مكالمة مجهول غيرت حياتي ( أول رواية من تأليفي)

[STELLA]

يسلموا

الله يسلمك يارب
​

حلوة كتير :10:
انتظر الكمالة ...لاتطولي

يحلي ايامك ربي

ميرسي على متابعتك

ومازال الانتظار مستمراًً ستولة
لا تطولي علينااا

أمرك معلم شادي مالح طول

نورت

أنا في انتظاااااااااااارك مليييييييييييييييييت
أنا في انتظارككك ملللللللييييييييييييييت

​

​

​

 

[STELLA]

حلوة كتير وبتشد الأعصاب

بس ليش مو نازلة الكمالة
بووووووووووز
ناطرين وما رح نتركك بحالك
متل سمور
وراكي وراكي لتبقي البحصة
يعني تكملي القصة
:19::19::19::19:​

ه ميمو


خلص بكمل بكمل


قريبا لح نزل الجزء الي بعدو


نورت ​

 

[جمانة]

بتجنننننننننن
يلا ستيلا و طوليلنا الاجزاء شوي :10:​

 

[STELLA]

بتجنننننننننن


يلا ستيلا و طوليلنا الاجزاء شوي :10:​

مرورك الي بجنن تؤبشيني

يلا لح نزل الجزء​

 

[STELLA]

صارت تدعي ربها انو ما يكون الكرسي الي حدها فاضي .. لانو لح يئعد حدها بدون شك ... طلعت ولا بتلائي الكرسي حد يزن فاضي .. ئعدت حدو .. ولا بيطلع مقعد قصي بالكرسي الي مقابيلها ... مشي الباص وطول الرحلة نازلة طئ حنك زينة مع يزن وكل شوي بتلتفت على سعاد وجميله وشي ع علاء ومجد ...
وئف الباص ع استراحه .. ونزلوا كل الطلاب .. الي دخل ع الاستراحه وطلب شي والي عم يتمشى بالحديقة الي حد الاستراحه والي واقف حد الباص .. كانت زينة واقفة مع الشلة قريب من باب الاستراحه ولا برن موبايلها .. ع الصدفة بكون قصي عم يمشي من حدون وحاطط موبايلو على ادنو .. ئبل ما تشوف من مين الاتصال حسبت انو هو ... طلعت الموبايل من شنطتها ولا سمر .. بترد عليها
_ هلا سمووور كيفك ؟؟
_ الحمد لله ..طمنيني كيف الرحلة؟
_ والله مو حلوة كتير من دونك
_ يعني حلوة شوي ... ه
_ ما أغلظك .. ما بتفوتي شي عليكي .. صحي كيفا أمك ؟؟
_ ماشي حالها أحسن من أول .. كيفو حبيب القلب قصي ؟؟؟ .. صارت تضحك من قلبها
قالت زينة بغيظ _ بس شوفك .. سدئيني بدي نتفك على هالحكي .. مو ع أساس كوني حذرة ومدري شو .. هلئ عملتيه حبيب القلب
قالت زينة هي العبارة وهي عم تبعد عن الشلة وتوطي صوتها لانو ما بدها حدا يعرف بالقصة
_ أي كل شي بصير .. شو بدك أحلا وأحسن من قصي لتحبيه ؟
_ قصي قصي قصي صرعتيني بهالاسم ....
_ يمكن بكرى أجي لعندكم
_ جد
_ أي والله امي ما عاد فيها شي .. بس بضل معها اليوم وبكرى بنزل بتطمن عليها أكتر
_ مشان تحلى الرحلة بوجودك
_ مشان شوف وضعك مع قصي ... قالت هي العبارة مشان تستفز زينة
_ ياربي من قصي .... قالت العبارة بعصبية كبيرة
قصي : عفوا ناديتيني ؟
زينة تلبكت لانو وهي عم تحكي مع سمر كانت عم تمشي وما لاحظت أنو قصي قدامها وهي عم تئول اسم قصي بصوت عالي ئام انتبه عليها ئالتلو بصوت متقطع ومتلبك
_ لا كنت عم بحكي بالموبايل
قصي: اه طيب سوري .. بس لأنو اسمي قصي حسبتك ندهتيلي
_ لا لا أبدا .. عن أذنك
كملت حكي مع سمر وخبرتا بالي صار .. وطبعا سمرما لح تفوت على حالها فرصة انو تضحك على الموقف بكل عفوية ومن قلب ... سكرت زينة الموبايل وكانت عم تمشي مشان ترجع لعند الشله .. احمر وجها من الاحراج وئت شافت قصي عم يتطلع عليها من بعيد وكانت نظراتو حنونة وبعيونو في حكي كتير ... تزكرت الموقف وكيف صرخت بأسمو لما كان هو حدا زاد احراجها وخجلها منو
طلعوا ع الباص وكلموا الرحلة .. بيلتفت قصي على يزن وبقلو ..
_ صباح الخير
_ صباح النور
_ عندك سكيارة ؟
_ لا والله حبيب ما بدخن أنا
_ طيب عندك اركيلة
_ أي احلا اركيلة لعيونك بس نوصل ع الشط
_ عيوني الك تسلم
قصي حب يدخل بجو الشله شوي شوي .. مشان يتقرب من زينة فكان انسب حل أنو يتقرب من الشباب أول بعدين بيتقرب من زينة ...
زينة استغربت منو كيف طلب سيكارة وبعدين طلب اركيلة انو شو هالوقاحه الي فيه حست حالها بلشت تعصب من وجودو بالمقعد الي قدامها وئالت بصوت مستنكر ومستهزء
_ التدخين مضر بالصحه
قصي : مين ئال ؟
زينة : الطب هيك قال .. شو ما عند اطلاع ؟
قصي: أمبلا أنا يلي عندي اطلاع ... بس التدخين مضر على يلي بدخن
قاطعتو زينة ...
زينة : وعلى الحواليه كمان
قصي : صح .. كنت بدي كمل عبارتي لو ما انتي قاطعتيني
حست زينة الدم وصل لراسها من هالشب المغرور .. وئالت بنبره حاده
_ بعتزر
قصي : ولا يهمك زينة .. أنا أصلا ما بدخن
زينة انصدمت من عبارتو .. كيف ما بدخن وطلب اركيلة .. بهي الاسثناء كان يزن ملتهي بالحكي مع مجد وعلاء وما كتير اخد بالو بالحكي الي عم بصير بين زينة وقصي .. بيعرف زينة بتحكي مع كتير عالم وبتدخل معون بالجو .. هيك نظام شلتون انون ما بصدوا حدا
ردت عليه زينة بأستغراب : كيف طلبت من شوي سيكارة ؟ وكيف عرفت بأسمي ؟
قصي : حبيت اتعرف ع الشب الي قاعد حدك باين عليه ظريف ... بالنسبة لأسمك رفقاتك طول الوقت عم يحكوا معك وبنادولك بأسمك .. يعني من الطبيعي اعرف ..
كمل حكي بنبرة حادة وواثقة : طبعا الي عندو نبيه بس هو يلي بلاحظ أكتر من غيرو
زينة بدون نفس : بهنيك على هالقوة الملاحظة
قصي بثقة : شكرا
حست زينة الدنيا عم تدور فيها .. وحست كل عرق فيها عم ينتفض من التعصيب .. بس حاولت ما تبين هالشي لقصي .. لأنو ما بدا تبين ئدامو أنها ضعيفة أو متلبكه أو يبان عليها أي اضطراب
حاولت تبلع ريقا وتئول بصوت واثق ..
_ العفو ما ئلت شي بيستاهل الشكر
ابتسم قصي .. وما رد عليها .. كانت ابتاسمتو كافيه بالرد .. كملت حكي زينة
_ عن اذنك .. وفرصة سعيدة
كانت عم تئول بقلبا ... تعسيه كتير ... يا الله شو بكرهك
مد أيدي قصي _ وأنا أسعد أنسة زينة
ترددت كتير بأنو تمد أيدها وتسلم عليه .. حست أنو ما حلوة بحقها ما تسلم .. مدت أيدها وصافحتو لقصي .. حست بدفا أيدو لما لمست ايدها .. كانت ايدها من التلبك عرقانه .. حاولت انها تسحب ايدها بسرعه ..
وهي قاعدة عم تطلع من الشباك .. رفعت ايدها وحطت راحت كفها على انفها ... فتحت عيونها وئت شمت ريحة عطر قصي طالعه على ايدها لما صافحها .. كانت الريحه مميزة .. واختيارو راقي جدا .. بس حست من جواها بالعصبيه .. انو هي عم تهرب منو وبتكرهو .. وعم تلاقيه بالصدفة بأدق الاشياء بحياتها .. مسكت محرمه وحاولت انها تروح الريحه من ايديها ... بيس عبث .. كانت الريحه مركزة واقوى مما كانت بتتخيل .. قرتت انها اول ما توصل ع الشاليه تغسل ايدها مشان تتخصل من ريحة عطرو .. كملت طريق الرحلة بهدوء .. وهي عم تتفرج من الشباك وحاطه سماعات الام بي ثري mb3 بأدنيها .. وعم تسمع أغاني رومنسيه وهادية .. اخدتها بجو تاني




​

يتبـــــــــــــــــــــــــــــــــع



​

 

[الوعد السوري]

يا عيني عليكي يا ستيلا
شو هالابداع الله يخليلنا هالقلم
ويحمي صاحبتو
والشعب بانتظار البقية ​

 

[Pure Feelings]

عنجد كمليا ضغري
بدون اجزاء

 

[جمانة]

لك اي اي بدون اجزاء يلا ام السوس ​

 

[ضجيج الصمت]

يا سلاااااااااااااااااااااام شو هاد شي رائع والله ... أفكار ممتازة وترابط جيد واهتمام بأدق التفاصيل الله يعطيكي العافية ... أحسنت والى الأمام يا بطله..!

أنا بالانتظار​

 

[the loOord]

ستيلا سوووووووووووووووووووووووري بس والله كان مشمع المحل واليوم حتى فتح واول شي عملتو فتت شوف الئصة لانو بجد بتعئد وبترفع الراس وتسلميلنا وتضلي تنوري المنتدى بقلمك

 

[آلبتول]

ييييييييييي كلما بتحلووو اكثر
عن جد شوقتني كثيييييييييير للبقيه
يلا ناطرين على ناااااااااار
​

 

[سيمو ياسمين الشام]

واوووووو تسلميلي يا غالية على تفكيرك
دخلك ؟؟؟ إيمتى حتحني علينا وتبعتي الكمالة؟
مستنيتك لا تطولي!! شنو الطبخة ع النار وما بعرف أطبخ
كلها ع بعضها زيارة الجيران بدها تلت ساعة هه
​

 

[STELLA]

يا عيني عليكي يا ستيلا

شو هالابداع الله يخليلنا هالقلم
ويحمي صاحبتو

والشعب بانتظار البقية ​

والله لا يحرمني من هالمرور الي بجنن

ابداعي ولا شي حد ابداع قلمك

ميرسي لمرورك الغالي​

 

[STELLA]

عنجد كمليا ضغري
بدون اجزاء

شو بدون اجزاء تؤبشيني

طووووويلة كتير

ما بيمشي الحال بدون اجزاء:19:

نورتي​

 

[STELLA]

لك اي اي بدون اجزاء يلا ام السوس ​

ليكو التانية ليكو

:19::19::19:

يخليلي اياكي​

 

[► Mr.Rami ◄]

_ ياربي من قصي .... قالت العبارة بعصبية كبيرة
قصي : عفوا ناديتيني ؟
زينة تلبكت لانو وهي عم تحكي مع سمر كانت عم تمشي وما لاحظت أنو قصي قدامها وهي عم تئول اسم قصي بصوت عالي ئام انتبه عليها ئالتلو بصوت متقطع ومتلبك
_ لا كنت عم بحكي بالموبايل
قصي: اه طيب سوري .. بس لأنو اسمي قصي حسبتك ندهتيلي
_ لا لا أبدا .. عن أذنك

هه

:19::19:

ملعوبة

وهي قاعدة عم تطلع من الشباك .. رفعت ايدها وحطت راحت كفها على انفها ... فتحت عيونها وئت شمت ريحة عطر قصي طالعه على ايدها لما صافحها .. كانت الريحه مميزة .. واختيارو راقي جدا .. بس حست من جواها بالعصبيه .. انو هي عم تهرب منو وبتكرهو .. وعم تلاقيه بالصدفة بأدق الاشياء بحياتها .. مسكت محرمه وحاولت انها تروح الريحه من ايديها ... بيس عبث .. كانت الريحه مركزة واقوى مما كانت بتتخيل .. قرتت انها اول ما توصل ع الشاليه تغسل ايدها مشان تتخصل من ريحة عطرو .. كملت طريق الرحلة بهدوء .. وهي عم تتفرج من الشباك وحاطه سماعات الام بي ثري mb3 بأدنيها .. وعم تسمع أغاني رومنسيه وهادية .. اخدتها بجو تاني

أكتر حاجة بحبها فيكي هي دي :10:

أه هي دي :10:

طيـــــــــــــ بة قلبك :10:

الله عليكي
​

 

[STELLA]

يا سلاااااااااااااااااااااام شو هاد شي رائع والله ... أفكار ممتازة وترابط جيد واهتمام بأدق التفاصيل الله يعطيكي العافية ... أحسنت والى الأمام يا بطله..!​

أنا بالانتظار​

الله يعافيك


وشكرا كتير لمرورك ومتابعتك


ودي​

 

[STELLA]

ستيلا سوووووووووووووووووووووووري بس والله كان مشمع المحل واليوم حتى فتح واول شي عملتو فتت شوف الئصة لانو بجد بتعئد وبترفع الراس وتسلميلنا وتضلي تنوري المنتدى بقلمك

ولا يهمك مهند بعرف عزرك انا

وامتى ما فضيت شيك ع القصة ... على حسابك الموضوع كلو

المنتدى منور فيك وبالأعضاء الحلوين


​

 

[سِدْرَة المُنتَهَى]

مرررة حلوة
لاتطولي علينا ​

 

[STELLA]

ستيلا سوووووووووووووووووووووووري بس والله كان مشمع المحل واليوم حتى فتح واول شي عملتو فتت شوف الئصة لانو بجد بتعئد وبترفع الراس وتسلميلنا وتضلي تنوري المنتدى بقلمك

ولا يهمك مهند أنا عازرتك وبعرف وضعك

والمنتدى منور فيك وبالاعضاء الحلوين

ميرسي لمرورك ​