بيلسانيات..!!

[دموع الورد]

اييييييييييييييييييه ولسا الله يستر من الجاية
​

 

[Yara]

حبوب: يا الله احترقوا احترقوا هفف من هالحظ يا ضيعان تعبك

فرحانة: يا لطيف خير خير ان شاء الله مين لاحترق

حبوب: زرعاتي يا فرحانة زرعاتي

فرحانة: ليش انت عندك ارض ؟؟ كيف وشلون ومين حرقا

حبوب: اي ارضي وزرعاتي عالفيس بوك

فرحانة: قلتلي ارضك وزرعاتك ما ..لولا تربيتي المنزلية مو مقيدتني لكنت سمعت

جواب بيعجب خاطرك وخاطر زرعاتك لك اوم قرالك شي بوك مو احسنلك

حبوب: الله عليكي شو دمك خفيف ..ليش انتي ما عندك فيس بوك

فرحانة: والله لساتني متخلفة وما وصلت لمرحلة تطورك الفذ

حبوب: اوف اوف في انسان بالعالم هلئ ما عندو حساب عالفيس بوك

فرحانة: انا وستي ما عنا ..مع انو فكرت ساويلها اكاونت لتصير تفوت تطبخ طبخاتا هونيك

قلت بتغير جو عن المطبخ المعترف عليه وشوي شوي بتفوت بشلة الكافيه وورلد وما حدا بيعرف لاحقاً

يمكن تصير تصطاد سمك..بس يا خوفي تنحرف وتصير تلعب بوكر..ولي


حبوب: لك يحرء حريشك مو معقول مخك وين بيشط ..بس غريب مع انك عايشة

ببلد كلو انفتاح وديموقراطية يعني لا حجب ولا من يحزنون ولا بروكسيات تلعن نفس الفيسبوكيون

فرحانة: ليش وحضرتك مو عايش بديموقراطية

حبوب: وانتي الصادقة ديمقرتورية ..لانها بتبلش بديمقراطية وبتنتهي بديكتاتورية

وهلئ شو يعني ما رح تنضمي للفيس بوك

فرحانة: لك فض من فوك قال فيس بوك
​

 

[ربيــــــع]

حديث اليوم و فكرتو كتير طريفة ....
الفيس بوك لسا في كتير ناس عندهم أراء مختلفة عنو ...
بس متلو متل أي شي تاني سلاح ألو حدين ...
و للأمانة و على الأقل بالنسبة إلي في كتير شغلات استفدتها من الفيس بوك من صفحات و مجموعات و مواقع...و أنو صرلي زمان كتير عندي حساب عالفيس بوك لهلأ ما إجاني منو وجع راس ...

الله يسلم إيديكي مبدعتنا

 

[دموع الورد]

كل شي بهالدنيا سلاح ذو حدين بس المشكلة بالمستخدمين مو بالمواقع نفسها


​

 

[Yara]

حبوب: قولك يا فرحانة ولى زمن الزعماء وما عاد في شي اسمو زعيم

فرحانة: لا لا ما تغلط يا حبوب نحن العرب الزغير والكبير والمقمط بالسرير مفكر حالو

زعيم..هدول زعما الكاني ماني

حبوب: مين الكاني

فرحانة: بدك تسـأل هاني

حبوب: لك ومين هاني

فرحانة: اي مو لاعرف مين الكاني والماني



حبوب: فوتيني بالحيط..ما علينا شايفة شو عم يصير بهالامة العربية متل الغضب المصري اليوم

فرحانة: الشعوب يا حبوب شبعت قهر وفقر وقمع وفساد وزعمائنا سفاحين محترفين

بارهاق كاهل المواطن ولعن سلسفيل سلسفيلو

حبوب: بس مو بالضرورة سقوط نظام يؤدي لسقوط شعب وتصير الساحات مسرح للشغب والدم

فرحانة: للحرية ثمن يا صديقي ..وسحقاً لزعيم يريد ان يمحو ما تبقى من كبريائي

حبوب: يعني معقول يصير بمصر متل ما صار بتونس ويخلعوه لمبارك

فرحانة: بتقول ايه يا روح اومك عاوز حسني يسيب الجمل بما حمل

دا كان يروح فيها يا بابا ..دا قاعد على قلب الشعب

حبوب: مو معقول شعب ضد الحكومة من الاف الازمان ووطني جداً ومقاوم ولا يقبل بالظلم

وواقع تحت رحمة سياسة فاسدة ..بجد مصر تركيبة غريبة

فرحانة: معك حق..شوي بتشوفا حلوة ومرة وشوي شرحة وكئيبة
​

 

[دموع الورد]

اووووووووووووووه ومو بس تونس ومصر لسا الحبل عالجرار

ياما حيصير بكل الدول العربية
​

 

[Chantal]

لك الله يسامحك يافرحانه هولوحدو حسني قاعدعلى قلب شعبه لاوالله
اييييييييييييييييييييييييييييييييييه وآآآآآآآآآآآآآآآآآآآآآآآآآآآخ بيعين الله
الظاهركلهم رح يطلعواااا بعبايه
لك الله يسامحك يافرحانه خلتيني اضحك وأنامالي نفس

 

[فارس بلا جواد]

كثرة الظغط يولد الانفجار

وهيك صار بتونس وبعدها بمصر

​

 

[Yara]

حبوب: يا رايح عالطواحين والمي مقطوعة

فرحانة: شو صاير تغني حبوب افندي ولمين للمي مدري للطواحين

لا تقلي مقطوعة

حبوب: لا لا مو مقطوعة وما عم غنيلا ولا عم غني للطواحين بس عم فش خلقي

فرحانة: اي فش فش شكلو مصاري افش

حبوب: يا صديقتي انا زلمة طفران الجيبة والهيبة وقرفان من البشر والبقر بعيد عن السامعين

فرحانة: احوالك صعبة باينتا اليوم

حبوب: ابداً لكني مستفز وجداً

فرحانة: ومين مستفزك بئا لا تقلي الوضع العربي الراهن والغضب المصري الساطع

عم يتنفسوا حرية يا حبوب شو بدك تمنع عنون الهوا ..شه

حبوب: لك يتنفسوا ليشبعوا اصلا مليت احضر اخبار لانو جابتلي القولون العصبي

فرحانة: لكن شبك مين مستفزك

حبوب: السمايل

فرحانة: السمايل؟؟؟ هاد تبع الشاتات والمسنجرات وما الى هنالك وهناك

حبوب: اي هاد بلحماتو وشحماتو..الكائن الانترنيتي الاصفر لانو كل بني بشر من رفقاتي بيلحشلك ياه مسنجريا

وخدي ع نطاقي الدايل أبي اديش بدو ليفتح ويعلق الجهاز ويحترق نفس لخلفوني

وانا ناطر ناطر ليطلعلي اخر شي سمايل سليب

فرحانة: سليب يعني نايم مالو علاقة بالسليب التاني مشان عقول بعض الناس الخنفشارية ما تروح لبعيد

بس ما بدا كل هالاستفزاز يعني النت عندكن مقبول بالنسبة لكتير دول

حبوب: قلتيلي مقبول ما ..روحي لكن الله يبليكي بهالمقبول لشوفك شو رح تساوي وقتا

فرحانة: عم تدعي علي بيوم الجمعة والملايكة مجتمعة ..الله يسطفل فيك

ويبليك بهستيريا السمك وهي سمايل سلف مشان صدمتك



حبوب: اومي طلعي من راسي وخدي تكسي

فرحانة: وهنا تنتهي فضفضة حبوب الي ما فهمت سببها وفايدتها من عدمها

لكن يظهر لنا ان التحشيش بالفضفضة هو الحل الامثل والفعال لتنفيس البني ادم عن حالو

شيييييييييل
​

 

[Blue Diamond]

رائعة تلك الفضفضة التحشيشية يسلمو
بانتظار المزيد

 

[ربيــــــع]

ترا الحشيش هون أصلي أصلي ....
عنجد يسلمو....

و تعليقاً على المقطع يلي قبلو .... يمكن القهر و الظلم يلي بنفوس بعض الشعوب العربية كانت تحتاج لشخص متل محمد البوعزيزي حتى يشعلها ...
بس أنا مو مستغرب أبدا من عناد حسني مبارك و بقاؤو بالسلطة لهلأ ...لأنو بيعرف حالو شو رح يصير في مجرد أنو يترك الحكم ..
أزا ما حاكمتو المحاكم رح تحاكموا الشعوب و أولهم الشعب المصري و الشعب الفلسطيني ..

 

[Chantal]

والله اللي بشوفوإنو البني آدم العربي ئرفان ومالل من التحشيش بالفضفضه لأنوموحل أمثل ولا فعال .
أنفجروصاريغلي وبيحشش قدام المجنزرات والهروات في الشوارع وبطريقتووماهموشي
يعني ماصاريفضفض عالسكيتي وجوات الحيطان ..
ومبارك شغلتومومطوله عدتنازلي وبيحفظ ماتبقى من ماء وجهو
أي طبعاً هي 3 عقود موحي الله وماحلوه في حقويعمل عملة بن علي
بس إلامايجي فجرجديد وعقبال كل مشتهي عربي حُريااااارب

 

[Yara]

حبوب: لك فرحانة يا هلا يا هلا شو هالغيبة وين كنتي غاطة لا تقوليلي كنتي

عم تغطي احداث ميدان التحرير بمصر

فرحانة: هلا هلا مستر حبوب كيفك

حبوب: انا منيح بس شو قصة هي مستر

فرحانة: والله كنت مشغولة هالفترة عم اعمل احصاء لعدد المسترات

..جمع mr..

بالحارة عنا

حبوب: ضحكتيني والله وليش هالشي

فرحانة: لك مو حاسس بموجة المسترة الهاجمة عالحارة

حبوب: اي وشو طلع معك

فرحانة: خود عندك..مستر اوبس

حبوب: اي عرفتو هاد لبيبحبش عن الاغلاط

فرحانة: مستر محمود الصالح

حبوب: هاد فخامة ما منسترجي نحكي بركي شاطنا ترى حريف فطابول

فرحانة: ومستر رامي

حبوب: لك مو هاد القائم لعاملين ضدو ثورة مشان تغيير النظام وهيك

فرحانة: هو بذاتو

حبوب: دخلك وليش هالمظاهرات ضدو شو هي اخطائو

فرحانة: اذا بقلك ما بتجيب سيرة لحدا

حبوب: لا لا احكي سرك ببير

فرحانة: املائية

حبوب: شو هاد


فرحانة: لك اي اخطائو املائية وبيبلع نص الكلمات وما بيجيب لشعبو تياب العيد

ولا بيعايدهون ولا من يحزنون ..والله يستر من الجاية خلص خلص لا تخليني احكي بيطير فيها رقاب بعدين

حبوب: ماشي ماشي والله تاري القصة كبيرة لك فرحانة

فرحانة: مِس فرحانة لو سمحت

حبوب: اوف وليش بئا شو انضميتي لقائمة المسزات والمسترات

فرحانة: ما حدا احسن من حدا

حبوب: طيب باركتيلنا بفك الحظر عن اليوتيوب والفيسبوك

من شدة الفرحة يوم لدريت بكيت عيوني

فرحانة: اي ريتو الف مبروك ..هلئ صار فيكون تقولو ان الحكومة عطت الثقة للشعب

حبوب: شلون يعني

فرحانة: بلاها هي الشلون مشان ما تفوت بالحيط

حبوب: آآآه فهمت عليكي فهمت عليكي خلص استرينا

فرحانة: سترتك ..وبهالمناسبة ريتو الف مبروك كمان زيادة رواتبكم 17 بالمية دعماً من الحكومة

طيرررررررررررررررررررررررررررررر
​

 

[عكــ البيلسان ــيد]

طيررررررررررر وعَلّي يا حمام
فوق رووس مساترنا
لك اخدو الريح واخدو الضو
ومابئي غير اللي علينا ساترنا

حبوب ئلها لفرحانة مابئى تغيب وتتركنا
منخاف بغيابها يجي البعبع ياكلنا
​

 

[KiNg of Pc]

اكثر من رائع ولو في وصف اكبر من هلالكلمة لوصفتها فيها
شكراً....
​

 

[جمانة]

و انا لحد هلئ كنت عم بجهل سبب ثورتي ع القائم
كتر خيرك فرحانة
​

 

[همسة]

يــارا...​

هنا قد اطلقتِ الكلمات ومعانيها ​

نرجمنا .. وتداوينا
تنقدنا..... وتواسينا​

وتحكي مآسينا​

فــ حياتنا كــ اغنية..​

وما جدوى اغانينا​

وليل الصمت يخنقنا​

ويبكينا.. ويضنينا
يــارا ..
لطشاتكِ يعجز الكلام عن وصف روعتها
ودي وتقديري لابداعكِ اللا متناهي
متابعة وبشغف​

​

 

[دموع الورد]

​

 

[عكــ البيلسان ــيد]

لح حبووووووب معئول انت يازلمة
فرحانة صرلها 11 يوم غايبة
ما بتئول وينها ولا بتكلف خاطرك
تسأل شو صاير معها
لك بركي سلتت بشي مظاهرة
وبلش تصرخ بهالشعارات
اذا كانت الئصة شغلة شعارات
لح جبلك البيلسانيين
يهتفوا
الشعب يريد فرحانة الان
بئى لحئ حالك ئبل ما تصير ثورة ها

درمل وشفلنا الوضع ع السريــــــــع
​

 

[شام حبيبت قلبي]

موضوعك جميل ويلفت النظر وانا متابعه