]

إذا سمحتي لي وبدون أن يكون اي حساسية من ناحيتي
ياحبذا لو كانت هذه المساجلات أو النقاشات أو الحوارات بلغتنا الفصيحة


​

سيدي الكريم

انا معك واحيي فيك غيرتك على لغتنا العربية

والى ما آلت اليه بشكل عام..لكن موضوعي هنا يتكلم عن يوميات تحصل مع كل مواطن عربي

اي اني اتكلم بلغة الشارع والواقع لكي تكون اقرب لما نعايشه يومياً

ولذلك تعمدت الكتابة بالعامية بعيدة كل البعد عن الفصحى لكي اوصل ما بداخلي للجميع

وبطريقة سلسة..فبرأي لن يفسد ذلك ما اصبو اليه ونصبو جميعنا اليه

اشكرك مرة ثانية لحضورك واهتمامك الواضح..ونقدك البناء

وشوشة: اشكر ربك انوالبعض عم يفهموا علي شو بحكي..
بئا شلون لو كتبت بالفصحى..صرنا بزمن..
بيس يا مان ..Peace ya man
​

 

[ربيــــــع]

فرحانة: معك حق بدي افرح ولو بالغصب وبدي افتح بواب للفرح وان كان راس السنة ولا الهجرية الميلاد ولا الفطر

بدي افرح بدي افرح..ويا رب يغمر الفرح بكل مطرح



لله الحمد أن الفرح ليس سلعة نشتريها ... أو طعاماً نأكله ... أو دواءً نتاوله ...

لله الحمد أن الفرح بيدنا وحدنا نصنعه ... بيفكرنا وحدنا نرحل به ...بعالمنا الخاص نسافر إليه ...

لكِ كل الود

 

[إلهام]

والله ياحبوب ويافرحانه بيعيدو ويفرحو
لانو هشي ببلاش والعيد عنا مابدو تياب لانو صرنا خيالات
لك حتى الحزن صرنا ندفع تمنو من دمنا ولحمنا
صرنا وين ما نتلفت نحط ضريبه
لهيك عم نتخبى ونفرح خوف يلمحوا الفرح فينا
ويدفعونا علي ضريبه
وشو علي بتهون
​

 

[فارس بلا جواد]

وشوشة: اشكر ربك انوالبعض عم يفهموا علي شو بحكي..
بئا شلون لو كتبت بالفصحى..صرنا بزمن..

قولتك صايرة الفصحة بهاليومين كأنك عم تحكي نكثة أو لغة تانية وعم حاكيكن من واقع معاش
لما احكي فصحى مع التلاميذ بالمدرسة بيصيرو يضحكو كأنو عم أحكي نكثة
لا حول ولا قوة إلا بالله

وبالنسبة للفرح بتمنى للي يعرف عنوانو للفرح يبعتنياه
هه
​

 

[Yara]

حبوب: لك فرحانة شايفة شو كترانة الفرمانات هون

فرحانة: لكن مو شايفة انا لشايفة لسا فرمان رايح فرمان جاية شي لعيون شي لأنف

شي مدري لمين

حبوب: قولتك معقول يصير انقلاب

فرحانة: لا لا ما بظن لك السلطان هون يا دوب يفرمت جهازو شو بدو يوصلو للانقلاب

حبوب: لك انتي ليش دايما حاطة نئرك من نئر السلطان والقائم مقام

كلو لانو ما جبلكن تياب عالعيد وعطاكن عيادي

فرحانة: لا مو لانو هيك بالعكس ليكو عزلنا المكان كلو ودوكرلنا ياه

ع اخر طرز وصرنا منمسح رجلينا قبل ما نفوت

حبوب: اي بس ما عطاكن عيدية بالاعياد

فرحانة: اي بس يا ذكي جبلنا..بواط..تشكيلة بواط

ربيع والوردة والمسافر ..كيفكن فيا هي؟؟

حبوب: بواط ؟؟
​